elsacamui的个人专页

之前已經黎過呢間CAFE，幾鍾意個環境。琴日可能係星期一，個場比較靜D，可以坐到梳化，正!同朋友2個人叫左個餐。個湯同多士味道唔錯，但要推介的係個麵 - 蒜香煙肉炒公仔麵(個名好似係咁......)。蒜茸煙肉+炒麵呢個配搭實在太好了!!味道好香，個麵炒得唔錯，夠乾身。飲品試左杯特飲，再叫多杯FRESH DAY。賣相同品質都幾好，不過多D冰會好d (感覺會fresh d~)另外叫多左個PIZZA、雞翼拼盆，同埋薯泥棒。個薯泥棒超正!!最愛炸物難得佢擺凍左都仲好食!!雞翼有4種味道。照燒最好食，蜜糖香草甜左D，檸蜜個隻幾得意。PIZZA叫左肉腸煙肉脆批。本身諗住個批係薄批個種，但原來係一塊塊的脆皮。感覺幾特別，同埋都幾好食。但要趁熱食，有一塊擺耐左有D腍。…查看更多

因為入元朗搵朋友，終於食到好耐都冇食過的大榮華。一行5個大人加2個小朋友, 都食左幾多野下。比較想推介的係炸軟殼蟹。一上台的時候已經聞到香味，食落當然更加正啦!最後都唔理肥唔肥，忍唔住口食左2件......仲有食左豬油撈飯。但落鼓油時重手左，變左鼓油撈飯......其實仲叫左3碟小菜，有排骨、通菜等，幾好食但冇咩特別。最後唔少得的緊係馬拉糕啦!!上次食完記掛到依家，仲係記憶中咁香咁鬆軟。…查看更多