swgirl的个人专页

去海港城行下街,見到有新餐廳@@就試試佢~中菜fine dinning咁既格局 裝修都算幾特別 又有戶外區吹下海風>v<D野食幾精緻,如果係好鐘意相機食先既人,黎呢度應該會好開心,鐘意食d香口野, 點左佢地既脆炸韭菜鴨血比想像中驚喜 做開胃菜幾好~酒糟醉雞卷賣相好得意 壽司仔咁 , 酒既份量幾適中 滿意既最令我心心眼係佢地個甜品 茶香繡球豆腐~好靚呀~ 上個時我都猶豫左一下呢個係咩黎咁靚既 哈哈 茶香同豆腐估唔到又咁夾 ,Feel到佢地好注重賣相.又係滿意既 ~新開張黎講都幾驚喜, d staff都幾專業介紹每一道菜  可以再黎~…查看更多

放工OT完自己一個人走左去呢間豚丼試下，叫左個和牛壽喜燒set，一份天婦羅，加一杯啤酒。啤酒好夠凍，飲落去果下好似一天的辛勞都消失。和牛壽喜燒set，配菜都夠多，美中不足的係和牛得兩片，好似要慳住食咁....但蝦刺身夠新鮮夠鮮甜，湯唔太咸, 整體都不錯。天婦羅略為油左D，可能索油索得唔夠澈底, 所以有D油膩感。不過用黎送啤酒都係一個不錯的選擇。可能時間都比較夜，所以人流不太多，服務都尚算不錯。…查看更多

放假冇野做, 同屋企人去左屯門市廣場的Beans 食個all day breakfast , 整體都不錯, 唯一個炸魚柳, 炸得比較燶左少少, 但杯咖啡勝在夠香濃，雖然都幾多人等位, 但職員服務態度都不錯。 下次可以試下佢D意粉。…查看更多

刺身舖就見得多，火鍋同雞煲都唔少，但係三合一既餐廳真係唔多。去旺角行街見到個名叫家嫂都幾有趣，心思思就像試下。餐廳環境係中式風格，頭上盞吊燈係花既形狀，幾靚下；不過衛生就唔係幾好，地上同埋檯面都有D污糟野同食物未清理乾淨。食物方面，蝦多士同皮蛋都算ok，我自己唔鍾意食皮蛋但朋友話OK食得落。雞煲味道幾好，但仲落左蜆落去，增加唔少鮮味，雞肉肉質夠嫩，份量一般。之後到火鍋，湯底正正常常，配料大多係海鮮，鮑魚同蟹都好大隻，好滿足。價錢唔算平，但整體味道份量尚可。…查看更多

前排同屋企人一齊去龍華食飯，話說原來龍華上世紀都幾出名，作為好多電影既取景地點同眾多明星、大人物拜訪，諗住應該都幾好食，結果就不及預期......可值得稱讚係環境的確幾靚，好有中式庭園風格，睇落幾舒服。我地當然叫左招牌菜乳鴿，仲有一些海鮮同炒麵等。招牌乳鴿都算不過不失普普通通，但就絕對冇預期咁好。皮脆而內不嫩，而且好油膩，瘦肉亦都好少，味道還算OK。鮑魚同炒蝦都係中規中矩，但鮑魚唔係好夠入味，蝦味道都OK，但係要剝殼唔係好鍾意。炒麵同青菜都一般般，炒麵太油完全唔想食第二啖，青菜還算好。價錢都幾貴，唔係好抵。…查看更多

前排同friend一起去呢間環境超靚既懷舊茶樓食野，覺得真係好高質！首先講下環境，古色古風，有舊時代的建築風格，例如座椅同餐具等等，而且仲有舊式撥號盤電話，氣氛營造得幾好。食物有好多款，食物名都好有創意，而且又好味。例如雪山叉燒包，其實係把墨西哥包同叉燒包合併，而且叉燒係真材實料唔係外面一般既叉燒餡，份量都足夠。芥末八爪魚份量OK，但勝在入味，八爪魚嫩滑有彈性，芥末味唔會過重，除左芥末味仲有辣味，而辣味會持續一段時間，真係好夠味！鮮茄百花鰻魚盞同鰻魚燒賣好似樣，兩者都會有一塊鰻魚，而前者會用茄子包住肉身，裡面還有少少西芹；而後者則是傳統燒賣皮，但兩者都好足料，裡面既蝦好飽滿肉質緊實。而且最令我驚訝係廁所都可以設計得好精緻，好配合懷舊主題～…查看更多

