milking的个人专页

推住坐輪椅亞媽，諗住間野系地鋪，仲系佢門口研究緊好唔好入去飲茶，點知收錢條斜眼服務員開門，用好巴閉既語氣話： 輪椅沒位入，你落地行入來！ 跟住轉頭返去同另一個服務員買外賣，系門口等緊之際，條姐又問我做咩，比張單佢睇等緊外賣已經15分鐘，條姐仲話要等廿分鐘，你唔等就早打電話來外賣，頂你呀！ 我叉知一間甘既鋪仔，呢d 成日有客叫點心都要等甘耐呀，何況我一直等緊，系你見到部輪椅泊系門口覺得人地唔順眼你來盤我即，叫得一個燒賣春卷，芒果布甸，我都未詐型要等廿分鐘，你仲來話我唔打電話系要等，真系唔知咩得罪左呢條姐，呢間野價錢又唔算平，仲要請著d甘既門口狗，幾好食下次都唔會再幫襯…查看更多

先講服務：-1. 母親節前夕要加收30元沒問題，但訂位覆枱都沒講，上到去拿位都沒講，只系睇你好唔好眼見到黏係櫃台張紙先知今日加收30元每位。2. 加價沒問題，外面天時暑熱走廊等位都沒開冷氣，d員工8分鐘前返工咩都未ready 好即刻5pm入座，全部年青散兵，沒熟手，問什麼都不知道，      只識叫等等，等完就沒回音，入座坐成20分鐘都完全未開冷氣，系甘問先有個醒小小既識去開，但都要食足成9個字先feel到有涼風。3. 明明5-7pm 系放題時間，5pm先開始入座，5:30pm就叫你預早埋單，6pm就走來催last call, 但最好笑系我頭round 叫既魚生都未到齊果，      一到7pm就唔清場唔清潔甘不停入下場人客。講到食物仲勁，放題一般都先上生后上熟食架，但佢地就系甘上熟食先，唔追都唔比魚生，辛苦追到第一輪魚生，但叫10款只來7款，仲要d魚生全部系解凍時間唔夠，完全系沒味又凍又硬，仲要切得又細又薄，到第二輪d 魚生仲大鑊，三文魚一直沒來，帶子又系苦既，海膽有陣屎屁味，熟食連最基本雞翼都系鹽都沒落粒，咸都唔咸下，炸年糕一食仲成口油，果碟咩日本和牛系沒牛味又細粒又un, 汁煮牛舌好叔仲要食落好似沒洗干淨甘，即嘔，好恐怖！間野唯一系飲品都算多款式，但用成二百七十幾元一個人食餐食物沒味又凍，室內又沒冷氣，又比人催催貢既放題我就覺得好伏咯😓…查看更多

一直都想試老三，但長沙灣老店又唔就腳，好開心比我發現係旺角有分店，於是拿拿聲約friend試吓，點知好失望咯!! :( :( :( :( :( 先講餐前小吃，鮑汁螺片，味道都ok，但d螺片好淋，沒咬口。:(:(:(我地兩果人叫左半隻老鴨湯，d湯味道都可以，但唔夠濃，有d清，似加左水帶有鴨味既鼓油汁感覺，反而最好味係d煲湯鴨肉。飲左兩碗湯之後服務員就加左d奶白色唔知乜湯比我地開始打火鍋啦! 但係我個人覺得，既然老三係以鴨湯打火鍋聞名，點解甘孤寒唔可以加番鴨湯比人打火鍋呢?? 用其他湯打，甘我不如平平地叫清湯再加碗鴨例湯飲，洗乜特登來幫襯呢?? 因為打出嚟既野都唔會帶有鴨香味，最主要係d湯唔夠濃，根本唔怕會有加番鴨湯打火鍋會過咸既問題發生!!全晚除左呢個湯同牛肉可以叫合格之外，其如全部野都差差地。打火鍋最緊要睇d料新唔新鮮，查實d料全部都算新鮮，但最大問題係味，除左口味之外，仲有一陣"拿"過內臟果陣"怪水味"仍然氣留係度，一入口根本吞唔落。最嬲係果黑牛柏葉，我係牛柏葉fans嚟架麻，次次叫黑牛柏葉都係黑色既，有咩理由來碟唔啡唔白既"黑牛柏葉"來呀，而且仲要同佢切片，點解唔係一梳梳架，果d鬚鬚去晒邊?? 甘樣切一d口感都沒 其如鴨腎反而就厚切到大大粒，如果可以切片，我諗一來可以快d滾熟，而且入口相信都唔會有甘濃烈既內臟腥味咯，又係一吃即吐既食品之一。仲有，雙拼雖然係想每樣吃小小，但都唔好甘嚇人呀，叫碟牛骨髓拼鴨腎，竟然係來左五小片牛骨髓加四粒鴨腎，雖然外面物價上漲，但係個心都係有d戚戚地咯!!係網度見人人都話果醉雞丸ok，但我就唔太like咯，一吃果陣孜然粉味就殺人口，將內藏脹爆酒味都蓋過晒，而且十分咸，又硬，根本唔似雞肉，反而似大陞超市d香腸丸，頂唔住!!  至於d四寶鮫d皮好黏，好淋，沒滑沒爽!! 安格斯牛就不過不失，牛味可以濃d會prefect好多咯!全晚最可取系環境干淨，冷氣夠，免加一!! :):):):):):)…查看更多

我一直都係上OPEN RICE看食評, 從來沒想過會像今日甘寫我人生的第一份食評, 因為我實在是太嬲了 呢間帝廷酒家, 話晒都係屬於酒店的中菜酒家, 竟然叫個什菌浸菜苗, 全碟菜入面D白菜都係爛既, 不是菜頭爛就是D葉爛, 根本搵唔到一條係完好沒缺可以食, 真怪手機沒電唔可以多拍幾幅相比各位睇! 我明白而家最低工資好難請人, 人手流失大, 但尋日又唔係打風沒菜嚟, 我又唔係食緊大排檔, 有咩理由身為一間酒店的中菜酒家可以比碟甘既菜人食, 實在係離晒譜 當我同經理反映, 佢一句SORRY都沒講, 反而用D當我係無中生事既態度來打發我, 真是過份!!…查看更多