呢間餐廳喺荃灣西鐵站隔離個商場，行出啲又有個巴士站，交通都算方便餐廳有露天部份，可以望到海景同埋汀九橋，環境好舒服
片皮鴨 – 厚切鴨肉，食落好有口感，而且鴨肉嫩滑，鴨皮鬆脆，點醬好味，加青瓜食更開胃紅燘豬蹄 – 好香！豬手燘得好林！京燒羊肉 – 羊肉一啲羶味都無，而且羊皮燒得好脆拔絲蘋果 - 蘋果爽，糖脆，咬落有兩種感覺，好過隱蝦仁，呢個冇乜特別，味道OK水餃不過不失老豆表示好滿意呢餐
mission complete …查看更多
地鐵站行去大概10分鐘，大前提係要識路~ 我當然交比朋友帶路由於我地6點半去到，walk-in仲有好多位，7點後陸續有人入座好快full ~店入面嘅裝潢都幾特別，牆上掛滑板掛飾，天花上係一D日式玩意~仲有紅色貨櫃 & 鎢絲燈，充滿型格工業味! 另外，店員 & 廚房師傅都好young，感覺係新派有活力嘅拉麵店:)信州白提子梳打$21 + 信州蘋果梳打$21雖然檯面有自助水壺，但我地就想試下D特飲
我叫的白提子梳打，好味又唔會太甜 ~友人的蘋果梳打，comment 一般 ~特上原味豚骨拉麵 $85我地不約而同叫同一款拉麵 朋友話係推介!一碗有哂豬腩肉、豬肩肉、紫菜同糖心蛋 ~拉麵有得揀粗幼，我認為識食一定係食粗麵，有咬口 & 口感正D拉麵一上檯賣相好靚，隻碗仲印有豚道樂 !先試一啖湯底，豬骨味濃郁 ~叉燒大塊而且好嫩滑，豬腩肉厚身D，有油香 ~溏心蛋一咬落去就有流心蛋黃，蛋香充斥整個口腔~ 拉麵好好味 & 我一定會encore 
日式餃子 $30呢碟煎餃子係出乎意料地好食! 我直情可以一個人食晒成碟
餃子皮薄餡多， 餡料好結實 ，外面煎得夠香脆，入面係多汁!韓式蒜蜜味叉燒 $25叉燒係豬肩肉，肥肉少D，比較爽口蒜蜜味唔太突出，相比起拉麵 & 餃子，呢個平平無奇~…查看更多
餐廳嘅燈光有點暗，天花上掛左魚網及 & 酒瓶作裝飾，都幾吸睛!友人話係居酒屋格局，充滿日本居酒屋氣氛 粒粒果汁 ($40)由於我唔飲酒，點左杯粒粒果汁，冰凍解渴松露海鮮炒飯 ($118)大家都怕串燒唔夠飽肚，叫個飯先~呢個炒飯係高質，大家一致讚好!飯炒到粒粒分明，充滿松露香~材料豐富，有魷魚、蜆肉、青口、 粟米等一碟兩個人share，份量剛剛好芝士釀雞翼 ($45)雞翼 + 芝士 = my favourite !雞翼脹卜卜好飽滿，燒得火喉唔錯~咬開多汁熱辣辣，十分香口! encore叫多碟鹽燒豬頸肉 ($25) + 芝士翠玉瓜 ($22)豬頸肉夠嫩，惹味唔鞋口~翠肉瓜mix半溶芝士，健康又邪惡~香草牛油燒粟米 ($25)呢個燒粟米超甜，好好味 !美國安格斯牛柳 ($58) + 雞肉釀冬菇 ($30)牛柳燒得半熟，上面塊牛油半融~肉質鬆軟香嫩，有牛脂香，入口即融其實冬菇配雞肉或豬肉都簡單好味，而呢個雞肉釀冬菇就味道冇驚喜，普普通通~鹽燒鯖魚 ($68)燒鯖魚一向係我喜愛菜色之一魚燒至微焦，夠香口魚肉柔軟香滑 !埋單後店員送上冰凍雪米糍:)交談中，知道原來南蛮亭係香港日式串燒元祖店!尖沙咀、中環都有店舖，以前好多明星光顧~幾年前老闆決定響銅鑼灣重開…查看更多
