FrederickLo7205的個人專頁

晚餐時段入去等咗唔使好耐，餐廳座位唔算多。待應有禮貌，坐低叫咗一份凱撒沙律，炒雜菌，香煎澳洲肉眼扒，同埋西班牙黑毛豬鞍扒拼帶子。兩個人食係超級飽份量十足。凱撒沙律應新鮮水準正常，夠爽口。炒雜菌亦都正常發揮。主菜豬鞍大大塊，肉味油脂香濃，但煎帶子就比較一般。另一份主菜澳洲肉眼扒，煎得生熟幾好，肉味香濃入口淋身。飲品叫咗oreo milkshake，都值得一試。餐廳水準唔錯，侍應服務亦都有禮貌，絕對值得一試。…查看更多

係馬鞍山區西餐選擇不多，puzzle dinning係其中最好既選擇。餐廳食物質素高，有牛雞豬魚，午餐又有漢堡etc今晚四個人食左春雞，黃金雞翼，卡邦尼意粉，鮮菌野菜。春雞入味又嫩口，carbonara份量足，黃金雞翼超好食必試，鮮菌野菜正常發揮。飲品叫左冠軍咖啡既巴拿馬藝妓 同佢地杯招牌薰衣草凍奶茶。佢地係出名咖啡既，一試真心唔錯，仲有大約10幾款精品咖啡揀，仲有啤酒。最正係有live band，大概7點左右唱，唱左成晚non stop咁濟，唱得好好聽，點親歌都識唱，氣氛好好。一家大細黎食又得，情侶黎撐枱腳又得，不過如果想靜少少最好book夜少少黎，可以避開隔離枱啲小朋友。侍應好有禮貌，亦都好friendly,令人一入黎已經好放鬆，感覺似見到個friend咁。成晚食飯真心消費得高興，我地坐耐啲聽歌又冇趕，亦係由一開始已經係良心餐廳，希望大家都可以去享受下啦！…查看更多

喺講食嘢之前，先不得不提一入門口嗰個無敵大海景， 我哋夜晚嚟到一坐落去全玻璃遙望 尖沙咀碼頭對出夜晚嘅海景，真係冇得輸！！好 講返嘢食。 我叫咗個4 course嘅晚餐，加咗一份松露pizza，一份超級好食嘅cream sauce配焗薯，同埋一份甜品。晚餐套餐先來一份鮮甜醒胃配上新鮮松露嘅帶子，分4件方便share。 帶子食酪鮮甜並唔係一般嘅冰鮮貨色亦沒有任何雪味，配上少許松露增加味蕾刺激。主菜係安格斯牛配上新鮮黑松露， 牛扒我叫左5成熟。 牛扒處理得十分妥當，用松露油先煎香兩邊，火喉控制好，不失肉汁。而本身肉質亦都十分軟淋肉味濃 ，十分之美味。 牛扒上嘅松露味不算突出唔會蓋過牛扒本身嘅肉味。闊條麵配上侍應係上臺後即刻磨嘅黑松露，黑松露嘅香味由闊條麵熱淋淋嘅熱汁一齊帶出黎，真係好香！！！跟餐既墨汁意大利飯亦相當有驚喜！！ 意大利飯飯則煮到軟硬適中較有咬口，濃濃嘅湯汁亦都煮哂入曬啲飯粒裏面。最有驚喜嘅係焗薯仔，面頭勁多芝士，咬落啲薯仔外面脆入面軟，正！最後嘅甜品都係創意滿分，佢嘅擺盤就係模仿黑松露喺泥土生長嘅環境，所以係黑色粉包住嘅芝士蛋糕，旁邊嗰兩舊“蘑菇”係用糖霜造嘅，好特別！…查看更多

