飯後咁的个人专页

原來MOS Burger 都有早餐架，仲好正添!不過早餐平日先有!之前放假同朋友去食早餐，見到MOS Burger比佢的餐牌吸引住，火腿雞蛋漢堡我當然叫咗呢個買相吸引的Burger，而朋友就試咗照燒雞肉漢堡，早餐唔駛加錢可配粟米湯添!火腿雞蛋漢堡送來的時候簡直有意外驚喜，比餐牌的份量還要豐富，雞蛋同包面一樣厚而且還要大，MOS Burger的包配上雞蛋、火腿、生菜同沙律醬，味道唔錯!加埋我最愛的粟米湯，簡直係正! 粟米湯同我係日本飲過的一樣，雖然都冇粟米粒，但係味道同樣吸引，好香濃好難忘的味道!食完呢個餐好飽，令我覺得超滿足!以呢個價錢，有咁好的質素，真係超值!而朋友試的照燒雞肉漢堡味道都唔錯，照燒雞肉加上生菜同沙律醬，好野味!…查看更多

見最近係屯門新開既Spaghetti 360裝修環境都唔錯，今日晏晝去左試，午餐點了Special Set好多嘢食，有餐湯、蒜蓉包、沙津、主菜及餐飲。新開張仲做緊優惠添，門口的職員比優惠券我(平日午市套餐可減$10)，我點的餐$44加埋一再減，埋單只係$39，以呢個環境同質素，都抵呀!首先送來的意大利菜湯同沙津個樣好吸引~~菜湯的味道，一般啦!蒜蓉包夠香脆，一定係即焗的!芝麻醬沙律有蟹子、菠蘿、青瓜、粟米及生菜。主菜點了意大利鮮茄茸芝士意大利粉，好多鮮茄呀!因為好鍾意食芝士，所以覺得芝士少咗Ｄ!意大利粉比起一般餐廳的意粉好唔同，意大利粉比較幼，口感好煙靭，正!原本以為意大利粉的份量唔多，但原來食完個餐好飽，好滿足呀!呢餐感覺好Fresh!…查看更多

之前來過幾次都好多人等位, 今日平日午飯終於可以一試啦, 而且平日有午餐 〝仲平D添〞！我叫咗個鰻魚柳川丼, 包埋湯及沙律, 因為個湯好香所以即時飲曬添, 原來個湯用三文魚煲的, 但一D都唔腥, 平時唔飲魚湯的我居然好鍾意呢個, 湯好鮮味〝好想再飲〞!鰻魚飯雖然細碗咗D, 但好好味, 呢個份量女仔食都OK, 男仔可能要叫多幾件壽司, 不過唔使怕貴, 三文魚壽司做咁特價$3件〝好抵食〞, 我哋叫咗10件, 食食吓先諗起影相添!…查看更多

烏冬新鮮，好正!雖然等咗一段時間先有位,都係值得架!今日唔多開胃,唔知食乜好!想起自家鳥冬…食湯烏冬應該唔錯!點了一個海鮮湯烏冬$42, 平時唔鍾意食雪藏海產,原來唔係雪藏就唔好食, 蝦同青口都鮮味好食,仲有帶子同魷魚添!海鮮湯底好清甜，烏冬彈牙有口感。平時好鐘意食煎炸嘢,今日就算冇胃口都忍唔住食咗D!朋友叫的炸蝦野菜餅湯烏冬$34, 炸蝦野菜餅賣相豐富，雖然蝦的份量唔多, 但呢個價錢算係唔錯啦!不過因為油炸關係, 好似都幾膩下, 一個人未必食得曬, 最好Share食, 一齊分會好好味!…查看更多