胃食小肥bear的个人专页

每年會幾個月左右去開荃灣就幫襯一次，每次都是食佢這個皇牌推介，今次去食蕃茄蛋湯通粉，蛋只比些蛋碎不是全隻炒蛋，蕃茄湯變蕃茄水，以前會飲晒個蕃茄湯，現在味道真的不再是以前的味道，瑞士雞脾味道保持到，但汁比以前少了，加了杯涷奶茶，涷奶茶一向都淡無茶味，只是因要飲野才加9蚊大家千奇不要去廁所，污糟和水喉不停長溜水整濕晒隻鞋和襪，門鎖有鬆鎖唔實度門我老公嗰碗蕃茄蛋义燒通粉和涷奶茶我冇影相，老公話算啦，出街食野人地交租和人工加咗，食物差咗好正常，但好多人不會比較之前的味道，只是食完才比較到，食物保持不到質素，一定不會再幫襯…查看更多

呢間素店之前都幫襯過好多次，今日突然又想去食，於是同我老公去食晚餐，無需等位就安排了入座，叫咗1)牛油果軟殼蟹卷素軟殼蟹以前是新鮮炸起的，個心食過幾次都係熱，今次不是新鮮熱炸起的，個素軟殼蟹是涷的，估計整了好耐2)牛油果醬蛋白炒飯完全食唔到牛油果味，好少餸，似急涷雜菜粒炒飯3)芝士南瓜焗海鮮飯椰菜好硬，汁不是舖面焗的，感覺不似食焗飯，但食得出比較熱的，相信有焗過的。整體質素下降，今次沒有叫招牌菜式，未知會否保持到招牌菜式的質素，但其他菜式就差了，暫時不會再去，希望將來能回覆以前都水準…查看更多

呢間酒樓因為好近奶奶屋企,又算唔洗等好耐就有位,加上姑仔揍住個BB同小朋友行唔到咁遠,所以習慣去呢間酒樓飲茶,但食物唔好食,我都冇影低相了流沙包完全唔流沙,我老公話食到唔似平時食開既味道,話假假地,我第一次見佢食咗唔夠半個就放低咗唔食,我見到個包都唔想食冇試,义燒酥我同奶奶同老公都食到有油益味,八珍海鮮炒麵食咗半碗已經覺得味精好重,蛋白蟹肉炒飯,D米係未熟,冇蟹肉,味精又重,其他食物我地都冇食,講真,我飲過好多間酒樓,呢間係最難食,以前陪奶奶去喜上加喜,我都覺得喜上加喜唔掂,我知佢地係同一個老闆開,真係好失望我依然會去幫襯,因為奶奶鐘意去,但我唔會食佢D野,希望間酒樓有誠意改進一下點心質素,如果能改善,我都會再食D點心…查看更多

其實都來幫襯過幾次，今次寫返個評語，希望有所改善 叫咗2個午餐涼拌麻油豬耳朵豬耳爽口，但覺得比以前份量較少，可接受台式肉躁飯普通，肉躁量不多黃金酥炸排骨好油，太油令皮唔夠鬆脆地瓜牛腩好咸，牛腩唔夠淋胚芽奶茶最好味價錢平平地真係冇所謂，如果價錢比較貴而有呢個質素我一定比負評，所以都好期待食物質素會有改善…查看更多

每晚放工都會想下去邊間食，突然覺得想試下呢間茶餐廳，咁就入去試一試剌1)咖哩雜菜蛋飯+蒜蓉多士+涷奶茶$55咖哩味道適中，不會太咸，而且份量充足，菜有蕃茄，西芹，白菜仔，菜心，西蘭花，洋蔥，煎荷包蛋等配料蒜蓉多士香脆，配合牛油更美味涷奶茶走甜少冰，味道好適中，冰好快剛剛溶晒，所以唔會整走d茶味，又保持到涷既感覺2)滑蛋蝦仁飯$46其實一見到碟飯有2個反應，第1個反應係d蝦好大隻，數咗有9隻，第2個反應係我成日都自己誤會咗滑蛋係炒蛋，其實我係喜歡食蝦仁炒蛋，滑蛋係配少少蔥同碎蛋汁，由於佢用料充足，d蝦仁又爽口，所以都覺得好味…查看更多

