cutecutekam的个人专页

放工好肚餓？緊係要約嘛朋友一齊去食放題！我地就揀左呢間大瀛喜😋😋其實呢間我已經食過兩次，每次都覺得好好食❤️而且價錢仲好實惠😎今次水準繼續keep到，仲加左啲新菜色添🤤🤤一黎必點緊係魚生☺️三文魚、帶子、珍寶大蝦呢三樣都係我必食之選👍🏻再黎就係點壽司、手卷、炸物個啲，好鍾意佢地啲壽司手卷係整得比較mini，咁就唔怕好易飽，又可以試多幾款😎😎炸物推薦芝麻雞翼，每次都必點，鍾意食雞翼既千其唔好錯過！另外，榴槤波波都幾正，入面有好多榴槤餡😃仲有蝦天婦羅同蟹柳天婦羅都好正正子😋😋花膠都係我必點之選，好好味，又補身👍🏻👍🏻食完曬正餐，最後當然要食返啲甜品，不過甜品就無主食咁吸引，cheese cake可以一試🤓好可惜今次食唔到自製乳酪😭😭期待下次再黎食過😍😍…查看更多

因為有朋友生日，諗住去食返餐生日飯，本身想食牛一，但實在太多人等😂😂所以我地放棄左呢個選擇，走左黎食outback🎉好鍾意呢間餐廳既燈光，夠柔和，感覺好舒服👍🏻👍🏻我地三個人點左三樣野食，分別係芝士薯條、肉眼扒拼豬肋骨、冰桶甜蝦😋😋佢一開始會免費上左個黑糖包先，熱辣辣、好好味👅薯條夠脆好正❤️扒餐仲有多兩個小食可以點，我地點左雞飯同沙律，個扒同飯不過不失，但沙律個味我唔太接受到🤣🤣最後我地加叫左個甜蝦，但呢個蝦真心麻麻地，無咩味，而個醬個味有啲怪😂…查看更多

今日見家姐得閒，就同家姐去元朗行下順便食嘛晚餐😋😋之前見呢間'Story Steak and Pasta'有好多好評，食物豐富，所以就同家姐黎試下😀😀店舖既設計好靚，一經過已經吸引我地搵到佢👍🏻而且有大大個menu放左係舖頭外面，方便你睇下岩唔岩食先入去🤓🤓不得不讚，入面既環境設計好正，令人覺得好舒服，座位係有海綿，坐耐少少都唔會覺得pat pat痛🤣🤣食物方面，我地點左安格斯西冷牛扒餐、bbq醬烤原條豬肋骨餐同水牛城雞翼小食👅👅首先上菜既係兩個湯，我比較鍾意飲南瓜湯，南瓜既味道夠濃👍🏻蘑菇湯都好飲既，但感覺比較稀。兩個扒餐夠大份，鍾意食菜既都可以叫，因為伴菜既份量多過肉，絕對係健康之選👍🏻👍🏻而牛扒係十分新鮮，感覺隻牛係即切即上🤗🤗🤗唔講咁多啦，去圖：…查看更多

今日返完工覺得身心疲累，又到左星期五，緊係要獎勵下自己，所以決定去食壽司💕💕一早都想試下食呢間壽司，今日特登過黎睇下，都滿人同有留座，諗住走個時就咁岩有位😆😆😆因為都有啲肚餓，所以叫左個'蔥吞拿魚腩飯'，個飯一黎到就覺得驚訝，都幾大碗下💕😍😍啲吞拿魚腩既分量又夠多而且唔會腥👍🏻可惜我應該叫三文魚飯😂感覺以前食過第二間店既魚生飯好食啲（但個時我係叫三文魚🐟）下次應該會試下其他壽司、刺身同炸物🙆🏻🙆🏻…查看更多

