YanTungChoy的个人专页

坦白講好少比差評，都好少寫食評，但今次真心好嬲😡本來好地地同父母飲早茶，餐廳通道放滿晒推車同污糟碗，個畫面非常噁心🤮都算啦我見有阿姐經過想推車，企定定係度等佢過，點知突然有另一個侍應撞埋黎，非常大隻手肘撞埋腰度，撞完仲踩左一腳💥💥💥💥我件衫都比佢揩到少少污跡🫠本身諗住佢講句sorry就算，抬頭望番撞埋黎嘅人，點知‼️撞完人嘅侍應同我對視左三秒，突然以極浮誇嘅演技係度叫，仲要掂住唔係撞到我個邊雪雪聲扮痛…….🤯大佬我飲茶啫，你自己通道放滿雜物，我都好好耐性等你d車過啦…..終於明白點解咁多人掂到少少即刻破口大罵，原來你唔同侍應計較，人地會屈番你轉頭，幾驚佢要我比番醫藥費轉頭….🤯如果有人見到呢個post就睇路啦，鐘意比人屈體驗下貼錢買難受去多d🫠🫠🫠🫠…查看更多

身為食肉獸，最愛四處搜尋平靚正的牛排餐🥩但優質牛排餐價錢昂貴，總讓我的荷包落淚，聽聞荃灣這家小店的排餐性價比不錯，便來試試☺️🍖香煎澳洲肉眼牛排配薯菜牛排甫上桌，精緻的擺盤便教我們眼前一亮。點了五成熟的牛排，剛好不會滿是血水，肉質軟稔，朋友說牛排缺點肉味，但整體而言已是不錯，屬性價比之選🫶🏻🍝鹽燒牛舌伴挪威三文魚意粉這份意粉著實叫人驚喜🫶🏻牛舌煎得外脆內軟，咬下去濺出濃濃鮮味的肉汁，牛舌的肉質鮮爽，和常脆的冰鮮薄片完全不同，三文魚也是鮮香可口，教人一吃便上癮🤩這家小店最加分的是店員十分友善，常會查看我們的需要，在其他餐廳被人冷待得多，可真受寵若驚🤣…查看更多

其實從未寫過openrice，但今次真係太嬲，令我忍唔住要寫低呢次經歷。之前我一直都好鍾意去茶井買野飲，幾乎每日都飲一杯，佢地出嘅集印卡我都一直有儲印仔，有時無帶印仔卡要左張新嘅，店員都同我講話可以新舊兩張合起來用。個日我如常去到鋪頭買野飲，出示兩張印仔卡，點知女店員淨係攞起一張，粗聲粗氣咁話你未儲夠，我實在知道香港做服務業都辛苦，於是好有耐性咁同佢解釋我想兩張合起來用，但佢一路好似聽唔明一樣，不停同我講我其中一張卡未儲夠，最後我終於解釋到佢明想兩張合起來用，佢又非常大聲、無禮貌地話：你咁搵著數我真係唔知得唔得！你咁樣架咩...我呢下真係火都黎，但都忍住左，只係話想問清楚佢地嘅印仔卡到底新舊可唔可以一齊用，因為公司同事知我鍾意，幫我儲起左好幾張。後來，入面一位同事出黎，佢睇到其中一張卡過左期，而呢樣野係同我講左接近20分鐘嘅女店員從未發現，從未提過的，不過ok我接受，同行嘅人亦已經唔耐煩，所以我地就離開算。但其實我只係想知道新舊合起來用唔用到，你話有一張過期，我完全無問題，亦唔在意今次用唔到個優惠，但我唔明個印仔卡你地比，話可以合起來用係你地，我如何搵你地著數，就為左一杯奶茶？我已經掉晒個D搵你地著數嘅印仔卡，附近呢排都開左其他新茶飲店，無謂無端比人侮辱一番。…查看更多