tommybaby的个人专页

今日同同事想放假輕鬆下 去咗銅鑼灣呢間型格扒房Carver ，環境好好大玻璃亦影射到充足嘅光線包括餐湯、沙律、冷盤、甜品及主菜食物嘅選擇十分多, 健康沙律bar , 甜品等等⋯例如蜜桃煙鴨胸沙律、泰式雞沙律、海蝦沙律我們二人主菜：美國頂級肉眼扒，和羊扒甜品bar嘅款式都有好幾樣選擇，超級豐富職員服務態度有善 食物性價比極高, 下次一定會再去❤️CARVER銅鑼灣禮頓道8號香港銅鑼灣皇冠假日酒店1樓…查看更多

今日係附近工作諗住去附近一間Cafe坐低唞唞同客人傾緊電話傾咗5分鐘左右店員突然之間過嚟勁大聲叫我哋嗌嘢飲同我哋講唔好淨係坐喺度但係我哋只係坐咗5分鐘同埋真係有一個好緊急嘅電話傾緊絕對唔會唔消費但係佢一嚟就已經走過嚟同我哋講叫我哋買咗嘢飲先楚我話轉頭先啦 傾埋個電話就過嚟佢行開咗之後全程都啤住我哋2分鐘後又再行多嚟一次 命令式咁樣叫我哋出嚟買嘢飲我唔知佢做咩事心情咁差 我感到佢非常冒犯感覺非常唔好 同埋佢講嘢非常大聲 刻意令到我電話裏面嘅客人 同埋全場 都聽到 真係好冇禮貌 完全感覺不受尊重係一次非常唔好嘅經歷 呢個店員令我唔會再去呢間Cafe任何一間分店食嘢希望呢間公司可以重新審核呢一名員工…查看更多

經過旺角長期見到樓下都好多人等位一心諗住嚟試吓點知味道非常麻麻叫咗個石鍋米線 麻辣金湯湯底味道非常淡感覺上次係太多水 完全冇味另外叫咗三個餸 滷水牛肚 呢個好味 牛肚偏林 值得一叫腩肉 全是肥膏 風門封門柳+$4 大伏！！根本同肥牛一樣 仲要係好肥嗰隻三款餸份量唔多 不過米線份量就好多所有石鍋米線都係用石鍋上 熱辣辣但係餐廳冷氣非常唔夠 越食越熱 熱到完全冇胃口 可能係我坐嘅位置咁啱冇咩冷氣掛～～另外講到衛生方面 枱面黐立立的 石鍋米線上面嘅餸 全部都係喺由餐廳出面雪櫃 有一位姨姨不斷機械式咁夾出嚟的 唔知點解全程我嘅視線都離唔開呢一位姨姨…查看更多

跟大家分享一家在IFC中環區嘅江南菜餐廳呢度嘅環境寬敞舒適👍🏻👍🏻裝修新潮重點係佢哋嘅菜式真係好正！巨推薦！🤩首先要介紹嘅係佢哋嘅「蜜汁火腿烤雙方」用左個木盒子裝著 裡面有金華火腿 青瓜同炸豆皮夾喺餅皮入面 口感酥脆 味道香濃✨~~「安格斯牛肉羹」係另一個必試嘅菜式濃郁嘅牛肉湯底夾埋嫩滑嘅牛肉塊味道鮮美 令人回味無窮~~👍🏻👍🏻如果你鍾意食小籠包 呢度嘅「3種顏色嘅小籠包」就一定唔可以錯過 有黑松露帶子 冬蔭公蝦頭油鮮蝦 一口咬落去 鮮甜多汁 好好味！👍🏻👍🏻另外 如果你鍾意食辣嘢 呢度嘅「宮保雞丁」「重慶水煮牛肉」亦都唔錯 口味辣而不燙 好下飯！👍🏻👍🏻如果你唔鍾意太辣，呢度嘅「羊肚菌萵筍」就會係你嘅首選 清新嘅口感同營養豐富 一定唔會讓你失望最後 呢度嘅鮑魚純手工拉麵亦都係一道非常受歡迎嘅招牌菜 麵條有嚼勁 鮑魚大大隻 一定要試下！👍🏻👍🏻總括而言~呢間江南菜餐廳提供嘅菜式豐富多樣 非常出色不過 最令人滿意嘅係佢哋嘅用餐環境同服務 店員熱情又有禮 讓你食得開心 😆用得舒服如果你想搵一間好嘅餐廳食飯 🙌🏻呢度絕對係一個不錯嘅選擇！👍🏻👍🏻…查看更多

今次我哋就嚟到西環店食打完火鍋撚佢係近年來最鍾意食嘅打邊爐店舖之一服務質素好 店員有禮貌😊食物新鮮 上菜速度又夠快👍🏻👍🏻佢嘅環境非常寬敞空間10分大我哋兩個人食安排坐卡位絕對唔需要擔心跳得多嘢食冇位放🤣🤣叫咗蜂巢豆腐白湯鍋唔鍾意食辣 又想食得清淡啲嘅朋友仔個人非常推介呢個湯底星期一至四湯底入面嘅蜂巢豆腐同埋鴨血仲可以免費添加㗎🙌🏻蜂巢豆腐吸收晒湯底嘅精華味道✨每一啖擺入口都好多汁 非常好味👍🏻另外我哋仲叫咗3秒即炸響鈴 加埋佢嘅酸甜汁 絕配！御用手切肥牛 黑白栢葉拼👍🏻鴛鴦雙蚌👍🏻午餐肉 皇帝菜 香甜粟米 最後最後打完邊爐仲有甜品送 好滿足啊今餐🥰🥰🥰…查看更多