我鐘意周圍去食食食....平又食貴又食...總之要好食所以我最鐘意睇飲食節目，望下個人都開心D前幾日睇左條youtube片，話呢度D香燒三黃雞好好食。作為一個為食專員當然唔會放過呢個咁好嘅機會....雖然鋪仔細細，但裝修都唔錯，好有氣氛， 可能我早食飯，所以唔駛點等位佢之前話要預先Order先有得食果隻雞，作為" 為食專員" 梗係要一早預訂左啦不過.......原來預訂左都要等成個鐘，唔緊要....好食咪得囉一上枱隻雞賣相又真係幾吸引, 見到塊皮都好似幾脆，職員問我駛唔駛幫我起肉嘩~咁好服務當然好啦! 點知佢只不過係將雞切開幾份...咁唔算係起肉掛....食落口有好香酒味，但肉質係鞋，只係雞脾位叫做滑D， 個外皮望落脆，但食落一D都唔脆旁邊有幾棵只係用開水灼過的西蘭花，真心地唔知佢想點如果你話比我知隻雞係百零蚊隻嘅燒雞，我覺得係OK的但呢隻雞係要$680...未免吹得太高吧....由於我地人唔多，除左叫左隻雞之外仲叫左個沙律及日本一級海膽醬燴意大利飯沙律好難唔好食，所以唔多講至於海膽醬燴意大利飯，佢寫到" 日本一級" 我即刻兩眼發光...日本嘅海膽真係好好食，我諗海膽醬都應該唔會差得去邊掛，仲要係"日本一級"賣相都OK, 不過食左第一啖一陣濃濃的腥味，好似用一D放左幾日唔新鮮嘅海膽黎煮飯可能我真係對佢期望太高，結果我食左一啖就唔想再食落去，碟飯交左比我唔想浪費食物的朋友KO左叫左3樣野食2杯飲品，埋單千幾蚊真心地覺得又貴又唔好食原來飲食節目講果D野唔可以當真…查看更多

為了一嘗人氣甜品，專程出尖沙咀去試下叫左黑松露忌廉意粉，蕃茄肉醬意粉，經典漢堡 當然唔少得pancake - 士多啤梨香蕉pancake黑松露忌廉意粉都幾大碟，什菌都算多，可能係我個人口味，覺得D白汁略為多左D, 有少少水汪汪的感覺蕃茄肉醬意粉可能個汁比較杰身，所以會好少少，蕃茄肉醬個汁味道岩岩好,唔會太酸至於經典漢堡咬落夠juice, 唯一不足的是薯條唔夠熱, 如果再熱D就會再好不過到左最後甜品 - Pancake, 單睇賣相就已經好吸引，空氣感好足夠，下次可以再試下其他味道…查看更多

Book 左個90分鐘任點任食午市點心放題, 話明放題冇可能食唔飽.....不過質素就不過不失囉煎蘿蔔糕好淋, 好似食左一舊粉咁碗仔翅味道不錯, 唔太咸, 料都夠足豆腐夠脆口腸粉唔夠滑魚蛋蘿蔔唔夠味, 只有色....太淡味, 完全沒有咖喱味反而韭菜豬紅夠入味, 好好食不過值得一讚嘅係佢出餐快, 我地order左一陣就送到, 而且冇咩點漏單,而且服務員都好有禮貌,連埋加一百零蚊一個人,...我唯一講係...你唔可以要求太高囉…查看更多

好耐都冇試過晚市堂食，一有番堂食就梗係去食下好耐都冇食過嘅一鍋堂次次去親都好full，好彩我地早幾日用Apps Book左枱。今次我地叫左C餐，可以食到澳洲M5和牛。肉嘅質素食咁多次都keep到水準食物款式多，飲品種類亦豐富，而且有好多健康飲品選擇果晚唯一要彈嘅係炸魚皮唔夠脆。上食物速度又夠快。呢個亦都係我再三黎食嘅原因...…查看更多

