szekiut的个人专页

係商場行左幾個圈，終於搵到有野食果條街，見到lee間餐廳lunch set 好多選擇，就決定試一試佢了！入面裝潢風格都係日本古風，幾特別~佢lunch set 一個主食會配一杯飲品 / 小食，因為普通都有茶飲，我地就決定叫小食了！叫左兩個lunch set，兩個小食，小食竟然有手卷x2 選，不過咁樣就太飽了，所以選左紫薯餅&包皮薯條。醬油三文魚拉麵醬油三文魚總共有5塊，又香又滑重唔會好肥，另外重有成隻的糖心蛋，份量超級足料！紫薯餅&包皮薯條紫薯餅好特別，唔似就咁出面凍肉店買返黎炸果d，一咬開滿滿的紫薯又唔會太甜包皮薯條亦有驚喜，岩岩即炸亦唔使加茄汁已經好夠味！另外再追加左個醬油三文魚壽司，但其實同拉麵的醬油三文魚一樣，哈哈…查看更多

520 當然周圍去搵野食啦，但出到元朗都已經下午2點幾了，好彩重有唔少餐廳開緊。最後想食西餐就行左入lee間店，果個時間重有lunch set 食，兩個人各叫左一個餐，重加左南瓜忌廉湯同埋蒜蓉包!南瓜忌廉湯&蒜蓉包南瓜忌廉湯好濃南瓜味，可以食到一絲絲南瓜絲蒜蓉包就唔係好脆，但蒜蓉味夠板燒牛肩胛配薯條牛肩胛比我想像中有驚喜，一開始店員冇問幾多成熟，以為會係well done，點知上到黎竟然有medium，一食落口好軟好Juicy！！薯條亦岩岩炸起好脆好香口烤羊架配白飯羊架冇牛肩胛咁驚喜，但都唔錯，因為我最怕就係羊有酥味，好彩佢係冇咩酥味肉身亦好軟身~Overall 的野食質素都俾想像中的高，只係份量比較少，男士們可能要叫多一兩個小食。不過佢價錢唔貴，因為係唔使收加一的！！！((不過要俾現金)下次重想去試埋佢的Dinner Set 呢…查看更多

係大角嘴搵野食，見到新開左間台式野見menu 唔錯就一於入去試，本身想叫鹽酥雞肉燥飯，但因為太熱氣，就改叫左麻醬手撕雞拌麵。一黎到果一下已經呆左，竟然個麵係白色好似米線咁的樣，食落去完全無麻醬味，而且麵身好硬，亦有雪味....好失望 d手撕雞亦得好少，加埋杯綠茶收左我$59.....結果食左一半已經頂唔順，我重叫左我購友試下，佢都一樣食得出味道超淡，唔知係麻醬加太多水定咩事...下次唔會再去了.....…查看更多

係西環兜兜轉轉行左好多間Cafe 都未有心水，咁岩見到lee間cafe 門口有好大隻兔仔公仔就行左入去望下，見到今期竟然有Nemo 公仔軟雪糕，二話不說即刻坐低左！因為肚餓的關係，我地重叫多左個煙熏鵝肝漢堡，大約等左10分鐘左右就到了，一個set 有齊漢堡薯條沙律！一切開即刻見到大大件的鵝肝同厚身的牛牛肉，味道好夾！最後叫埋個nemo軟雪糕，一大個棉花糖係上面非常IGable環境都好舒服唔係咁迫人，有雲的燈係頂做裝飾侍應重好自動咁拎左水同濕紙巾俾我地，好貼心…查看更多