觀塘 串燒屋香港少有嘅自助串燒加網燒店仲要係任飲任食㗎喺香港平時出街食串燒好多時都係畫紙仔廚房燒好拎出嚟喺呢度可以自己燒一路燒 一路落自己鍾意嘅調味料正到爆呀佢用嘅係香港好少見嘅自動串燒爐不停轉動 岩晒燒烤唔叻嘅朋友點都唔會燒燶全黑燶皮腸絕對唔會喺呢度發生嘢食方面分咗三大類就係自轉串燒 網燒同炸物而串燒點少得台灣腸仲有厚切牛舌呢款係我最鍾意食嘅因為自己調味而且咬落去勁多汁又唔韌 簡直係Perfect網燒就一定要試燒茄子平時食串燒呢個係必嗌item係呢度就可以食過夠本所有炸物都係即叫即做新鮮滾熱辣炸蝦餅 魚餅 生蠔 雞軟骨 台灣香芋地瓜丸款式超多 梗有一款啱口味本人最愛就係榴槤炸彈一咬入口陣陣嘅榴槤香味傳到成口都係啱晒榴槤控嘅朋友仔食任飲任食 到最尾梗係要整返杯雪糕作結串燒屋都有雪糕提供都係任拎㗎 仲有幾款唔同口味俾你揀真係好滿足…查看更多

同狗仔行將軍澳海濱順便遠望下新嘅將軍澳跨灣大橋行過見到呢間A Tavola Bar & Grill幾靚又幾chill咁就入去問下可唔可以俾狗仔入嚟職員好nice咁say yes餐廳環境唔錯 門口亦係半開放式坐喺餐廳入邊都望到出邊嘅夜景由於本人非常鍾意食千層麵見到menu有 即刻叫咗嚟試呢度嘅千層麵都令我幾驚喜無論賣相同味道都幾出色牛肉千層麵配上奶油白醬仲有芝士碎條鋪面熱辣辣 層次分明 唔會一切就爛晒好味之餘仲有唔同口感另外仲想試吓呢度嘅Risotto今次就揀咗海鮮魷魚墨汁燴飯濃濃嘅黑色墨汁配上海鮮魷魚非常鮮味 佢仲同一般嘅墨魚汁Risotto唔同加咗杜松子酒吊味最後有芝士碎條舖面成個配搭好夾 食落仲唔會好’漏’食完主菜 最後仲嗌咗個甜品有幾款都好想試 而我哋就揀咗Apple Crumble即叫即整 出晒煙㗎皮層好鬆脆好香而入邊嘅蘋果就好甜熱辣辣 加埋雲呢拿雪糕 一齊放入口 溫度啱啱好…查看更多

每次行過都好多人等嘅光榮冰室有時出街唔知食乜好都會揀佢哋㗎佢哋有唔同分店係傳統港式茶餐廳大件好好好好抵食個人非常推薦旅客過嚟食吓感受一下香港地道文化環境同埋裝修都非常舊香港上菜速度非常快趕時間嘅時候都好啱食…查看更多

平時食開嘅川菜都喺街邊搵到少有可以入商場 嘅川菜小食餐廳環境乾淨企理 座位寬敞 坐得舒服仲要去卡位添啊服務方面姨姨好有禮貌 叫嘢食嘅時候姨姨仲會推介唔同食品俾我哋選擇 食物種類好多唔同選擇每樣都好想食啊今次我哋就叫咗幾款唔同嘢食試吓串香辣鍋分量十足 入面有清爽蓮藕 鮮甜大蘿蔔 仲有入晒湯汁嘅豆腐串 加埋大魚蛋仲有台灣腸 海帶 振興豬肉丸 牛肉丸湯汁味道鮮甜 有少少牛肉湯汁嘅味道 我哋叫咗小辣 好彩呢個辣到都handle到👅10粒小雲吞我哋今次揀咗一口棠菜豬肉雲吞必食之選好鍾意佢個size細細粒 一啖一粒容易入口小雲吞湯底仲可以選擇 我哋就叫咗清雞湯越食越開胃豬耳朵涼麵豬耳仔食極都食唔晒 好滿足面嘅質地彈牙 拼埋佢嘅辣汁係好完美嘅組合特別推介佢嘅自家製辣菜脯 撈埋面食好香口嘢飲方面 我哋就揀咗御翠烏龍茶西柚柚子茶味道清香尤其是西柚柚子茶 佢哋嘅嘢飲無糖清香啱晒走糖嘅朋友 夠晒健康…查看更多