餐廳位置唔難搵，沿住金巴利街行到盡就見到 ! 不過Mr M.竟然行錯左去金巴利道 ! 餐廳裝潢簡潔，一眼望曬~店員安排我地近門口落地玻璃座位，由於我地6點半好早入座，當時餐廳得兩檯客~7點後陸續多人，好快walk-in都冇位~韓國檸七 $25 韓國提子梳打 $27罐裝飲品價錢都唔平，但食炸雞一定要有飲品先至開胃我點嘅提子梳打又幾好味~火腿蛋漿熔岩炒飯 $158必點人氣熔岩炒飯 Menu上溶岩炒飯有5個款 : 泡菜、火腿、海鮮、章魚、雞肉我地最終揀左個簡單的火腿蛋漿熔岩炒飯，冇食泡菜果個~先落蛋漿加上芝士芝士碎份量好多，芝士控favourite !用火槍燒芝士至溶化，燒左5分鐘左右最後將熔岩炒飯攪拌飯真係每啖都有芝士拉絲效果，好正 !2個好快食曬碟飯蒜香炸雞 (半份) $178炸雞係即叫即炸，熱辣辣上檯炸雞粉漿上得均勻，入口感覺唔厚，好脆，肉質嫩滑蒜味好香好惹味! 仲有少少蜜糖甜味醃蘿蔔味道亦唔錯，好解膩 !卡邦拿炸薯角 $128我除左係芝士控，亦係carbonara控呢個卡邦拿炸薯角就冇預期咁好味炸薯角唔夠香脆 carbonara味道幾好，唔膩Overall, 食物、環境、服務都讚! 價錢略貴，但Happy Friday食都值得架
…查看更多
為左方便友人響Mikiki一收工快D開飯，我地揀左新蒲崗衍慶街食爺爺雞煲皇，而佢早前食過觀塘分店話好味!我地點左個細嘅爺爺招牌雞煲 ~有大辣、中辣、小辣、走辣 !其實知道雞煲要辣先好味，但我又唔食得好辣，店員好貼心suggest我地揀微辣食物種類都算多，有點花多眼亂 !雞煲上檯後，店員主動幫手攪勻 ，大家聞到D香味更肚餓 呢個雞煲的確好惹味!!!雞肉非常嫩滑，完全吸收左D醬汁，好好食 !炸魷魚鬚友人點左呢個炸魷魚鬚做小食，好脆! 好香口!食完煲入面嘅雞，我地就加湯打邊爐 手切肥牛打邊爐必叫肥牛 ~賣相好吸引! 眼見雪花分佈平均，入口有牛肉香~頂級午餐肉原來係炸好左嘅午餐肉
就咁食都得，外皮好脆口 ~而烚完既午餐肉，吸哂雞煲d汁，好正! 炸響鈴店員話係自家製，有食客外賣番屋企食 ~真係好大卷 ! 同平時打邊爐食果D響鈴唔同~而且係即炸，熱辣辣上檯 烚幾秒已經食得，響鈴吸晒啲湯底，我地食完一個即刻又食一個，好快K.O.左碟響鈴手打四寶丸有牛丸，墨魚丸 ，鯪魚丸，同埋好似蝦丸?!大大粒，睇落足料~入口彈牙鵝腸新鮮夠肥美，好爽口!Overall食物質素 & 服務都好，可以encore !…查看更多
食厭咗九龍，呢晚同友人出港島! 佢book咗呢間位於銅鑼灣耀華街百樂中心嘅Little Vegas係時代廣場附近，location唔難搵7點前去到，已經好多人排隊上lift, 我地都等超過5分鐘 !入到餐廳，感覺幾好feel ~牆身有塗鴉，仿五光十色嘅賭城，裝潢好有玩味感!餐枱上有一杯糖果，唔單止小朋友鍾意，大人見到都開心Menu設計亦盡見心思 !我地叫左個Must Try Item 賭城小食拼盤 $98有雞翼、香腸、洋蔥圈、磨菇，上檯時賣相吸引 !洋蔥圈d粉有d厚，不過洋蔥好甜，加返分~烤釀磨菇好juicy~雞翼外脆內軟，熱辣辣， 香脆可口 ~明太子忌廉天使麵 $96大大碟份量好多天使麵 落左好多明太子，真係每啖麵都食到明太子！濃郁忌嘅廉好creamy，好好味！配合埋磨菇、紫菜、木魚碎，口感豐富雞肉漢堡 $92雞扒好厚身，但煮得岩岩好，好嫩滑 ~漢堡包係烘過，加埋蕃茄芝士，簡單但很好配搭~薯角就略嫌唔夠脆同咸左D:(Overall, Little Vegas抵食夾大件，好適合一班friend聚餐 !今次我地兩個女仔食3個菜食唔曬有點浪費，期待下次多D人食就可以試埋menu其他食物…查看更多