天水圍新北江一向都係出名野食選擇多，價錢平，係咁多間店之中，發現左間日式壽司店！位置唔多，主要係一張四人吧檯同埋另外再開兩張檯仔，但好多時經過都見到好多人，壽司的賣相又唔錯，就決定一試！落單係自己寫紙的，壽司係每件咁計價錢，但價錢好親民，款式又多，結果兩個人叫左差唔多二十幾件壽司壽司店係由店主同佢女朋友兩個人情侶咁一齊經營，店主負責整壽司，而女店主就負責落單同埋收錢，佢地都非常之友善，同好多客人都有傾有講，見到好多都係熟客！因為壽司只有店主一個人整，所以如果多人等的時間會耐少少，不過我個人唔介意，因為咁證明左係新鮮即整！好野食唔介意等壽司一上檯望到已經好吸引，食之前當然要影相留念！火炙醬油三文魚  -  完全係驚喜，估唔到咁好食，醬油味同三文魚非常夾火炙左口魚邊  -  左口魚邊新鮮又juicy，入口即溶火炙芝士帝皇蟹肉棒  -  蟹肉棒夠大件，而且重有芝士同沙拉醬火炙北海道生帶子  -  帶子大大件好食蒜香牛油赤海蝦  -  蒜香牛油汁完全提升左赤海蝦的味道，變左好野味蟹膏  -  蟹膏味好濃郁花之戀  -  蟹籽完全係多都爆!!芝士蟹籽  -  因為即整所以紫菜係脆口的!另外要一提的係個wasabi，我平時係唔會食wasabi的人，但lee到的wasabi 同平時連所店的唔同，佢帶出左壽司的味道又唔僧會太攻鼻，價得一試！而且小店係良心小店，價錢親民舷黎重要有印仔儲，夠$100 有一個印仔，儲夠5個已經可以成張單九折！食完一定會keep 住再去同埋推薦俾朋友…查看更多

去行山前一早去左銅鑼灣果邊，未諗到食咩的時候見金百利廣場多野食就去睇下，見到下面燈廣告牌有間泰菜，就去試下啦！上到去見到成間鋪除左職員之外一個客人都冇，本身都有少少驚，但最後都坐低左。睇左Menu 一陣的時候就已經開始多客人入來了，岩岩應該係時間早的關係所以先冇人，都放心左一下。野食方面Lunch set 主要都係$4x-$6x左右 包一杯飲品，如果特飲就另外加$8最後叫左炒金邊粉 + 珍多冰 同埋 焗黃咖哩雞飯 + 紅豆冰炒金邊粉雖然蝦的粉量就唔係好多得2隻，但佢個汁同個粉好夾，重有少少甜甜地，而且金邊粉就夠份量的焗黃咖哩雞飯黃咖哩唔係好辣，主要都係甜味，岩曬食唔到太辣的我XD 雞肉亦夠軟身好食珍多冰+紅豆冰因為係特飲所以每杯另外要加$8，佢的冰係碎冰真係好多，差唔多大半杯，食完左個粉杯野的冰都未溶曬…查看更多

黎到元朗的時後見到幸福堂竟然開左！！終於唔使去銅鑼灣果邊排隊了，即刻去試試，買的時候個店員都同我講，大約要等30 - 45 分鐘，心諗可能會快d 呢就決定照買！買完之後見旁邊有抽簽玩，玩完重可以去抽屜到拎返你個號碼的簽文，幾得意架！因為等左一段時間都未叫到我個號碼就去附近行左一陣，最終..........等左大約50分鐘終於拎到我杯黑糖珍珠鮮奶！！！佢的珍珠口感好好軟得黎又有咬口，食落有黑糖味有機會一定會再買！！(希望到時唔使等咁耐...)…查看更多

黎到元朗當然大吃特吃啦！去到近B仔果邊的橫街，遠處已經有蠔餅的香味，見到已經有一班人好自律咁係旁邊排緊隊。蠔餅一件$30蚊，$60蚊兩件，$80蚊三件，叫到四件就平均$25蚊一件，因為係冇坐位的，所以都係叫一件試下先。因為每件都係即炸的，所以等左大約15分鐘，終於到自己果件了！份量都算多，蠔都肥美，外脆內軟，可惜係炸粉都算多，但以$30蚊一件CP值算係好高辣汁係旁邊自己加的，因為唔食得太辣，所以只係試左少少，加左辣汁成個蠔餅的味道都比較出，如果得食少辣的人都建議加埋！…查看更多

因為見網上評價唔錯，所以去愉景灣的晚餐就決定食lee間泰菜了中午的時間我地專登打黎Book 定位先，我地7:15pm 就已經到餐廳了，但成間餐廳所有檯都已經Full 曬要打電話Book 位！要打電話Book 位！要打電話Book 位！ 好重要所以講三次因為Book 左位，所以店員幫我地留左戶外的窗邊位，可以望住海邊夜景邊食飯，夠曬情調落單的時候問左店員意見，叫左一個蝦醬炒飯，再叫左半份串燒，甜品芒果糯米飯就睇下食完主菜，再食唔食得落先再決定蝦醬炒飯蝦醬炒飯好香口，重有幾件豬手，味道都唔錯串燒 (雞&牛各3串)牛就燒得比較乾身少少，建議雞會好食d係我地食完主菜的時候，店員好主動咁過黎問我地重叫唔叫個芒果糯米飯，加分的，有記得我地之前問過！ 不過真係太飽了，所以結果都冇叫到，下次有機會再返黎的時候一定要試返！…查看更多

