tkdlung的个人专页

餐廳的內部環境，整體設計簡約時尚，採用溫暖的燈光與木質地板，營造了舒適的用餐氛圍。牆上的照片可能是一些城市風景，增添了視覺趣味。桌椅間距合理，為顧客提供了足夠的私密空間，適合家庭聚餐或朋友聚會。餐具乾淨整潔，座位寬敞冰櫃中陳列了多種飲品🥤和甜品，如罐裝飲料和果汁，選擇豐富😀食材區乾淨整潔，種類齊全，包括玉米、金針菇、各種丸類和蔬菜，顯示食材新鮮度高。肉類選擇豐富，，牛肉片的切片均勻，油花分布明顯，應該是品質較好的牛肉。在火鍋中涮煮後，呈現出鮮嫩的口感，肉質軟而多汁，適合搭配自選醬料和湯底，感覺一流。可惜侍應上菜沒有交代肉類部位，我不是專家，所以也分不清自己吃了什麼。炸丸外觀呈金黃色，口感酥脆，還有海鮮類和港式點心選擇種類繁多，最尾點了港式點心，可惜沒有上菜，但是已經吃飽了，所以也沒有要求跟進甜品方面指米糊和法式布甸超級好食另外仲有Häagen-Dazs雪糕10分出色總結：這家餐廳的環境乾淨整潔，食材新鮮且選擇豐富，無論是湯底的多樣性還是配菜的品質，都能滿足不同顧客的需求。環境評分可以給到7/10，而食物的初步感覺則有7/10。是一間值得推薦的火鍋餐廳。…查看更多

當晚去到餐廳差不多已全院滿座，心想這麼早就滿坐，質素一定有保証，果不其然，食物非常有料到！先來一客海膽(無問叫咩名), 新鮮完全無腥味，賣相新鮮，肉質豐滿，正！跟住到壽司環節，水準不俗，特別係壽司飯，與一般壽司飯不同，呢度壽司飯係紅色嘅！據聞好似係用日本傳統方法做，味道的確唔錯！再來就係蕃茄海葡萄沙律，嗯.....食到原材料天然味道，不過海葡萄味道好似唔係咁啱我，哈！辣酒煮廣島蠔，辣味及鮮味剛剛好，值得推介！最好一道炸豆腐，喜出望外的好味道，外酥內軟！…查看更多

今日經過灣仔想食啲平時小食嘅菜式，見到間門口名字幾小見既中菜餐館叫「正潮樓」，於是同朋友入去試吓。樓面的設計很有中式餐館風格懷舊的感覺。用餐器具出奇地10分衛生這個值得一讚最由於我們只有兩個人接點了四款食物，但都足夠飽我們先了一個豬油炒番薯苗，本身已番薯苗已經滑溜，加上豬油炒口感更加嫩滑。真係豬油炒😂然後點了一個滷水鵝例牌，滷水鵝味道一貫潮州特色，而且肉質肥美然後再點一個藍澳炒鮮尤，這餐最貴的一道菜但值得一試，首先魷魚的翼爽口彈牙，而魚身的部份看見是經過師傅精心的切割每，塊都口感獨特肉質結實最後每人點了一碗蠔仔粥蠔仔分量充足總結：這餐的最出色的是南澳炒鮮魷，除了爽口和肉質鮮美外，還有一些很特的香味，但食不出是什麼香料，另外豬油炒番薯苗亦都很嫩滑，而且份量很足夠，一份應該有三至四人份量。…查看更多

今日同朋友去荃灣揾食，睇到間評價好好既意大利餐餐廳，價錢還算中規中舉就一於試下佢水準。餐廳位置方便，離地鐵站出口幾分鏡步程好彩我地早食飯，6:15分第一枱客以為有伏，點知到7:30分左右就已經爆場。我地2個大隻佬點左一個沙律🥗，1個pizzq,1個主食同甜品，份量都可以夠飽。因為我同老友都勁鐘意食重小小口味，就點左個重量芝士pizza,講真上枱個陣有啲失望，因為睇落去好單簿好似唔會大好食，點知一食落口發覺自己唔應該以貌取pizza🙈開頭第一啖食落去，芝士味唔單止濃厚⋯而且味道仲好豐富聞落好有芝士香味⋯食到中間部份味蕾直達高潮🥰總結：價錢反應質數，絕對物有所值，由於芝士pizza味道濃厚，建議在中後段食以免影響品賞其他優質既食物…查看更多

