little.apple.bean的個人專頁

之前去尖沙咀食過，見今次喺Airside 行完街睇到有Chatterbox Cafe，同屋企人試吓。今次試咗佢哋嘅“COMBO FOR 2”二人套餐，因為最怕揀，二人餐啱晒我呢種唔想用腦諗嘅人～價錢望落都合理嘅～環境好舒服，坐喺car位上，燈光溫暖，職員又友善，成個感覺幾輕鬆～上食分店過佢哋嘅海南雞，真係好滑。香脆薄餅配咖喱汁及蔬菜條，薄餅外脆，咖喱汁味道適中，但係無肉嘅～蔬菜條都新鮮，開胃又唔膩。黑醬油炒蘿蔔糕炒得ok，較淋身。黑醬油嘅香味唔錯，食落去有種懷舊感。星洲海南炸豬扒配香米飯，豬扒外脆內嫩，肉質好，配埋香米飯，味道唔錯～合理嘅。香炒河粉燴牛肉，河粉滑，牛肉嫩，醬汁味道濃郁。似平時嘅炒牛河～無唔算太油。醬油生菜清新又簡單，為整餐帶來啲清爽感。飲品方面，有機蘋果茶清香，森林水果茶色彩靚，飲落去都幾爽快。總括嚟講，Chatterbox Cafe 嘅二人套餐唔錯，$400 到可以有豐富嘅套餐～我覺得坐得舒舒服服，一邊傾計一邊食係OK 嘅！會再嚟幫襯✅…查看更多

成日都好想試，但一直覺得韓國野要多人食～今次帶外國朋友來吃這間，去到超多人，等了大概20-25分鐘，就入座了～另外覺得職員的人很好啊～～很有禮貌，坐位也舒服！半半炸雞（原味，蜜味乳酪粉）半半炸雞的原味外皮酥脆，雞肉保持了鮮嫩的口感。蜜味乳酪粉的甜味相當突出。賣相都好好，一次試到兩隻味道～手調菠蘿啤酒手調菠蘿啤酒清爽可口，適合搭配炸雞。驚喜二重奏（牛扒+炸雞）這道組合看起來很吸引，牛扒的味道不錯，炸雞依然維持了高水準。牛扒的熟度方面都剛好～八爪魚煎餅八爪魚煎餅的外皮酥脆，內裡的八爪魚味道不錯，但如果能增加配料的份量，會讓這道菜更加滿足。檸檬雞肉沙津這道沙津的檸檬味清新，雞肉也很嫩。吃太多炸雞總是要有一些清爽的沙律拌拌～芒果雪冰作為甜品的芒果雪冰，清涼消暑，味道也不錯，適合在豐富的餐後享用。…查看更多

喺Airside行街舒舒服服諗住食個午餐先返工，裝修正常，茶餐廳咁。入去叫一個泰式扎肉炒麵... 上菜時見到就覺得賣相好差，好似一碟素麵咁...都其實$69，賣相都好唔吸引🥲覺得值下午茶價錢... 味道又唔好，唔覺得有特別調味，點樣泰式？好無誠意。另外仲叫咗一個咖哩牛腩焗飯，都... 好難食🥹汁又多到癲，調味得個咸味加埋$5凍飲=$74 一個餐你可以話係茶餐廳又可以點好食？都唔係，人地敏華都同價錢做到更細緻嘅味道我本身諗住試吓啦未食過呢間，點知真係好伏。仲最後見到一個送餐嘅職員，汁枱後，又喺地下整張枱嘅螺絲... 掂晒地下又去送餐😮‍💨所以整餐嘅體驗都唔係太理想想有客人繼續幫襯，可以諗諗整好少少....…查看更多

最近我去咗荃灣的「忘不了」餐廳，呢間櫻花主題的台式火鍋店環境都幾靚，適合朋友聚餐。我哋選咗蕃茄湯底同椰子湯底。蕃茄湯底鮮甜清新，飲落去好健康；而椰子湯底則有淡淡的椰香，滑順。特別適合鍾意清淡口味嘅朋友。最驚喜係佢哋的手搖飲品，竟然有幾十款！從清茶、珍珠、奶茶、奶綠到果茶，甚至冬瓜茶，任飲都唔怕！每一款都唔錯，同一間餐廳可以飲到咁多手搖都真係好開心，不過真係試唔晒😂甜品方面，雪花冰、窩夫同豆腐花都超推介。雪花冰正常，窩夫唔錯！豆腐花甜度剛好🍧🧇唔好前望係好好好出色，但係咁多款，覺得性價比都好高。…查看更多

