晚來天欲雪的个人专页

上星期係婆婆生日，一家人出街食飯慶祝一下~附近唔想飲茶又要坐得多人，就來呢間凱富啦~專門食獅頭鵝同潮州菜的老店~必食鹵水拼盤，老闆仲推薦我地加鵝肉~相當足料，除了豬耳，紅腸，腎，鹵水蛋，仲有好好味的豆腐~鵝肉都比較好，肉質較為嫩不會柴蠔仔粥好大一盆，蠔仔都唔少，一家人食都有一人多過一碗，但是我覺得唔夠濃味，湯偏清淡d反沙芋頭不錯，裹糖略略厚，但是勝在芋頭夠粉夠香~清炒豆苗都值得推薦，唔會太油，夠味~…查看更多

新年同朋友聚下，尖沙咀比較方便，於是乎大家就約係小魚兒一起吹下水啦~金馬直上一樓，樓梯佈置都比較有心思，工業風設計加上魚🐠🐠🐠的燈飾~好似去緊海洋世界咁店內位置都比較寬敞，適合朋友聚會（不過都好多情侶拍拖來食）我同行4個人叫咗一條沙巴龍躉，因為有friend唔食辣，所以就叫老壇酸菜豆花口味，唔辣，不過我覺得應該加少少麻會好食d上菜都幾快，條🐠1kg都夠食，因為仲有配菜（推薦萵筍~年糕~黃金組合~）龍躉肉質好緊緻，豆花嫩，酸菜湯底非常好味~不過個火🔥好細，煲勁耐都唔滾，希望可以改善下囖…查看更多

平時去樂天，都是食隔離個小籠包多，但今次試下南洋Singapore的美食。同朋友約飯，去這種就最好啦，座位比較鬆動。星洲食蟹多，我地都叫咗個招牌龍虎燴。好大個蟹，肉質比較實，仲有蝦，蜆，粉，不過粉浸得太耐，斷好多，好難夾。個枸杞淮山雞湯幾好飲，湯液清澄，湯味濃郁。我鐘意食脆皮雞，層皮真是好脆，比起平時的燒雞皮要好，雞肉不會太柴。朋友話配送的蝦片都幾好食。仲加個新加坡炒通菜，比較特別，是特別的南洋醬炒，配飯幾好。…查看更多

江湖上流傳著很多傳說，武功最高境界便是無極。同friend人在江湖飄，點會唔食夜宵好靚一個獅子，唔知老闆有無參加黃飛鴻舞獅大賽呢？店內主打燉湯，手工麵，燒烤。我地宵夜先來，肯定食下燒烤，摸下酒杯就算啦bb蘆筍無點食過，點會有咁細條蘆筍嘎不過燒得幾入味，蔬菜清甜。仲有蘑菇，金針菇，杏鮑菇，洪七公烤乳鴿，燒牛肉，牛舌。品質都有保證，蘑菇燒完d汁都鎖得幾好，牛肉同牛舌都不錯，老闆燒烤孜然味不會太重，但食物都頗入味，仲配咗干碟，幾好…查看更多

銅鑼灣係shopping搏殺的好地方，但是行到攰一攰，都想揾個地方hea下。這間coffee ever係利舞台對面，位置唔算明顯，但是內有乾坤。地方唔難揾，但是要入都幾難，朋友帶路，仲打咗電話book，一定無得甩。最鐘意乾花擺設，店內走簡約coffee shop風格，簡單舒服。店長好熱情，推薦我地試下個手沖咖啡。↓下面呢個。 staff話這個同其他咖啡之類不同，第一次飲可以當係某種新茶去品嘗。來自埃塞爾比亞 ，有檸檬香味，甜，酸，又有白桃甜味，熱飲比較淡，但是入口比較淡，但是回甘，而且係口腔仲徘徊。而放冷少少，聞到咖啡清新的香味，會飲到咖啡味，口感比較豐富，與平時滴漏又係唔同體驗。都推薦大家食這個勁野，不會韌，入口融化唔癡牙，好味！…查看更多

聽住油尖旺的朋友講過下寶哥唔錯，一直想叫他帶我去試下。今日終於湊得齊人開餐，開心~~~寶哥係樓上，位置不算多，但是我地去到已經幾乎坐滿人，全部都似老街坊食客，實無走雞啦！朋友推薦食海鮮拼盤，材料新鮮，樣式豐富，桂花蚌、鮑魚、魚片、蝦、花蛤等，聽講因時節不同，海鮮種類會變。雙拼湯底（椰子🐔＋番茄）番茄湯底好飲，用來打邊爐煮海鮮都幾好味喔:-O因為朋友是大胃王，所以仲好開心可以refill野食，食材都好好食。尤其是d牛！野飲要加錢，所以我都是飲湯算啦…查看更多

早就聽講有個社企關注老年人工作生活，今日見到都想幫襯支持下。正所謂夕陽無限好，人到咗老年其實都需要有些興趣同工作去實現人生價值，呢個餐廳的staff都好開朗。正好是下午茶時間，所以我地都係簡單試下。菜式正正常常環境比較舒適寬敞，有音樂bar的感覺。入門就見到有個舞台，應該夜晚會有樂隊表演，唔知係唔係d耆英rock band 呢瑞士雞翼，蝦多士，仲有藍莓芝士cake。擺盤都好靚好吸引。食物質素都還可以，有機會再試下自助早餐先…查看更多