今晚星期五預先訂枱同內子二人世界，選左係黃金海岸既星小宴餐廳，揸車泊左黃金泳灘的咪錶位，7點到達時位置尚算充足.從停車場走到餐大約3分鐘，門口的戶外環境配有遊艇🛥️境，氣氛一流有室內和室外選擇，我們選了室內，每張枱都相隔一段距離，空間感十分充足，適合一家大細(連嬰兒車）前菜的魚乾和秋葵鬆脆可口香辣雞煲麻味味濃，辣味又不會蓋雞的鮮味，每件雞都好入味，我連配菜都清埋手切安格斯腸牛新鮮，脂肪分布平均在每片牛肉上，而且牛味充足，每啖食落都好滿足，極力推薦加湯後可以繼續點配料做火鍋，配料都新鮮而且份量足夠結論：食物質數高，由其雞煲和肥牛都值得一試，另外餐廳服務態度好，待應會主動詢問加湯或茶水，而且遊艇會景色優美，行適合飯後和另一伴或家人漫步…查看更多

為咗慶祝頒發畢業證書，一早預約咗間叫-火鍋撚-出名食火鍋既餐廳同太太去打邊爐慶祝。餐廳位於雲咸街雲明行3樓，由於沒有大型招牌所以走過左都無留意，如果要嚟要認住雲明行這個入口。餐廳入口好特別，一出電梯發現站著一個兵馬俑的雕像知客。餐廳大門設計像古代城門，關還掛上中式大燈籠，室內亦用上中國風的設計風格，充滿東方特色坐下來時服務員便馬上奉上各式各樣的調味醬料，並告訴我們可以先選湯底，然後可用手機掃QR CODE 自點餐，服務十分有效率我們想嘗試不同湯底口味，所以選了要加$30的鴛鴦湯底$190，當中有蜂巢豆腐白湯和老火湯。2個湯底都好足料，如果要食晒d湯渣都飽左一大半。2個人其實唔算細食，又想試多幾樣野所以都叫半份咁，但原來食起來都唔算少，後尾要夾硬先食得晒。鴛鴦雙蚌$145珊瑚蚌味道偏淡，口感十分爽口彈牙桂花蚌味道鮮嫩，點這個好處又是可以一次過試2種不同口味的貝類。3秒響鈐卷（半）$35我就鐘意軟身d滾5秒，吸收足夠湯底再食更滋味。鮮蝦雲吞（半）$43我仲話老婆要場黎到點解要食咁普通既雲吞，但一入口發現極度爽口彈牙，豬肉和鮮蝦都十分新鮮，而且粒粒都夠乂粒。好彩無走寶🤭A4特級霜降和牛（小）$389最後壓軸重點A4牛肉,由於擔心牛味比較濃，太早落會影響味覺，重點是好野要留到最後先食。雖然未係最高級的A5,但係一入口牛肉既鮮味立刻佈滿整個味蕾，微微一𡁻而經溶晒⋯⋯建議跟足指示6秒不多於8秒效果最佳總結：2個人食左6樣嘢加1664啤酒和Jar草莓汁,連加1埋單唔使1300，店員仲好好送左2個腐竹雞蛋糖水沙冰甜品，以係中環旺區同優質既食物黎講，絕對不負哩個價錢，值得推介😝…查看更多

約左朋友行街經過見到間餐廳門口幾特別，但個名就叫Bored Garden, 咁啱又想食burger 就試下啦，點知又有驚喜😄首先係門口點餐，然後靚仔店員十分細心指示先在樓上坐低等候，套餐準備好會通知我們，上樓的首先要經過一條10分迷幻的走廊室內裝修設計充滿現代感坐係哩個位置等食，聽住jbl輸出的電子音樂心情已經好開心突然喇叭中有店員通知食物已經準備好，個種感覺好似d夜店DJ 既召喚😂我點左個鴨肝芝士牛肉漢堡配單骨雞翼，因為知道肝類比較重味，所以先從雞翼開始食單骨雞翼新鮮炸起的雞翼皮脆肉嫩，入口時還有雞肉汁流出差啲淥親條脷，值得一讚是皮脆得黎厚薄適中，絕對值得encore單點一份鴨肝漢堡唔知以為係鵝肝，肝的味道濃郁，外皮輕輕煎過，食落外脆內軟，醬汁清新鮮甜，加上適當配搭芝士牛肉和鴨肝一啖食落，味道層次豐富又不會太油膩。總結：套餐價錢太約100左右，但份量足夠一個成人的份量，而且食物絕對高質，可惜本人食量太少，否則會想試埋其他配搭，唯有再等下次經過先試到…查看更多

