hei0的个人专页

一直好想試下Jollibee 啲炸雞，但最近要去到灣仔最近見呢間舖新開，今日專登行去買外賣 (離我公司約十分鐘路程)點知返到公司食到一半先發現俾少件雞而嗰個下午茶餐只得一件雞同一個小小小的批即係佢冇俾個主食我仲要上網搵過晒都冇間舖嘅聯絡電話，想叫佢搵人補俾我都唔得唯有再行返十分鐘過去舖頭攞返件雞去到擺雞嗰陣講明係爭一件辣雞點知又行返十分鐘攞到返公司嗰陣一咬! 係唔辣嘅杯汽水仲要冇氣唔會再幫襯!!!!!!…查看更多

好少黎上環，但試過呢一間餃子之後每次黎都想再食餃子勁大隻，仲有好多款揀，女仔八隻淨餃分分鐘食唔晒，因為個湯太好飲!!!我平時唔會飲煮麵嘅湯，但呢個湯好鮮甜，飲完唔覺口乾，令人好想飲晒佢大家要多多支持小店…查看更多

呢區真係冇乜嘢好食,又唔想行咁遠,難得喺公司附近有一間東南亞餐廳,所以返新工冇耐就黎叫左個外賣了第一次叫左個香茅豬排撈檬豬排煎得香口唔韌,配埋蔥油更加香!檬粉唔會煮得碎同爛,撈埋汁夏天食好開胃之後幾次都叫左唔同嘅撈檬,包括扎肉,豬頸肉,春卷,每次食嘅配菜都係好香口不過我都係鍾情香茅豬排,啖啖肉👍🏻今日我又幫襯佢,叫左個常餐,有沙嗲牛肉一丁+奄列+野飲,好開心見倒佢將啲湯另上,包裝得好,啲湯唔會漏出黎職員亦都有禮貌會繼續支持!…查看更多

一路都係佢哋嘅捧場客,以前喺佢哋舊舖嗰陣每朝都一定忍唔住食一個又滑又厚嘅烘底蛋治🤤食完個人精神晒但係搬左舖就冇左個早餐好選擇lu~不過可以細舖搬大舖都好凳佢哋開心今日終於有時間,專登黎佢哋大圍新舖支持下雖然冇左早餐,但依然有佢哋嘅signature 黑松露炒蛋搬左大舖,終於可以舒舒服服咁坐低食個lunch,今次叫左一個黑松露滑蛋豬排飯, 炒蛋好香,豬排都煎得不油不膩,仲大塊到嚇親男士一定夠飽,女士如果黎食建議叫小飯72 蚊連特飲算性價比高有機會再黎試下午茶先得…查看更多

今日忽然興起想食烤魚,朋友介紹呢間就一試無妨啦我哋六點半去到,人少少,舖面乾淨企理,加分最後我哋叫左個二人餐,套餐有烤大邊魚,小食,飯/米線鳳爪先上場,我知佢係辣嘅.但上枱嘅時候..."咦?咁素色嘅?唔似辣嘅?",跟住待應姐姐淺笑左一下......原來辣到爆,仲後勁凌厲好正呀!然後到條魚上場,雖然多骨,但好滑好夠辣最令人加分係侍應服務好好, 唔該前唔該後, 擺食物上枱嘅時候仲好安靜慢慢擺一定會再幫襯!…查看更多

好耐冇幫襯過盛記,今日朋友想喺沙田打邊爐,所以我就推介左盛記喇一如以往.食材都係好新鮮,特別係個響鈴同出面嘅唔同,好厚身好脆,吸完湯汁更加正!唯一不足係待應唔夠醒水,禮貌ok嘅,不過加湯加水都要叫一兩次先應機…查看更多

已經唔係第一次黎食佢個牛舌丼, 因為次次食完都回味無窮成日掛住佢個牛味牛舌雖然厚,但一啲都唔韌,外面燒得少少焦但入面好鬆軟好香牛味夾埋個飯食真係一流今日仲專登拖大隊黎食, 朋友都話刺身好新鮮(我唔食生嘢所以俾唔倒comment😅) 睇倒個賣相已經覺得好靚同埋因為佢位唔多,所以最好訂左位先, 已經試過幾次walk-in 冇位, 亦都要預左佢舖仔細細有啲迫,不過咁好食都值得大家都支持下呢類型有質素又性價比高嘅小舖啦!…查看更多

自從試過第一次試過之後，就對佢念念不忘喇！之前食過034芝士豚肉漢堡咖喱飯同040吉列什菜薯餅咖喱飯都好好食，咖喱汁會分開裝等啲飯唔會林，而且仲用可以循環再用既飯盒裝:) 價錢只係廿零蚊而且自己去囉的話仲有野飲送添:) 最好食係飯，因為真係會用珍珠米架~ 唯一有少少唔方便就係要早少少打去落定order同埋要自己囉:)…查看更多