小曼谷係我食過最好食既泰國菜，不過對上個次食已經係年幾前，個時小曼谷仲未轉位🤣🤣隔咁耐食今次食覺得仲好食左❤️❤️今次同朋友食叫左五碟送，分別係羊架、生蝦、咖哩軟殼蟹、馬拉盞通菜、燒豬頸肉，仲叫左杯龍眼冰。啲菜式上得好快，價錢同份量都好合比例，但略嫌店內既枱椅太多，環境有啲擠迫😂😂生蝦：啲蝦好肥美肉厚，夾嘛粒生蒜，再點甜酸醬，簡直一流🤤🤤豬頸肉：燒得香口，脆脆地，點嘛辣醬（唔食得辣既唔好點太多），好正😋😋羊架：第一次食，啲肉同肥膏好夾，肉好諗，肥膏入口即溶咁濟，超好味👅👅咖哩軟殼蟹：因為咖哩粉蟹太貴既原故，我地今次食住軟殼蟹先🤣咖哩同以往一樣出色，不過蟹就無咩肉啦😢馬拉盞通菜：一個字，好正❤️龍眼冰：超好味，龍眼好多💕💕…查看更多

同屋企人經過旺角，行左好耐街🏃🏻‍♀️🏃🏻‍♀️開始覺得攰同口渴，見到附近有好多唔同既小食店同飲品店，最後揀左呢間賞茶試下💦💦我自己揀左$24既極品波霸賞奶茶，家姐買左$20既波霸奶綠，而妹妹就買左$21既仙草奶茶👅👅因爲之前買台式飲料通常都偏甜，所以我叫左7成甜度同少冰。奶茶既味道很普通，沒什麼特別，但也不算難喝，可我應該不會再光顧這間飲品店🤣。杯既設計好特別，不只是印上店名，而係有啲風景畫🤓🤓…查看更多

今日同同事放工打算返屋企，但見大家都有啲餓，所以一齊去食小小小食🤤🤤同事建議去食呢間，我地買左一份炸燒賣同一份炸餃子😊（抱歉唔記得左影相）呢兩份炸物無咩特別，不過不失，但都幾熱氣🤣之後我地仲買左杯野飲，同事買左珍珠奶茶，而我就買左桂花烏龍芝士奶蓋😋😋我個杯芝士茶好好味，芝士唔會太'溜'，而茶亦清香，兩者混合一齊飲岩岩好💕💕店內亦提供不同既付款方式，可以利用支付寶付款，再加上近期既印花優惠，可以節省$5呢～另外，男店員亦很友善，後來有一位食客唔知揀咩食，店員還讓她試吃餃子✨期間都有同我地傾計、說笑😆下次會再黎試下其他小食同飲品❤️☺️…查看更多

同家姐細妹行葵廣行到攰諗住離場個時，咁岩經過見到呢間壽司店好多人排隊🙀🙀當時就諗呢間野一定好正，一眼望落去餐牌見到有好多海膽壽司（應該係招牌食物），但可惜我地唔特別想食海膽，所以無試到。😂下次有機會會試下......我地最後叫左個芝士軟殼蟹壽司，間店比左好多醬我地自己加，有普通豉油、芥辣豉油、沙律醬、海苔沙律醬、黑松露沙律醬，我地試左兩款沙律醬，個醬都好好味，同壽司好夾😋😋但係個軟殼蟹蟹味唔出，份量亦較少，以致唔太食到有蟹，淨係食到個配料青瓜🤣🤣下次會試下其他壽司💁🏻…查看更多

係葵廣除左瘋狂食野之外，就係有好多唔同既飲品店，各式各樣，任君選擇💁🏻今次我決定試下呢間茶理史，一睇餐牌，比我既感覺好有台灣feel，好多芋圓飲品✨✨平時食芋圓甜品多，但飲品真係第一次見（可能係我孤陋寡聞🤣）於是同家姐細妹試左兩杯芋圓飲品，分別係木瓜同芋香鮮乳地瓜小芋圓飲品💕芋香個個一飲落去就好有香味，仲食到好多芋頭粒，好正👍🏻👍🏻👍🏻另外木瓜個個就似平時係超市買既屋仔木瓜牛奶，都好好味，但唔太特別💦今次去仲有個小插曲，就係部落單機壞壞地，見到店員都搞錯左我同前後客人既飲品😯不過好快比返岩既飲品我地，都無影響飲既心情～…查看更多

好耐無食章魚燒啦～黎到葵廣無理由唔去試下🤓🤓即刻上OpenRice 到睇下有無啲章魚燒好食有好多好評，跟著就見到呢間「真·章魚無雙」有好多人讚好💕💕因為家姐好鍾意食黑松露既野，又見到咁多人讚黑松露章魚丸好好味，所以就試試🤔買個時好多人排隊，都需要等一陣時間先黎到⭐️章魚燒醬既分量好充足，完全蓋滿碟章魚燒，而每粒章魚丸裡面都有一隻小章魚🐙，很讚👍🏻。但因為我自己唔太好黑松露，所以都唔太喜好呢次既章魚燒🤣如果下次有機會既話或者會試下其他味道😊…查看更多

