cyrus9602的个人专页

叫咗lunch set 松露野菌汁雞扒焗珍珠飯$60，食到一半覺得唔對路，點解個汁無論顏色&味道上咁似燒汁嘅。因為下午茶有個餐係燒汁焗雞扒飯，只係$42，價錢爭好遠。食完同經理反映，佢好唔耐煩咁：你食邊個㗎？？你覺得有問題嘅話又唔同職員講？ 呢個唔係我責任lol，有規定唔可以食完之後先反映意見嘅咩？😂 同埋我只係反映下，無論你之後諗住照收原價或者收下午茶價錢我都尊重，唔好搞到個氣氛好似係我存心搞事咁最後廚房伙記同我爭論話lunch同下午茶係用邊個兜，話肯定冇比錯我，好彩自己影咗相做證據，比完相佢哋睇即刻冇聲出。本身諗住純粹反映下意見，希望餐廳注意下廚房出品，你講聲唔好意思再了解下具體情況都唔係好難啫？同我拗會快啲解決到問題咩？…查看更多

彬記雖然喺彩虹好似都有一段時間，平時都多人幫襯，疫情之前食物質素都唔錯，起碼對得住價錢；自從2020年有一次新聞爆呢度有個廚師中招跟住繼續返工，搞到附近街坊都人心惶惶，過咗一陣恢復正常客量但係食物質素都明顯差咗好多🥱員工服務態度就一向都差食得茶餐廳就預咗唔會有好服務，呢度都係，但係有時真係會睇唔過眼，因為附近都多老人家落嚟食嘢佢哋有時係麻煩少少，不過只係簡單問多少少嘢，或者想要倒杯水都可能會比一啲員工鬧，仲要係成間餐廳都聽到。有個叫亞嬋嘅員工去親都知佢態度差，同佢講落單佢就會越行越遠跟住先問你食咩，落完單俾張單你嘅時候就會離遠飛張單過嚟，唔識行近少少放低張單咩？態度差都算，啲食物質素依家真係越嚟越差彬記其實可能中式嘅嘢先係比較掂，即係粥粉飯嗰啲，平時幫襯開都仲覺得OK，麵就真心麻麻哋，尤其是早餐完全都唔知食緊乜，以前早餐公仔麵嗰啲湯底都幾好，而家又唔知搞咩越嚟越差，如果唔叫沙嗲牛肉就咁清湯湯底就會好難食，有時冇沙嗲牛肉就會叫豬扒，但係豬扒份量非常之少，只有半隻手份量仲要得一嚿，又硬又多骨，食完就好似冇食到咁樣。仲試過公仔麵用鹼水麵嘅湯底，麵嗰啲真係難食幫襯左咁耐第一次嬲都要喺度寫食評，嗰個咁嘅阿婆態度差都算，啲食物仲要再差啲；同埋本身彬記啲嘢食都係偏貴，除咗早餐之外，依家仲要學人加價但係啲食物質素就反而差咗，幫襯左咁耐都係第一次嬲到要喺度寫食評，仲有就係如果遇到嗰個員工，真係唔使客氣可以串返佢，出到嚟做服務行業唔係話一定要你好有禮貌但係有返基本尊重同埋好啲嘅態度都可以掛？…查看更多

令人失望嘅餐廳...本人一直喺西營盤般咸道返工，每次行過都見到餐廳裏面得好少客人上openrice，見到下午茶好似好多選擇，決定試一試；叫咗個福建炒飯，三分鐘左右個飯就嚟到，望落去同聞落去都似揚州炒飯，所以我問一問啲員工，其中一個完全冇理我，另一個行埋嚟就話：呢個係福建炒飯嚟㗎，每個地方唔同嘅做法，呢度唔係酒樓呀😵其實可以禮貌同我講返馬來西亞福建炒飯嘅做法lol咩叫呢度唔係酒樓？好多地方嘅福建炒飯都唔係咁，客人覺得好奇甚至懷疑係好正常，係你見識少，以為得酒樓嘅福建炒飯先係有汁😂一個下午茶飯$42唔算太貴，但係食物質素就對唔住價錢，份量偏少，太多油仲要加一收費其他評語仲話係幾十年老店🤔，一個下午茶，員工嘅服務質素已經唔會有下次幫襯，好多好嘅評語都已經好耐之前，唔好剩睇評語就覺得間餐廳好。…查看更多