今次同朋友去到座落係荃灣街角嘅「白宮」用餐。位置嚟講唔難搵,只要識去荃灣廣埸就會搵到。眼看呢個白宮唔大,而今次我地被安排坐左係坐位少既樓下。唔好以為位置少就差,呢點正正係佢既優點所在—服務周到。相信大家去過大間少少既餐廳都會遇過嘈既問題, 想傾下計又唔夠人大聲,想傾下心事又無氣氛,呢度會係其中一間可以畀你放鬆心情,安樂用餐既場地。隨著住2杯水既送到,第一個餐亦都送到。價錢大家可以係餐牌搵到架啦。對於一個少食芫茜,亦都少食菇類既人嚟講,呢個意粉既味道有D出乎想像,因為佢既芫茜味未去到好重,係可接受既範圍,而菇類亦都炒到好香,忍唔住食多幾嚿。而對於一啲好鐘意芫茜同菇類既朋友,相信呢個意粉會滿足晒你2個願望。未食完上面個碟,下一碟又嚟左。係All Day Breakfast啊!煙肉香口,隻蛋調味適中,pancake係最大既賣點。如圖中所示,滿滿既芝士撻左係pancake上,放入口時芝士味與pancake既甜味融合埋一齊,比起普通pancake多左種層次感。只係價錢略嫌貴,但鐘意芝士既朋友唔可以錯過!…查看更多