難得入愉景灣酒店住一晚，就係愉景灣北果邊搵下有咩好食啦！係酒店旁有成條街都係餐廳，睇來睇去係Paisano's Pizzeria 門口見到一大塊Pizza，就即刻決定左試下佢！睇完Menu 後覺得我地兩個人應該都食唔曬一個Pizza，所以就叫左一片 The GodFather Pizza 另外再叫左個Meatball CalzonePizza 有辣肉腸，蘑菇，芝士，洋蔥，我本身個人係唔鍾意食洋蔥的，但lee 隻洋蔥比較鮮甜都可以接受到！Meatball Calzone 係即整的，所以等左大約15分鐘先到，不過一拎黎果時岩岩出爐咁熱！外皮好似好厚咁，但竟然係脆的！一切開入面d芝士馬上流出黎！！！拉芝芝士！！！Meatball Calzone 真心好抵食，但如果兩個人食量都係細的，咁應該叫一個Meatball Calzone就已經飽了..…查看更多

返工難得星期五lunch hour出去試食下新野，出面又多人又熱就決定買返公司食~唔知食咩好的時候，同事講起太古城Apita 超市入面開左間新的日式便當，價錢合理而且款式多，咁二話不說當然去試下啦！見到個menu 有好多款，主菜主要有牛，雞同埋魚選。 最後我買左個平的明太子便當 ($42)，白飯上面有一大堆的明太子，份量好夠可以配曬成份白飯，重有一塊紫菜係面！另外配菜亦多，有薯仔沙拉、炸雞、炸蟹柳、炸獅子狗、日式蛋卷同煙肉腸仔卷！成個便當份量岩岩好，夠曬飽，而且驚喜位係個便當拎到返公司(around 15 分鐘路程) d配菜返到去都重係熱的另外同事叫左個安格斯牛扒便當($72)，個樣好似係日本坐鐡路果時的鐡路便當！ 下次再買都要試試先~…查看更多

第一次去食尖沙咀果間定食 Doraya係我朋友介紹，佢平時係唔多食飯的人，佢同我講佢竟然係lee間食曬成碗飯，所以點都要去一試！試過一次之後，佢就成為左我好鍾意的餐廳，每次紀念日都會返黎食！因為每次食飯時間都會好多人排隊，今次專登早少少去，一去到等左10分鐘左右已經入得去~今次再去食的時候，我例牌一定係叫藍鰭吞拿魚扒丼定食 配日本溫泉蛋，另外再試左另一款吞拿魚大腩試一試兩款的分別！藍鰭吞拿魚扒丼定食 配日本溫泉蛋($158) 佢一個set 除左丼飯之外重有配前菜，沙律菜，茶碗蒸和味噌湯。茶碗蒸個蛋好滑而且入面有蟹柳，日式魚片等的配料，讚！重點就係藍鰭吞拿魚扒丼，佢本身個飯已經有d味道，唔使另外再太多剌身豉油，再將個溫泉蛋溶入個飯到，未食吞拿魚扒已經感覺可以食曬成碗飯！ 鰭吞拿魚扒係有部份係火灸，增加左個口感！藍鰭吞拿魚大腩&魚腩蓉丼定食 ($198) 另外第一次試的就係佢的藍鰭吞拿魚大腩，一上菜的時候睇樣已經見到大腩係淺色點，但線條分明，而且肥美飽滿！入口的時候真係好鮮味，好滑明顯同普通的藍鰭吞拿魚扒分別好大！總結兩款丼定食都好滿意！普通果款價錢比較相宜而且有溫泉蛋配，令個丼飯更好食。藍鰭吞拿魚大腩果款個魚生係好食好多的，但價錢相對都貴少少，不過當然計CP值黎講都係好出色的！…查看更多