呢晚，相晚好友放工後去九龍城開飯，終於轉轉口味食久違了的泰國菜!九龍城泰國菜餐廳林立，友人揀左位於龍崗道嘅金蘭花泰國菜館，佢之前食過話唔錯 !去到，驟眼所見餐廳裝潢唔係光鮮，係帶有懷舊feel ~見到menu寫住 "廿年老字號，泰菜夠地道" 先知係一間老派泰國菜館。就座後，店員捧上熱水俾我地洗餐具Menu第一版有"廚師推介"見到隔離檯叫左豬手賣相好吸引 ，我地都決定試下沙爹串燒 $13/串我地豬牛雞各order兩串上檯時係熱辣辣香噴噴 !個醬夠惹味濃郁，雞肉嫩滑，豬肉唔"鞋"，牛肉我冇食~沙爹串燒好香口 !脆皮豬手 (廚師推介) $158德國咸豬手就食得多，泰國豬手都係第一次食大大碟上檯時已經聞到陣香味!豬皮炸得夠酥，十分脆口!豬手肉質嫩滑，連豬皮一齊食，夠鹹香且唔油膩 !蘸上泰式醬，甜甜地又有D辣，好開胃 !炒金邊粉 $68炒金邊粉係經典泰菜，我一向好鍾意:)加D青檸汁 & 花生碎撈埋食，口感更有層次兼充滿風味 !椰汁青咖哩海鮮 $92其實青咖哩好百搭，配豬牛雞肉或海鮮都好好味 呢個椰汁青咖哩味道香濃，帶點香辣，配上大大粒青口啖啖肉 !本來想加蒜蓉包點咖哩汁，但我地實在冇quota去消化 !龍眼冰 $22珍多冰 $22食泰菜，椰青 & 龍眼冰都係我必點:)我當然要杯龍眼冰，配上呢D香口泰菜，夠透心涼!Overall, 金蘭花食品款式多，夠地道 ，價錢大眾化~店員有效率亦友善 ~當晚有個男人好落力招呼食客，我估佢係老闆/經理， 親切感加分 !…查看更多
海鮮火鍋套餐 有2款，睇落好豐盛!交由同學仔發板 我地落單後, 店員就行到店鋪魚缸將海鮮食材撈起直接送到廚房，果然係新鮮海鮮!湯底有4款 : 芫荽皮蛋 、蕃茄薯仔、沙爹、 粥底我地叫左鴛鴦湯底，皮蛋 + 沙爹 !由於我唔食芫荽，店員話可以走芫荽醬料架好乾淨企理 ~我只愛沙茶醬 !鮑魚 + 大蜆鮑魚上檯時仲識郁架!鮑魚要烚耐D，食落彃牙，口感唔un！蜆比想像中細隻，不過都好新鮮，完全冇沙！海蝦又係上檯時仲識郁 ! 好新鮮 !放入湯底等一陣就食得，好鮮甜 ~手切本地肥牛 打邊爐肥牛係同學至愛~目測脂肪均勻，厚薄適中!輕輕一灼就熟，入口好滑~鹿兒島黑豚肉薄切上檯，相比其他食物，黑豚肉普普通通~日本大元貝大家一致讚好~ 海鮮火鍋入面最中意食呢樣！元貝大大隻，放左落皮蛋湯底，好鮮甜嫩滑彈牙! 想encore !波士頓龍蝦我都係打邊爐第一次見原隻龍蝦(已斬件)上檯 ! 好大隻 !上到枱隻龍蝦d手腳仲識郁架！啖啖肉，肉質爽甜打邊爐食到原隻龍蝦，真係好正 !法國麵包蟹我又係第一次見用麵包蟹黎打邊爐！蟹身同蟹蓋都超多膏！農場蔬菜籃呢個係最後上檯嘅什錦蔬菜~ 有生菜、娃娃菜、粟米、南瓜、菇 。菜都幾爽口，南瓜 & 粟米夠甜 !Overall，今次真係CP值高嘅海鮮火鍋!海鮮食材十分新鮮 ! 價錢亦OK ! 眼見樓面得2個人，收吉碟好快手，落單上菜時亦好nice ! 值得encore 
…查看更多
牆身貼滿菜式，一目了然方便選擇。我地問店員有乜推介，佢話咕嚕肉唔錯!但我地覺得咕嚕肉好普通，不時都食到啊 ! 店員話佢地嘅咕嚕肉特別好食(下刪數十字)最終都係打動唔到我地而我地揀左Menu 2樣必食推介: 安哥一口蠔 & 乾迫胡椒蝦 一口蠔 一上檯賣相已經好吸引 ! 相機食先一粒粒蠔係酥炸至金黃色，好香，一定要趁熱食 ! 我同友人一致讚好 呢個酥炸蠔嘅炸粉唔太多，鬆脆粉皮外保留到入面蠔嘅鮮味 !做到香酥!香口! 果然係Menu必食胡椒蝦 一上檯已經好香!胡椒帶點微辣，送飯一流呀~蝦殼外嘅胡椒醬配合蝦肉，要連蝦頭帶殼食先得~蝦頭有好多膏 好惹味 !上湯菜苗最後我地要加個蔬菜感覺健康D店員推介上湯菜苗，有杞子、野菌~菜苗算係幾新鮮，我食到D青草味但友人就冇~杞子不但點綴菜苗，仲可以 清熱明目埋單離開時，眼見差不多滿座，我地諗係街坊食客居多! Overall, 小菜夠鑊氣，店員態度親切
