aimee redwine的个人专页

20/07/2024去將軍澳調景嶺彩明商場嘅「茶餘飯後」食晚餐，我哋兩個叫咗個二人餐，分別嗌咗椒鹽鮮魷同小炒王（因為見到隔籬嗰碟炒得好靚好多料，之後問左侍應係咪小炒王先落單），跟住上咗湯同嘢飲之後就嚟錯左個尖椒腩片，之後同番侍應講佢落錯單，搞左一陣之後換番單，然後椒鹽鮮魷嚟⋯嘩！成浸油溢味！我完全睇唔出佢係椒鹽鮮魷？！一係炸過龍，一係番炸，仲有D炸粒係凍！咁嘅樣，完全以為自己食緊第二樣嘢，仲要係食緊碟返炸又番炸嘅油溢野！咁我都忍佢🥹之後終於嚟小炒王，嘩！仲嚇死我😳呢碟叫小炒王？幾條西芹油淋淋上邊撻兩條老魷再加幾粒鹹到不得了嘅蝦米，難食到嘔又鹹又油😤而且完全唔係小炒王！連啲腰果都係淋🥲好作嘔🥹跟住見到經理行過忍唔住同佢講話啲食物質素真係好差，我話：「唔緊要我係同你反映啫，錢我照俾。」跟住個經理就即刻發爛渣話唔啱食就換，又話從來冇人投訴過，就收咗兩碟餸，跟住再叫我哋再嗌過！佢係非常之大聲呼呼喝喝，我話你可唔可以細聲啲我唔係聾嘅，佢話「我係咁㗎啦！」咁跟住我話咁你俾個餐牌我啦，佢話喺呢度㗎啦！我話咁你推介我啦，費事一陣間嗌返嚟又話係咁㗎啦😤佢話咁咕嚕肉囉，而且仲專登越嚟越大聲，跟住我終於忍唔住大聲番過佢，然後佢就話使唔使咁大聲，我話你咁大聲我唔大聲驚你聽唔到🤣跟住我就話唔食啦！買單走人啦，之後佢仲喺度呼呼喝喝又話唔使嚟俾錢，不過我哋照樣俾錢。之後去廁所行過離遠仲聽度佢係度鬧緊！我忍唔住行返入去睇返究竟佢叫咩名，原來係叫唐X 鷹經理，跟住我問佢攞返張單收據。再之後，今日我上OpenRice一睇⋯嘩！！！原來好多人投訴佢哋食物質素同埋啲服務態度差！尤其是個經理非常之差，唔明白點解個經理仲可以生存咗喺呢間餐廳咁耐？同埋啲食物質素比人投訴咁耐仍然都冇改善？…查看更多

我最鐘意食麻辣嘅湯底，成曰周圍搵嚟食，尤其飲洒後即晩或第二曰食麻辣湯底嘅面，我個胃先覺舒服啲！嗱！平時我就食開雞絲墨丸麻辣米缐（大辣吾該😚），不過今曰心情靚又比較餓，所以叫豪啲，今曰系肥牛炸雞翼麻辣米缐（又系大辣😚✌️)。點解我話豪啲呢，因為不同配料組合不同價銭啊！今日系下午茶set,價值37大洋（連凍飲一杯）。呢度湯底麻辣得來又不太油，麻辣味夠香而不會太辣，我成碗湯飲唒都冇問題！呢度雞冀系即叫即炸夠香脆，肥牛吾會系呑吾到嗰啲，至於平時食開有嘅雞絲墨丸就正常貨色啦！不過美中不足是我始終覺得他們份量太少，而又冇得加底，下午茶可以，正lunch我就唔夠飽啦！另外，呢度系有賣一瓶瓶的麻辣醬和辣椒油，大家喜歡可以買回家食，我不嬲有買開，不過最好味始終系度食，可能湯底都好大原因。😋…查看更多