MISS MO MO的个人专页

係大角咀做完gym行返屋企，原來太子界限街個頭好多野食架🤭😮係附近試左間泰式茶記，叫左今日Special: 冬蔭功肉碎炒飯夠火侯，紅咖哩牛肉撈米線入面d牛肉好似牛腩咁淋，兩樣都好好食！味道唔太辣，菜式又特別，計埋凍飲要加3蚊，兩人一共$96，好抵食呀！間餐廳仲要開到淩晨2點，Yeah! 呢間野可以encore! 下次我要試佢既泰式常餐！飲香茅茶！…查看更多

琴晚重回舊地‘X味’叫海南雞飯，味道差食完得個嬲字！好彩天有眼！今日俾我搵到間似樣既餐廳，食番碟好好好好味既海南雞飯，真係天同地既分別！1）去骨雞肉超級嫩滑老闆話呢度既海南雞一開始唔係用熟雞，係用生雞浸至3小時，比起其他餐廳花多了足足3倍的時間去製作，所以雞肉食起來更滑。2）價錢便宜抵食一碟雞飯$48咋，重送埋碗煲足3個鐘既椰子雞湯比你飲呀衰鬼！3）台式手打檸茶超好飲（跟餐+$5）茶底靚檸味岩岩好，好夾呀！同出面飲既茶記檸茶唔同， 一定要試！唔得呀，下次一定要再幫襯呢間野！支持用心製作既小店！…查看更多

餐廳既座位坐得好舒服，而且牆上又掛上一幅幅日本風情畫，食野環境不錯就算係贈送既湯及沙津都唔hea，麵豉湯唔會太咸，味道好香。煎雞扒咖哩飯 $60芝士吉列豬扒咖哩飯 $ 60咖哩有洋蔥香氣，好好味，肉既份量都好多架推薦芝士吉列豬扒，炸粉出色，整出來既豬扒鬆脆唔會太乾，再加埋溶既芝士wawawa.........…查看更多

紅絲絨芝士蛋糕(red velvet cheese cake)白色個part係cheese cake，幼滑好味至於紅色個d就同佢個店名一樣成舊牛油咁，好實呀美式口味蛋糕..緊有人識得欣賞，不過唔係我。至於服務態度不錯，叫左杯水，店員都相當樂意幫你refill。而且座位舒服，都係一個同朋友食下甜品，坐低吹水好地方。…查看更多

第一次見到有開心果味既布甸麵包，緊係要試啦！剩番最後兩個，即刻同朋友每人買一個！試完，勁好食囉痴線！開心果味好香濃唔死甜！布甸既滑溜感覺又做到！對呢間野賣既包好有信心！值得支持！…查看更多

睇完戲想食台灣野，就試下呢間點知遇上差店！！點解咁講？1) 俾錯menu客人佢俾左個holiday set menu我睇，上而寫住加15蚊就可以加小食，跟住我揀好左，佢先同我講夜晚冇，要睇另外一個menu..下！？個價錢唔同哂wor! 姐姐！2) 小食價錢突然間上漲鹽酥雞要我俾正價48蚊都唔緊要，我俾！但是，到我俾錢個陣，先同我講話假期晚市要加錢，個小食再加多十五蚊！？喂，咁好離譜者！同你個menu既價錢差好遠wor! 我要俾56蚊？！我已經要俾加一架啦！所以我勸大家唔好再幫襯佢！費事自己食得唔開心!…查看更多

行完富利來商場要補充下能量，就係附近搵野食。魚麵唔係度度都有得食，所以我揀左個自由選擇麵餐，有莞茜魚麵 配 雪魚魚湯 配 羅士魚腐 味道不錯，魚湯鮮甜咸度適中，而魚麵彈牙有淡淡莞茜香氣。另外，座位闊落都幾舒服，如果不想俾錢加飲品，可以自己去 斟水飲。唯一美中不足係餐具係外賣盒，明明堂食，都好似外賣自取咁樣…查看更多

嘩 呢個Pistachio Donut完全係食開心果野既一個極致！佢入面餡有開心果味cream，仲有埋咸香既開心果醬架，食完真係好滿足！另外，建議食呢個包要配番d清新口味既野飲！e.g. 無糖果香味梳打水價錢方面係....貴既，但真係值得開心果迷買來試…查看更多

1) 抹茶流心千層蛋糕 配 Matcha Latte (熱)抹茶流心畫面效果好治癒，但個心唔夠流蛋糕味道ok, 但抹茶味最濃唔係件cake，反而係杯少甜Matcha Latte！！堅好飲！問心我覺得觀塘工業大廈上面某間餐廳既千層蛋糕會好食d，比較滑身，而且價錢方面大家都差不多 2) 原味巴洛克芝士蛋糕 配 Expresso (熱)好欣賞入面難得有軟心cream cheese餡好好食！芝士蛋糕緊係充滿香濃芝士味啦，唔通有火腿味咩…查看更多

醉雞好滑而且份量多，好味又抵食飲一啖花雕酒，再食一舊雞，正呀！40蚊淨醉雞，加5蚊就可以加埋上海麵，另外因為材料費上漲，所以加多2蚊，都明既~疫情期間係要，做飲食好難.....加油呀！我仲想下次試下佢地既自製餃子和魚麵架支持小店，咁用心製作平靚正食物！…查看更多

緊係試主打的豆製品，果然冇錯！豆花香滑，自家製醬油偏咸，但配料十足，成件事好夾！豆漿少糖有豆香正呀喂，微微薑味好好飲，暖暖地好舒服~呢間野值得encore! 支持用心製作食品的小店！…查看更多

係人都知中秋節正日係超超超難搵餐廳食飯！但都俾我係openrice搵到一間食中菜，價錢又ok，仲有靚時間(18：30)book, GO!我地四人叫左五碟野，價錢係五百三十蚊都ok1)冰鎮咕嚕肉 (極度不推薦！肉唔脆，next!)2)水晶雞 (肉質較老，但雞味濃都還可以)3)暏暏芥蘭煲 (good!)4)酸菜魚 (鯇魚片有少少骨，但整體味道都不錯，湯好味，都夠配菜)5)䜴油王炒麵(必叫！麵不會太乾，仲幾煙韌我地成餐飯食得幾開心，地方又坐得舒服。…查看更多

沙茶牛肉麵，肥牛好精瘦(？)，但碗麵入面有好多好多菜正呀！女人鍾意食菜呀！手作麵都不錯。至於飲品，西柚茶揀常溫好後悔，應該好飲d,好彩底部食到果肉，個人即刻開心番。下次要試下臭臭鍋，臭下自己把口先！…查看更多

今日試左兩件cakes都好好味！士多啤梨味慕絲蛋糕，好濃既士多啤梨味好正！再食埋芝麻味豆腐芝士蛋糕。。又係勁濃芝麻味！芝麻迷巧滿足呀！真係要支持2good Bakery呢間小店！絕對唔好睇少小店，蛋糕質素分分鐘比個d咩高檔鋪頭賣既貴野好食超多！…查看更多

見到menu寫住"日賣一千碗"，又有"推薦"icon,就試下叫湯河。。結果，我明點解佢可以賣到咁多碗！第一，個湯真係好好飲！堅係牛骨湯，咸甜味岩岩好，飲完好舒服！牛肉靚又多，五十幾蚊大大碗真係無得彈！好過個d叫小xx既鋪頭，改名改得好好，d野食既份量又真係少！…查看更多