食完覺得要上嚟openrice留個好評👍🏻❤️講咗好多日想食韓國嘢，放工晚上約8點我去咗荃灣海之戀的Yadllie Plate分店，雖然要等位，大概等15分鐘到。我好鐘意餐廳有齊晒濕紙巾同紙巾，仲要好乾淨！有齊晒小垃圾桶放骨頭。好整齊好整齊～真心like啊，細心位。我哋叫咗半半炸雞，一半係蜜味乳酪粉，另一半係大邱辣醬。第一吞食落去同平時食嘅炸雞好唔同😯平時啲韓雞好厚皮同好油，呢到食到嘅可能係我食過最好嘅韓式炸雞，皮薄得嚟又脆，口感一流（真咖）如果多多少少醬汁會更好，我鐘意超多汁～醬豬蹄份量都幾多，大碟，好多片，二百幾數都覺得ok～配咗生菜同兩種醬料，肉質好味，皮同肉比例剛剛好，食到我哋好滿足。啡色醬甜甜哋好好食，辣醬偏辣～鐘意辣嘅話會好鐘意！仲有香辣芝士八爪魚，店員即場用煤氣爐撈芝士，淋滿整個八爪魚。八爪魚軟熟，份量都唔少，仲有啲辣味，食落去好開胃。全部職員都好好人啊，有提醒個碟好熱小心啲，同好有禮貌。最後，甜品我哋叫咗朱古力沙冰，味道濃，但有啲單調，如果裡面有啲內餡就正啦！但朱古力味都幾足，整體都唔錯，甜品做結尾好開心✨飲品方面，我叫咗菠蘿米酒，味道清新，好開胃；家人叫咗提子梳打，對唔飲酒的朋友嚟講，真係好選擇。價錢ok 吖，味道亦合理。總括來講，今次食嘢經歷好開心，職員好nice，好好人。食物質素比預期好，味道唔錯，期待帶屋企人再嚟。座位舒服，唔會好逼。…查看更多

最近我同朋友去咗大圍的 Chatterbox Cafe，真係好開心！呢間咖啡店的氣氛輕鬆，非常適合二人聚餐。我們點咗雞飯，真係太好味！雞肉鮮嫩多汁，米飯香軟，搭配特製醬油，味道令人驚喜。每人一碗，吃得特別滿足。接著，我們試咗素春卷，春卷外皮金黃酥脆，裡面嘅蔬菜都唔會話好淋，不油膩。最後，點咗錫蘭奶茶，茶香濃郁，奶味滑順，甜度剛好。同埋紅豆豆奶+雪糕，好似甜品咁，好滿足。總括來講，Chatterbox Cafe 的食物質量高，環境舒適，真係個好地方！如果你哋想搵個地方享受美食，強烈推薦去試試😋…查看更多

最近陪朋友試婚紗，經過尖沙咀的金巴利道，看到一間光鮮亮麗的韓國餐廳，櫥窗上貼滿了韓國菜單，讓我們忍不住進去探探。店員非常友善，安排座位時還介紹了幾道招牌菜，讓人感覺挺舒服的。我們點了三款菜： 香辣牛肉湯這碗湯味道香濃，辣度剛好，喝下去真的挺開胃。牛肉煮得很軟滑，搭配的蔬菜也不少，健康又好味。不過，可能對不太能吃辣的人來說，會有點刺激。醬炒牛肉石鍋拌飯一上桌，賣相真的不錯！牛肉、胡蘿蔔絲、芽菜等配料都很豐富，韓式紅米飯也很營養。拌上他們的甜醬汁，讓人食指大動。不過，個人覺得醬汁稍微偏甜了點，如果能再平衡一下就更完美了。韓式煎餃子這裡的餃子特別推薦，餡料真的很足，香味四溢。外皮煎得香脆，吃起來口感不錯。不過，裡面的醬汁稍微多了點，吃的時候有點滑手。總的來說，「韓屋」是一間很有特色的餐廳，無論是鍋飯、湯還是餃子，味道都很出色。下次再來的時候，我會試試人參燉雞，聽說也不錯！不過希望他們可以在味道上再精進一下，會更吸引人。…查看更多