星期五晚,全個尖沙咀好坐少少既餐廳都好多人排隊...所以行左去尖東,因為少D人行到去呢間餐廳樓下既時候有個印度人遞左張傳單俾我地,見唔係太貴而OPEN RICE又全部好評喎,所以就上左去試喇上到去既時候發現真係好少客,全場燈光好暗,仲有蠟燭添,好似幾好坐全埸既人都係外國人,而且侍應都唔識講廣東話(英文都唔係好流利),好似去左旅行咁呀:)我地一行五個人,叫左一隻燒雞,一個咖哩魚(唔辣),一個印度特色炒飯,一個炸芝士,一個椰菜薯仔,再加兩塊牛油烤餅落左單之後,佢地俾左個湯我地,用茶杯裝,但飲落去好似合味道湯底咁,好咸首先上菜既係炸芝士,唔算好特別,而且佢真係"一舊芝士",唔溶既,不過都唔算難食跟住到隻燒雞上檯既時候,我地都覺得好靚呀~~~同埋已經切好左細細件,侍應仲夾埋落每個人隻碟度添:)隻雞好香口,有少少辣,但越食越想食:)而且唔算鞋其餘食品評價如下:咖哩魚(唔辣)好香椰子味,送烤餅一流! 魚塊軟綿綿,幾得意印度特色炒飯其實得好少,我諗係因為佢地食烤餅多掛? 不過呢個都係冇特別,似住家炒飯,唔試都得;椰菜薯仔都係好香椰子味~味道都係好味啦~但冇乜特別牛油烤餅烤餅真係好好味~~~雖然只係叫左兩塊,但係佢切開左大約八大塊(大過手板)所以都好夠食到我地食左一半既時候,忽然間黎左幾班印度人食自助餐(但當晚佢冇話有自助餐)我地估可能係旅行團包場,不過都影響唔倒我地我地食到好飽好飽,但埋單位位只係120!真係好抵食!:)值得推介!…查看更多

今日忽然間想打邊爐,睇OPEN RICE見倒呢間COMMENT都唔錯,就試下新野啦~~:) (本來係想試牛陣)大約七點鐘去到,唔需要等位,120蚊任食兩個鐘,加10蚊任飲飲品 (FYI:七點半前埋單98蚊位)坐位比想像中迫,不過因為當時少人,所以都仲有活動空間好有好多湯底可以選擇,例如蕃茄薯仔,粟米濃湯,豬骨,沙嗲,麻辣等等...我地叫左比較少見既3.6牛乳魚湯及椰子雞湯可能當時比較少人,侍應亦都相對較少,但禮貌還好,湯底亦都黎得快驚喜係湯底真係足料,例如有好大舊木瓜同埋椰子,百零蚊算喜出望外喇~:)見倒D一包包完整既麵已經覺得好開心,好多選擇呀~其他肉類就好似一個個啫喱咁用個細杯+保鮮紙包住晒,感覺乾淨:)亦都成日補食物肥牛同豬肉我同佢講左要兩人份量,佢俾左都算多既一碟我,可能因為我地只係兩個女仔,最後食唔晒D牛肉除左肉類之外,飲品有柑桔蜜,銀菊露同好多唔同既汽水,而蔬菜就有唔同既菌類,豆卜,豆腐,菜...值得一提係唐生菜好甜,好好食!:)海鮮亦都令呢餐值回票價有好多唔同既貝類,包括青口,蜆,九肚魚,魚頭,*生猛*瀨尿蝦,生蝦等等...點解要講到明,*生猛*瀨尿蝦呢?因為夾到上檯既時候,佢地係咁跳落檯... 因為我嫌佢地核突,所以唔食...同行朋友夾左一隻落煲,另一隻就跌落檯 (我: )侍應好醒水,即刻囉個碗仔黎"CUP"住隻蝦就算冇笑容都值得一讚啦~埋左單既時候,先發現原來仲有甜品食係雀巢杯裝雪糕呀~~~雖然一人只得一杯,但其實食到咁飽都夠晒啦總括黎講,呢個價錢呢個質素好令人滿意:)係迫左少少,可能男仔/一大班人唔會咁岩…查看更多

今日係同學聚會既日子,一心諗住o係旺角區食韓燒,見倒openrice食評唔錯就揀左呢間喇!因為今次有七個人,所以訂左位,不過去到都未滿座 (當時七點九)比起其他旺角區既韓燒,冇油煙味又唔痴立立,未食已經感覺良好!:)雖然待應冇乜笑容,但係都好主動問要唔要換爐同埋影相食品選擇算豐富亦都別開生面,較特別既有豬腳薑,豆沙窩餅,豆腐花, 涼粉燒烤既食品都同平時差唔多,加十八蚊仲可以打邊爐,我地今次冇加,但係d野食都幾好味!就算唔打邊爐都有好多菜食,仲有沙律湯方面有一個例湯(我地冇試但係好似係粟米蘿蔔),碗仔翅,人蔘雞湯人蔘雞湯比想像中好味!雖然d蔘係細條,但係同平時o係街飲既差唔多味甜品除左上面提過既,仲有生果,雪糕,糕點,算好好!唯一不足係飲品選擇得豆漿同酸梅湯,不過一檯都有一壺茶,樂就要加錢我地總共坐左三個鐘,待應一早講左如果唔滿座可以坐幾耐都得,而且呢度都好好座呢!埋單係118+10(星期六日附加費)+10%,環境同食物質素呢個價錢都算抵:)總括黎講,今餐好滿意!:)…查看更多