安哥食館可以 encore ( 如果下次再約朋友喺太子附近開飯)…查看更多
，bookmark後終於有時間黎食 !小店位於大埔榮暉花園商場地舖，隔離係明星酒樓，店外係巴士站。舖頭細細，大約20個座位而已weekend中午時間去到店內已經滿座，店外有幾個人拎飛等候，好在等一陣有位眼見店員好忙碌，但態度好友善! 讚 店舖係開放式廚房，食客一目了然，坐bar檯的話可以見到店員製造食物過程，天婦羅都係即叫即炸!Menu選擇唔多，只有5款套餐 : 海鮮天丼 ($68)、唐揚雞丼 ($65)、海膽天丼 ($85)、海老天丼 ($58)、 野菜天丼 ($55)每款天丼都跟沙律 & 麵豉湯 !我當然食海膽天丼一上檯賣相豐富 ! 主角係海膽(2件)，用紫菜包住炸，脆炸紫菜&天婦羅粉底下係軟綿海膽，雙重口感！配菜有幾款蔬菜 : 南瓜片，茄子，蓮藕 & 菜心苗！炸粉薄薄一層，外面天婦羅爽脆，內裡食物新觧juicy !炸菜心苗 & 南瓜片好好味 !另炸雞蛋有驚喜，一夾開係溏心，撈飯一流!不得不提係個飯好有嚼頭，誠意之作 !沙律 & 麵豉湯就普普通通，唔食都夠飽:)天丼set冇配餐飲，要另單點汽水、波子汽水等 !餐枱上有一大壼檸檬水，自助好方便 overall, 呢間小店天婦羅係有水準有誠意，會再ｅｎｃｏｒｅ！…查看更多
早左起身就決定去土司工坊嘆個早餐 !火腿蛋多士+蕃茄通粉+熱奶茶 = $36蕃茄湯通粉好紅，望落似辣應該係濃湯系列!其實得個色，味道一D都唔濃，少少酸，唔錯!火腿蛋多士夠熱!多士烘完好脆，有口感 & 麵包香!個人都幾鍾意TOAST BOX南洋奶茶味道 必飲熱奶茶 !奶茶以煉奶沖，即場拉 , 唔駛落糖而甜度剛剛好!…查看更多
由於上次同friend黎過，今次好快搵到Cafe就係呢個tea set 夏日夢の田園下午茶 店員安排我地坐corner位，自成一角感覺上private d, quiet d ~Cafe有好多鮮花，好香D小擺設都好吸睛，有心思!我地都一齊order左呢杯 signature drink <夕陽無限好> 芒果西瓜冰熱情芒果mix鮮豔西瓜，顏色夠sharp! 味道refreshing，清甜 ! 口感細膩 ! 好透心涼 !美中不足係膠杯賣相唔夠fancy 主角出場 - 兩層tea set !碧綠墊底紙營造綠色人造草地上層係鹹點先黎<甜甜蜜蜜>香蕉花生醬朱古力棉花糖 要配夾餅一齊食，花生醬加朱古力口感豐富，hubby話甜左D!<知心戀人>濃芝士通心粉角配他他醬外表有D似麥樂雞/薯餅，外層香脆，鍾意入面D芝士餡!<大滿足>挪威煙三文魚忌廉芝士青瓜牛角包牛角包鬆脆，煙三文魚味道OK!<二重奏>意大利巴馬火腿配青瓜串Parma Ham果然夠咸，要清甜青瓜中和返個味道!<至尊巨蝦>大蝦配泰式醬 大蝦味道爽，泰式酸辣醬酸酸甜甜好開胃!tea set下層係甜點<忘不了> 雪葩 雪葩冰凍香滑，味道好清新，絕對係夏日消暑甜品!<畫出彩虹>七彩繽紛生果杯有哈蜜瓜、蜜瓜、西瓜，味道OK冇乜特別!<甜思思>朱古力香蕉忌廉杯香蕉片mix朱古力醬，由於我唔太愛香蕉，呢個Hubby食晒!<回味無窮>芒果藍莓忌廉甜撻甜度適中，可以一口吃完!<初戀> 士多啤梨牛奶布甸簡單好味! 做到香滑，奶味濃 !士多啤梨醬淡淡地，唔會太搶味~烤過嘅半溶棉花糖，趁熱食有拉絲效果 
