大食型的个人专页

今日同大佬細妹一齊去奧海城別府食lunch, 真係食到一頭大汗一行三人, 我地order 左以下食物福岡明太子高菜鵝肝三文魚石頭炒飯其實真係好普通的炒飯。$60唔會expect鵝肝會好大舊, 細細一粒, 都尚可畀我地三個人好淺嘗。鵝肝煎過幾香口, 都幾好味的。至於d飯, 唔係好多明太子& 熟三文魚肉。最感覺到係有炒蛋&好似雪菜的高菜。份量唔錯, 三個人每人分到一碗飯火地獄拉麵(二辣)一般之作。因為細妹唔係好食得辣, 所以要左二辣。二辣的感覺似食辛辣麵的辣。麵同牛肉, 其實同一般日式食肆都冇咩分別。牛肉份量適中。鐵板迷你土佐豆腐豆腐滑。炸得幾香口酥脆。當然因為炸的關係所以油多左些, 但可接受的。我覺得不妨一試。鐵板蒜片墨魚咀墨魚咀爽脆, 咸咸地, 幾好味。蒜片變左身成為洋蔥絲, 對我地黎講問題唔大。份量唔算多, 小食的份量。壽司盛 (松)以為係餐廳食冇咁容易中伏, 點知都係中左。壽司飯暖暖的, 一夾就散。軍艦壽司的紫菜濕濕地, "un un"地。真係同城中某間"有名"的壽司店有得fight. 還好壽司上的魚生都可以。天婦羅蝦加州卷(3件)上桌時有少少surprise的, 因為都幾大件。但飯都係一樣暖, 易散的。炸蝦都唔錯。環境方面, 清潔衛生幾好, 最差係唔夠冷氣, 食左一陣已經流大汗, 好熱。有食客坐近窗, 中午時陽光照入餐廳, 更熱。我地仲聽到某員工經過時都話好熱。可想像其實真係熱。至於服務方面, 希望員工多d 留意小偏廳那四檯食客。我地order 野食, 埋單都花左蠻多時間搵staff。 …查看更多

當日我同個妹去左買書加埋行街, 行行下諗起奧海城有個food court (上次去奧海城既food court都已經係幾年前lu~) 加上又有d 餓餓地, 所以就一齊去food court 食野比起舊時, food court 的環境的確好好多, 令我食野既心情都好d。行個round睇下有咩食時, 極喜歡食韓國餐既我見到Korea House 就叮一聲要一試lei間的韓食。我要左一個下午茶餐: 迷你石鍋牛肉飯迷你石鍋牛肉飯比起其他店既石鍋牛肉飯真係好迷你, 但作為下午茶呢個份量幾好。個飯賣相唔吸引。有椰菜, 但好似烚得太耐, 過腍。牛肉略甜, 還可以的。飯比較爛, 感覺麻麻地, 好多飯"痴" 係個石鍋到, 好難刮出黎食飯焦, 我覺得係因為佢provide 既食具係塑膠的, 如果係stainless steel 的話, 我估會好好多。得意既係唔知點解會加左紫菜絲同埋韓式燒烤醬, 之前食過既石鍋飯都未試過, 第一次食....感覺..... 怪怪地, 我唔多鍾意, 用韓式辣醬會好好多。我知道$23唔可以要求得太多, 但我覺得可以做好d, at least, d飯唔好爛先。…查看更多

