YanYan 228的个人专页

見到好多人推介呢間, 想試好耐, 咁啱有事要到尖東做, 同老公先去醫醫肚.......喇沙湯底濃味椰香, 米線煙韌, 蝦大隻又爽, 豆卜吸哂湯汁, 好正!! 美祿恐龍: 本想叫走冰, 但原來唔可以, 唯有少冰, 其實係一杯凍美祿, 個面灑滿好多好多美祿粉, 飲落去有少少咬口的濕了未溶的美祿粉, 又混埋冰凍的美祿, YUMMY!! 一直唔知新加坡流行飲這款飲品....... 冇乜湯, 係類似撈米粉, 個汁係酸酸地, 個汁似似地肉醬意粉味再加了好多蕃茄的酸味, 相信在新加坡食到會好開胃!!咖啡是老公飲, 佢都話幾香都OK外脆內軟, 椰香+牛油味混合, 真係令人好懷念去新加坡旅行的時候...............…查看更多

因放假唔想煮飯, 所以同老公買外賣食, PIZZA HUT新出的批好想試, 所以就叫左個餐睇廣告講批邊會有龍蝦汁蝦丸, 但一食落去就知是平時打邊爐食到的龍蝦丸, 是在街市急凍鋪買到的龍蝦丸, 有少許被騙感覺......... :(除左呢樣失望, 其實個批都幾好味, 餡料都好豐富…查看更多

因這間大快活比較大, 座位多, 唔洗同人迫, 所以都多機會來吃我點了菜豬骨粥+炒米粉+熱華田, 吃了一半粥, 已感覺有點飽, 所以待吃完粥及飲完杯華田, 就拎個米粉去櫃台, 想服務員幫忙轉外賣盒, 但................櫃枱只得兩個人, 排隊拎餐的客人大約有4-5個, 我拎去調配飲品的服務員, 希望代為轉外賣盒, 她竟然俾個膠碗&膠袋, 叫我自己倒, 我問佢拎筷子, 佢俾左隻長的膠飲品攪拌匙俾我, 問我得唔得...我真係O咀!!! 佢叫我係出面櫃筒拎筷子, 因為好忙.........其實食物冇乜問題炒米粉都係我幾喜歡的早餐.......但.........唔係呱........ 我而家唔係無啦啦問你拎外賣盒, 係拎碗米粉埋到櫃台叫你都唔幫我轉盒, 你就咁叫我自己係櫃台自己搞掂, 唔問唔俾筷子, 但俾隻飲品匙我, 到底想點呢??? 人地大家樂比呢度多人好多, 我都試過拎番D食物轉外賣盒, 佢地都快快手幫你搞掂包好........到底哪裡出現問題?? 服務有待改善吧!!!…查看更多

元朗咁出名的雙豬終於可以試下燒肉偏"鞋", 豬頸肉腍滑, 兩者都香及有豬肉味, 所以出名都唔出奇但米線偏硬, 聽聞這是桂林米線特色, 但我都偏腍少少的米線, 因偏硬米線沒有好好索了湯, 感覺冇咁順口...老公吃的涼粉, 我只吃了一口, 不夠凍, 感覺比平時黑色涼粉爽硬, 偏淡味, 適合不愛太甜的人士我見下午茶餐有很多款粉, 下次要試其他...... 豬扒, 雞翼, 都聽到多人點~…查看更多

因下午要到威院聽講座, 中午走到這店來搵食未夠兩點, 所有午餐都賣哂!!!! :( 服務員又沒有推介其他食物..........如要再找吃, 附近都不多, 除非要走到第一城...... 今次唯有叫小吃頂肚....雖見到從暖櫃拎出來, 但都不是熱的........ 吞拿魚蓉好"鞋", 比屋企吃的罐頭還要"鞋"/乾.....正在吃的時候, 清潔的姐姐在我枱面搞了很久, 執幾粒碎都很久, 感覺有點不潔...反而蛋糕都OK, 甜品果然是令人有心中安慰的功效......其實意粉/飯, 都可以長期供應, 醫生護士都不定時吃飯吧........ 應該都有生意......似是社企開的, 但有很大很大的進步空間..........其實如開一間細細的DELIFRANCE, 食物又相似, 服務又比他們好, 社企就可能做不住, 要進步啊!!!!…查看更多