位於上海街朗豪坊再過既位置，地理上十分方便，巴士的士小巴咩都有，食幾夜都冇問題。兩個人想清清地就叫左個招牌花膠鯊魚骨膠原湯底。啲料超足，大大舊既鯊魚骨同勁滑既花膠煲冇耐已經出哂味。齋飲湯都超滿足，記得要打邊爐前飲多幾碗。食物叫左墨魚丸 芝士腸 蟹柳(唔好問點解) 油炸鬼 油麥菜 必吃響聆 同埋雪花肥牛。 飲左幾碗湯食物好快就上菜。整體食物用料新鮮，解凍等處理唔錯，唔會有雪味。蔬菜好新鮮，油麥菜爽口冇黃。最正係性價比高既雪花肥牛。本身諗住試佢推薦既牛頸椎，可惜女朋友唔太好牛，廢事晒就冇叫到。牛本身雪花分明，雖然未去到和牛級數，但肉味濃郁，有咬口，價錢唔貴，絕對值回票價。總結埋單兩位600蚊左右，物量唔會超飽但用料新鮮，湯底足料仲有得食埋，岩哂唔太大食又鐘意每樣食啲既人黎享用。…查看更多

喺旺角收工同女朋友行過amplifier，主打高級西餐同live band。 餐牌選擇豐富，有唔同肉類海鮮意粉西班牙海鮮飯等等多國嘅西餐選擇。 包你實搵到一款鍾意食嘅。我哋兩個人嗌咗一份慢煮牛扒同埋慢煮牛面珠登意大利飯。我哋坐咗一陣好快就已經送上主菜 首先意大利飯好濃郁，飯粒索滿曬佢淆主嘅醬汁， 又有意大利飯粒粒分明嘅感覺軟硬適中。 其中牛面豬登煮得好淋好入味， 成份主菜食到我哋舐舐脷。部分慢煮牛扒上菜，廚師喺上菜之前預先幫我哋切片， 方便唔同枱食飯嘅可以夾合適自己份量嘅牛扒。 首先牛扒肉味濃郁， 對我嚟講略嫌唔夠鹹， 但餐廳都好貼心，喺碟上面放咗即磨嘅鹽巴 方便食下著兩去加減。 唔食太鹹嘅食客就可以配上醬汁，更加凸顯牛味同埋肉質嘅鮮嫩。 最後配上新鮮蔬菜更加健康。週末嚟嘅話仲有live band可以一路食一路欣賞添。…查看更多

叫得牛魔當然係黎食牛啦！遴近k11交通超方便，咁識答一定係答巴士啦，起碼唔駛驚又無拉拉封站啦先黎開胃前菜豆腐沙律，用芝麻醬涼拌，雖然豆腐加沙律感覺有啲奇怪，但個汁較得開胃，唔錯既前菜。主菜係一碟兩件既醬油醃既牛肋骨，今次坐吧檯會有烤肉師父幫你細心咁燒，既可以確保烤肉係最好既狀態，又同時可以欣賞師父既廚藝，一舉两得。牛肋骨剪細口上，本身醃得入味，唔乾身，配上岩鹽更突出肉既濃郁。再試厚切五花腩配生菜既韓式食法，師傅細心慢煎，入口外皮香脆，夾層油香既肥豬肉，怕油膩既夾埋生菜爽口又多層滋味。最後香煎帶子，份量十足，細心慢煎就唔會黐底，咁我地就當然係俾返師父處理啦。加埋檸檬汁加強鮮味同層次，咬落去仲好juicy，唔會乾哂身。埋尾食多個bimbimbak 石頭鍋飯，攞埋香濃豆瓣醬，材料又多，夠哂填肚。餐廳環境舒適，枱與枱隔得夠開，師父待應有禮又煎得好食，值得一去再去。…查看更多

餐廳位於佐敦同柯士甸站中間，近尖沙咀九署龍公園附近，交通方便，都算多街泊但可能夜晚都要搵一搵先有。正門裝飾有低調而高級既感覺，入到去係一間較有class既設計 似chill bar咁。睇餐牌先知原來主打pizza /印度/意大利菜，第一次見有咁既配搭。餐牌選擇幾都算多，淨係pizza都十幾款。因為我好怕食啲奇怪pizza,原先叫傳統既pepperoni pizza 最穩陣,但係女朋友怕辣，最尾叫左 （有厚同薄皮揀，我地揀薄既 中size），baby rib rack 同 meat ball linguini。食物差唔多時間一齊上，pizza好脆，唔太識形容但係係一個出色既pizza😅一定要襯熱食。跟住令我大為驚嘆既係個pork ribs rack 真係超好食！！！！焗到條骨輕輕一扯就離肉，肉好多汁唔會話乾哂，肉質鬆軟，再加上薯皇炸得香脆，真係超驚喜 meat ball linguini又係個小驚喜，肉醬味夠燶，意粉軟硬適中，好啱我地既口味！可惜今次冇試埋印菜，但啲pizza同意菜真係好好食。食完老闆仲同我地傾左陣計，待應有禮，黎開佐敦真係要黎食下…查看更多

