lingq_eats_life的个人专页

行完屯門AEON，見到「牛繁一人燒肉」即刻入去試！本來想試下午茶餐，但餐牌太吸引，燒肉控完全把持不住😂 ，結果點左牛繁套餐（$155 ），套餐有份量選擇，啱晒唔同胃口！兼北海道原條魷魚（$138），仲加左泰式酸辣醬（$5）試新口味！牛繁套餐有牛胸花、特選肩胛片、薄切牛舌，仲有秘製燒汁同漬物（芽菜菠菜），配飯好滿足！牛胸花燒完仲有汁滴出！薄牛舌係我嘅最愛，入口好嫩！魷魚原條上，彈牙juicy，配泰式酸辣醬真是一個字：讚！夠晒開胃！味道夠特別，推介燒肉或魷魚都點來試！店內環境好有心思，設計仲好貼心，日式風，木質裝潢加燈光，單人位設計岩晒一個人嚟食，一格格有啲似自修室，私隱度高。枱面有個凹位，岩岩好放食物盤，超smart！仲有籃仔放隨身物。調料齊全，有胡椒、鹽、味噌、燒肉汁同辣粉，自己調味超自由！中間有小插曲，店員唔小心上錯菜，但好快發現，主動換返岩嘅俾我哋，服務態度👍 整體價錢合理，套餐有份量選擇。推介俾愛燒肉嘅朋友！…查看更多

朋友帶我哋去咗尖沙咀一個恐龍主題親子餐廳，呢度充滿驚喜同歡樂！一入到餐廳，哇，成個空間都係恐龍主題，牆上、枱上到處都係恐龍擺設，連餐具都係恐龍造型，超可愛！仲有兩隻恐龍公仔喺門口同你say hello，超有氣氛！小朋友一見到已經興奮到飛起，大人都忍唔住影相打卡！呢度真是一個親子天堂！除咗恐龍裝飾，餐廳仲有好多玩意：賽車機、籃球機、街機、夾公仔機、彈珠機，樣樣齊全，滿枱都係玩具，小朋友玩到唔捨得走！仲有board game畀大人hea玩，無論大人細路都啱晒！如果想幫小朋友搞生日會，呢度絕對係一個好選擇，氣氛同設施都好適合！霸王龍小食拼盤 ($148)：炸雞翼、薯條、洋蔥圈一應俱全，外脆內軟，適合一班人share！招牌西班牙海鮮飯（細）($188)飯粒吸晒醬汁精華，濃而不膩，份量啱晒2-3人share！夏威夷比薩 ($98)菠蘿同火腿嘅經典組合，芝士拉絲好邪惡！不得不提，入面有兒童餐 ($85)有意粉、炸物、水果、蛋糕、賓治同一個超可愛嘅恐龍玩具！啱晒小朋友嘅胃口。今次我哋一行5人點咗唔少飲品同菜式，總消費$844，價錢親民，食物份量夠，味道又唔錯，環境又好有特色，玩樂設施仲要多到唔想走！性價比真心唔錯！啱晒輕鬆聚會！「為食恐龍餐廳Mr Dino」真是一個大人細路都玩得開心嘅地方！食物選擇多，味道親民又唔失水準，環境充滿童趣，仲有唔少玩樂設施，無論大人定小朋友都玩得開心！絕對係親子聚會嘅好去處！如果你想搵個地方同屋企人或朋友輕鬆聚會，又食又玩，呢度真心推介！快啲去同恐龍們一齊開餐啦！🦖…查看更多

同朋友太子玩完後，走時候由於落雨關係，打算附近搵地方食，一開始見店面燒味櫃空空如也，心諗「可能收工啦」，但店員超熱情，話未收工，仲好nice咁邀請我哋入去。結果真是一個驚喜發現！😍燒味質素一流，五寶飯（$78），有乳豬、燒鵝、豉油雞、鹹蛋同紅腸，簡直係燒味控嘅天堂！燒鵝油香肉嫩，咬落超juicy；豉油雞入味又滑嫩，鹹蛋同紅腸樣樣都啱晒胃口。乳豬飯（$72），皮脆肉香，份量夠！😋 叉燒飯（$49），叉燒肥瘦剛好，蜜汁烤得外焦內軟，食落真是一個香字！最驚喜係每份飯仲送例湯，湯頭有蠔豉香味，飲落完全唔覺有味精，暖胃又窩心。雖然只剩一份乳豬飯，但師傅好貼心，幫我哋將將五寶飯中的叉燒轉乳豬，仲唔收額外費用，感動！！呢個服務真心要讚！呢份人情味真心暖爆！😊 餐廳環境乾淨企理，雖然簡單但坐得舒適，店員態度親切又熱情，價錢仲好合理，性價比超高！喺太子搵到咁高質燒味，絕對係太子既燒味寶藏！無論係想同小朋友一齊食飯，定係搵個地方食燒味，呢度都好值得一試。強烈推薦！下次一定再嚟！…查看更多

