Hippo123456的个人专页

今日黎到銅鑼灣試下鐵板燒。睇左網上嘅相，最吸引除左係食物賣相，環境都好吸引，飽覽銅鑼灣向維園嘅景色。我覺得幾岩慶祝，又可以叫下日本酒飲下。 叫左個lunch special 瀧宴 HKD448/ person。季節前菜：類似豆腐加d 麻醬似嘅醬汁，味道正常。季節刺身（2款）：首先擺盤勁靚，刺身有深海池魚同吞拿魚腩，個人好鐘意池魚，幾肥味又爽口，吞拿魚腩油脂豐富❤️本日精選壽司（2款）：池魚配醬油同鯛魚配黑松露油，味道因為有醬油配搭偏濃，池魚幾特別，不過我鐘意鯛魚多d，配埋黑松露味道好有層次，提升左壽司本身嘅味道，幾香濃。香煎鵝肝伴自家醬汁：擺盤又係勁靚！自己好鐘意食鵝肝，正常地好味，加埋兩粒黑豆，甜甜地增加食慾❤️香草牛油帆立貝：配上海帶湯，幾特別。野生大虎蝦：個人覺得今日煎得過左頭，不過蝦夠大隻。米國頂級牛肉：牛肉生熟剛好，有牛味。鐵板炒飯配海帶面豉湯：櫻花蝦炒飯夠香口。炒汁菜：正正常常。是日甜品：幾特別，似係蒟蒻，唔太甜，清爽解油膩感。…查看更多

今日嚟到尖沙咀食treehouse，其實已經唔係第一次食，但尖沙咀呢間就係第一次試，開咗唔係好耐，好似foodcourt形式落單再慍位坐。對於treehouse嘅感覺，我覺得就係健康同環保，想食素都會諗起佢。Forest素漢堡 HKD 118 轉餐 + HKD 60 - 唔好以為素食漢堡就會比肉漢堡差，依個係我食過最好味嘅素漢堡！係好食嘅！比牛肉漢堡特別，佢用烤磨菇紅菜頭代替平時嘅肉，再加上甜椒、蕃茄、紫洋蔥、醬料等，包係酸種麵包，感覺健康！轉餐多左個湯，今日係南瓜湯，都幾濃，好夠熱，飲落好舒服！仲有香茅薄荷檸檬汁，檸檬汁加埋香茅味道多d 層次！Cedar 沙律碗 （配四種混合穀物） HKD 88 - 因為唔想食成碗生冷野，轉左飯，加埋配料牛油果、香烤南瓜、椰菜、墨西哥辣椒醬，味道都幾好，不過我會比較喜歡捲餅😁夏威夷堅果朱古力曲奇 HKD 45 - 素食曲奇比普通曲奇鬆軟，幾甜下同埋有口感。…查看更多

今日嚟到炮台山附近試吓呢間究極堂，網上睇到銅鑼灣都有分店，如果多人仲可以book vip房感覺都幾岩下次同朋友gathering。鰻魚芝士玉子燒 HKD 78 - 上枱熱辣辣，蛋好滑！唔同平時嘅玉子燒，佢唔係完整一件件，比較似滑蛋感覺，所以口感比較軟熟，加埋芝士、鰻魚、鰻魚汁，都幾唔錯！火炙芝士明太子三文魚丼 HKD 128 (午市套餐）- 明太子味道唔太出，不過加上芝士，三文魚火炙無得輸！正常發揮地岩我好味。究極炎之丼 HKD 128 (午市套餐） - 有蝦同幾款海鮮，蝦比較好，其他海鮮中規中矩，我都係比較喜歡火炙芝士明太子三文魚丼🙈Overall 計埋價錢午市套餐性價比都唔錯，餐廳乾淨，有唔同嘅小擺設環境都幾日本風。…查看更多

