winnii's Profile

來翠湖金閣食過好多次，帶好多朋友嚟，因為佢早茶時段都好長，而且好抵食。但真係都要反映，等大家避免中伏。今日入咗單之後差唔多半個鐘頭有多，覺得唔對路，叫個阿姐check吓，點知真係冇落單。張手寫單係喺度，被擺埋咗一邊。明白佢哋好忙嘅，所以大家都要自己追一追。如果唔係好似我哋咁半個鐘有多之後重新入單。仲要今日係非繁忙日子禮拜三早上11點幾都咁，其實佢哋長期都好爆㗎，所以可想而知，一定會有機會。好彩最後佢哋都出得快，就原諒佢啦最好食係蝦餃，皮薄餡靚，蝦鮮其他嘢都不錯! 老公每次都叫馬拉糕頭幾次好似特別好味，唔知係質素下降定係我自己審美疲勞？不過係一個幾好氣氛嘅乾淨的地方，推介早市俾大家…Read More

再次到訪，今次係第一次食下午茶，分享一下～主菜係香烤雞扒滑蛋飯配佢哋推介嘅香草堅果醬。$98 tea set都算貴ga, 但買個自己嘅休閑空間不錯，旁邊的小姐比我更早到～ 也是一個人享受～麵豉湯超級燙口，配埋佢嘅鐵匙羹😵 但味道ok不會過鹹煮食好好味～ 呢間餐廳嘅正常發揮～ 份量是還好，可以再多一點點餸因為今日body check 所以好肚餓，加個甜品～同我預期中嘅Tiramisu都好唔同不是平時酒香嗰隻，好甜餅難切，但切開有小驚喜，一塊是黑糖，另一塊我不知道，不過建議兩人一齊分享，實在太肥下午茶選項不多，都不是一啲真正的食物，性價比好低，所以建議食早餐午餐或者晚餐～but I will be back~…Read More

好耐冇寫食評～簡單記錄一下～按完摩因為晏了，直接走落嚟食嘢之前已經聽過話啲嘢食麻麻哋，但係窗邊座位好開陽舒適，都想me time一下。餐牌好搞笑，同個手機程式又唔同，手機嗰度淨係寫午餐A-F當時已經諗住應該係門口塊黑板寫嗰個B餐，印象中好似係魚肉，都想食清淡，所以就隨緣咁樣撳咗😂魚肉鬆散，不是好的魚，不過啲瓜菜就幾靚烏冬還好吧$59有埋嘢飲同呢個風景都OK嘅。如果喺其他日子時間有其他選項，可能就未必會揀佢。…Read More

因為落雨快快跑入嚟，好耐冇食韓國嘢都抱住一般都唔會太難食、一試的心態～講明先，佢哋有邀請食客打卡，但係食過之後又發現好評係真喎～因為電子點餐服務主要睇文字，冇諗過實物係咁大份😹😹😹叫咗個Combo $82 一個麵一個小食、仲有兩款前菜，我忘記咗真正嘅韓國餐係咁🤣🤣🤣冇諗過加$10嘅牛骨湯麵，有咁多牛肉，仲要質素幾唔錯。啲麵係超級多食唔晒，食落去疑似係手打😮因為見到師傅同多名員工喺open kitchen密密做，泡菜親自製作～ 好食!跟住原來本身已經有紫菜飯，佢又冇講😬加咗個紫菜包飯，原來有咁多粒等我仲加左一碟生菜椰菜，又係超級多，仲要好脆sharpsharp聲搞唔掂，其實如果寫食評佢會有嘢送，但係我已經冇呢個容量🤭 入去嗰陣時好似伏冇乜人，原來係我早，後來已經好多人。而家生意難做，好嘅食店，一定要支持!…Read More