為朋友慶祝生日，特意挑選了旺角這間摩洛哥風格餐廳，一間超有feel嘅摩洛哥風餐廳！環境優美，水池位、沙灘位、戶外位，都充滿異國情調的裝潢，每個角落都係打卡勝地📸！實在是個完美的選擇！食物質素高到爆，擺盤精緻，仲唔限時，慢慢食慢慢拍都無壓力！朋友們都樂在其中，留下了不少難忘瞬間！超適合親子或朋友聚會！食物質素同擺盤都好有驚喜，絕對係視覺同味覺嘅雙重享受！食物質素更是超乎預期，每一道菜都味道獨特且出色：火山熔岩芝士和牛漢堡 ($198) 淋上瀑布芝士，再配上嫩滑和牛，食到停唔到口。炭燒澳洲和牛肉眼 ($398) 燒得恰到好處，配燒汁提升了整體風味，仲貼心幫我哋切好上菜，方便又窩心！明太子卡邦尼意粉 ($98) creamy到心動，仲有店員推介嘅 雞泡魚乾，果然有驚喜，香脆得黎帶點海鮮風味。泰式豬頸肉都好惹味！Earl Grey Lava Cake 茶香濃郁，甜而不膩，切開一刻仲有流心效果，完美ending！飲品推介，Dirty Chocolate ($60)濃郁順滑！Rose Black Tea ($65) 清香又可免費refill，超貼心！店員服務真是一個大加分！店員態度親切專業，服務貼心，會細心推介菜單，仲主動幫我哋影生日照，送咗張即影即有相，超有紀念價值！總消費$1,370（連10%服務費後$1,245，另加小費$342.5），性價比超高！畢竟環境、食物和服務都達到了高水準。這間餐廳絕對是生日聚會的首選，無論是視覺享受還是味蕾享受，都值得到訪！下次還會再來，強烈推薦給喜歡異國風味和美食的朋友！…查看更多

為慶祝父親節，特意挑選宮廷風裝修元朗海鮮火鍋店，期待滿滿，可惜體驗有啲參差！😬 宮廷風裝修好有氣派，擺盤精緻，坐房私隱度高，超好打卡！但上菜慢到無奈兼房間冷氣滴水😮‍💨先講亮點，自家製竹蔗茅根清甜自然，限時優惠象拔蚌刺身真材實料，鮮甜Juicy， $588超值，愛海鮮的朋友不容錯過！！紫淮山同水蓮都新鮮，少見又好味，帶來小驚喜。即炸黃金響鈴香脆可口，絕對是全場MVP！九宮格醬料，當中有炸薑蔥油，少見值得一提。但卜卜蜆鍋蜆少而且湯底平淡，等足45分鐘先上，失望。大滾友海鮮拼鹽$668貴到飛起，全冰鮮，無新鮮感。手切本地牛肉同澳洲和牛份量少，普普通通。即炸響鈴則完全被黃金響鈴蓋過光芒。服務有啲亂，象拔蚌刺身等30分鐘，QR code落單壞咗又上錯菜，搞亂晒！OpenRice預訂78折優惠仲同我哋講超時無得用，雖經反映後俾返8折，但整個體驗已大打折扣。總計$2849，除咗象拔蚌同響鈴，其他偏貴，份量偏細，海鮮新鮮度亦有待提升。相比附近其他火鍋店，這裡略為失色，尤其今次是父親節聚餐，期望更高，失望也更大。希望餐廳能改善服務與食材質素！（適合愛熱鬧的朋友，但追求新鮮與細緻服務的，建議再考慮。）…查看更多