好耐無食鐵板燒，今日黎到天后試下依間宴·鐵板燒。佢係一幢幾新嘅大廈最高層，上到去有無敵大海景！當然鐵板燒都唔少得望住廚師準備食物嘅bar 枱，我同朋友就係坐依枱。叫左兩個宴lunch set HKD448/set，宜家做緊有85折優惠。食物有以下：季節前菜：係一個炸左嘅魚，配酸酸地嘅沙律菜一齊食幾好味，胃口大增！季節刺身（兩款）：分別有油甘魚同真鯛，材料好新鮮，好爽口，真鯛加左白松露油，口感滑同埋幾香，幾特別既食法。本週精選壽司（兩款）：分別有深海池魚同左口魚裙邊，我本身都好鐘意後者，左口魚裙邊油脂超豐富，好正！跟住廚師比左四款泡菜我地食，都幾有驚喜，每款有唔同既味道，而且好爽脆。沙巴虎蝦/帆立貝配鮮海苔（二選一）：我同朋友要咗呢兩款大家交換試吓，首先賣相好靚，我比較推薦帆立貝配上海苔嘅湯同埋魚子，好鮮味。香煎鵝肝伴藍莓醬：又係好靚嘅擺盤，鵝肝好厚，煎得啱啱好入邊好嫩，黑豆都好特別好好味！美國牛柳（厚燒/薄燒）：我哋要咗五成熟，厚燒嗰個都幾嫩，不過我比較欣賞薄燒，入邊仲有啲炸蒜配料，口感一流。鐵板炒飯配海帶麵豉湯：櫻花蝦炒得好香好足料咁擺喺飯上面，令到成個飯口感提升。麵豉湯配料都好多。炒雜菜：正常發揮總括黎講都幾推介呢間鐵板燒！首先環境唔錯，坐得舒服，服務亦都好好！重點係食物擺盤好靚，而且味道好出色！廚師嘅手藝好唔錯，我諗廚師同老闆好花心思去研究食物質素。…查看更多

今日黎到尖沙咀the one試下依間西餐廳，網上見到餐廳裝修係走華麗風格，特別欣賞水晶吊燈！黎到餐廳發覺比我相像中細，不過都坐得幾舒服。同朋友叫左兩個set lunch，中等價錢，百幾蚊一個lunch set。是日餐湯 （甘筍薑黃湯，跟餐）- 湯幾濃甘荀味，creamy得黎唔太流，唔錯。野莓香醋沙律（跟餐）- 沙律落咗醋同橄欖油，材料都算新鮮。法式寶雲酥羊架 HKD 168 - 自己都鍾意食羊架，所以就叫咗呢一味主菜。不過自己係第一次食寶雲酥依個烹調方法。網上查左一下，原來「寶雲酥是法國南部一種最傳統的焗羊架方法，在烤羊架面層塗上芥末醬、麵包糠和香草來焗香，從而增加食物的層次感。」的確表面香脆，同平時熟嘅羊架好唔同，有啲炸嘅感覺咁，幾特別既體驗。肉味就正常發揮。香煎北海道帶子海膽意大利飯 HKD 168 - 帶子算新鮮好味，意大利飯煙靭嘅質感我覺得唔錯，不過海膽嘅味就唔係好突出。另包餐飲。餐廳坐得舒服，食物正常發揮，收費唔太貴，服務唔錯，地點方便，我覺得同朋友食飯傾計都唔錯。…查看更多

銅鑼灣加寧街有好多唔錯嘅餐廳，之前試過幾間餐廳都唔錯，今次就試下依間好日本風嘅餐廳，佢嘅裝修真係令人覺得好似去左日本咁，好岩打咭！深海池魚薄切刺身 HKD268 - 推介！切得好薄，擺盤超靚🙈食落幾鮮味，爽口！赤鬼海老天反卷 HKD188 - 味道都唔錯，材料鮮味。磯燒富山灣營光魷魚 HKD98 - 推介！味道幾特別，依款係要加醬料再燒，魷魚爽口加上海苔咸香幾特別，送酒應該都唔錯！赤鬼蟹味噌甲羅燒 HKD128 - 甲羅燒係依度既名物！網上見到好多人都食依個，擺得勁靚🙈影完相就mix埋佢燒，香濃嘅蟹香，送餅乾一流！蔥吞拿魚腩卷 HKD128 - 材料鮮味❤️明太子山藥 HKD48 - 明太子咸香帶起山藥既味道，增加層次感。蒲燒鰻魚飯 HKD168 - 正常發揮。柚子檸檬梳打 HKD78 - 打咭唔錯，味道正常發揮。…查看更多

