bigtummyjourney的个人专页

返工咁辛苦，間唔中要對自己好啲～上星期專程黎到紅磡嘅「江戶壽司秀」嘆omakase～.除左可以坐吧台欣賞師傅功藝，仲有包廂座位，私隱度高～想三五知己或親朋戚友黎個聚會都無問題😉.當晚有三款omakase course，揀左秀逸 ($880) 黎試下～.前菜已經好精緻～有超香甜車厘茄、南瓜豆腐好滑、同白飯魚天婦羅，好脆又唔油～.鮟鱇魚肝放上炸紫菜上，一啖咬落有黃蘿蔔同香蔥索索聲，中和左魚肝肥膩感覺～.師傅即席切鮑魚，鮑魚片好新鮮，配塔鮑魚肝醬飯寧舍豪華～🤣.平日最愛茶碗蒸，熱辣辣又超嫰滑～仲有一絲絲蟹肉～.甘鯛立鱗燒好巧功夫～要將滾油淋落魚身令魚鱗垂直香脆，連埋香蔥絲一齊食超好食～.一共有八件壽司～帆立貝、甘目鯛、真鯛、赤貝、梭子魚、銀鱈魚加右口魚、海膽、赤身，每件都非常新鮮有光澤🤩 當中最鐘意右口魚，輕輕燒過後魚油味香到不得了～仲有海膽超鮮甜，一啲腥味都無～.食完壽司有湯飲～湯底好清，有兩粒蜆肉，無沙又鮮甜～.最尾仲有甜品，抹茶奶凍好滑身，抹茶味好濃郁～仲有靜岡県嘅蜜瓜，點解可以甜到咁～非常好食如果有得encore就好～🤣.師傅同店員都非常親切，每一道菜師傅都會同客人有交流～非常高質嘅一餐👍🏻…查看更多

以前經常幫襯呢間poke bowl嘅銅鑼灣分店～而家尖沙咀開左新分店，咁岩約左朋友去尖沙咀行街，一於黎試試😋.尖沙咀分店座位闊絡左好多，自己揀好位坐就可以用QR code落單～店員就會將食物送到面前～.最欣賞呢間poke bowl嘅主菜可以自選1/2款 ($108)，我地都揀左三文魚/ 吞拿魚/ 慢煮雞胸嘅其中2款配搭～刺身都幾新鮮，雞胸唔會好鞋～豐富蛋白質又健康～😋.而個底大家都係跟左一半糙米一半沙律菜，份量係超多😮 最後大家都爭啲食唔晒😳 配料任選3款～有豆腐、酸蘿蔔、蟹籽等，非常豐富🥳.醬汁都有6款可以揀，想自己控制份量仲可以選擇汁另上～店員仲好貼心話唔夠醬可以再問佢地拎😝.仲可以加配飲品～蘋果汁(+$2)酸酸甜甜幾開胃～雙檸梳打 (+$5) 感覺相對上健康啲～朋友試左牛油果奶昔 (+$38)，好大杯，但味道就見仁見智🫣…查看更多

早幾日經過見到東大街開左一間新既麻糬波波店～作為煙韌控嘅我當然要買黎試試😆 .其實我本身都唔知梅窩係出名麻糬🤣 同接住幾日都發現有其他blogger都去左買黎試😆 . 麻糬總共有4款口味，分別係原味、肉鬆、芝士、朱古力～最少買6粒～當日眼大睇過龍，唔發現原來可以混合味道😂 所以6粒都要晒原味😂 ($25).講講味道，入口係幾香嘅芝麻香味～ 麻糬波波外脆內煙韌，以大概$4一粒黎講好抵食～值得一讚係店員會留其中一邊開口俾麻糬波波透氣，咁就唔怕焗到淋晒😆…查看更多

收工周圍行下搵餐廳食個晚飯～見呢間西日fusion餐廳幾乾淨企理～又裝修得幾有日本style😝一於入黎試試～.要左個鹽燒加拿大保濕豬鞍配蜜糖芥末籽汁 ($218)，煎至9成熟，超嫰口多汁一啲都唔鞋👏🏻 蜜糖芥末籽汁輕輕調味，少少辣幾好食🫶🏻.再試多份松葉蟹海膽三文魚籽丼 ($268)，份量十足😍蟹肉同蟹膏撈飯超香，海膽唔會太腥，用紫菜包住超好食👏🏻加埋三文魚籽好鮮味☺️食完仲可以食埋伴碟啲薑片，甜甜辣辣，仲可以解左口中腥味😆…查看更多

