Emily Lam的个人专页

見大家都話creme brulee, 昨日同朋友食飽飯買左個黎試因為都多人買野, 所以都要等一陣原本諗住係裡面食, 但地方太細, 位又少,得三張椅, 已經有一外籍人士坐係度食野, 無乜位置雖然外面天寒地凍, 都出左去廣場有位坐既地方食個甜品用既好似木既瓷器裝住, 拎落手都幾重, 但賣相唔錯面頭既焦糖係店裡既女仔一叫即用火槍燒既, 為原本冷冰冰既甜品增加左絲絲暖意(雖然天氣太凍, 其實一拎上手想食時佢已經凍左好多..............)一食落口係幾滑, 奶味夠, 底下d 雲尼拿籽都好多但係我自己覺得太甜, 甜個牙都溶咁唔係幾岩我胃口我其他朋友就話覺得好好味, 岩岩好所以呢d真係個人口味問題下次試下買佢其他野試下先!…查看更多

以前黎呢度食過覺得唔錯, 所以今次再黎呢度食午餐搵左好耐先有位本人叫左一碗雪菜肉絲炸豬扒米線其他同事們就叫左墨魚丸米線, 豬肉丸米線同菜肉雲吞米線 + 炸豬扒/炸雞翼豬扒一如以往咁, 香口, 鬆脆, 有肉味, 雖然知道應該有用梳打粉, 但佢腌得幾好其實呢度係得豬扒幾好, 個麵真係無乜特別, 都係好普通既米線, 無話特別好味, 彈牙咁呢度係街市, 坐既地方其實有一陣臭味+尿臭味, 不過來到呢D環境食野我地都唔要求咁多D阿姐就叫左好耐好耐先黎理我地, 都明白, 午市真係好多人, 總之有人理我地就OK 一路食都無問題, 但食食下竟然, 我碗雪菜肉絲米底到俾我見到隻死蟑螂係裡面:我見到呢隻蟑螂時, 真係覺得非常嘔心咁我叫個阿姐過黎問佢你可唔可解釋下咩事, 但叫左佢好耐都唔理搞左一陣, 佢就叫我自己去搵老闆娘期間個女工話: 呢d細細隻, 梗有ga la咁既食物+態度令到我好嬲, 我行左去舖面話搵老闆娘, 點知無人理我我叫左一陣, 頭先個女工又走埋黎話, 老闆娘要炸豬扒行唔開, d豬扒會燶ga我就話我只係要求你地搵人出黎同我道歉o者, 又唔係要d咩, 真係咁困難?佢都係話d豬扒唔燶得我即刻返埋位影低上面個幾幅相, 諗住向食環署投訴呢個時候頭先個女工行埋黎放低廿五蚊, 話呢碗麵唔收你錢我話我唔係要錢, 我只係想要道歉佢未縮好既手又一秒都唔駛拎返廿五蚊, 話唔要就算究竟呢d係咩服務態度?食物唔乾淨仲大條道理覺得係正常?覺得自己生意好好唔駛理呢d一單半單投訴?作為一間食肆最基本唔係話要d野好好好好食, 而家食物既衛生我已經通知左食環署呢件事, 希望佢好好檢查下呢間舖究竟需唔需要整理下佢既食物環境衛生而食環署都已經接受左開左個file亦希望大家下次想去呢間野食飯時再考慮一下…查看更多

唔係食物質素真係差到難以接受, 我都唔會上黎打食評, 今次我真係忍唔到昨晚我地一班人入來吃糖水, 朋友話呢間野食評幾好, 咁就入來試下首先來左個芒果冰, 朋友既評語係, 太甜, 好難食有兩個朋友叫左店家寫住必食既"美式fusionxxxxxx芒果冰", 個名太長唔係好記得一飲之下............得冰味, 無甜味, 無乜芒果味一位朋友就叫左"比利時濃濃朱古力松露杯", 佢好勉強先食晒, 問佢好唔好食, 佢話.....咪就好似食普通朱古力咁另一位朋友叫左最簡單普通既西米紅豆沙, 點知.....完全唔可以用沙字黎形容, 係稀到好似水咁既紅豆水, 裡面有幾粒硬紅豆+好少既西米, 朋友既評語都係..............好難食, 唔明點解呢d咁普通既甜品都咁唔得我自己就叫左個荔枝椰果黑珍珠, 真係完完全全難得到嘔荔枝同椰果我一早預左係罐頭個d, 所以當佢真係俾呢d生果時我係接受到, 無問題有問題係個糖水底同d黑珍珠黑珍珠實在少得太過份, 只係岩岩好舖晒面個浸, 同係其他地方食既份量比, 佢只有人地既十分一而個糖水底, 有無搞錯, 竟然同我倒埋d罐頭水落去就當係做左野??????????乜而家d糖真係貴到咁???? 我望住個半透明白色水+得幾粒浮係面既黑珍珠+浸荔枝椰果既罐頭水對唔住, 我食左幾啖之後真係食唔落去........................其餘既朋友係叫個D原隻生果冰.........佢地話無乜問題, 唔難食, 但無乜特別, 其實$48呢個價錢係偏貴如果佢用原隻生果黎整冰都難食, 我就真係服左佢喇!總括黎講, 呢間野係貴+難食一定唔會有下次!…查看更多

試左幾次華都間分店，分店質素麻麻，所以今日專程去返總店吃晚飯，點知大失所望試過多次乳香豬同冰淋醬燒骨等多人叫既菜後，今次叫左個炭燒肉，叫左好耐都未黎，點知一催佢，佢即刻上菜碟燒肉係凍既，我當佢燒耐放凍左，點知佢d燒肉無味，肉質粗"鞋"之餘，仲要有部分係未燒好，塊皮仲係白色，好難食!另外可能由於人多關係，服務質素亦都頗差例如問佢塊燒肉點解會咁，個曲髮戴眼鏡既女部長只係話"哎呀! 我都唔知呀! 之後先答你"，之後就繼續傾電話走左去，無左答我地連埋單，俾左張單出左，等左十幾分鐘，都仲係無回應，要三催四請先拎張單過黎:(特別一提，佢連d杯碟都洗得唔乾淨，有好多迹..........係咪d食店一出名，質素就會愈來愈差?人多服務差都算，d食物質素，真係差左好多好多，完全唔係以前既水平我諗我唔會再返去食…查看更多