食晏有時會去依到食，貪佢快手、價錢平同埋食物質素都唔錯。但係食開都知啲呀姐態度唔好，不過河水不犯井水，我有我食，你態度差唔影響到我都無咩問題。最近去，如期遇到態度唔好嘅呀姐，發現叫咗碟菜但一直無嚟，嘗試問呀姐有冇落單，呀姐即刻鬧我問邊嗰，然後鬧我無落過單，唔緊要啦，我都係想餐飯啫，所以麻煩佢落返單。點知，碟菜一上嚟有至少一半係爛菜，我唔想鬧交所以盡量可以食都食，食食吓發現又有河粉又有麵條，仲有唔知係咩，相反第二枱有位男士同一碟菜係好正常。最後，我執緊嘢嗰陣再俾呀姐催叫我快啲走。咁嘅態度叫我仲點敢再幫襯。…查看更多