黃昏時候到, 所以人客不多, 一入去就有位, 門口餐牌已好多, 坐低見到下午茶餐牌仲多到唔知揀乜食... 我點了火腿+蘑菇腸 的蕃茄湯扁意粉, 其實配料有好多選擇, 唔想揀扁意粉, 都可以揀第二D粉, 總之選擇超多!!!蕃茄湯底味道似屋企罐頭羅宋湯味, :) 扁意粉有咬口, 索了湯味, 正!蒜蓉多士都似屋企能整到的, 不過不失呢個雞翼係叫餐加錢額外點話雖辣雞翼, 但一D都唔辣, 似瑞士汁雞翼, 下面墊住果塊包, 以後盡量都唔會食.... 腍哂.......老公點的豬扒包包面如果可以再脆D就更好, 豬扒唔韌薯角外脆內腍, 但偏油.....下午茶餐仲有焗飯焗粉, PIZZA, 及平時茶餐的食物....... 太多選擇吧!! …查看更多

下午茶時間, 因行到好攰, 搵個地方休息, 但又唔太肚餓, 我提意來這店飲茶.完全唔洗等位, 人客都不多 因唔太肚餓, 只叫了3個點心...可以續粒叫(2隻起), 一人一粒 :)蝦多肉少, 感覺好真材實料, 適合不太愛肥豬肉的人吃芝麻面係幾香脆, 但個面全是油........ :( 連帶底個包包腍哂.......包多, 餡少......... 可能油淋淋.. 好肥膩........3大舊雞肉, 嫩滑, 棉花索哂汁/油... 冬菇腍, 不過不失…查看更多

黃昏時間去到MEGA BOX, 因沒有吃午餐, 所以搵間可食飯的食店, 沒有頭緒之下去了類似FOOD COURT果層, 好多鋪頭都在裝修中, 老公就揀了呢間.因好耐之前在尖沙咀店(現已執)已吃過豚肉飯, 未試過其他豬飯, 所以我點了豬肋骨飯 飯雖是圓圓的日本米, 但不是日本米的黏黏的.... 比較散, 而且唔夠汁, 只有豬肋骨及面層的少量飯沾到少許汁... :(豬肋骨肉質偏"鞋", 沒有這店的豚肉或其他西餐豬肋骨軟稔, 但總算惹味!!老公點了冷麵冷麵沒什麼特別, 正正常常, 因沾了麻醬, 所以係幾OK炸豬扒都好厚, 好腍, 但冇乜豬肉味, 都不像在尖沙咀吃過的味道....... 沾麻醬或豬扒醬, 我覺得都OK可能肚餓, 我見老公吃得好快, 而且都讚好味 雖然不是午餐或晚飯時間, 但都4-5枱有人來吃, 應該都不算差吧........…查看更多

和老公在九龍灣很早吃完晚飯(大約7點幾), 想吃個甜品作完美的結束, 便走到淘大尋尋幾出名的金滿堂餐牌有好多選擇, 令人想試盡多款, 見過食評有幾款受歡迎的甜品, 都想點, 但.................老公想試榴槤, 餐牌上都有好幾款榴槤甜品, 好似想叫什麼榴槤皇后, 定榴槤飄香........., 名字都記不清楚...... 但侍應話所有榴槤甜品都未有... :(我想試麥堤莎糯米糍, 諗住兩個人食唔哂咁多粒, 可以帶走回給家人吃, 但侍應又話冇........... 又再看餐牌, 我點了椰汁湯圓椰汁有D似飲湯, 帶點鹹味, 有層油係面, 湯圓超滑, 食完覺得幾滋潤老公也點了一個不太記得名字的糖水味道似九制陳皮整的糖水, 可以好下火吧.......一路吃甜品, 都有不少客人堂食或外賣, 都聽到問乜冇乜........ 到底想唔想做生意?外賣的一係走左去, 堂食的都無奈點其他甜品..........唉............. 其實咁多樣野冇........ 應該係想驚夜D唔夠料做夜市時間........ 一係就落場唔好開門, 就唔好客人叫乜冇乜.....…查看更多

要陪老公到黃大仙有要事做, 又唔多識黃大仙有咩好食, 上OPENRICE搵到詠藜園, 原來老店在黃大仙, 而家先知咋~因老公不太愛澱粉質, 中午又不是太餓, 所以只點左小籠包 & 招牌擔擔麵頂部皮太厚, 不過都有肉汁不過兩個人食一籠又真係太多.... 擔擔麵唔記得影, 因為一上枱就想食..... 細細碗, 唔怪得好多人都一人一碗, 好香的花生味, 唔辣, 麵糼又俾D擔擔汁包住, 好順口好滑, 一口接一口都唔覺得膩!! 老店的麵比起黃埔分店好味多了.......…查看更多