位於馬鞍山算係比較偏遠既商場位置，我地都係唔覺意行過先知遠來有間壽司鋪。琴晚特登過黎點知帶唔夠cash冇得食，今日晏晝返噱唔駛等。壽司款式算多但始終會係大路嘢，因為細店一般入貨唔大，偏門嘢難keep。壽司水準唔錯，但飯既黏性略不足，有少少散既情況，反而魚生質素幾好，呑拿 劍魚腩 海膽 左口 都值得推介。總括黎講，食物質素尚好，唔會有大驚喜，價錢合理。係哩個大財團横行無道，高官政府冇能力去保護弱勢既日子，我地可以做既就係俾多啲支持用良心去做事既人同鋪頭，多啲街坊互相幫助。起碼我食得舒適，對得住良心，老闆待人親切，咁點會唔大大力支持呢？！…查看更多

香港地人多地少，食完飯想搵個地方吹下水享受港下嘢都唔容易，不過係尖沙嘴商業大廈就唔驚人多擠迫。鋪頭環境舒適，坐嘅位置十分寬敞，加哂分油你出𨋢就有侍應帶位，我哋坐低冇耐，就嗌左光係睇樣就知好食既辣雞翼 海鮮忌廉汁意粉唔會復既串燒同杯cocktail.香辣雞翼一嚟到，骰鐘都未搖就即刻食返幾隻，港真好香口同辣得過癮。串燒叫左牛雞串，燒得時間啱啱好，帶少燶得黎變得香口又唔會苦，想袋走幾串添到最後上埋個碟海鮮忌廉汁意粉，革住個mon都知creamy成晚飲下嘢搖下骰仔，命運有時就係要唞下先再有動力去拼。黎開尖嘴想遠離煩囂既就快啲黎喇…查看更多

去佐敦換完禮品，不是太肚餓，經过耀記雲吞麵。我估可坐20人，地方雖然不算大，但係整潔。雲吞麵館當然食雲吞麵啦，雲吞算大粒，蝦大隻，爽口彈牙，麵有咬口，冇鹼水味，湯底清👍只需2蚊就可加多碟菜，再加2蚊就多杯飲品，加得過。另一碗叫了南乳豬手麵，有淡淡南乳味，豬手雖然腍，但仍有咬口，也不錯。每人都是40幾蚊，食物質數幾好，去開佐敦值得再去。…查看更多

去完黃金商場，又有間在附近，就去試吓啦。入到去已經三点幾，嗌個下午茶餐榛子西多配奶茶，有啲失望，不知道是蛋貴或榛子醬貴呢？！榛子醬少得驚人，差啲食吾到有味，蛋醬又少，叫做浸濕咗塊麵包咁，香味都冇，唯獨咬落口，冇乜油。奶茶茶味濃，但不夠滑。另一份是咖哩牛肋條湯麵，牛肋條夠腍夠入味，算不錯，再加$9轉樽裝凍奶茶。地方寬敞，食物一般，2人@40，食个tea，下次可以試其他。…查看更多

