ballballtung的个人专页

今日喺荃灣做完嘢之後去咗如心廣場食早餐，上一次喺尖沙咀Espresso Alchemy食過午餐之後，成日心思思都想再去多次。Espresso Alchemy嘅早餐都有幾大類，麵包多士、奄列、三文治等，亦都可以揀一啲pastries。Avocado and Egg Mayo Bagel with Salad牛油果碎蛋貝果配沙律份量相當之大，$82包Regular Size Single Origin Brew Coffee非常抵食。不過今日加錢想試試手沖咖啡，店員詳細介紹今日嘅咖啡豆，同埋每一款嘅風味。我揀咗來自巴西FERREIRA嘅Santa Clara SeHa咖啡豆，風味係香甜及酒香 sweet & winey。可以先嗅聞一下用小杯裝住磨好咗嘅咖啡粉，香氣滿溢。再呷一啖咖啡，品嚐唔同溫度令味道嘅轉變，層次豐富。…查看更多

唔講唔知道原來美麗華有間高質素嘅咖啡店，今日都係同朋友行完無印良品先知道！差唔多到lunch hour，人流開始多我哋叫咗杯matcha latte同一杯黑啡，走甜嘅matcha latte更加飲到抹茶甘香，黑啡喺口中嘅回甘令人回味。朋友叫咗一份雞胸沙律，本身我真係冇抱任何期望，我本身就唔鍾意食雞胸。不過呢個係驚艷嘅，真心出色，食過返唔到轉頭食唔返普通嘅雞胸肉🙂‍↔️🙂‍↔️原來係用咗慢煮嘅方法，令到雞胸鎖住肉汁，裏面都仲好嫩滑，加上青醬嘅獨特香氣，好快就K.O.咗呢一盤雞胸！我嗌咗Pesto Chicken, Cheese Panini，都係冇失望，依然係青醬配合雞肉，加埋芝士同烘到外脆內軟嘅panini，飽腹感滿分！…查看更多

今日氣溫驟降，陰沉沉又潮濕，人也覺得冇活力，最好係食返啲少少刺激嘅食物。今日又係獨自開飯的日子，行過東京燒牛丼店當然要食番個平價美食，是日我吃咖喱飯。咖喱飯配燒牛肉（$65）這個日式咖喱飯咖喱的顏色比較深色，其實日本咖喱源自印度，裏面帶有少少肉類和蔬菜，味道有啲甜唔辣，配米飯是一個非常好選擇。燒牛肉燒到微焦加上洋蔥、醬汁，入口有醬油香味又有洋蔥的甜味很不錯。另外叫了一個椰菜絲沙律，好鍾意它的爽脆，麵豉湯又係我的最愛，加配十元就可以飲到，一餐飽肚暖胃簡單的午餐。…查看更多

心動不如行動今日就去食拉麵，銅鑼灣的鬼金棒店外有點工程吧！差點找不到。朋友喜歡多肉，所以「增量叉燒辣麻味噌拉麵」是他的首選，加了味玉，當然要加辣加麻才吃到鬼的特色。極厚的叉燒扎實的外型，肉質鬆軟富油香，一口肉香和醬香，味玉半熟狀態颜色橙黃，好有蛋香味。粗麵條吸收了湯中的辣與麻，好香口。「芫荽辣麻味噌拉麵」小辣中麻，加了增量豆芽菜一大碗，芫荽是我的最愛由其是放於濃湯中，芫荽獨特的香味散發出來，本身已有的炒豆牙菜令拉麵更爽更有口感，今日口感加倍，一碗清香的炒豆芽菜可以就咁食，又可以加於湯中口感提升，吃拉麵總想來個Cola，爽。…查看更多

當我站在鋪頭外面看下menu之際有群年青人高高興興的進入店內，直覺感到應該係唔錯的。店內除了年青人大都是上班一族。除了牛丼、豚丼還而定食及小食等。這裡用QR code選餐，我選了一客 生薑燒豚肉定食，這包括有麵豉湯，日式沙律，一碟豚肉及一個白米飯。生薑燒豚肉份量頗多，薑片切得很薄而且吸收了肉的味道唔會太辣，豚肉也是薄薄的，有點點肥，食落比較香口。個醬汁惹味帶少少甜送飯之選。日式沙律菜我不常吃，但今日試過也覺得新鮮爽脆，加入少量沙律醬也算可口。…查看更多

尋日同朋友入開源朗，就當然要去試一試喺元朗都幾出名嘅車仔麵——篤篤車！今日過咗午飯時間去，人流比較少，坐都坐得舒服啲。我叫咗一個雞腎牛筋生菜米線，湯底係泰式鱷魚骨湯，非常特別，喺其他地方都未必試到。冇諗過鱷魚骨湯底原來係好鮮甜，奶白色，隱約覺得有牛乳味，加上魚湯嘅鮮味，用嚟做米線嘅湯底就一流，索左湯嘅鮮甜。…查看更多

