giselleq的个人专页

如標題所講，我係完全唔喜歡食麵的！但係佢哋嘅魚麵改變咗這一切！但係有個提議：就係食魚麵千祈唔好跟魚蛋，要跟就跟其他餸！如果唔係魚蛋魚麵⋯⋯出嚟就會成碗都係同一個口感、味，因為佢哋用嘅魚麵真係用魚蛋去切開的，所以超好食🤤成碗麵我食晒！之前試過去牛筋魚麵好好食，但係食咗好多次啦，今次就揀：坑腩魚麵，坑腩有牛味非常好食，加少少辣椒油⋯⋯辣椒油裏便有蒜片，咬到啲蒜片係脆卜卜的超正👍🏻留意番個蔥花:係有葱、芫荽同埋幼粒炸蒜，一齊撈出嚟，非常之有heart ♡ 做的！菜就正常發揮不過不失牛坑腩$55（唔肥，小貴但食一次半次係OK的）魚麵$15菜$9跟餐題外話：食雲吞麵，其實預咗衛生情況唔會係同西餐廳比較，我個人覺得佢都尚算OK，雖然阿姐有陣時真係落錯單，但係禮貌嚟講都OK，唔會鬧人！…查看更多

就是星期日，一個人，在灣仔四處行下，看看有什麼下午茶好食🤤行了成條街我都未搵唔到搵到心儀嘅餐廳，突然之間經過一間食店，店員走出來用溫柔嘅聲音叫我試吓。咁好啦⋯⋯我就膽粗粗入去試吓！入到去店內，一個人都冇，其實個心都驚驚地，之後老闆娘誠意拳拳的對我說：可以試吓湯粉。咁我又真係揀湯粉啦⋯⋯叫咗一個蟹肉銀針粉，諗住真係單純試吓啫，點知食落去：好鮮味，好好食😋湯碗裏邊仲有豬油渣：好香，真係好正！…查看更多

其實經過咗好多次，只係喺外面望，都沒有入去！今次鼓起用氣，入去試佢個交魚羹，咁佢個魚羹應該真材實料，但係中間食到有一片魚鱗同埋2條魚骨，但係都真係唔影響嘅！佢個湯都真係幾好味！所以下一次我應該會食佢個牛肉羹，因為一枱裏便大約會有三四個客人坐埋一齊（搭枱）我見到鄰近的叔叔，他吃牛肉羹，望落去好似好美味😋再看一看：對面的婆婆吃番薯粥，再加一個小菜（細細碟的：炒牛肉粒）我見到收費是$25，其實都真係幾抵！下一次有機會會試牛肉羹，同埋試兩餸小菜（送湯的）只係$35這一間餐廳係我會回頭的，但係如果介意環境嘅話，就真係要再三考慮！其實我都考慮咗幾年⋯⋯先至鼓起勇氣入去haha…查看更多

今日我終於鼓起左勇氣，去咗食脆卜卜的肉絲炒麵（因為我怕熱氣）廚師好有heart，加了咗紅蘿蔔、雲耳、兩片🍄菇….落去！因為平時嗰啲銀芽肉𢇁炒麵，只有銀芽及肉絲，沒有其他配料的！這個不得了炒麵⋯⋯真係唔係一個簡單的炒麵！👍🏻一定會再有下次！我下午茶時段食$40，仲有杯嘢飲，我估全個天后⋯⋯都好少搵到咁平！平唔係一個重點，好食😋係一個亮點！…查看更多

我由佢新開張嗰陣時，一路幫襯到而家我都仲幫襯緊每一次都覺得佢哋啲意粉及食品好好味😋尤其是意粉真係好有咬口，不是油淋淋的，但係都好夠味！今次我帶阿媽去食意粉，佢都話好味🤤like and share佢哋嘅社交媒體網站仲送咗小雪糕🍦好開心😁…查看更多

其實在20多年前，他們沒有咁多分店嘅時候，我就已經有食過麥奀記（他們始創1920年）不過覺得佢開咗分店之後，都有好多唔同嘅批評話：佢冇以前咁好食。今次上到山頂再比多一次機會佢，首先我食咗水餃麵，佢的確係幾好食😋之後再食多碗雲吞，但係打開雲吞皮⋯⋯發覺冇豬肉只係得兩隻蝦，但係爽彈的感覺，同街外其他的雲吞係冇得比的！(但係最神奇係佢有豬肉味)本人覺得水餃🥟麵，好食過雲吞麵！但如果你哋係好鍾意食大食夾底嘅麵，我勸你們不要選擇這一間，因為這間店是sell:食鮮味的!而唔係一碗麵，可以食飽你的。而本人覺得，佢哋做得最出色的：就是湯底！佢地係用好多蝦子🦐大地魚去熬製個湯底的，所以湯仍然係我二十幾三十年前食嗰啲味道！冇變過，不過咸咗少少🤏仍然覺得幾好味😋我選擇嘅時間，唔係餐期，避過遊客，所以有位坐，唔使排隊！一開始服務員會送上一杯暖茶。都貼心的!總括嘅體驗係唔錯！…查看更多