收工同老公食返個晚餐，叫咗個芺蓉煎蛋飯，肉絲炒麵，涷奶茶走甜1)芺蓉煎蛋飯 $33超大碟，材料充足，唔算太油，煎得幾香口2)肉絲炒麵 $37有叫少汁，但都係多汁，好彩仲有少少脆，未淋得晒，味道不會太咸3)涷奶茶走糖少冰 加$5有茶味，但可以濃一點會更好…查看更多

假期同老公2個人飲茶,唔想比人趕走,想坐耐少少,我就建議老公,不如去中環,假期少人D,仲要去D貴D既地方飲茶,就來咗波士廳,叫咗6款點心1)流沙包味道唔太甜,但個包放咗好耐,食時唔流心,所以建議大家快D食,如果評味道,出面都做到,所以未有太大驚喜2)火鴨松子酥食唔到鴨味,酥皮鬆化,但松子太少,所以未有驚喜3)炸芋角感覺一般,味道覺得都係同出面D酒樓唔太大分別,可能不是推介菜式4)蝦餃皮薄,蝦爽口,好味5)波士三色腸有3款腸粉,叉燒腸切得好幼細,又唔肥,又唔會好多汁,好食,鮮蝦腸,好爽,好鮮味,黑松露腸粉好香,好好味,腸粉做得皮薄,一定要試6)懷舊黑芝麻卷甜度適中,有層次感,芝麻味濃郁,彈牙,唔錯…查看更多

老公生日最喜歡食中菜,本身唔太鐘意食中菜既我,除非整得好味,如果唔係就唔會有下一次,去食晚飯我最唔鐘意限時,即想坐多一陣都唔得,所以揾到李公館,見食評唔差,book枱時又冇話限我時,所以決定要來試一次,2個人見中菜,叫既款式唔可以太多,於是點了3道菜1)冰鎮咕嚕肉(普通版)2)層層疊煎藕餅,3)冬蔭公焗蟹蓋1)冰鎮咕嚕肉(普通版)我選擇了普通版,如果選擇限定版分別係多咗少少生果,生果會有D糖包住,我同老公都不愛食太甜,所以點了普通版,食落感覺外冷內熱,香脆可口,肉既質地滑,感覺很特別2)層層疊煎藕餅食到蓮藕+豬肉+蝦既味道,油咗少少,都幾鬆化,老公話似炸燒賣,感覺都爽口,味道可以,但因為較油和太多肉,2個人食咗會感覺油膩咗少少3)冬蔭公焗蟹蓋味道不算突出,因冬蔭公味太重,反而食落蓋咗主角蟹蓋感覺…查看更多

早2日訂了一個栗子生日蛋糕,老公唔愛食太甜,所以在訂餅時註明了少甜,當食的時候,老公話太甜剌,所以只食了中間的海綿蛋糕,中間的海綿都鬆軟,老公冇食栗子蓉,老公話栗子蛋糕唔係每間都做到我們要的味道,所以我唸如果要食真係建議下次可選擇食招牌款式,雖然今次有少少失望,但將來都有機會再來試其他的蛋糕…查看更多

昨晚我同老公去食糖水,老公叫咗個芒果紅豆涼粉,我叫咗個西瓜紅豆芝麻爽,呢間舖我地間中都會幫襯下,對上一次半年前都仲正常,但昨晚個糖水真係D料少咗好多,我老公同我個糖水都係放咗好多雪喺個面,因為平時食開,我地真係冇影低相,我唔明點解老公個涼粉點解切到咁碎,成個糖水都係糖同水多,味道就係好似飲緊糖同水咁,我個糖水D西瓜真係好少,芝麻爽得幾粒細細粒,好快就食完D紅豆同芝麻爽,真係大半碗係水,似冇食過,我去嗰時係大約晚上10點左右,其實仲有好多位,不過佢係好鐘意要逼人坐埋同一張枱,所以我見到同枱嗰對情侣叫另一款糖水D料都係好水,佢地仲問個侍應呢個就係佢地叫既糖水,侍應話係,唔怪得少咗人幫襯,其實以前半年前佢地D糖水都係好食,我以前都經常幫襯,但現在真係唔同咗,差咗,我以後都唔會再去,附近有太多糖水舖選擇,而另外幾間水準都keep到正常足料同好食.…查看更多