今日專登嚟到Airside聽講進軍了好多食肆，而且消費仲有美食券回贈，商場亦有好多打卡點，附近開了一間文華大廚處理嘅星加坡菜Chatterbox Cafe, 等我排隊攞位先，餐牌有單點重有二人同埋四人套餐, 價錢算底食在啟德 Airside 我選了二人滋味套餐，黑醬油炒蘿蔔糕，文華海南雞飯配香米飯，白胡椒肉骨茶配白飯，蠔油小棠菜，重包括兩個餐飲。黑醬油炒蘿蔔糕：蘿蔔糕好惹味嫩滑，佢用黑醬油炒感覺唔錯，不辣但惹味。文華海南雞飯：鎮店之寶，雞肉嫩滑多汁雞皮爽滑亦不肥膩，油香飯非常美味，配上三款特製嘅醬汁，味道一流。白胡椒肉骨茶配白飯：湯底濃郁，胡椒味道適中，肉骨煮得唔軟爛有咬口，肥瘦適中，配上油條浸湯鬆脆可口，非常滿足。蠔油小棠菜：亦是健康配搭餐飲方面：我地選擇了有機雜梅紅茶和錫蘭紅茶都係增添獨特風味。雖然今次未能試佢的雪糕和甜品，因為已經好飽了，下次再幫襯。環境方面，餐廳設計優雅，座位舒適，燈光柔和。乾淨整潔，Chatterbox Café 絕對值得一試，無論是品質還是口味都絕對不會讓您失望。…查看更多

同朋友見食評幾好，就試吓。我哋7:30pm 入座，去到8:00pm，就突然職員行過嚟話8pm last order。我哋即時話想加多一個pancake，已經話無得加...職員係咪可以早少少講？？？？？？一通知last order就已經無得加，實在係好無奈啊。然後我地8-9pm 期間，有一位職員不停不停不停過嚟，問我哋仲有嘢食嘅碟食完未，可唔可以收？我哋覺得非常煩厭...最後有一杯飲品，仲有兩啖，又問我哋飲完未...其實職員可以在關店早15分鐘講一聲就夠，不然我哋整餐飯都感到非常非常非常壓逼...一啲都唔輕鬆，下次唔會再試啦。野食一般，甜品ok。…查看更多

消費卷又可以周圍搵好嘢食，今日打算行沙田區因有多個大型商場連接住舒服又方便。 我哋揀咗間餐廳除咗室內裝修簡約，室外環境都唔錯，可以鄰近惠康超市掃貨行一陣又可以回家煲劇，屯馬綫交通方便快捷。 入到餐廳選擇個柚子蜜糖燒雞配時令蔬菜配薯蓉，重加了多$38就可以轉套餐有餐湯、廚師發辦沙律，仲有兩隻吉列炸蠔外脆內軟多汁。 燒雞又鮮嫩多汁，而且配埋薯蓉簡直絕配。 另外仲order 雙層安格斯牛肉芝士漢堡，手工一啲都唔油膩配上多種蔬菜，醬汁材料，口感豐富，味道有點香辣，好醒胃，食埋個柚子蜜糖燒雞簡直就已經好滿足。 我哋仲叫咗兩杯特飲，一杯係朱古力咖啡特飲一杯係特濃朱古力係睇個賣相打咭影相都已經夠，飲埋落口，真係好好飲啊！下次一定再去幫襯。 …查看更多

復活節假期留港消費周圍搵好嘢食，今日打算行荃灣區因有多個大型商場連接住舒服又方便。我哋揀咗間餐廳除咗室內裝修簡約，室外環境都好靚，可以望住日落飲吓嘢簡直人生一大樂事。入到餐廳，店員就介紹咗個芝士香煎珍寳帶子卡邦尼意粉，佢話如想再大滿足只要加多$38就可以轉套餐有餐湯、廚師發辦沙律，仲有兩隻吉列炸蠔。珍寶帶子好大粒又鮮甜，而且配扁意粉，簡直絕配。另外仲order咗手撕豬肉pizza，手工薄脆批底一啲都唔油膩配上多種材料，口感豐富，味道有點辣，好醒胃，食埋個扁意粉同Pizza簡直就已經好滿足。我哋仲叫咗兩杯特飲，一杯係芒果百香果青檸特飲一杯係宇宙洛神淨係睇個賣相打咭影相都已經夠，飲埋落口，真係好好飲啊！下次再去光顧一定試吓室外環境，我諗又有另外一種風味。…查看更多

天寒地凍約了媽咪係尖沙咀掃貨，在加連威老道滿載而歸晚餐時間又到，順便經過韓國街，途經好似置身韓國一樣，可能真係好耐無去旅行啦，好懷念炸雞同啤酒，一路行一路十五十六去邊間韓國餐廳食好呢，OPPA Coffee Bar Restaurant門口有張海報芝士熔岩炒飯比他吸引住、就係咁入去試試味道！餐牌種類繁多，但我都想試吓個招牌炒飯，同時叫了一客全份蜜糖炸雞，有炸雞梗係唔小得啤酒，在餐牌內有4款韓國啤酒可供選擇，我就選擇一款500ml CASS啤酒可同媽咪一起分享，芝士熔岩炒飯的拉絲效果對我來說非常吸引，加上以火槍燒炙，絕對滿足視覺享受，是一間很適合情女來打卡的餐廳！芝士味想算香濃，更混合埋香口章魚肉鬆同飯香，入口好溫暖嘅感覺，至於蜜糖炸雞就更香脆可口，底下重小量薯條伴底，而款炸雞味道不辣，雞件外脆內嫩滑，下次一定要選擇辣味可以邪惡同狂野一些，整體而言，食物味道可以再幫襯👍…查看更多