今日同朋友一齊去西環搵好嘢食，去咗可可店之後唔夠喉，過咗去堅尼地城嘅呢間飲品店買珍珠奶茶！去到Smithfield walk嘅入口，已經見到花斑茶社嘅廣告。搭完電梯之後，仲見到地下好多花斑茶社嘅珍珠奶茶貼紙，一路貼滿沿途直到店舖門口，好有氣勢！我平時最想飲嘅都係黑糖珍珠奶茶，每次飲完都覺得好幸福！呢度嘅黑糖珍珠奶茶都有少少變化，朋友一見到黑糖珍珠烏龍奶茶就立刻推薦俾我，咁當然我就二話不說去叫咗一杯😆我同朋友都覺得你杯飲品比起我平時飲嘅黑糖飲品更加出色，因為係用咗烏龍茶嘅關係，齒頰留香，有清幽嘅烏龍茶味。而且成杯飲品嘅感覺都好細滑，奶同茶嘅比例都平衡得非常之好，飲完成杯都唔會好滯好漏。而珍珠嘅口感都非常煙韌同彈牙，我同朋友都讚口不絕。下次一定要試吓芝士奶蓋泰式奶茶！估唔到呢度連Thai tea都有，一定要試一試！💕…查看更多

今日去驚安之殿堂前，先嚟到如心廣場嘅新開咖啡店食個tea！Espresso Alchemy喺尖沙咀、鰂魚涌、葵涌都有分店，今次仲開到嚟荃灣西，揸車定坐車嚟都非常方便呀！估唔到過咗lunch time都依然有唔少嘅客人，相信DONKI開幕後都令呢頭附近多咗人流，更加興旺。我點左一杯latte同一件香蕉蛋糕。一向喜歡手沖咖啡嘅我，今日反常地點咗奶啡。咖啡嘅香味濃郁，偏堅果味，與奶香平衡。佢嘅奶泡都打得好細滑而綿密，拉花飲都尾都無太大走樣或泡泡爆開。而蛋糕又係一絕。好喜歡佢外層帶丁點焦脆，烘得焦香，而裡面依然濕潤，口感實在，香蕉味都香濃。份量都幾大，作為下午茶都飽肚㗎！下次都想過嚟試下呢度嘅午餐，見到有pasta, sandwiches等，以咖啡店嚟講，Espresso Alchemy嘅食物選擇都算幾多元！…查看更多

去富健不嬲都係食下宵夜咁，好少去食晏。今日個朋友話去試下新開果間雲桂川冰室，話有雞煲食，因為本人好鍾意食雞煲首先叫左個秘制奇味雞煲細份$128辣度有大，中，小同唔辣。我地簡左小辣。雞煲入面既洋蔥同配料有好多，仲會送時菜一份添。本人都算幾鍾意食辣，所以如果都算食得辣既朋友，建議食中辣個湯底愈煮愈濃，係一開始煲緊既時候店員會不時過黎撈下搞下我地都係坐低等食三個人食黎講Ｄ雞都算多，不過大食既我地又點會夠飽，所以叫多左2樣野招牌雜錦米線$55 有豬扒，雞翼，花姿丸，貢丸，牛肉同酸菜都係有大中小辣，今次叫左中麻辣，Ｄ料多到一個人真係食唔晒，3個人SHARE就岩岩好叫得雲桂既米線都好好食有水準。其實食到呢度都飽飽地，但見到黑松露炒蛋西多士$36，剩係個名已經夠晒吸引啦。Ｄ蛋多到離晒譜又滑又厚身，黑松露個味好重，加埋食真係一流，飽到。野飲方面就叫左紅豆冰$22同鹹檸七$18，唔係間間餐廳都有呢兩樣野飲架…查看更多

見到個個話雞白湯好好味，就一於試下天氣咁熱，想食啲凍啲既野，所以放棄最classic嗰個雞白湯拉麵，嗌咗雞白湯沾麵店員介紹沾麵啲麵係較湯拉麵啲麵粗身，我就鍾意粗身啲既麵，有咬口啲。個湯底真係冇得彈，好香好濃郁既雞味，麵身好滑好彈牙，點埋啲雞白湯汁令啲麵又滑身好易入口。慢煮雞肉好特別，又林又滑，凍凍地點埋熱既湯，令肉變得更柔軟，溫度適中。由於食唔哂成個鰻魚飯，就叫一串鰻魚淺嘗一下。鰻魚真係好好味，熱得啱啱好，外脆內軟，可以的話下次真係要試個鰻魚飯，不過好似要提早order定。再追加多個明太子雞翼，釀咗滿滿既明太子，又冇骨，大大啖食，好爽…查看更多