之前都嚟過幾次，通常都係自己一個人來，一人座位好舒適，服務也很好👍🏻冇諗過再次到訪，今晚嘅晚餐也有驚喜首先🍸 免費贈送嘅雞尾酒沙律：等候食物製作時店員送上嘅小驚喜！蘋果啫喱清爽、牛油果creamy，加埋蟹肉同蟹籽嘅鮮甜，賣相優雅，味道也超夾！由頭盤到主菜都一如既往的精緻～🥗 日本雙色南瓜藜麥沙律配杏仁蜜糖乳酪：初頭比錯咗普通沙律，後來換返。裏面有好香嘅香草同蜜糖味～清新! 感覺嗰個汁除咗蜜糖乳酪應該仲有一啲香草🪴 不過啲菜可以再靚啲，我見全份的版本是比較漂亮的，唔知係因為個碗太細定點？🍲 忌廉湯：滑溜濃郁，飲落好暖胃，簡單但滿足～🍴 自家前菜👍🏻 好似係蟹肉簡簡單單～🍚 主菜：清酒鮑魚牛肝菌汁燴飯：冇諗過咁樣嘅配搭～ 鮑魚彈牙入味，牛肝菌汁香濃掛飯，每啖都係濃郁菇香同清酒嘅回甘，燴飯軟硬適中，真心推介！同埋想讚吓佢用嘅食用花同外面唔一樣比較有氣質～整體環境同服務都好貼心，食物質素高又打卡able，絕對值得再encore！💯 …Read More

二訪這餐廳～ 今次早上10:00就到，好似晏晝先多狗狗早上似係大家都等狗狗🤣 好少狗主但服務同嘢食質素不錯👍🏻尤其是阿姨，做嘢勤快，貼心有禮咖啡師好似話係佢個仔，即係家庭式小店～～推介菜式: Spanish iberico pork with grilled apple (sth like that~)三杯雞意粉👍🏻👍🏻vegetarian all day with extra sausage~ 有我好鍾意嘅煎鳳梨～上次飲dirty also nice!朋友點的菜式忘記了但好似都好正，大家在附近工作，有些私隱度～ 舒適𣈱談～～冇service charge但好有service!…Read More

星期五到訪，超級多人，主要係內地客，有啲係網紅。我哋張枱嘅上一首基本上影完食咗兩啖就冇食過，兩人嗌咗超多嘢，仲有自己帶嘅嘢飲。因為人手不足，所以好多嘢都要等，或者冇處理。入座時比較混亂。坐低之後等佢清枱，分好多次叫佢過嚟清咗一啲又走咗。最好問佢一杯水，用嚟洗吓餐具。睇吓下圖，啲碟係有飯的。但係當時我哋啲飯未到。白飯好似兩溝，少部分好黏下面嗰啲就乾爽。嘢食還可以牛肉應該係用梳打粉之類整過呢個土魷煎肉餅幾好味檸茶難飲到嘔所有嘢都可以改善。…Read More

因為公務繁重，好耐冇咁想寫食評了入去之後員工叫我哋出返去，因為要先揀餐才入內同限時食飯。但其實係入去先落單，唔明玩法。我哋之後又有一group比我哋走到更遠，員工又跑入去要求人哋出返去揀餐。好古怪。座位都ok寬落因為lunch time冇人野食比較港式之餘，泡菜係壞的。仲要收芥$8我同朋友都覺得叔咗，同員工講，話會跟進，到賣單都冇跟過雞串同冬菇都有怪味問嘢同叫賣單都扮聽唔到。賣單時再次表達食物的味道問題，員工只係表示知悉，後來先話幫我哋同負責人講，出嚟之後竟然話如果再嚟可以俾返我哋lol好慢的服務，唔體諒打工仔趕返工的寶貴時間我點再嚟???…Read More

唔小心刪除咗啲相片，剩返一張覺得就算坐唔到卡位，其他座位都好乾淨舒服～推介大家食麻辣牛肉麵同埋呢個蛋餅另外嗌咗花生麻薯，同行嘅朋友對飲食都有少少要求，大家都滿意～ 值得支持!簡單寫幾句推一下…Read More

最近夜晚食咗呢幾樣菜式雖然週末人比較多，但係有好多餐廳都冇咁嘅情況…非常失望尤其是嗰個廚師推介的牛扒，圖文極度不符有一舊臭臭地相片同用字就係高級餐廳好靚嘅牛扒，實物個樣仲醜嗰張相..Pxxxxr Lxxxh 好食過佢好多…快餐啲早餐博牛扒都好味好多員工又唔用心聽人問題，雖然唔係冇禮貌，但係簡單嘅事情都理解唔到..魚可接受.. 脆皮，但唔似海鱸支持多年，常常推介給朋友而家呢個價錢俾啲咁嘅質素… sad希望盡快有改善..…Read More