今天要到佐敦, 搵到間平時在尖沙咀食開同名的雲吞麵店, 就入去試試比起尖沙咀果間, 首先見到係多左3樣丸, 辣牛丸, 豬肉爆丸(個名好似咁), 軟骨丸.(尖沙咀果間只賣牛肉, 鯪魚球, 招牌雲吞)而且平過尖沙咀果間咁多?! 原先阿姐放低碗只有3粒雲吞的麵, 覺得好奇怪, 我用隻匙撩左幾下麵底, 唔發現有牛丸, 我望住阿姐, 心諗唔通牛丸係另上??阿姐望到我, 立即醒起俾錯左我, 拎左碗麵俾第二個客.....心諗我好心冇食到, 又冇落到任何醬, 撩完又即俾其他人, 如果係我食左人地撩完果碗, 感覺都幾唔舒服...... :(再等左一陣, 終於來返碗啱的麵......雙拼雲吞只得2粒, 牛丸都只得2粒, 終於明白點解咁平.......雲吞都是很大粒, 啲蝦都係好爽, 但雲吞皮沒有尖咀果間咁簿咁滑牛丸只是普通牛丸, 沒有特別滑, 又不是有咬口的牛丸, 不過辣辣地, 啱重口味的人麵沒有鹼水味, 算OK有好幾粒蔥都有黑色邊....... 本來咁少事就不應小題大做挑剔啲蔥, 但因本人喜歡被熱湯整熟的蔥, 在尖沙咀果間食慣淨雲吞多蔥, 所以會留意到.....值得讚的事, 就算只叫一碗麵, 都會有幾條生菜, 而且價錢真係好街坊價!!…查看更多

逛街逛到下午茶時間, 在FOOD COURT搵啲小食, 發現在佢.........排隊點餐時, 排我前面有兩個日本人, 店長是用非常流利的日文幫佢地落單, 頓時覺得好地度!!! :)好似大粒過係出面其他店食到, 而且好夠料, 每粒入面都起碼有兩條八爪魚鬚仔, 丸子外脆內軟, 醬汁比出面其他店都淡味啲如果多啲醬汁及紫菜就更好味!!個人覺得好似比在大阪吃過的更好味!…查看更多

經過CITY SUPER見到其中一間最愛的甜品店, 一定要去幫襯先得 店面沒有座位, 更沒有任何枱供客人"立食", 只好外賣回家吃........其實拎到回家都已經散散地, 所以一開就即食, 食食下先記得補返張相, 所以張相好古怪..... 其實creme brulee, 就是我們食慣的焦糖燉蛋, 店員在客人ORDER後, 會係雪櫃拎出來, 即用火槍燒燉蛋表面變成焦糖不會太甜, 超滑, 比屋企蒸水蛋更軟滑!!!! 食到底會見到一粒粒的雲尼拿籽, 真材實料!!…查看更多

等老公放工近近地在荃灣食晚飯, 一直想試呢間, 去到門口已經好多人, 原來有些是等外賣, 大約等左2-3枱就到我們全場坐滿人, 安排撘枱坐卡位, 座位偏窄..... 一直想試呢度生煎小籠包, 一個鐵板有10隻, 一咬啲汁已經標出來, 超Juicy啊!!! 雖稱不上是高級上海店吃到的皮薄餡靚的小籠包, 但真係抵食!!下次要試下蒸小籠包另有叫麻辣金錢肚刀削麵, 唔記得影相...........金錢肚是另上的, 好有牛羶味, 好夠辣, 但嫌太多蒜蓉.......刀削麵湯底深色, 但不會太鹹, 很香濃, 刀削麵吸哂湯味, 又有少少煙韌, 正!! 我們坐的卡位雖然窄, 但位置剛好可望到師傅削麵, 真功夫, 方為大師傅..... 所以都好享受食麵的過程! …查看更多

情人節剛好是新年, 可以同老公出街, 在沙田SHOPPING完就醫肚時間到... 因近來不能吃生冷野, 但又想好想食日本菜, 所以再來這裡...下午時間去到, 好多吉枱, 計埋我們只得3-4枱客......鰻魚Juicy, 鰻魚汁沾上飯甜甜地, 係絕配!!!烏冬煙煙韌韌 :)老公近呢幾個月都陪我唔食刺身, 辛苦了他..... 所以今次我提議佢食呢個定食, 乜都有啲....老公話刺身都OK燒牛肉望落個樣好以好乾, 原來都腍腍地, 好有牛肉味燒鯖魚都幾香幾滑天婦羅就冇乜特別食到黃昏, 有客人入來坐我們隔離, 但餐牌好似厚咁多, 原來係晚飯餐牌, 而家才知道午餐同晚餐係有分別, 一份定食/御膳係份量或款式都多好多!! …查看更多