今日駕車專誠試下區內特別一點的早茶，經網上資訊在屯公下路近三聖牌坊有間十分出名的海鮮酒家有早茶飲，於是乎帶家中2老一同飲好茶餐廳多年都有奬攞令我喜出望外既係餐廳環境十分開揚，落地大玻璃欣賞窗外景色，令人心擴神怡3毎成人食左5個點心已經夠飽，點心每款都十分不錯，似是現場即製，食出點心的鮮味，與一般在食品廠預製然後運到食點翻熱的有明顯分別食飽可以上頂樓的天台花園口呼吸郊外的新鮮空氣，感覺成個人有充滿力量👍😄…查看更多

叫得上專門店一定要配得上專業質素，廚房店員看似遊魂，不懂製作，只會按時間製，環境衛生十分差，有業姑勿論雞髀的質素比較好，因為定價已經較高， 顧客而經係付出較高的 金錢來換取產品，但它們服務實在有待改善。 竟然在非繁忙時間漏單，而且要客人主動詢問才發現漏單，否則客人會一直在等，當發現後叫客人要別的食物，試想明明想食雞，會轉燒鵝嗎？低智到極。 而且完全沒有想過下一步，只叫客人再等20分鐘，可笑，完全沒有顧客服務，配不上專家。服務安排差..差..差，要改善的地方太多…查看更多

今日晏晝去咗荃城滙探朋友，打完機吹左陣水問朋友附近有冇酸菜魚食，朋友話咁啱就有一間喺如心廣場，咁喺樓下咁近就試下啦估唔到星期日都仲有午市套餐，價錢好抵食，呢個區域嚟講好大眾化星跟餐送咗個開胃小菜，一碟酸酸哋嘅酸辣木耳，食落又幾開胃又唔太辣。酸菜魚套餐 估唔到68蚊嘅套餐有驚喜，首先講分量， 酸菜魚湯入邊嘅魚片分量足夠你係餸晒成個飯嘅，（太約十多片） 而片魚片亦都經過處理，保持嫩滑新鮮，湯嘅味道好濃沃同酸菜亦都好爽口川香回鍋肉紅糖糍粑外脆內軟，咬落好煙韌，甜度亦都剛剛好，點埋紅糖漿食仲正，飯後甜品絕對唔錯可以用微信掃描q r code落單號，落單之後大約數十秒侍應便會過來提供服務總結：曾經喺屯門和元朗都試過唔同嘅酸菜魚,但係都唔畀呢一間嘅酸菜魚咁好食,而佢嘅午餐價錢十分便宜,相對呢個質素同埋區域，對佢嚟講性價比十分之高，值得推介…查看更多

今日行完屯門河做個操練，搵野食經過一個暗巷發現到一間位置極唔起眼嘅餐廳， 但好有特色好吸引佢位置在街市入邊比較難找，但值得一試跟餐送一個老火靚湯，每日有不同款式餐牌上 今日嘅係 椰子煲雞 打開嘅時候發現到有幾塊椰子，食落很有椰子味很香濃， 宜老火湯亦很出色，味濃郁得來不會太油膩，比較清甜 ，最最最重要是喝完沒有感覺口渴，不像喝味精湯。我點了一個鹹魚肉餅豬扒飯 ，估不到一個碟頭飯也可以做到這樣賣相精美 不像普通的餐廳隨意的擺設， 看出廚師的對製作的心機和水準。鹹魚肉餅鹹魚味， 不會太鹹但每一口也有鹹魚香味豬扒十分十分值得一讚就是豬扒經過廚師的處理後，十分之嫩滑，食的時候更不需要刀叉，只需要用匙羹輕輕一壓已經可以把豬扒分成小塊， 豬扒入口嫩滑並且很入味，廚師的醃製技術很出色總結 ：以這個價錢，但有這樣的食物水準， 是絕對超值物超所值，想不到只是想支持這間支持香港人小店，其實沒有對食物有期望，但結果。。食物是出乎意料的好， 值得推介…查看更多