連續嚟咗兩日，報告一下先~第一日放工同同事即興約～鐘意佢靜靜地，兩日都唔洗等。同埋所有野好簡約，色tone有些格調。下午茶(下圖)來講，價格不是平，但都合理。食物不錯，上菜時熱辣辣，但未去到好好食。eg sourdough附近都有價格類似但質素更好的。因為一直浸住，Lemon tea 2日都好澀。黃金雞翼還好。員工沒有笑容和耐性。不過，覺得會再嚟。就係這樣的感覺🙏🏻…Read More

朋友之前去過呢間餐廳後大推，初頭睇menu和價錢確實有點猶豫。但係最終感想係：真係冇介紹錯!!由進門一刻到離開，員工都非常有禮 每一道餸菜都會我介紹一番，不過因為材料同做法都好豐富，而且這裏的其他食評已經非常詳盡，我就不逐一講解了～反而介紹下環境同細心位～未出發，之前睇過其他人的分享，想講餐廳和食物實物較靚和有高級感餐牌好靚好乾淨，好似係LED的~首先會上麵包，一共有3款好脆嘅麵包😄配上3款有趣嘅醬汁，例如南瓜辣肉腸醬全部都好好味頭盤我哋大家都揀咗紅蝦他他~ 材料配搭得幾好~男朋友嗰個又的粉紅色花花靚過我鍾意佢哋嘅忌廉湯，一啲都唔漏，裏面有磨碎的蘆筍～雜菜湯都好清👇🏻主菜呢個咖喱薯蓉都幾好味，不過咁多碟嚟講佢就相對失色啲。但係我哋都係食得一乾二淨～食得出覺得佢嘅鵝肝唔係嗰啲不道德谷肥佢勁唔健康嘅肝臟。連埋嗰個berry, 平衡返。而家有返啲年紀，平時我都有少少怕鵝肝。依個我食晒。中間就有呢個番石榴嘅雪芭清一清口腔，好好預備享受主菜~ 連呢個雪芭都好好味主菜嗌咗和牛肉眼扒同埋鱸魚～和牛叫咗medium, 都唔錯；但係條魚加上醬汁和蘆筍，全部都非常高質。魚身實淨得來又好嫰同埋好Juicy !最後想講佢嘅甜品兩樣都賣相吸引，又好食，仲要送埋玫瑰茶同埋petit four ♥️💝 好多時餐廳都唔會咁細心，再另外上茶，因為已經有嘢飲飲品方面，亦都想特別提，其他貴價餐廳house wine好容易失望。試過有兩間仲要係變質嗰隻酸味。但係呢度各得一款，house white and house red，質素非常高。一陣落我個杯男朋友都聞得到。本來最近想keep fit, 前一晚又同同事hotpot, 話俾自己聽就住食。最後完全控制唔到不過幸好比我想像中light啲～總括而言，因為地理環境方便，枱與枱之間有足夠的空間，總共大約有八張枱，其中一個空間特別隱蔽；然後食物質素都好高。所以覺得係2-4人約會的好地方。推介給大家…Read More

雖然之前中過伏，但係仍然相信，結果… 都係一個伏。訂座時寫住五折，去到就話其實只係下圖依底海膽先係五折。仲要我哋多次詢問佢都講到好似係$298再half, 我哋先order, 最後結果又唔係嗰個價錢。先來前菜:甲羅燒冇蟹蓋.. 之前朋友做飲食，聽過同見過收集蠔殼來扮新鮮燒生蠔.. 同樣道理.. 超級市場有拆咗肉嘅蟹同罐頭蟹膏，you know what I mean.至於底海膽首先，每隻size明顯細咗，同埋少咗一行。亦都唔係嗰啲質素好好的。覺得timesq foodhall海膽高質過佢好多:(紫菜冧batbat..wasabi冇味仲話原價$596(+10%)?!煱物同様slightly overpriced, 但牛幾嫩。但不多。搵嘢long起咗。多菜。有隻疑似豬骨煲湯嘅變形熊仔。2隻蛋。鹽燒白鱔幾好味。參考價錢出面通常$88 成條。this one 88折咗59.84(訂座後先有個email話俾你聽原來係八八折，不過唔知點樣計出嚟嘅，一陣睇張單你就明。)其他都好基本。咁就2人剛過千。唔知啲數點計。已經唔理。問佢哋，佢哋亦都懶得解釋。總之服務都唔ok!!香港大把選擇，勸大家唔洗去。…Read More

