本身和朋友想揾個地方食個快嘅lunch，見佢幾多人喺度食緊，而朋友食過美孚分店話ok，咁連鎖嘅應該唔會太差就入去啦。叫左嘢，第一樣嚟嘅係凍抹茶牛奶，一飲，嘩點解會咁難飲咁嘅味嘅？成杯嘢係用代糖嚟做甜味，仲要係好甜。嗰種甜令人好反感好想嘔，飲每一啖最後仲會苦苦地，朋友話之前飲過唔係咁嘅！結果兩杯幾乎冇乜飲過擺埋一邊算數。(呢兩杯每杯跟餐要加12蚊）跟餐迷你火腿通（圖左），三啖左右份量，味道不過不失。咖哩漢堡扒飯 68本來唔諗住影相…塊炒蛋好行貨，有少少奶味但冇滑嘅口感，係成塊熟蛋。漢堡扒ok，熱嘅，味道唔錯。飯就真係幾硬，好乾，隔夜飯嘅口感。最正係個汁，好似日式超市賣一磚磚嗰啲煮開，已經冇乜料喺裡面，質地水流流，仲要俾好少汁！喺圖中睇唔到其實係好淺，撈啲硬飯都唔夠撈，真係… 俾多啲汁唔洗咁姑寒啊？呢碟嘢68堅唔抵！朋友叫嘅漢堡扒炒蛋多士餐，蛋係一樣唔滑其餘尚算正常，唔難食當佢pass就算了。但一般茶記都好食過佢咁囉。如果好好好鐘意飲代糖嘅朋友，應該可以嚟。…查看更多