同家姐、細妹行行下葵廣👩‍👩‍👧🏃🏻‍♀️突然覺得口痕痕想食啲小食，就見到間炸雞店☺️☺️就決定叫個細香香炸雞醫下口😋😋雖然見到佢一早整好曬，放左係個箱入面，但我地食個時都仲係熱辣辣👍🏻👍🏻因為我地叫左細雞，所以份量都唔多，好快食曬🤣🤣啲雞炸得好香口，不過雞肉已經炸到無曬汁，搞到啲雞肉好'hi'，唔嫩口🤦🏻‍♀️所以都無衝動再次光顧，都唔太建議大家去食呢個香香炸雞🤔🤔…查看更多

因為姐姐睇左一個youtuber既推介，話呢間野既麪幾好食，就提議我地第二輪去食招牌肉燥伴麪。🏃🏻‍♀️🏃🏻‍♀️碗麵既分量比較少，裡面仲有啲蘿蔔絲、豆腐同溏心蛋。肉燥撈麪既味道不過不失，蘿蔔絲對個麪黎講係一個昇華，令個麪甜甜酸酸，更加好味💁🏻溏心蛋係整個伴麪最好味既野食，蛋既生熟控制得好好，蛋黃係橙黃色，仲流緊出黎😋😋可惜略嫌蛋係凍既，同個麪唔係好夾，一冷一熱咁😵😵整體黎講呢個麪可以接受，但無咩驚喜✨✨…查看更多

今日同家姐細妹一齊去葵廣到行街食野😋😋😃😃我地首先試左呢間oh my cow🐮見到佢都多人掛隊，我地諗緊食咩好個時，見到前面叫左個手撕雞麪，就即刻跟風買呢個❤️去到個店員話除左手撕雞之外仲可以揀多兩樣小食，我地決定揀牛肚同雲耳。揀完小食之後，店員仲好好問我地要咩辣度、要唔要蔥同莞茜、芝麻😚😚成個麪好好味，啲麪似冷麪既口感、配料充足，辣度亦似合我地既要求👍🏻👍🏻下次再黎葵廣會再買過👅十分推薦大家黎食💦💦…查看更多

約朋友一齊食甜點，因為睇到有梳乎厘既甜品，我未試過食，所以約埋朋友一齊試食。👅👅我地三個人叫左兩個甜品，就係珍珠奶茶窩夫同焦糖梳乎厘。甜品既分量好足夠，梳乎厘有兩件、窩夫有四片，賣相亦不錯。✨✨第一次食梳乎厘，感覺幾好食，軟軟既，而且好有蛋味😋😋窩夫食得出係珍珠奶茶味，但奶味較出，比較甜。整體黎講呢兩款甜品有啲濟，我地三個人食兩份甜品都食左半份左右，就覺得頂胃吃不下了。😵😵另外，店員都好熱心，會主動問下我地點餐未，啲野食好唔好味etc...不過略嫌背景音樂太大聲，有點破壞氣氛😪…查看更多

我個人比較少食粥，因爲覺得粥好淡無味，而且又熱辣辣，食完個人好'慶'。但因為最近天氣涼左，又有朋友介紹話好好食，所以都跟住一齊去食。去到覺得個舖位好特別，分左兩邊，一邊係比人食煙，一邊係非吸煙區，對食同唔食煙既人黎講都好方便。我地三個人叫左個二人套餐，可以揀兩款既海鮮粥、六串串燒同二罐汽水。我地最終揀左蝦、加$50蟹粥，仲有雞肉、豆卜、菠蘿、五花腩、雞軟骨、翠肉瓜。串燒個粉好惹味，唔洗再點漿都好夠味，我地覺得雞肉串最好味，好juice。個粥好鮮味，個店員仲好好咁將蔥分開上，啲海鮮食得出好新鮮。最終我地三個女仔食到好飽，如果細食既女仔應該可以四個叫二人餐😋😋…查看更多