同一班朋友一齊係旺角附近行街行到晚上七點幾, 肚餓了, 一齊去搵食。本身冇諗過要食d咩野, 就係見到附近有間漢和, 大家都冇咩異議, 就一齊上去韓燒一番。其實我之前都去過其他分店既漢和, 覺得整體都ok的。同埋有時又睇下其他食家既食評, 老老實實, 我唔會話有d咩好高既期望, 都係平常心, 至在去燒下燒下過下韓燒癮。上到去, 原本以為好多人等位 (因為話曬都係星期日ma~), 原本唔使等, 哈哈, 一去到就有得食, 正!! 呢間漢和比我既感覺好好, 環境舒適, 乾淨, 人都幾多, 但油煙味唔重, 桌面餐具都好乾淨。同其他分店比較, 我會比呢間高分d, 唔錯唔錯~~食物方面, 同其他其實店差唔多。種類多, 要燒既果d生料都係豬, 牛, 羊, 雞, 魚。但我就特別讚一讚咖哩雞脾肉, 真係好入味, 燒出黎好香, 食落去好味, 食左唔少。而羊肉唔會羶, 仲好香好好味。除左肉, 都有一定份量既菜 & 菇類, 當中以燒茄子 & 鮮冬菇最合我&班friend 既心水。而食物都refill 得好快, 好多時都見到有人refill, 一盤盤滿滿既食物, 呵呵~~ 感覺良好~~熟食方面都唔錯。呵呵~ 見到有白焯蝦! 以前食韓燒都未遇過有白焯蝦! 仲有西蘭花, 薑醋, 炒飯等等。特別一提係果度既人蔘雞湯, 真係俾10 個good 佢。初初見到都好多人去"畢" 黎飲, 好奇心想試下, 原來真係好好味, 蔘味濃, 湯渣見到有ok 多既蔘仔, 好味!! ^^ 冷食方面, 泡菜我唔建議食, 味道有d怪, 酸瓜唔夠爽脆, 可以一試的係d 芽菜。見到有salad 吧既東西, 但我冇食過, 唔評論。有sushi 同三文魚刺身, 三文魚刺身都好受歡迎, 好多人都有拎 (當然我地都有la~ ), 但拎極都仲有, 我估應該都有不停refill的。刺身都唔錯~~ 百多元一個人任食, 唔好要求有好高既質數。Dessert 見到有豆腐花, 西米露, 西瓜, 火龍果, 橙, 馬豆糕, 芒果pudding, 雪糕等。我就食左西瓜, 感覺良好。Staff 都ok, 冇點覺有咩黑口黑面。叫佢地幫忙換燒盤都好樂意。我地食到咁上下時間有人叫我地先埋單, 態度ok, 埋單之後我地仲坐左一段時間都冇催我地, 可能暫時未有人等位。Overall黎講呢間漢和比我去過其他分店既漢和好, 如果水準keep 住甚至好左, 我會再去食過。…查看更多

其實之前一月的時候我都同同學一齊食過lei間, 印象幾好所以再黎雖然今次自己一個去食, 但仍然好enjoy :)一入去的時候有人笑笑口, 用韓文同我say hello, 問我幾多個人, 幾好幾好 ^^當時雖然lunch time, 但樓下人唔多, 樓上就唔知, 環境清潔又企理, 舒服坐低之後有熱辣辣的茶飲, 仲成壺放係度比我飲, 正好口喝, 啱我我只係叫左一個石頭鍋飯我知道有前菜的, 但我估會少d, 因為聽過friend 講有d 地方會睇你幾多人食而比幾多碟你上次一行四人比六碟我地, 我估我自己一個會少d....結果佢都係比六碟我, 碟碟都ok 多, 有驚喜 ^^六碟包括兩碟泡菜 (兩種菜), 一碟菠菜+豆芽, 一碟水果沙律, 一碟薯仔, 一碟蒜蓉西蘭花我個人最buy 泡菜, 因為我愛辣..... 其他都ok 的....清清地, 做前菜幾好 ^^石頭鍋飯到la~~ 嘩! 聽到d "zi zi" 聲令我更期待lei 個飯店員好好咁問我要幾多辣醬, 仲幫我撈埋, good~石頭飯熱辣辣, 肉唔多 (定係冇呢, lei點唔多記得 ) 但成個飯依然好食, 幾健康飯香! 唔會過咸!! 可能我都ok 食得辣, 所以雖然我叫店員加曬d醬, 但我覺得味道好好, 唔太辣因為d飯好熱, 所以我都食左好耐, 好彩冇催我姐 ^^食到最後有飯焦啊, 唔太燶, 脆卜卜, 好味跟埋飯上的有一小碗湯, 好似海帶湯.....海帶三四片, 有好微量的肉碎.....我覺得湯就麻麻地. 味精湯???? 我覺得似....同埋唔係好熱, 暖暖地...... 熱d會好d.....仲想一提....店內不停播韓文歌, k-pop!!我都係ok 留意k-pop的人, 播d歌都好hit, 好近期, 出道冇幾耐的組合的歌都有 一路食一路聽好開心 ^^ 音樂聲量唔大, 所以我覺得有d朋友想要一個靜d既環境食野的話都ok ga 價錢方面, 綜合環境, service, 食物等, 我覺得係值得的所以我會再去食的 …查看更多