我同老公食完晚餐行到去呢邊,突然想食雞蛋仔,於是去咗呢間買咗個原味,其實之前喺總店買過粒粒朱古力雞蛋仔,都不錯,只係個人覺得比較甜,我都係鐘意食原味多D,由於新鮮即叫即做,原味味道唔太甜,同埋幾鬆脆,KEEP到仲好好味呀 …查看更多

已經是上個月既事,其實呢間舖我同老公之前放工經常幫襯,一星期大約去4-5晚左右,我發覺已經唔止一次,叫肉絲炒麵少汁,佢2次都專登比多汁我,我從來未試過叫肉絲炒麵會變咗一PAT濕晒完全唔脆麵,個職員係有提廚房既,佢攞個麵出來都覺得好濕好有問題,但就冇意幫我換,只係同廚房講頭先明明叫咗你地少汁,點解咁多汁,我就算唔叫少汁都未試過,呢間野D廚師真係專登,好唔鐘意你改呢樣改嗰樣,你叫佢改佢同你相反,講真2次都係咁,我唔敢再去幫襯,我怕叫其他野如少甜,少汁或其他佢加料,所以不會再來…查看更多

晚上大約6點幾左右我同老公講想食漢堡包,老公叫咗個咖哩魚柳飯連熱奶茶$36,我就叫咗個雙層漢堡芝士蛋包$20,其實之前都來呢間舖食過漢堡包,今次比我感覺服務差咗,我買個包時剛剛比完錢真係剛剛找返錢,我同個收銀講要黑椒汁,佢話入咗單剌,太遲剌,同我講下次早講,我同老公都覺得收銀個男人玩野囉,個包都未做,真係已經即時講,咁大家想改汁記得要先講黑椒汁先再講個包名,如果唔係就好似我咁個收銀連同廚房講聲都懶,我前面我見到仲有8張單,我D食物都等咗成10分鐘啦,點可能改唔到汁,我唸住同老公一齊食,點知因為沙津汁關係所以我一個人食晒,其實個包係咪好好食,我只可以話OK,只係太多人寫佢好好食,但只可以來食漢堡包就OK,個飯個咖哩汁就好唔掂,好稀同冇咖哩味,個奶茶就真係冇茶味,我本身住喺附近,如果我見到呢位收銀我一定唔會再來幫襯…查看更多

我以前每個月都會幫襯攦粉同糕點,但現在我覺得呢間舖一開始比我地D網友讚得多就質數下降,攦粉加價我覺得唔緊要,好似現在去食墨魚卷攦粉唔會比佢以前會比既甜辣醤比你,鯪魚球攦粉會問下你要唔要蜆芥醤,糕點最過份,每款糕都收人$4元一件,每年縮水三份一,每次都買$10三件,我覺得呢間舖好慳,keep唔到水準唔會再幫襯…查看更多

今晚要試佢個新菜式,晚餐才有得供應的芝士海鮮農夫包連紅豆冰今日可能是星期日,等咗個包半個鐘終於有得食,芝士味夠濃,但魚柳得一塊,因為芝士本身較咸,所以鐘意食清淡的人會覺得咸咗少少,羅宋湯就有好香牛肉味,紅豆冰的紅豆夠林,好咪如果講味道,我會覺得包咖喱牛腩農夫包好味D,牛腩較香同林,豬扒包都好味緊記千奇唔好選擇葡汁蔬菜黃金綿盒,佢D蔬菜似煮完拿去局,個包好似出咗水,個包林咗唔好味…查看更多