11月22號星期二又到「小雪」來臨此時飲食要防寒養腎，天氣涼浸浸，收工約埋媽咪去荃灣行吓街食個飯都係一個好選擇，由荃灣西鐵開始，Aeon, 荃灣廣場一路掃貨已用了3個鍾，真係滿載而歸。疫情雖然幾千案個案，途經開了好多食市店內都超多人流，想搵間坐得舒適都很難，經過沙咀道有間炯記燒味店門面寬闊，掛滿燒鵝，油雞，燒腩仔，睇到都有啲肚餓，價錢明碼實價一目了然，叉燒，海蜇燻蹄，單拼雙拼任君選擇配答，重有例湯送贈，不過媽咪重想行埋千色廣場先霸休，因為重有化妝品未買，唯有頂住肚餓都去埋先啦，買完後路經荃灣街市街原來又有另一間炯記燒味分店，比對過價錢重便宜，決定買外賣回家吃順便煲電視劇，回家吃更安全，買了兩個飯盒燒腩仔飯同叉燒飯一小食海蜇燻蹄，脆卜卜燒豬肉皮配埋芥辣更醒神，叉燒咬口軟綿，燻蹄配埋醬汁頂呱呱，今餐兩個飯盒一個小食都係122元都算唔錯，例湯熱辣辣味精小值得再去幫襯。…查看更多

昨晚路經荃灣千色匯同想揾晚餐吃，本來去牛摩放題誰知去到撞到內部裝修，唯有試吓隔籬嗰間叫別忘了台色放題。門面有櫻花樹，同埋好多掛上了好多留言字條，好多人排隊入座，即本埋去攞張兩位枱，二十分鐘後成功入坐。在餐牌叫了兩位268元120分鐘放題，我地選擇椰子雞湯同肉骨茶鴛鴦湯底，食物新鮮鮮明，丸類彈牙有肉香味，最正就係芋心貢丸，牛肉類厚薄分明，滾起來食落有咬口配埋醬料更加美味，台色小食種類更多，台灣腸，鹽酥雞，鴨血，蔥油餅，芝士球，榴槤球，每樣叫一件已經食到半飽，再掃QR Code 再遊覽餐單項目，台式甜品多到有小小驚訝😯試問一餐怎能夠吃哂二十多種甜品，唯有精選三四種試試，火龍果芋丸雪花紛飛棉花冰，焦糖雲呢拿窩夫，芋丸仙草，牛奶布丁，紅豆窩夫，珍珠奶茶，芒果爆珠梳打，食到真係置身於台灣夜市感覺！(覺得好抵食啊！）重有movenpick 特式雪糕，我地選擇了蜂糖味道同特濃咖啡味道，兩隻味道都好好～埋單時俾咗一張紙條我哋留言，我就寫上了今次晚餐我會比95分，下次都會一定再來幫襯，不過要午餐都唔食先可以試多啲種類😋…查看更多

燒肉店坊間有好多，日式就試得多，但台式的真係比較少，所以一定要同家人試下喇，呢間安平燒肉放題有兩間分店，今次揀咗去荃灣分店，地方寬敞舒適，而且店員非常細心，解釋得相當清晰，值得讚👍🏻澳洲M5和牛120分鐘吃到飽(正價$418)，分時段19:30前離座($358)，21:30後入座($388)，仲有嚴選牛舌芯(每位贈送2件一客)，這個級別是最高級了，有103款食物，小食、飲品可以任飲任食。喜歡吃牛的真是大快朵兒，有澳洲M5，美國牛小排和SRF極黑牛都挺不錯的，燒到7，8成熟再加少少鹽，食落口肉嫩多汁，有牛香味和牛肉之油香！其實肉類方面除了牛還有多款豬同雞等等。海鮮方面有大大隻虎蝦，牛油帆立貝，絲瓜煮蜆，仲有昇東燒魚腹等等，非常新鮮。另外亦有自助區，有蔬菜類、丸類，其中波蘿同粟米值得推介，醬料，飲品，台式小食，地道滷肉飯等等多不勝數。餐牌內有多款台式飲品：例如冬瓜茶，百香果綠茶，火龍紅茶等等，亦可自由選擇甜度，冷度，真係相當貼心。甜品方面結賬時店員會送上一張下單紙，可選擇Häagen-Dazs雪糕， 有三款味道，另外有地道芋圓仙草凍，真係大大滿足！…查看更多