itadakimasu_123的个人专页

初嚐Paul Lafayet嘅Macaroon有Cappuccino, Earl Grey, Creme Brulee, Rose & Salted caramel即時隔個幾鐘先食都依然脆口 亦唔會淨係食到糖或超級甜😀…查看更多

位於工廠區嘅樓上餐廳如果唔係有目的而嚟 應該唔會發掘到位置寬躺 空間感十足成個環境嘅氛圍都好適合聚會傾偈Lunch Set +$15 轉飲龍蝦湯龍蝦味濃郁而且creamy隔離嘅沙律中和龍蝦嘅鹹味之餘仲有好清新嘅感覺 十分開胃紅酒燉牛肉係法國必食料理之一所以嗌左 慢煮法式紅酒燘牛頰肉配法飽雖然食唔出有紅酒味但牛頰肉好淋身入味 仲有爽口蘑菇如果可以加埋紅蘿蔔就更好而法飽個皮貌似好硬好乾但其實外脆肉軟 配上牛頰肉汁一流👍🏻…查看更多

呢間一度被認為係性價比之鬼不過小店只有八個位左右每星期一就開放booking遲少少都未必有位而且位置少偏僻 唔易搵壽司平至$5件定食$105多達十件價錢上頗吸引當然 質素就一般我嗌左F特上壽司定食材料亦唔係最新鮮值得一提呢度有罕有嘅白豚壽司呢個比唔少人推薦嘅燒汁海苔帶子又未至於驚艷到係必點item整體而言 質素平平無奇確實有點名過於實但以$5左右一件 就的確無得太挑剔可以稱得上係比$3爭鮮/壽司外賣店較好嘅選擇…查看更多

隱。居 的確係隱蔽嘅居酒屋店鋪位於坑口村入面唔仔細搵都有機會miss左帆立貝甘蝦海膽丼刺身唔算十分新鮮海膽都稱不上算係鮮甜不過甘蝦味道不錯鴛鴦鰻魚丼（吉列&炭燒）認真創意十足初嚐吉列鰻魚 外脆內軟兩個丼飯都配有飯素食起上嚟唔會太乾但就略嫌飯太少燒明太子帆立貝燒得太過乾身 唔多值🥲總括而言 整體質素就一般般咁啦…查看更多

立鮨應該係香港首間立食壽司店？我揀咗嚴選火炙盛合以及立鮨壽司拼盤（上）雖然立食 但啲壽司都好快上碟所有壽司都係用赤醋飯無需點太多鼓油都已經好入味火炙壽司十分出色每件都頗嫩滑燒到恰到好處至於立鮨壽司拼盤赤海蝦肉質彈牙三文魚上嘅薑蔥就有啲喧賓奪主不及火炙壽司出色另外有點火炙左口魚邊同鰻魚壽司都燒得均勻 醬汁恰到好處幾乎入口即溶絕對有驚喜到要encore😋整體而言 價值不貴 質素不錯亦令我完全忘記自己係立食😂…查看更多

呢間神秘嘅「祕」 位於佐敦一個角落餐廳主打板燒牛可以按自己喜歡嘅生熟程度燒我嗌左板燒吉列牛午市定食 同 板燒安格斯牛午市定食兩款牛肉嘅肉質鮮嫩每邊燒大概十幾秒就夠吉列牛工架十足外層炸得脆又薄食到最後都仲外脆內軟但牛味則一般而安格斯牛牛味就相對重啲脂肪亦都比較均勻燒完後配上特製燒汁十分美味🤤定食配有秘之飯素同溏心蛋日式飯素十分襯燒肉溏心蛋反而就一般 唔太流心定食份量唔算多太肚餓或者大食就未必夠飽啦另外加左$58 浦燒原條鰻魚飯一啖鰻魚一啖飯都無問題Size驚喜 肥美之餘無骨以$58 係無可挑剔👍🏻整體而言 回 味 無 窮 ～…查看更多

呢間人氣壽司過江龍門口經常都有人龍 無可否認 確實每款壽司都頗有水準位置闊落簡約 亦都可以睇到師傅手勢三文魚盛合呢個只係$145 絕對值得encore不得不講火炙三文魚猶如入口即融 油脂感啱啱好極之出色而且每件三文魚都好足料特上手握壽司盛合種類繁多 拖羅同帶子都厚切整體質素滿意 亦有少見嘅 數之子今次初嚐 我就覺得唔太討好啦炸蝦卷食到最後依然好脆芝士同炸蝦味道好夾整體而言 確係值得要排隊等入去更加值得encore🤓…查看更多

