or#ta66546507的个人专页

今次嚟咗尖沙咀嘅分店，因為唔係好肚餓，所以剩係叫咗一個卡邦尼意粉同埋兩杯咖啡。卡邦尼意粉好濃，味道亦都不錯，份量唔少，只不過唯一覺得意粉可以淋返少少，有少少難咬，但整體都係值得推介！另外叫咗一杯dirty同latte，水準高，有機會想再試下其他咖啡！舖頭比較細，去到咁啱有位，但都算寧靜，可以慢慢坐慢慢食。…查看更多

今次揀咗lunch time嚟食，都幾full，一點半左右到，要等大概一兩張檯先入得，但都唔算等好耐！order咗兩個三色魚生丼飯，份量充足，三文魚有四片，有海膽同埋兩片帶子，魚生都好新鮮，本身我都唔太經常食魚生，但呢間可以encore，魚生冇唔新鮮嘅感覺！menu都有好多其他選擇，但兩個人就食唔到咁多，兩個飯已經十分飽！仲order多咗個小食同飲品，埋單都係$198！食物上菜速度算快，唔會等好耐！值得一提嘅係，佢餐前嘅味噌湯好好味！…查看更多

星期日夜晚去，都係得大概5檯客，環境安靜。兩個人食dinner，總共order咗兩個main courses，有一個本來係飯，但因為嗰晚冇飯轉咗意粉，另一個係番茄意粉，份量都足夠。仲order咗個芝士黑松露薯條，芝士同黑松露醬係分開上，味道正常。飲品方面就order咗一杯水果茶同埋蘋果蜜桃鮮打果茶，甜度適中👍🏽最後埋單總共$250，dinner嚟講真係性價比不錯，食得飽！…查看更多