星期五晚特登同屋企人黎到大尾督食，就係貪佢環境好，易泊車，食物水準高，仲要live band意想不到既好聽，點可以走寶啊！！先黎餐湯前菜同蒜蓉包，羅宋餐湯正常水準蒜蓉包烘得出奇地脆。 接住上caesar salad ，沙律菜好新鮮，分量亦都足夠分享。跟住就係main course hawaiian pizza 同埋 spaghetti carbonara。pizza新鮮出爐，係一個好正宗嘅夏威夷pizza。同每況越下嘅pizza Hut 係冇得比嘅。 最有驚喜嘅係spaghetti carbonara， 因為個汁做得好出色。芝士味雖然唔係好突出 ，但係個醬汁嘅整體平衡做得十分之好，味道亦都好足夠。跟住一齊上嘅係再有兩個海鮮拼盤同埋grill。 肉類有豬肋條 ，牛扒 ，羊扒同埋燒菠蘿 ；海鮮拼盤有蝦魚 ，同埋一啲殼類。肉類火侯處理得好，醬汁亦都好濃郁，個豬肋骨食到個個都舐曬手指。 海鮮方面哈雖然唔係好大隻，但係數量亦都十足先得呢幾香；青口係一邊亦都數量好最唔會話煮到鞋颯颯咁。最後亦都有跟餐飲同埋一個dessert蛋糕，水準亦都ok。值得一提嘅係餐廳menu上面佢肉類係會每次都唔，同睇當日廚師買到啲咩返嚟較為新鮮。 老闆亦都提我哋佢哋最出名嘅啤酒雞一定要預先預訂，如果唔係就要好好彩先有得食啦。…查看更多

去大圍同屋企人黎就入去飲杯茶啦。裝修有中國feel，整潔，但都算幾迫，椅背貼椅背。点心價錢算是中等價，小点$23.8，大$32.8，每位茶$12等，点心紙多數是中和大点，還有其他是特和頂点。侍應全冇笑容，穿便服的更有一種高傲的感覺，又不可以說侍應冇禮貌，感覺好怪。講番点心，叫了7款点心，1个小食，1个飯和1碟叉燒。点心馬拉糕、山竹牛肉、燒賣、鳳爪、潮州粉果，正常啦，都算好味，我比較喜歡奶黃包，不太甜，夠流心，即使放了很久，仍然流心👍至於手拉布腸粉就麻麻啦，不夠滑身。香蒜排骨飯，飯香，排骨霖，但係香蒜味不重。最後有碟厚切叉燒，醬汁夠濃，有口感，但不夠霖，幾好味，但未到超正，因為要$128，所以一定有所要求。環境佈置不錯，可惜比較迫，食物不錯，侍應就高傲，5人平均@$100，間中也可以去。…查看更多

今天去K11附近，順便到Agnes B食飯，地方寬敞整潔，暗喑的燈光，環境不錯。因為有点趕時間，所以快速叫了煙肉白汁雞蛋扁意粉，正常水平。另一份是烤牛肉法包，一少撮冇任何醬汁的沙律菜，法包除了牛肉之外，什麼也冇啦，咬落去沒有牛肉汁或任何汁，加上法包乾，$85绝对不值😔叫了結賬，10分鐘都冇人處理，结賬後離開，剛踏出門口，其中一位侍應高呼 (先生，你未埋單！) 不关我事，當然繼續行啦，侍應繼續叫，越來越大聲，跟住有人拍我膊頭，回頭望，原來很多人望住我們，我說 (巳付！) 並指出那收錢的侍應，她点一点頭，追錢的侍應說 (你可以走啦！) 這是什麼世界，他們的得失，令人人望住我，但他竟然連一句对不起也没有😤😡不論食物是否好味，我絕不再去。😡😡…查看更多

今天去樂富夏麵館，簡單食个午餐。最快是午餐套餐，有多款麵和飯，再加小食選擇雲吞、紅油抄手、春捲、鍋貼等。我選了蔥油拌麵配手拍青瓜，估唔到有咁大碟青瓜， 爽口，味比較淡，另外畀錯咗青菜煨麵， 因為趕時間就冇換到啦，青菜係菜脯、菜乾，所有材料都係淡味，加埋一齊食，清清地，都算唔錯。另一個是雪菜肉絲炒年糕，味道適中，正常，感覺好健康，配2隻小籠包，有肉汁，但皮比較厚。環境整潔，但有些迫，食物清淡，每位@62，午餐價錢差不多啦，因為它配有一份小食，可以再來呀。…查看更多