其實金鐘都有唔少嘅餐廳去選擇，但係今日想食中餐，而在金鐘可以選擇的中餐：可以控制$250人均的，就只有很少數可以😌揀！這間翡翠小籠包，就係在我budget以內的選擇，所以我就揀咗佢啦！今日叫咗唔同嘅菜式每一碟都好好味…查看更多

本來諗住去食佢哋嘅蜜瓜刨冰🍧點知佢哋轉左餐牌，沒有了:(咁好啦⋯⋯都試吓佢哋個士多啤梨刨冰🍧啦點知士多啤梨酸到爆哈密瓜刨冰🍧還可以啦⋯⋯幾好味，但係淡啲！之前佢哋個刨冰🍧生菓是波型的，今次個哈密瓜是求其切⋯⋯起晒角的，又一失望我有同韓國男店員講，如果佢哋冇蜜瓜刨冰⋯⋯那麼我們也許不會再來了。…查看更多

Lunch 沒有walk-in只有訂位，我早早在11:45在門口等候，侍應們他們都很有禮貌，亦都按我心意，比我先叫latte(餐茶）然之後慢慢再講諗主菜，服務態度非常不錯😌…查看更多

因為我中了新冠肺炎，屋企又冇湯飲，所以經過這湯店，我行完，又行⋯⋯在舖頭外面睇吓餐牌，之後又行走了，但結果都選擇入去飲過潤肺湯。我揀了菜乾雞腳豬肺湯，豬肺洗得好乾淨，有兩隻雞腳，有金華火腿，有菜乾，有瘦肉，又果皮，有南北行，都真係足料嘅，湯渣多個湯的。湯嘅味道好飲！如果你鍾意嘅話，可以加$10米粉，但係我就冇啦！之後覺得要再潤一潤，所以嗌多一個：木瓜燉雪耳但係唔知係唔係木瓜佢刮得唔夠⋯⋯有少少苦⋯⋯但係奶味係絕對夠的！奶味好香！…查看更多

Lunch 是但揀一間食吓飯，估唔到佢哋D燒臘咁好食！叉燒好軟淋淋，真係好正，油雞正正常常咁啦！飯軟硬適中！(所有食品也不會過咸，合味道適中）以$45送例如湯，都算係超值午餐！…查看更多

今次路過，見到餐廳的樣子很不錯,下午茶$45這價位，表面上好平.但係計過去爭鮮$3一舊，我總共有六舊壽司⋯⋯貴了好多不過換來嘅係⋯⋯多咗一杯嘢飲，同埋可以坐喺餐廳裏面食，你哋可以自己考慮！他們的質素比爭鮮差不多，所以我會揀其他！…查看更多

只係經過隨便試吓，結果覺得每一碟都好食，每一碟也沒有令我失望，而午市套餐價位也不錯OK！只是覺得中央冷氣不夠，但係這個唔關這個餐聽事，係管理公司嘅問題姐⋯⋯小問題！食物絕對係好食😋叫了個南瓜大蝦飯，個南瓜汁甜到不得了！(南瓜溶的天然甜味)周打蜆肉湯好味內附：兩隻蜆仔炸魷魚圈香軟鬆脆好味，牛油汁炒蜆，汁好香，沒有沙，好好味！咖啡的奶是分開另上的，自己落，自己拉花，自己玩！提醒：此咖啡比外面普通的咖啡☕️重口味好多，回甘味極重！…查看更多

對於 Cinnamon roll 有着特別嘅情意結，今次試這一間mom and pop , 覺得好味及啱質地！一個好的Cinnamon Roll精粹係一定要中間軟淋淋，因為其實整Cinnamon Roll 是 用麵粉加大量的牛油去做個粉團，所以個包芯一定係軟淋淋的！所以聽到有人說這間的Cinnamon Roll 唔夠煙靭，我立刻跑來試，因為我知道軟淋淋就係正宗！如果要食煙靭，就請唔好揀Cinnamon Roll , 因為Cinnamon Roll天生中間是軟淋淋的！這個我一定要幫他們平反！　我今次買了三個，買回家自己用小焗爐再返焗！而frosting 就帶有小小sour n cheesy 味道…查看更多

今日星期三有菜茶提供，所以就去試一試！之前他們的牛肉餅十分Q彈，魚蛋湯鮮味，小米記住要趁熱食，我食過以上的也好味😋所以今日特登嚟試菜茶！菜茶內有：魷魚🦑，臘腸，冬菇🍄，菜，荷蘭豆，花生🥜，米卜，粉絲，大蝦干，小小瘦肉(全部碎上)還有粟米是逐粒meet出嚟的，不是用罐頭🥫！所以誠意有100分,但係我就飲唔到有茶味，覺得是湯味，因為佢用臘腸起鑊，所以個湯好香！貴唔貴⋯⋯見仁見智！我覺得手工菜,收呢個價是OK的(菜茶$4x)　Tea Set 普遍是$4x-5x (有2款咸食+1杯嘢飲)本人覺得，我誠意推介，好食😋…查看更多