放工買飯給爸爸媽媽等媽咪煮少餐嚟到呢間新新地的小店，如傳聞中男店員親切友善。等候時間不久。通常我外賣鍾意返屋企自己再烚一碟菜balance返，健康啲，所以只有一個加咗菜底。想讚此店包裝非常仔細，由上環回到黃埔一滴不漏之餘，非常保溫。返到去都係熱辣辣的。分別叫咗蕃茄豬骨湯南瓜麵，同豬骨清湯淮山麵 (起初諗後者會唔會太淡，其實不會的，味道剛好。)南瓜麵同淮山麵兩樣都好滑。然後兩個面分別配咗肥牛同埋羊肉、鮮蝦雲吞、芝士丸、芋泥貢丸4粒(幾有趣其中一粒比咗芥末貢丸我，反而好似好味啲)、金菇等~可愛的小桶+麵分開裝，倒出嚟分量都幾充足! 我哋三人share都得!依餐飯唯一可以改善的地方是肥牛好多肥，少少鞋，建議除咗想食牛都會食羊嘅人可以叫羊。羊片幾唔錯～此外試左玫瑰解鬱飲，清清地，又有山楂，令外賣再健康輕盈一點! 兩老煮嘢叻、對飲食有要求，都覺得依餐滿意，真心推介!…Read More

週末試新嘢～米⭐️⭐️中式分子料理😋 有驚喜到✔️訂座時會問你有冇食物敏感，嚟到再確認，估計因為配料未必寫晒喺menu。圖2的3項驚喜開胃小菜都冇寫落去: 比較喜歡黑色脆脆，有啲似印度小食，裏面有清新醬汁～仲有兩個塗落蒸麥飽的paste (其中一款係濃郁的生蠔醬，印象深刻)本來以為要各自自己揀返頭盤主菜唔好分享了，食完仍然有啲肚餓嘅概念😹點知員工建議我哋唔好兩個揀埋同一個菜式，原來因為每一個餸菜都係sharable plates，可以一齊體驗一個菜式實在太開心了🤩 呢個炸蓮藕係用嚟點落去靚靚花環中間嘅泡沫或配住啲菜食～由3道菜變6+3~ 未到甜品已經開始飽。不過之前冇預料，又心郁郁加埋咁多年來都好出名的小籠包(OK嘅，要一試的! 不過可能一次就夠😹)同signature雞Bo (依個都係，好味但個人認為係唔需要的😹 食唔到我哋睇住員工辛苦一翻後該有的味道)因為每道菜式嘅配料同做法都非常豐富複雜，而且都係客人自己去體驗嘅一部份，所以唔逐個菜式推介了！但我哋都認為，set lunch嘅每個菜式都色香味俱全，絕對對得起價錢，可以encore試埋餐牌上嘅其他菜式。我哋最鍾意竟然係main龍崗雞! 但係個人都非常之鍾意兩款小清新前菜同甜品～ Pretty pretty & 好有層次感🥰 Sparkling作為pairing幾適合，但$80, 茶品反而性價比都幾高，$20，見你一飲完會主動添水。叫咗馬騮搣，茶葉形態、味道同湯色都靚～如果用其他茶具可能會更加出色。不過已經好滿意～ 下次可以早啲叫🤣環境方面：枱與枱之間好多空間~ 坐得非常舒適。推介大家午餐去食，因為有日光加埋空間感感覺好好～因為初頭期望不大，pilates後帶咗衫都冇換😹，其他人都有型靚靚～🙈🤣 不過員工們對我們的服務態度都好好👍🏻係約會、朋友嚟香港、帶爸爸媽媽嘆世界、節日慶生同日常都適合嘅好地方，大家快試!…Read More