星期四同同事放工一齊去食team dinner，估唔到星期四都咁full，好彩一早有book到位先！入面位唔算多，坐左張4人檯，即刻就叫野食先~黃金墨魚咀第一樣叫的就係黃金墨魚咀，佢同想像中有d出入幾特別，係比較大粒同軟身的唔係炸，但個蛋黃味就唔係好入到肚餓了燒扇貝拼盤 一盤六隻有曬唔同味道 蒜蓉、芝士、黑松露蘑菇、粟米蟹柳沙律、肉碎、原味，個人最鐘意蒜蓉味，因為唔會冇左扇貝的味道黑松露蘑菇燒廣島蠔黑松露蘑菇滿滿咁係個蠔上面，黑松露個味好出黄金薯條咸蛋黃滿滿咁係薯條到，好邪惡的一款小食，但食到一半的時候發現個薯條真係好油，有三份一都俾油浸住芝士大啡菇個菇好juicy，芝士好濃郁烤焗西京比目魚一份比目魚有兩件，個燒汁幾入味而且唔乾身，唔係好鍾意食魚的同事都接受到微辣肉碎原條條燒茄子微辣的肉碎岩岩好提左茄子的味道，好野味玉子燒 (芝士蟹子)睇menu 覺得好好食的一款小食，可惜到上菜的時候芝士已經硬左，玉子亦唔夠軟身燒菠蘿菠蘿比出面的厚好多，但唔係好熟所以唔算甜大部份的燒物都唔錯，另外店重有手工啤酒優惠，星期四係手工啤酒買四送四！手工啤酒的款式好多濃度都唔算高，Menu 重會寫埋每一款的甜度，一定有一款岩你！…查看更多

今次慶祝生日選左間特式的日本居酒屋，因為係星期六晚餐的時間，為左冇咁多人特地訂左檯同埋book 左早少少6點30的時間。餐廳門面係木門的設計，好有親切的感覺，入到去整間餐廳設計都係舊式和風。餐具重有可愛的貓貓快子托同埋魚的碟，未食心情已經好了~~望住餐牌，我地四個人已經叫左唔少野食：原條成田醤炭火燒鰻魚飯應該係招牌菜，我見全店差唔多每一檯都一定會叫lee樣！因為CP值好高$128 已經有成條鰻魚而且好肥美！必定係必食之選！煙肉櫻花蝦日本播磨蠔 & 雙色芝士燒日本播磨蠔我地每款叫左三隻，岩岩好兩款蠔都試到，煙肉櫻花蝦果款有少少咸但就明顯食到蠔的味道雙色芝士果款就好濃芝士味，但蠔的味道就唔多食到芝麻雞翼入面軟身，但外面脆口，出黎舷時候熱騰騰火灸北海道帆立貝蟹膏卷Lee款比較普通帆立貝同蟹膏都唔算濃味軟殼蟹反卷唔算特別，軟殼蟹的量唔多食完曬之後我地重發現like Facebook 重每人有半隻黑松露糖心蛋送呢！總括黎講食物多選擇，原條成田醤炭火燒鰻魚飯係必食之選，但如果兩個人來食叫完個飯同一個小食應該已經飽了！…查看更多

之前去銅鑼灣食晚飯的時候朋友介紹左lee間韓國野食，佢話分量大，而且又好食。星期二的時候咁岩同屋企人去左觀塘果邊，就一於去試一試！我地4個人最後叫左三樣野食：溶岩芝士炸雞麵包溶岩芝士炸雞麵包係鋪的招牌菜色當然要一試啦~~芝士同炸雞的份量都好足夠，芝士滿曬係成個包入面，而且重係拉絲！！炸雞有六件，另外重有幾件韓國炸壽司& 墨西哥玉米脆片，每一樣都同芝士好夾！雪糕黑松露大啡菇芝士意大利飯因為黑松露同埋大啡菇我就決定叫lee個飯，大啡菇上面重放左個雪糕同雪糕筒，職員建議我地將雪糕加埋入個飯到，咁口感更豐富！但因為黑松露味都幾濃，其實唔係好食到個雪糕味道。Bang Bang 薯條 (芝士蒜香味) Lee個薯條完全睇得出餐廳有心機，個芝士蒜香粉係滿滿係薯條上面，而且係每一條都有食到最底果d薯條都夠！總括黎講三樣野食都好滿意，份量足，最後個溶岩芝士包都係食唔曬，所以最好係一大班人黎食飯，咁試的菜式可以再多d！…查看更多