星期六放假同屋企人行下街, 去到荃灣唔知食咩好, 去左呢間He She Eat就入去一試order左個餐:慢煮日式叉燒芝士汁鮮蛋麵及凍檸茶, 日式照燒雞沙律, 吉列豬扒蛋包飯, 士多啤梨焦糖脆脆梳乎里班戟及蜜桃紅茶慢煮日式叉燒芝士汁鮮蛋麵: 芝士汁夠香濃, 叉燒夠嫩滑, 唯一問題係份量比較少 , 如果麵多D就最好日式照燒雞沙律雞扒夠入味, 同個汁配合得岩岩好, 沙律菜好多元化吉列豬扒蛋包飯豬扒炸得燶了一點. 但味道好, 唔鞋口, 蛋夠嫩滑, 賣相一流蜜桃紅茶略嫌苦澀味重左D士多啤梨焦糖脆脆梳乎里班戟班戟夠鬆軟, 加埋焦糖脆脆一齊食, 口感一流, 值得一試, 本身想試朱古力味, 但見到有橙酒加上有小朋友係度, 所以冇叫到, 如果有D冇酒既成份就會好D員工服務態度好好, 好有禮, 值得一讚…查看更多

約左個朋友去行街街路經佐敦唔知食咩好，行行下見到呢間十三姨果時差不多1點，可能仲早啦冇咩人等位，入到去坐低服務員好有禮。Order 左個上等牛肉陽春麵(轉粉絲), 餐飲凍柚子蜜。仲有話係免費嘅蝦片。牛肉同粉絲份量都夠多，加埋有幾條腸粉感覺有D特別。 先試一口湯，湯底略為有點咸，牛肉唔夠嫩滑， 同佢個名上等牛肉麵果個"上等"字眼有少少出入，加上牛肉過熟感覺有少少鞋口。粉絲都係好普通。唯一不錯係佢個辣椒醬夠特別，佢係用一D青辣椒黎做，唔係周圍都食到。另外lunch都要加一......我覺得有D奇怪，可能就係佢個碗免費蝦片掛.......…查看更多

復活節想食好D而且 又有消費劵,就諗到去食Buffet, 而家好多酒店都做晒隔離酒店, 突然諗起花月庭好耐都冇食過, 所以成家人去試下, 我地食2:30-5:00時段, 本身5個人之後想加多兩個, 點知佢話full晒唔比我地加, 咁算啦, 可能真係好爆啦, 我地黎到2:15左右已經見有一大班人排緊隊, 有個職員出黎叫我地掃安心出行, 我地等左一陣就開始比入, 入到去雖然2人一枱, 但佢比左張8人枱我地, 咁點解當日又話唔可以加人呢? 另外我地食食下都見到附近有好多吉枱, 所以我真係唔明點解佢話full晒唔比我加人.....入到去當然食我最愛既生蠔啦, 每人每次只可以拎兩隻, 雖然要排隊但每次都好快就拎到, 洗生蠔果位侍應好好禮貌, 每次客人拎生蠔時都會講聲多謝, 佢對每個客都有講, 值得一讚其他熟食方便比較少款, 都係一D大路野, 值得一讚就係佢有兩大品牌雪糕任食, 大滿足果日用消費劵埋單, 仲有一人一杯橙汁送, 小朋友有一盒曲奇, 有隻人扮既兔仔同你影相, 同埋有個估蛋遊戲,氣氛係幾好既 …查看更多

雖然兩人一枱, 但無損我地幾姊妹出去食好野呃下like嘅決心!!!!好耐都冇去Lady M 食cake, 今日約埋frined去坐一坐, 食件cake抺茶千層蛋糕好香,好濃茶味, 鐘意抺茶味的一定要試下伯爵茶千層蛋糕唔太甜, 好食期間限定的紫薯千層蛋糕一定要去試試, 一入口有濃濃的紫薯香, 加埋幼滑的忌廉, 簡直係一絕配搭每件cake都加埋雪糕球, 正…查看更多