由於早餐太早食既關係，6點左右個肚已經打晒古同朋友行經附近想搵D好野食下，點知枱頭就見到個招牌，一於試試佢間野係二樓，但門口唔算難搵，因為有晒指示牌。可能太早既關係唔算好多人，坐得都幾舒服我地叫左法式龍蝦湯，前菜係蜜糖BBQ汁雞翼同白酒煮蜆。基本上去到邊我都會試下佢D雞翼，果然無令我失望，肉質嫩滑，醬汁又夠晒稠身，仲配左沙律，可以等我呢D少食疏菜既人健康D！無諗過龍蝦湯可以咁濃味，感覺用料非常新鮮。白酒煮蜆份量非常之多，好少可西餐既蜆係有咁多隻，D蜆又唔會太細隻，好抵呀叫左杯熱既Rose Latte，咖啡底非常濃厚仲有拉花睇下。主菜我地叫左西班牙黑毛豬鞍架配紅桑子燒汁，黑毛豬鞍架煎到剛剛好，配埋紅桑子燒汁，嘩，開頭仲諗緊定係叫牛，點知黑毛豬鞍架都好香口！…查看更多

平時比較少去天后，今日就有喺天后返工嘅朋友介紹我去一間新開業嘅西日式餐廳，門面簡單而有格調。靠牆梳化位有可愛嘅Sheep and Pig圖案，有一家人黎食飯都喺呢度影相留念，睇黎小朋友好受落呢！剛踏入夏季已經非常潮濕炎熱，先點左一杯巨峰乳酸梳打同白桃乳酸梳打，唔會太甜又消暑解渴。▫️脆炸啤酒漿炸魚柳薯條同一般Fish & Chips唔同，炸魚嘅粉漿加入左啤酒，經過油炸後會滲出淡淡啤酒苦澀味，比較特別。內裡魚柳依然嫩滑，唔錯。▫️冷烏冬配雜錦天婦羅天婦羅有兩隻蝦🍤、一件冬菇及一件紫薯。我同朋友都好欣賞紫薯天婦羅，帶有天然甜味，口感亦適合作炸物。餐廳員工亦非常有禮親切，星期日下午唔會話食完就趕住收嘢，令客人可以非常舒適地用餐。下次會再黎試試dinner!…查看更多

星期二晚上跟朋友相約到北角的「當下」晚餐，餐廳位置距離地鐵站不算遠，算容易找到。入到店內裝潢很有vintage感覺，相當不錯。晚餐點了二人套餐$498沙律正常，以芝麻醬做base餐湯有驚喜，很濃蕃茄味之餘亦能嚐到混合當中的香料味麵食我地選擇了黑松露野菌闊條麵，麵質不錯，出面好多闊條麵麵中間有陣好粉或”立”口的感覺。而呢度既闊條麵食落感覺比較light，岩我口味主食選擇了美國安格斯肉眼牛排 (5成熟)，牛排肉質及調味不錯，但要注意伴碟的薯條比較咸另外加了香煎鵝肝伴法包，鵝肝面有陣薄薄的焦糖，食落多一層口感另加一份炸洋蔥圈作小食，出奇地沒有油膩感，放耐左都仍然脆口總括今餐都食得滿意，價錢合理之餘食物質素亦沒有欺場。另外有位操英語的女店員值得一讚，態度熱情及有禮，還懂得講少少廣東話溝通，very nice!…查看更多

約左朋友平日夜晚食飯 就決定搵個中間點尖沙咀既美麗華🙊大家想食西餐又想搵個地方吹下水😂行行下見到espresso alchemy 見佢裝修幾有格調 所以大家就決定試試 入左去坐得好舒服又可以盡情傾計🤗🤗叫左個黑松露蘑菇意粉🍝一黎到就聞到勁香蘑菇味！好多大大粒既蘑菇粒又好多蘑菇汁 份量唔小 所以都食到好飽😂😂🙊飲品就飲iced mints chocolate 🍫☕️份量好小 3啖就無曬 不過都算好飲！薄荷味好重🍃最後要左個飲品 咖啡芝士餅🍰 佢係軟既芝士加咖啡蛋糕底 然後插啲餅乾係面😂好搞笑又幾特別 咖啡味都好濃！最後個侍應都有走埋黎問意見 整體服務都好好👍🏽…查看更多

Plato cafe位近地鐵站，行2分鐘就到啦十分方便！舖頭佈置都算闊落，坐得幾舒服😌首先點左杯青檸梳打，好快就送到可以飲住等野食。杯青檸梳打酸同甜平衡得宜，飲落好清新呀加兩塊薄荷就perfect啦！😋過冇耐龍蝦湯同蒜蓉包就到了。龍蝦味足夠，再creamy啲就會更好😏蒜蓉包好香，包皮好脆😆到最期待嘅美國安格斯西冷牛扒拼扒大蝦，大蝦新鮮嘅但不是主角。牛扒叫左5成，中間有粉紅色嘅肉😍肉質夠腍，有肉汁又有牛味。最驚喜嘅反而係啲薯菜，啲西蘭花唔似平時個啲一係硬嘅一係擺到凍哂咁，呢度煮得岩岩好。連新薯都煮得好入味。沙律菜夠新鮮之餘個汁嘅醋汁帶甜味，而且佢係醬汁而唔係水狀嘅醋，食完個口唔會鞋sapsap添。整體來說呢餐食得幾開心，而且侍應服務態度都幾好。…查看更多