父親節時帶住老豆🐷去食飯，又要就近原則，街坊推薦食這個泰國野~ staff都係泰國人，一定好正宗。街坊泰國菜有個188晚市套餐，包括冬陰功湯魚同任選一個菜。我地仲加咗雜菜粉絲煲冬陰功湯會提前俾多碗，飲完仲可以免費加，超好味，不會太辣，又食得出香茅等的香味，入口順滑。烏頭魚煮到入味，肉質都比較緊緻，比較新鮮的魚🐠🐠🐠🐠湯裡面仲有d配菜，例如豆芽，菇，金針菇，白菜等。海南雞偏肥d，不過好抵食，仲係雞腿添…查看更多

人生充滿驚喜，有時無聊聊逛下都可以遇到美食，這間小店係斜路上，唔覺意可能錯過咗。主打手工曲奇和輕食，外面望落都幾似網紅小清新店。大理石臺幾靚，我地晚飯時間去，所以就叫咗意粉和all day breakfast不過小店關門好早，我記得老闆6點就收爐，所以只可以早點去食。墻上就是手工曲奇，超級適合做結婚伴手禮！推薦食雜菌黑鬆露意粉，超級好食。意粉唔會太硬，個忌廉醬勁有黑鬆露味。全日早餐都不錯，仲好有心思整咗個煙三文魚花，夠曬吸引！…查看更多

又一日午餐在東港城，今日探索一田裡面的料理。這個主打丼飯，拉麵等日式料理。圍住料理區坐，有點油煙味。位置不算太多，適合一人前。落完單等咗一陣就有得食啦。我叫咗燒豬肉丼，加套餐式，有高麗菜同麵豉湯。賣相不錯，仲有好多海苔絲同半個溏心蛋，高麗菜絲，其實不用加套餐都可以。個燒豬肉丼同平時食開的豬肉卷燒汁丼不同，豬肉是切粒，醬油不是甜的，有一點點鹹，不過送飯可以接受，個溏心蛋幾好味。個湯就偏鹹d，如果淡一點，就不會疊加個肉汁的鹹味，會好好多…查看更多

香港泰國野特別多，應該是d人去完覺得泰國菜都幾好味，所以帶翻香港。銅鑼灣是美食競爭激烈的地方，呢間船皇都幾受歡迎，尤其是個小船麵。地方ok大，橙色格調，好warn。可以選擇金邊粉，河粉，麵等，我一般都食金邊粉，唔會有選擇困難症。撈粉＋奶茶可以平d，唔知泰國的奶茶同台灣有咩唔同呢？泰國奶茶是用錫碗裝¬_¬｀喔，凍飲不錯，比起台茶，好似更清甜d，無咁油。招牌撈粉材料多多，丸，炸豬皮，雞肉，牛肉，仲有豆芽香菜:)撈粉比較干身，食落清爽d，適合夏天~…查看更多

一個平常的週五下午，天氣超級熱，出來揾下野食散下心❤下午茶都幾平，一個餐包野飲，選擇都頗多下↓呢間位置都算寬鬆，服務速度都幾快。我要咗公司三文治＋咖啡☕咖啡偏苦，味道還算濃，但是我需要加好多奶先飲得落，而且好提神！超級大份的公司三文治配薯條🍟🍟🍟🍟d薯條好鹹…食唔得曬…三文治好食，焦香麵包，包住生菜番茄🍅雞蛋，bacon等，搭配好健康，而且不會太大件，可以慢慢食。不過要注意，有時會有材料掉出來，食得小心d…查看更多

今個週末又去中環感受一下文藝氣息，探索完好熱好餓，想揾個地方歎下~四季常餐下午茶時間都多人下，但不需要等位，搭臺就得。座位都幾寬鬆。四季常餐應該是必點，抵食又ok好味。常餐雞湯忌廉通粉+多士炒蛋，加凍奶茶。雞湯忌廉通粉比較有趣，唔係特別濃稠的湯底，似平時雞湯，奶白色，忌廉味不多，但有點似雞湯磚煲湯，湯底不會太鹹。炒蛋偏濕潤，唔會太鹹，麵包係現烤的，所以好脆，幾好食。凍奶茶應該是整定，都可以，夠味。…查看更多

母親節同親愛的母上大人慶祝，由於她唔鐘意西式，所以大澳絕對是她心水。大澳主打漁家菜，連燈飾都是漁夫帽。大家推薦食卜卜蜆，的確不錯。蜆的分量很足，夠新鮮，幾乎都會開口。底下鋪一層蒜蓉，staff話唔洗加水，蜆會自己出水啦。食完仲會及時幫你可以加翻湯，整個鴛鴦米湯飯。仲有墨魚餅同黃金炸豆腐，超級好吃！墨魚餅扎實，足料，食一塊超級飽。炸豆腐都好食，酥脆內軟，比較淡，一定要點醬。招牌檸檬薏米水，可以清下蒜蓉味仲有籠仔飯同生死戀，個龍躉超肥美，不妨一試。…查看更多

成日都見到同事食一粥麵的早餐，距話ok，所以今日中午就過來試下菜飯。一粥面的選擇都幾多，有粥＋麵，又或者食套餐飯。有時中午想食得健康d，於是試下菜飯。叫咗黑醋豬軟骨菜飯，44蚊，都不貴，不過唔包飲品，所以要另外加錢。出菜算幾快，等咗幾分鐘就有得拎，位置都頗多，搭臺都簡單。豬軟骨無乜醋味，真是好硬的豬軟骨，味道一般。但是菜飯同肉燥四季豆非常不錯。菜飯不會太過水，飯的質地軟身但是不濕，淋d肉燥非常好味。…查看更多