foodbelliess的个人专页

今日又番到大角咀搵食，聽同事講呢間野幾抵食，大概$50就食到一個lunch set, 仲唔洗加一，咁就緊係要去試下啦。係門口見到個餐牌，真係幾吸引，$48就有個意粉、湯、麵包，仲包一杯熱飲。😍一坐低，野食都未叫，職員已經好快手咁送上湯同麵包。湯既味道算ok ，但偏咸； 麵包熱熱地但牛油就唔太香。我今次就試左個卡邦尼意粉餐，一上台就聞到好香既煙肉味，賣相幾吸引，而且份量都幾多😋😋😋其實個人覺得一間西餐廳要煮好卡邦尼意粉係一個好基本既要求，因為煮法都算容易，要煮得好食亦唔係太難。試完呢間既意粉之後覺得唔錯，下次都會再黎食，最主要既原因係佢性價比好高，岩晒一般打工人士既要求。😁…查看更多

呢日去到旺角唔知食乜好，行行下見到沙嗲王就入左去食。同個frd本身就想叫個最出名既白咖哩香茅豬扒飯同埋日式蟹粉豆腐鍋配薄餅，再加一d 小食，但之後見到佢個二人餐有包晒我地想食既野，仲有個蕃茄湯，配飲品再加甜品（有haagen-Dazs雪糕) ，都係$253。因為太吸引所以我地就叫左呢個set😍 我地就簡左蒜蓉牛油雞翼做小食, 一杯菠蘿碧海，一杯特濃朱古力沙冰，最後叫左兩杯haagen dazs 雪糕 😋 埋單個時送左一支細既辣椒醬，同埋一張現金卷😊 兩個人食呢個set都食到好飽😁但個人覺得個蕃茄湯就麻麻地，有d似意粉醬，但個香茅豬扒真係好鬆軟好juicy，再加d薄餅點個咖哩汁真係一流；豆腐鍋就稍為咸左d, 但味道都幾好; 杯朱古力沙冰都幾正，好濃，味道又唔會太假；最後再加個雪糕真係好滿足😋😋😋😋…查看更多

聽講過一幻拉麵係一間黎自北海道既出名拉麵，一直都好想去試下。呢日去到海港城，又見冇乜人等位，所以就試下。我地係門口等左幾分鐘就入得去，但可惜冇比到海景位我地😟（原來想坐海景位既話要係入座前指定左先, 然後要係門口等安排）坐低左之後我地就叫左兩種麵，香港限定既特濃蝦汁叉燒拌麵，同埋最出名既蝦湯拉麵。兩款麵既賣相都唔錯，分別就係湯麵同拌麵。兩種都有紫菜絲、溏心蛋，再加埋好特別既紅色麵酥，令個賣相更加靚同更有口感。☺️拌麵入面既就係叉燒粒，都幾香，但個麵底對我黎講就稍為有d硬；蝦湯拉麵入面就係一片片既叉燒，個湯有好香既蝦鮮味。個人黎講鐘意湯拉麵多d🤤 最值得一提既係個價錢都幾合理,兩款拉麵都係$88, 加上店鋪位於尖沙咀最熱鬧既地方，再加上咁靚既環境,都算抵食😊…查看更多

今日晏就同同事lunch, 佢地話想食雞扒, 有同事就話食過榮式雞扒好正, 所以我地就去左試。原來我地去既呢間叫榮式2.0, 即管想試下佢有咩特別。😊榮式不嬲都係主打食雞扒，但佢都有豬頸肉,鰻魚個d既，但一場黎到，我地當然要食下佢既雞扒啦，我地幾個分別叫左榮式雞扒，唐揚炸雞，同埋鹽酥雞扒黎試下。我地仲試埋個准山麵。其實食落個雞扒就好似冇乜特別，但咬落都幾淋幾香，唔會硬。但係對個鹽酥雞扒就有少少失望，因為佢似係將塊雞扒輕輕炸過下咁，唔係我地想像中炸到好勁個隻鹽酥雞扒😢 准山麵個質感都幾特別，幾爽口幾得意鹽酥雞扒 准山麵但佢個午餐都幾好，有個主菜，有湯，仲包杯熱飲。值得一提既係佢杯奶茶好香好滑，同茶記既奶茶有得揮😎下次黎到一定要再飲！要留意番因爲呢間榮式既地點有d偏僻，會收唔到電話訊號，但佢地都好貼心提供埋wifi比客人🤪…查看更多