tea set的deco好可愛 !小擺設加添園藝氣息食完呢個tea set好滿足! 之後要努力keep fit …查看更多
呢晚沙田行街再次碰上Pepper Lunch，決定要食! 覺得呢間好食得黎又經濟其實餐廳location唔顯眼，位於新城市廣場3期入D位置，平時行街未必會行入去 ~週末晚飯時段好旺場，我地等左40分鐘 !!!值得一讚係門口負責登記果位姐姐服務好好，有禮又敬業!黑椒鷄肉飯 加芝士 加蛋 
黑椒牛肉飯 加芝士 加蛋 配冰凍可樂買完飛，番埋位等待鐵板餐熱辣辣上檯把握時間淋上醬汁，將所有野撈一撈，發出吱吱喳喳聲，聽到更加肚餓 (我地已經等左40分鐘 ) !雞蛋、生肉，主要靠熱力整熟 ! 我地要趁鐵板仲好熱既時候不停攪拌，且怕食物痴底!鷄肉都算幾嫩滑，冇乜雪藏味，粒粒粟米夠甜，整個飯好好味 大滿足 !甜品係 綠茶雪糕 + 朱古力果仁雪糕味道普通貨色 食唔出綠茶味 !…查看更多
Cafe 門口佈置都幾有心思Cafe入面牆壁告示板貼滿即影即有相
我地叫左兩個Set Dinner :香辣鮮蝦意大利飯 $148 香脆豬手配燒汁 $128set dinner包餐湯、salad、甜品 & 飲品先黎個田園沙律配黑醋沙律菜夠新鮮，入口爽甜!黑醋酸酸地，好開胃，Mr Mo好鍾意
是日餐湯係粟米南瓜忌廉湯味道偏向清淡，南瓜味唔算濃但入口細滑，味道好OK 我點的香辣鮮蝦意大利飯由於我怕太辣，跟侍應request要小辣 !Risotto味道濃郁，上檯時已經香氣四溢 !飯粒粒有口感，帶小辣夠惹味開胃蝦係蝦仁+炸蝦，肉質唔錯 !Mr Mo點的香脆豬手配燒汁原來份量都幾多下，淨係睇個份量已經覺得超值!伴碟仲有薯角及 & 雜菜 !我試左一口豬手，外皮非常香脆， 入面肉地夠嫩，都幾juicy !味道係鹹香，唔會過鹹 !個燒汁亦調得唔錯呢個豬手送啤酒一流 !Really有水準有驚喜 小食方面，我地叫左芝士焗雞軟骨棒 $38雞軟骨表面鋪左好多芝士 但唔會覺膩 !味道似雞肉，雞軟骨口感唔錯 !餐飲係特飲 黑牛 & 白牛配朱古力雪糕球，跟set dinner加 $15 朱古力雪糕入面有D脆脆好好味 !呢個飲品非常消暑 值得一讚係侍應好nice ，會主動清潔檯面先至上甜品，又不時快手收碟!最後，甜品係藍莓慕絲蛋糕 藍莓味好香， cake 仔細細件份量剛剛好 :)呢一餐Mr Mo表示好滿足，值得encore…查看更多
Cafe位於信基商業中心大廈，同座大廈有間邦民，好易認到位置當入門口 & 沿樓梯上Cafe時會見到可愛手繪地圖大壁畫，好吸睛Cafe裝潢好韓國，仿佛真係去左韓國地道cafe !眼看店員有D係韓國人，落單時要用英文溝通，服務都好殷勤 !Cafe整體感覺非常悠閒舒服 !韓國人店員仲主動拎本旅遊雜誌俾我睇:)當日午餐order左個 carbonara + Hazelnut latte材料有煙肉、青椒、紅椒、黃椒三色椒不但colorful，營養亦加分 carbonara入口十分creamy, 意粉做到al dente ! 讚 !Hazelnut latte 係簡潔拉花，店員小心翼翼捧上檯好好飲! 榛子味香濃，唔會過甜 !飲完一口已經忍唔住成杯飲曬 !…查看更多