好耐都冇食印尼菜，今次揀咗試呢間位於銅鑼灣嘅斑蘭葉印尼美食，見到網上面嘅相幾特別，綠色嘅飯打卡幾靚所以試吓呢間。Kangkung Terasi 石粟馬拉盞炒通菜 HKD 78 - 通常黎印尼餐廳都會點通菜，由其是馬拉盞配通菜係特別好食，呢個都唔錯，好香。朋友唔食辣嘅，馬拉盞呢個醬好香但係唔辣嘅，所以唔食辣嘅人都可以放心咁食。Nasi Lemak Pandan 啦斯啦媽班蘭飯 HKD 88 - 同我平時食嘅Nasi Lemak有啲唔同，我平時食嘅係會有個Samba sauce，不過呢度係一個辣椒混一啲蝦米嘅醬。炸雞炸得好好，夠香脆同埋入邊好Juicy，值得推介！Basko Tulang Iga 牛骨白鬚牛丸湯面 HKD 88 - 好多牛丸，有四粒再加一條牛骨，牛骨既肉係同牛丸一樣，好大舊，材料好豐富，食完牛骨外面既牛丸，原來入面又有牛骨本身既牛肉，依個係最好味！Es Cola Cola Sereh 香茅可樂 HKD 28 - 略嫌依個飲品冇乜香茅味，可能因為本身個可樂凍出唔到香茅嘅香味。Madu Jeruk 箭葉果混吉蜜 HKD 28 - 我幾鍾意呢個，因為佢用咗檸檬同埋青檸，有唔同嘅香味。…查看更多

之前食過幾次吉列牛，自己都幾鍾意食，所以今次試吓呢一間，地點近旺角同埋油麻地地鐵站，所以都好方便。御燒極上級黑松露吉列牛 配味素飯 HKD 148 - 第一次食黑松露吉列牛，我覺得比平時嘅吉列牛再香啲！一開始店員比一個石燒嘅爐我，上面會包埋一個肥膏，以自助形式自己想有幾熟就燒到幾熟（建議每邊3分鐘燒到焦香），牛有啲部位有筋，不過大致上都好香有牛味，配上吉列嘅邊位好香脆，建議吉列嘅位都燒一陣，咁就可以食到外邊脆卜卜，入邊軟身嘅感覺 。醬汁更加可以提升牛嘅味道，層次感再豐富啲！味素飯正常發揮。環境坐位都幾舒服，午餐除左石燒仲有丼飯等，價錢都幾親民，下次會試下其他😁…查看更多

今日黎到旺角試下樓上cafe，之前試過旺角嘅小店覺得好多小店質素都好有誠意製作，所以都會想試多d 小店支持下。見到網上依間餐廳有個火魔醉蜆真係幾吸引，所以黎試下。叫左兩個午餐同一份蜆。是日餐湯 （跟餐） - 牛肉湯，味道唔算太濃，我朋友覺得唔錯！面包係熱嘅❤️法式香煎紅鯛魚配秘製白醬 HKD 218 - 魚嘅味道唔算好鮮，不過我欣賞個秘製白醬，因為大大提升魚既味道！魚份量都幾多！墨魚汁燴海鮮意大利麵 HKD 188 - 好多海鮮，蜆同青口大大隻。我最欣賞個意粉，Al dente質感好好，個人都鐘意食墨汁意粉！不過食完要清潔下個咀😆火魔醉蜆 HKD88 - 打咭一流！小心個火真係好大，燒左大約都有15秒，跟住就可以熱辣辣咁食，配上洋蔥，辣椒等，好惹味，酒味都幾濃下，蜆夠哂大隻。…查看更多

Treehouse一直都係我心入面素食餐廳嘅頭幾位，除左用料新鮮，味道都好唔錯！真係唔好話素食就無咁好食，而且食完比起食肉既感覺係輕鬆、健康好多！Tundra burger HKD 118 (plus HKD 60 upgrade to combo) - 包超級鬆軟，入面材料新鮮即整，配上vegan cheese、roasted pumpkin & grain patty等等，有唔同嘅口感，味道有層次，比一般burger食落refreshing! 跟餐配埋個pumpkin and ginger soup，好岩冬天飲，微微嘅姜味剛剛好，仲配埋iced coffee，都幾香！Cedar Salad bowl HKD 88 - 有新鮮牛油果、南瓜粒同大量蔬菜，配上chipotle醬（係辣辣地嘅），個辣幾刺激到個味蕾，食唔到辣嘅人要注意啦！Macadamia chocolate chip cookie HKD 45 - 鬆化而且朱古力味夠濃。…查看更多