Zeng 聽聞係取自於廣東話「正」主打日式fusion菜位於V Point 30樓 飽覽維港 景色絕啊嗌左Deluxe 6 course lunch set意式紅蝦刺身｜新鮮醬油漬三文魚手握壽司｜和牛他他｜45度慢煮三文魚｜香煎帶子｜日式鰻魚飯慢煮三文魚有驚喜 淋得嚟鮮嫩 配上疑似忌廉/蛋黃汁👍🏻和牛他他加上生蛋頗嫩滑鰻魚飯肉質一般汁少鹹 帶子不俗壽司同蝦都不過不失 有油甘味 值得一試總括而言 用咁嘅價錢 係高空下享用午餐 的確享受…查看更多

有一晚心思思想一試立食壽司無意中記得有朋友推薦過呢間第二日立即 坐言起行雖然小店只有八至十個位但我只係等左15分鐘Omakase 意旨廚師發辦市面上 唔少Omakase都千幾二千呢間竟然offer $398 十貫用震驚味蕾表達好似太誇張對於初嚐Omakase嘅我確實有咁既感受😋十件壽司都令我好有驚喜每食完一件都唔捨得飲茶🥺壽司先係用料新鮮 而且做法有創意師傅每上一碟都會輕輕介紹壽司壽司飯醋味點到即止 完全無需點豉油特別推薦 松葉蟹/赤蝦海膽 同炙帆立貝配黑醋鵝肝👍🏻另外值得一讚 海膽鮮甜creamy所有有海膽嘅壽司 都十分出色而軍艦既紫菜都係脆既😛以$398一位 絕對係物超所值另外仲order咗北寄貝、 赤蝦同焦糖玉子無一失望因為立食既緣故 有幸睇到壽司製作過程都相當療癒已經將餐廳列為再次encore行列😋…查看更多

德美網上好評如潮唔少網民都表示食過返尋味今日趁有空試一試今次小試牛刀已經感到相當失望😖壽司有 三文魚 北寄貝 同沙律貝柱雖然厚切 但用料感覺唔新鮮 味道稱不上出色 並非物有所值活鰻魚朴葉飯份量十足 但飯太少鰻魚汁 食落乾噌噌而蛋絲太甜 遮蓋左鰻魚嘅味道牛肉炒烏冬 汁過多 味道不佳類似平時茶餐廳嘅水準總括而言 實左太 失 望 🥺…查看更多

記得第一次食壽司郎排了差不多兩個幾鐘由佐敦行到去尖沙咀驚安の殿堂再行返嚟 時間剛剛好😂今次有幸 係app度㩒到飛準時達陣 準時入座由於壽司郎人氣爆登 用餐時間僅限一個鐘每次用機點壽司 最多四件稍等一會 就可以繼續點餐以迴轉壽司質素嚟講 的確唔錯既壽喜燒 鰻魚 赤蝦 醬烤帆立貝 茶碗蒸 薯條我都係相當推薦尤其係赤蝦 口感十足 啖啖肉中意食蝦既朋友必然會有種幸福滿瀉既感覺🤤而其他都中規中矩 物有所值可惜無緣一試海膽紫菜包性價比不俗 取代元氣之選👍🏻期待二月的新menu～…查看更多

經朋友介紹 由九龍走到港島食日本野起初見指數都唔太好 不抱太大期望今次揀左比較豐富同時係最貴既Lunch set👇🏻Set B 特上政壽司定食 $148有沙律 烏冬 十舊壽司 茶碗蒸以上環150蚊lunch set 係預料之中上菜既速度頗快 幾適合有limited lunch hour而又想有高質素體驗既打工仔沙律作為前菜無乜特別日式烏冬 雖無配料 但依然入味彈牙壽司嘅質素出乎我意料之外尤其係帶子同海膽 極之鮮甜第一次食海膽既我 被驚艷了😍一改我對海膽 又腥又苦既印象連玉子壽司都相當出色嫩滑有別於平時又硬又凍既一舊蛋而茶碗蒸 即使最後先食都依然保持熱度 個蒸蛋 十分幼滑總括而言咁嘅價錢喺上環食日式定食確實係質素之選我食完都幾想encore🤤…查看更多

隱世坑口日本小店 地方雅緻僅得八個吧台位 服務貼心一坐低就已經為你準備左玄米茶壽司即叫即整 可以欣賞到師傅嘅功架平有平食 唔好睇小$9件既壽司三文魚 八爪魚同北寄貝咬落去都好有口感中價既帆立貝同赤蝦都好鮮甜當然 貴亦有貴食名符其實「鮪世市場」 你可以品嚐到鮪魚既各個部份今次一試 本鮪赤身醬油漬有少少入口即融既感覺個人認為 唔點豉油反而食到鮪魚既原汁原味至於特上海膽軍艦 口感鮮甜細膩creamy但就未去到嘩一聲$38 一件 見仁見智🤔今次嗌既八款壽司 都尚算新鮮壽司飯既温度都剛剛好 上碟時有少少冒煙呢個蒲燒鰻魚飯定食以$88有前菜同味僧湯嚟講 性價比不錯👍🏻撇除迴轉壽司 呢個都係平民價高質素之選總括而言 值得encore🤤…查看更多