Joycefe的个人专页

黃就可以冇禮貌？忙就可以冇禮貌？雖然都真係支持你哋啲嘢食，不過唔好成日當左啲客係呀豬呀狗咁，然後又貼張咩風雨同路出嚟要大家街坊支持你，真係令到想支持你的人都卻步。間唔時都想幫襯，見到好多人都排隊，有時都唔介意等，不過態度真係可以好少少。真係想俾錢你賺都冇勇氣。特別是係疑似老闆的長頭髮女收銀同埋短頭髮的女生，拎嘢食嗰時俾佢對眼刮到好似我做錯嘢咁。客觀來講，其實佢哋啲嘢食係幾好味的，份量足唔足料就中等啦，不過所有餸都好入味…查看更多

今日打風，周圍冇咩舖頭可以揀，同朋友入去試吓佢哋。我哋叫咗雞翼串燒，味道其實幾好，但就鹹咗少少。沙嗲湯底都偏鹹。而三文魚鰭串燒份量就比較細，同埋都係鹹。仲有個炸墨魚咀，整體來講中規中矩，朋友就好鍾意。重頭戲嚟啦，我哋嗌咗個軟殼蟹沙律，佢個沙律撈埋左啲菜出水嘅水，變咗湯，唔係一個得體嘅沙律，都唔緊要，但係又食食吓發現入邊有條粟米鬚嘅物體，原來係頭髮，係長頭髮。除此之外，侍應佢哋態度幾好，嘢食都好似好新鮮，不過都係太鹹，同埋衛生有待改善。…查看更多

同其他差評一樣，都係比700幾個好評引左入去🙄🙄🙄本人都好少寫食評，不過真係要警世一開始睇餐牌都冇講，到落order嘅時候先講話每一款要兩串兩串咁嗌 （可能我哋兩個都睇唔到Menu有寫啦），好啦咁由佢啦，唔通行出去咩。首先嗰兩串雞嚟到，份量唔係話特別大，都又再由佢。點知下一疊個鱔魚上嚟，真係眼都突埋！擦膠咁細舊？！好似求其俾少少嘢敷衍下你咁，大佬啊可唔可以唔好咁寒酸，件事好唔得體，隻碟細過你手心，一開始仲同男朋友講嗌咁多串，張豆膶咁細嘅枱會唔會擺唔落，點知原來個份量細到咁，講緊係嗰兩串嘅份量應該只可以combine當係一串🙄🙄🙄（抱歉唔係一個foodie, 本身亦冇打算寫食評，所以從來冇影相，可以參考其他人嗰啲）他們的王牌雞肉棒，我和男朋友都覺得很失望，感覺像免治雞肉加醬油。雞翼方面，比較淡和老。魚方面，油份有點過多。自問我都唔係大食，同男朋友兩個人食，食得個六七成飽都已經$1,5xx ，每樣嘢都係迷你版。好啦我當你行精緻路線，吖佢又唔係好食㗎喎😀😀😀價錢： 貴分量：細食物質素：非常一般性價比：低。係非常低呀媽咪…查看更多