moekwok的个人专页

食個early dinner趕去睇戲，唔想太飽，所以叫個四寶湯粉，我唔食牛，問伙記（又好似老闆）走牛轉其他，點知原來四寶是五寶，份量幾多，共有豬肉丸、爆汁貢丸（唔太覺爆汁）、胡椒豬肉丸（超正）、雲吞（大粒）各兩款，八大粒，仲有魚皮，少見有得揀懷舊銀針粉，湯底係胡椒湯，少辣帶甜，仲有墨魚肉，好好味，飲咗好多，暖晒！同伴叫左西蘭花魚飯，煎魚塊唔係炸，唔似出面咁多粉漿，啖啖肉，好似健康啲👍🏻伙記（又好似老闆）送我地飲燉蟲草花燉湯，味道清淡，普普通通，加$10飲都合理。可以安哥…查看更多

放假諗住chill下，揀咗呢間高空餐廳食半自助午餐，環境好唔錯。沙律吧比想像中精彩有超過10款沙律款式，都幾精美。基本沙律菜都好新鮮，仲有ham同煙三文魚，泰式雞絲沙律、水牛蕃茄芝士都有。我來回食兩轉已經好滿足！主菜份量比較細，尤其是西冷牛扒，同埋要求七成熟但係上到嚟都差唔多九成，豬扒就正常發揮，同蜜桃汁配搭係幾好。甜品都係正常發揮，特別想讚一讚有個品字形嘅榛子朱古力，好好味！不過最尾太飽只係食咗一粒！預訂有優惠$200左右食到咁多款沙律，性價比高，抵過去cafe!適合傾偈聚會同埋chill!…查看更多