平時好鐘意食poke bowl，因為好食又感覺上健康啲☺️ 同朋友間唔中都經過呢間poke專門店～今次早收工，等左一陣好快就入得～.餐廳有set好左既poke，或者可以按個人喜好自選～同朋友都係鐘意一人一碗自己揀😝我係吞拿魚($108) + 珍珠糙飯&沙律菜 + 櫻桃蕃茄、青瓜、麻醬豆腐 + 另加牛油果 (+16) + 山葵乳酪醬😁 超大碗好豐富，吞拿魚偏瘦但新鮮，寫左少醬但依然好多醬😂 已經半份要沙律菜，但食完都係超飽～.朋友就係三文魚 ($108)做主食，其餘配料都差唔多，一樣超級飽😝.原來餐廳仲有酒提供～要左Flying Ciders ($68)，由apple cider, apple juice同elder flower調配而成，幾清甜，而且非常大杯好抵飲👏🏻.朋友就要左The Little Prince ($68)，由gin, rose, cranberry juice, peach調製，有兩朵花花做裝飾好靚，味道酸酸甜甜🫶🏻…查看更多

同朋友食完飯，想繼續坐低飲杯野傾下計～去到諾士佛臺，啲酒吧真係多到花多眼亂👀 揀左一陣就決定去一間樓上酒吧～.除左酒其實仲有野食，有啲後悔唔早啲過黎一次過食埋野，咁就唔洗轉場😝 望到餐廳好多酒都好打卡able～最後同朋友一人揀左一杯signature drink～.我揀左Blue Sheet ($108)，由荔枝、Chardonnay、菠蘿汁、藍柑汁、雪碧調配而成，飲品呈現天藍色好靚☺️ 味道清甜，唔算太重酒味～.朋友揀左Earl Grey Remix ($100)，由Gin、Earl Grey Tea、Cointreau、Cranberry Juice調製而成，入口淡淡茶香味又幾唔錯👏🏻 而且呢到cocktail夠晒大杯，可以慢慢傾計一路飲，下次可以再黎encore🫶🏻…查看更多

見間冰室新開左一排都未食過，放假一於同屋企人去食個brunch先～😌.餐牌都係冰室常見嘅食物～有碟頭飯、湯粉麵等等～見到個自選雙拼粉麵都好似幾抵食，於是就同屋企人一人一碗😁.我揀左沙嗲牛肉煎蛋米粉($40)，沙嗲有花生味，牛肉都唔算太嫰～屋企人就揀五香肉丁煎蛋米粉($40)～味道同份量都正常，食完都夠飽肚👏🏻.飲品一杯黑咖啡，用咖啡機即磨沖嘅都夠香濃☕️～另一杯凍奶茶，港式風味唔錯👏🏻…查看更多

呢間真係bookmark左好耐！身邊朋友都大推～搞到成日都心思思好想試🤣 今次難得經過見到，點都要買支豆漿黎試下啦🙌🏻 一去到已經見到條長龍～證明真係好受歡迎🫶🏻.可惜食飽無耐～個胃只夠塞一支豆乳～諗左好耐揀左至愛嘅抹茶系列～要左抹茶紅豆小丸子($48)🍡用一個易位罐裝住，抹茶同豆乳味比例平衝岩岩好～豆味濃郁唔會太甜👏🏻同紅豆係絕配～小丸子都好煙韌，唯一缺點係用粗飲管比較難啜啲小丸子🥹最後食唔到就丟左好浪費🥹…查看更多

放假入到黎馬灣行下，行到攰攰地去到沙灘廣場搵野食😋 呢邊大部分餐廳環境都好chill好舒服，對住沙灘，望住青馬大橋、汀九橋食野，心情特別舒暢😌.唔算太餓，主要想飲杯咖啡☕️～叫左一份小食黎送下野飲～揀左炸魷魚圈 ($80)，估唔到意外地出色👏🏻 外皮炸得好脆口，魷魚仲超彈牙👍🏻.最近天氣開始熱，嘆返杯Iced Americano ($38)，夠晒冰凍，咖啡味都幾香濃，再望住咀靚嘅景色真係一流😎…查看更多