記得之前係太古廣場有間泰國菜好想試，今日終於有機會黎試下！叫左兩個午餐，午餐價錢由HKD188-228，包湯、主食、沙律、甜品同餐茶，以太古廣場地點同埋包咁多野食，都算幾抵食，平日午餐時段都幾多人！泰式海南炸雞飯 HKD 188 - 未食過海南炸雞，我覺得都幾好食，雞未算juicy，不過大大件，食起上黎好滿足！黃咖喱炸鱸魚飯 HKD 228 - 推介依個黃咖喱鱸魚！魚又係大大件好滿足，唔腥無雪藏味，有d 魚既鮮味！黃咖喱夠香，就咁配飯或者配魚都好正！套餐配冬蔭公湯比較辣，如果唔食得辣可以揀泰式椰汁雞湯，個人覺得椰汁雞湯好好飲，椰子味好香！另外沙律，甜品同餐飲都正常發揮。大家經過太古廣場都可以考慮Apinara!…查看更多

今日嚟到土瓜灣試吓呢間WM cafe，佢嘅價錢好大眾化，特別係酒類都唔貴，食物同飲品嘅選擇都夠多。蒜片辣椒白酒大蜆意粉 HKD 148 - 意粉嘅軟硬度適中，係我鍾意意粉嘅質感，配上辣椒，上枱熱辣辣而且好香，我幾鍾意呢個意粉，不過蜆肉嘅size就比較細。溫馨提示，依個意粉比較辣，如果唔食得好辣嘅朋友可能要問吓佢可唔可以小辣。安格斯牛肉芝士漢堡 HKD 168 - 漢堡包加煎荷包蛋打卡得來亦都好有份量嘅感覺！牛肉唔係超級juicy 不過配上蛋汁，所以都還好，薯條係有皮嘅，正常發揮。飲品仲有1蚊生啤優惠同Hoegaaden 只係加10蚊！總括嚟講我覺得餐廳都算坐得舒服，服務都OK。今晚星期五所以等候食物嘅時間比較耐，但都推介比想搵個地方傾偈食晚飯嘅人。…查看更多

香港多左好多素食嘅餐廳，今次嚟到試呢一間，感覺上好Eco friendly。Forest burger (Combo +HKD 60) HKD 178 - 第一次試依度既burger，好味喎！雖然唔係肉，但材料好新鮮，蒜蓉醬汁都好配合，中間有一塊比較厚身既係菇類既東西，成件事好滿足，好飽肚！配上Combo 選上蕃薯條同Lemonade。Cedar Salad bowl HKD 88 - 材料全部好新鮮，Chipotle sauce（墨西哥辣椒醬）配上牛油果、南瓜、羽衣甘藍、羅馬生菜等等，辣辣地咁，都幾開胃！唔食辣既朋友要留意！佢亦都可以選擇蔬菜底、4 grain mix(米飯)或者half half，好flexible！朱古力粒曲奇 HKD 45 - 雖然佢用soy milk做，但味道同平時既無咩分別，係唔錯既飯後甜品。Treehouse 係self service 既運作模式，不過我有唔明既食物款式問職員，佢地都樂意解答，而且坐位舒服，Eco friendly，將食素既習慣帶入自己平時既生活，減輕對環境同身體既負擔，其實都幾好嫁！…查看更多

觀塘咖啡店都唔少，有好多唔同嘅小店，都幾有特色，而且裝修都比較特別。今次嚟到呢一間喺以日本懷舊同埋中學校園風做主題。我哋叫咗兩個定食咗晚餐。西京燒比目魚定食 HKD 168 + 熱咖啡 (加HKD 8) - 食落幾嫩，係juicy 既，有一啲麻油味，未到話鮮既味道，不過配上檸檬汁都ok我反而好欣賞個配菜，日本南瓜好甜，煮到好軟熟，好好味！麵豉湯入邊有蜆肉，好有誠意！漬物味道都好岩我口味！咖啡味道，正常發揮。海鮮野菜天婦羅丼 (大蝦、日本南瓜、茄子、北海道帶子) HKD 168 + 熱日式玉露茶 - 天婦羅炸得唔錯幾香脆，帶子同蝦都大大隻，另外茄子同南瓜食落都新鮮美味。亦都配上日本南瓜、麵豉湯、漬物嘅配菜。整體來講服務都幾好，而且環境特別適合打卡，坐得舒服，都幾啱幾個朋友一齊享受吓美食，傾吓偈！…查看更多

Log on就去得多，但Log on Cafe就未試過，今次星期六同朋友一齊嚟食吓嘢。餐牌都幾多款式選擇，有輕食或者比較多大份既，因為我哋都係食正餐，所以叫咗兩個份量比較大嘅。賣相都幾討好，不過價錢偏貴，食物味道正正常常，個Waffle都幾好味。…查看更多