今日約咗朋友喺置樂花園度食晚飯，朋友就介紹呢間日式餐廳畫質素幾好，於是我就試一試。附近有停車場和電單車位， 適合駕車人士。店舖內光線充足，枱與枱之間位置空間足夠坐得好舒服餐桌及餐具感覺乾淨，感覺衛生我哋點咗兩個丼飯，三款刺身同埋一個燒物三文魚腩刺身 ，有頭甜蝦刺身同八爪魚刺身三款刺身都十分之先前，絕對值得一試甲羅丼 當飯會跟餐有個麵豉湯， 甲羅丼入面有一個甲羅燒，三文魚， 吞拿魚蓉 ，流心蛋和海膽， 因為甲羅燒的蟹膏味道十分之濃沃，建議先由三文魚或吞拿魚蓉開始食起，先品嚐刺身嘅鮮味，甲羅燒放最後才吃 。朋友點的北海丼鹽燒三文魚頭呢個三文魚頭睇落外表燒得過左，但係都食嘅時候發覺十分啲野味，忍唔住都要刮走曬啲窿嘅位，之後全部被消失總結：位置唔算係旺區,但勝在有得泊車。如果唔係朋友介紹都未必發現到呢間好店，食材新鮮，店員服務都好好，經常會幫忙加水，亦都喝留意住檯面有多餘嘅碟會清走。…查看更多

死黨臨飛 working holiday 前話想飲番杯， 佢住喺太和附近周係附近， 第二朝飛唔去得遠，搵咗呢間附近嘅酒場諗住吹吹水。餐廳似係做酒吧形式，大門開揚， 場內位置寬敞。平時酒廠嘅啤酒飲得多，今次點咗兩杯就手工啤試下， 味道幾特別， 除咗啤酒嘅苦澀 之外，果香味好香本身諗住嗌啲小食，嘅點知試咗一個串燒之後，發覺好有水準，材料除咗新鮮之外，香料亦都好惹味燒得好香， 然後我朋友就好似想臨別擦返餐勁咁點咗一大堆食物，雖然兩個人食嘅話分量偏多，但係味道實在好， 餸埋酒簡直係絕配，最尾我哋都可以一件不漏全部K. O. 超誇張總結： 坦白講水準真係意料之外，除咗手工啤味道特別同有果香外， 燒烤食材亦都出乎意料地好，最有印象係燒鱈魚同埋燒三文魚頭，燒得特別香脆爽口。…查看更多

做左屯門友咁耐都未食過哩間馬來西亞餐廳，今日經過見到就突然好想食個肉骨茶，既然咁方便一於試下啦。餐廳位放屯門市廣場1樓，通道位置全部落地玻璃，應該未係繁忙時間所以無開放，坐唔到最靚仔既位置。我地2個人點左2個小菜2個飯海南雞飯海南雞雖然源自海南，但發揚光大就係由星馬。其實分別幾大，但我都係覺得星馬style 好食d, 除了雞比較滑外，配合3種特別醬汁更加開胃。椰醬飯配參搭蝦飯飯有淡淡椰香味，參搭蝦夠惹味又唔算太辣，淨番啲參搭醬仲可以點埋跟飯嘅印度烤餅食。肉骨茶湯底藥材味好濃郁，杞子仲有啲甜味添，最特別嘅係佢可以無限添飲。總結 ：飯餸上枱嘅時候用一個竹籃盛載,好有特色！ 食完之後雖然味道比較濃但係又唔會有口乾,證明冇落太多調味料原汁原味。…查看更多

呢間位於大角咀餐廳佢嘅位置鄰近奧運地鐵站，由地鐵站行過嚟約十分鐘便到。我去下午茶嘅時候去食人流不多不用等位，店員好快就幫我安排座位，餐廳內空間感十足，座位寬敞，用左好多木材嘅裝飾，以淺色為主感覺，又有音樂，成個感覺好溫暖好舒服。雖然餐牌好多選擇，可惜我只想食個輕量下午茶，所以只點咗幾款壽司祭下個五臟廟店員介紹有兩款豉油，一款係普通壽司豉油另外一款係加入昆布嘅昆布鼓油鰻魚壽司 ＆ 鵝肝壽司鵝肝大片得黎又入口即溶， 嗰陣咁濃郁既鵝肝味留咗口入面好耐好耐....鰻魚有口感，鰻魚醬汁夠晒香濃海膽花之卷呢個係我最鍾意嘅一款壽司，海膽入口即溶 配埋又肥美又鮮甜三文魚黎食，一級棒呢！三文魚壽司壽司嘅三文魚刺身比想像中大片，價錢又平，性價比好高帶子刺身雖然我點嘅係帶子刺身，唔係珍寶帶子，但帶子size都唔細， 而且好鮮甜總結：餐廳鄰近地鐵站雖然要步行一段路但都算方便，門面唔起眼但入面食物水準絕對有驚喜， 好彩冇miss度有走入去食， 除咗刺身出色之外連壽司飯唔知點解會有陣甜味。 …查看更多