最近試左中環一間幾出色既居酒屋👍🏻 位置有少少隱蔽🧐 要行一段小斜路先搵到😝 燒日本河豚乾 ($98) 燒得岩岩好，甜甜地又唔會好乾身🐡 送酒一流小食🍺 唐揚雞 ($68) 望到個樣已經夠晒吸引，咬開爆晒汁超正😁 仲見到一圈圈既雞卷肉，睇得出落左心機同功夫👍🏻.黎多個松葉蟹膏蟹肉炒飯 ($158)，炒得香口好濃蟹膏味，而且粒粒分明好乾身🦀 幾夠份量食完都夠飽👻 下次有機會再黎試下其他串燒同壽司👏🏻…查看更多

返工諗唔到食咩，又唔想食咁heavy，今日一於食個餃子外賣做lunch😂 呢間餃子店都試過幾次，主打現包現煮🥟 幸稱係中國超過3000分店😂 無考究過係咪真，好食就得啦👏🏻.餃子有6款，我自己偏愛韭菜鮮肉餃 ($52/12粒)，韭菜味好香，不過鐘唔鐘意陣味都係睇個人😂 餃子幾飽滿唔易散，菜既份量都算多👍🏻 同事就要左粟米鮮肉餃 ($52/12粒)，粟米好清甜係幾好食👏🏻.餃子可以要幾種做法，有鮮湯、蒜撈、剁椒撈等等，今日想食清啲就要左白灼，其實再加醋同辣椒油都已經夠味好食😁 怕唔夠飽仲可以加多個麵，但上次加完麵爭啲食唔晒🤣…查看更多

平時都幾鐘意食慢煮肉，因為多數啲肉慢煮完都仲好嫰滑😝 呢間「我愛慢煮」都聽過好多次，今次一於黎試試👏🏻.餐廳走露營風格，坐係啲露營凳到幾有feel😂 不過腳長人士就可能無咁舒服🤣 先黎份前菜，巴馬火腿哈密瓜 ($98) 一鹹一甜非常夾👏🏻 係一款平時都好鐘意食既小食😆.再黎就試主菜慢煮肉，美國Prime肉眼 ($308) 足足有12oz，牛味幾香，加左少少黑椒同蒜鹽調味，不過脂肪較多，慢煮完有少少韌🤏🏻…查看更多

之前都食過幾次，因為日本野黎講算比較平價同抵食👍🏻 今次又黎同朋友聚會，簡簡單單食個晚飯😋👏🏻.居酒屋又點少得壽司😎 叫左幾款壽司，三文魚 ($22)、油甘魚 ($48)、帶子 ($26)、同左口魚 ($55)，質素普通味道正常，如果左口魚油份多啲會更好🙌🏻.燒魷魚 ($98) 好大條但有啲韌🦑 醬汁好似同魷魚味道唔太夾😳 整體黎講食物唔算好驚喜，但同朋友飲返杯啤酒食下野傾下計都係一個唔錯嘅選擇👏🏻…查看更多

今晚黎到北角食個浪漫西餐，估唔到又會有間咁靚又唔算太貴嘅西餐廳👍🏻 餐牌上嘅set會經常轉，當晚揀左牛柳set黎上下😁.先上一碗傳統大蒜薯仔湯，幾滑又香口，仲有脆麵包條可以沾湯食👍🏻 主菜係烤焗新西蘭免翁牛柳配忌廉菠菜 ($318) ，五成熟煎得岩岩好，牛柳好嫰，中間仲係粉紅色😆.食完正餐仲包一件精選蛋糕，揀左雜莓吉士撻，有黑加侖子、紅莓、士多啤梨🍓 幾清新又唔酸，撻皮又夠脆身👍🏻 食完整埋杯凍檸茶好滿足😄 咁多野食以呢個價錢黎講算好抵👍🏻…查看更多

食完晚飯好似仲未好夠飽，一定係爭左碗甜品～😝 即時search附近帶咩甜品好食，發現到呢間神仙草😍 襯時間仲早未係太多人，見有位就衝左入去食✊🏻.第一眼就睇中 抹茶嫰仙草盛盤 ($56)，大大盤仙草超滑身又煙韌，同平時食既口感真係唔同！抹茶雪糕係帶點回甘嘅味道，配埋紅豆perfect match🫶🏻 旁邊係細細兜嘅芋圓，地瓜圓同香芋圓各3粒，食到淡淡地瓜同芋頭味，非常煙韌，仲有珍珠同紫米好豐富😍.隔離嗰位唔食雪糕，淨係芋圓配仙草都好滿足😎…查看更多