同朋友食完飯想搵間甜品舖發覺而家好多餐廳九點已經閂門經過見到佢哋未閂門一於就上去試吓啦入面座位唔多星期一夜晚入去等咗大約15分鐘左右就有位啦見到餐牌有好多選擇不過佢哋用QR code落單唔知係咪太夜啦。。。好多嘢都冇晒 只有一兩款可以選擇我哋10個人食 7個都係叫同一款 椰皇桃膠燉雙皮奶 味道唔錯分量十足 超多桃膠 甜度亦都適中不過值得改善嘅地方係佢哋嘅落單功能真係有啲差一開始已經落唔到單個QR code係錯嘅然後聽到隔籬枱落咗單 原來漏單最後仲要上錯甜品？唔明點解可以咁亂…..就係個系統搞到上菜速度好慢然後座位唔多 好多人逼住晒喺樓梯口座位基本上係背脊貼背脊 食完之後個人暈暈地🫠建議去食都係叫外賣比較好可惜屋企係偏遠地區附近冇杏甜品食……查看更多

係沙田行行下街 見到復古裝修餐廳原來係香港永年車仔麵茶冰廳即刻入去試吓兼且打卡仲有得坐卡位 重回懷舊冰室咁本身想回味佢哋嘅車仔麵但係忍唔住俾扒餐吸引咗有唔同扒款選擇今次點咗慢煮鐵板二人套餐首先係前菜雞扒鹹魚凱撒沙律另外+$15揀酥皮周打蜆肉魚湯酥皮香脆鬆軟 足料之餘仲熱辣辣如果鍾意飲酥皮湯 真心推介除咗前菜沙律或者餐湯之外仲會有兩款小食第一款係一望到餐牌就想嗌嘅懷舊蝦多士一般喺其他餐廳嗌嘅蝦多士小食多數得兩件 或者四件但係呢度居然有六件 仲要係大大嚿香脆又好味 真係大件夾抵食到主菜鐵板 呢款安格斯封門柳五成熟 配埋黑椒汁 真係’炸炸’聲望見都流晒口水 肉質夠嫩唔韌另一款係全港首創招牌鐵板佛跳牆車仔麵花膠鮑魚蠔冬菇蝦 芡汁配搭炸膠麵呢種食法真係滿足晒唔同要求…查看更多

康城區餐廳選擇唔多竟然可以喺呢度搵到間靚靚餐廳有戶外區位置 歡迎與寵物共膳😆不過嘢食真係可一不可再去之前建議睇睇！叫咗兩款食物漢堡包薯條😨薯條林身唔知點解？從來未食過呢種口感可能用咗低溫油炸？漢堡包包皮係窿嘅 食落口有一種苦澀味道🫠鮮茄肉醬長通粉好油 長通粉味道淡今次叫咗兩款食物一杯嘢飲$350俾大家做個參考嗎？網上睇好多人都推薦佢薄餅如果有興趣嘅朋友都可以去試吓不過我哋今次就冇啦見到個環境好快已經走咗…查看更多

餐廳好有格調 👍🏻✨環境10分舒適座位位置闊落最啱同一大班friend 子過嚟食嘢🥰牛油果蟹肉沙律🥑牛油果加上蟹肉意想不到的合拍食落口感受到淡淡的蟹肉好幸福帶子意粉🍝香濃嘅忌廉味汁 食多兩啖都唔會感到漏大大隻又新鮮嘅帶子 仲有濃濃嘅蒜蓉香味明太子薄餅🍕薄餅好鬆脆 趁熱食非常可口分量十足 絕無偷工減料👍🏻✨小食雞翼薯條🍗必食多人之選 薯條雞翼炸到鬆脆可口 建議趁熱食牛扒叫咗五成熟 都比較靭 時間煮得太耐🥹…查看更多

行到攰攰地突然想食沾麵就諗起元祖沾麵分別叫咗豚肉魚介沾麵同埋海膽芝士沾麵加一款炸魷魚小食海膽芝士沾麵湯底非常濃郁上菜嘅時候有好濃郁嘅芝士香味聞到已經流晒口水海膽分量十足餐廳同一般嘅沾麵好唔同平時湯底用一般碗上 而佢哋就用咗石碗送上好前面汁嘅溫度熱辣辣一邊食一邊傾偈天氣咁凍keep住慢慢食溫度仲可以保留值得一讚有少少注意嘅地方餐廳只收現金大家食嘢嘅時候記得要帶備現金啊！…查看更多

期待已久嘅藍田九頭鳥分店終於都開到黎藍田啦👏🏻一直聽人講佢地嘅米線好好味 但都未有機會試到呢個位置前身係譚仔 裝修咗好耐之前都期待係咩餐廳嚟嫁呢點知今次經過終於開咗啦！！！佢哋嘢食餐牌同譚x真係好似不過米線更勝一籌 感覺上好似比較淋身同埋幼細少少我哋叫咗豬潤麻辣湯底&雞肉春卷酸辣湯底豬潤烹調時間啱啱好 唔會太韌 容易咬開春卷小食我地亦非常推薦👍🏻好好味兩點鐘左右過去叫野食等候時間差唔多15分鐘比較耐如果係打工仔上班一族lunch time過去食要因住時間…查看更多