明犬子飯團的個人專頁

呢間位於尖沙咀既印尼餐廳，將會係2月光榮結業。香港又少左間老店了。餐廳採用2層的設計，地下售賣小食，用餐地方位於二樓。當日去到晚市時已沒有小食及糕點了。餐廳環境帶有懷舊感覺，座位幾舒適。一坐低侍應已放低2杯暖水。而我就點了幾款菜式，印尼炒飯，羊肉牛肉沙爹，馬拉盞通菜同珍多冰。首先黎到係印尼炒飯，賣相同味道都普普通通，如果無左幾塊薯片就係普通炒飯咁。然後就黎沙爹串，羊肉牛肉都燒得唔錯，好香好嫩口，而且帶有肉汁，加埋沙爹汁一流。而馬拉盞通菜就正正常常，唔夠馬拉盞味道。最後黎杯珍多冰，好重椰汁味好飲！…查看更多

天氣涼涼地最岩打邊爐，知道一鍋堂好難book位，所以大半個月前已用app訂位。餐廳方面都坐得幾舒服，係梳化位黎，一坐低就揀湯底，如果要鴛鴦湯底就要加$50，當日我地就揀左沙嗲湯底同蘿蔔粟米豬骨湯底。呢度既點餐都好方便，係用app下單，只要scan個qr code就可以點菜。湯底方面都正正常常，無乜特別。我地落左單後，d配料都好快送到。最基本既牛肉都ok，淥耐左都唔會好鞋口，當日比較推介係蝦，好新鮮好爽口，而呢度都有出面少見既沙律丸，幾好食。當日埋單每人200幾蚊，整體黎講都算中規中矩。…查看更多

同幾個朋友係奧海城行行下街突然好想食辣，於是去左奧海城3期既12味麻辣小當家。當日去到中午時間，餐廳都有提供到午餐menu，價格大約$48-$68不等。餐廳入面座位唔算多，當日都坐滿晒人，侍應就叫我地坐露天座位。宜家天氣涼涼地都可以接受，但當夏天時就會好熱好辛苦。而食物方面，我同朋友就叫左酸菜魚同牛肉麻辣香鍋。上菜速度唔算快，可能即叫即整關係。侍應首先比左個酸酸地既木耳比我地做前菜，大約等左10幾分鐘就上左菜。食物都好熱辣辣，份量好足。朋友點的牛肉麻辣香鍋十分惹味，入面有蓮藕，海帶，薯條，牛肉，非常足料。而我點既酸菜魚都好夠酸辣味，魚質好結實，好好食。…查看更多

呢間位於中環ifc既美國漢堡店shake shack，一開始人頭湧湧好多人排隊，熱潮過後就係食佢嘅好時機。一直聽身邊好多人講話質素不錯，今次就試試佢睇吓係咪真係咁好食。當日同幾個朋友一齊去食，我自己就叫咗個shroom burger，朋友就叫返牛肉漢堡。而薯條方面，叫咗三份，而其中一份有加到芝士汁。飲品我自己就叫左杯strawberry milk shake。先講講個shroom burger，一拎上手就感覺到佢熱辣辣，個包鬆軟，而磨菇就外脆帶有肉汁，而且充滿芝士，十分滿足。而朋友得牛肉漢堡都不錯，漢堡扒帶有肉汁，十分好吃。薯條方便略嫌不夠脆，十分普通，不用特別試。Strawberry milk shake 就做得不錯，好好飲，但飲到一半就會好飽。整體而言質素不錯，如果唔洗排隊就肯定會再試。…查看更多

同朋友喺大角咀附近行完街之後，咁岩經過呢間餐廳，順便入嚟食個Lunch。當日餐廳冇乜人唔使等位，啲位都好闊落，坐得好舒服，環境都幾靜，好岩同朋友慢慢傾。呢間餐廳除咗西餐仲有日式食品。除咗一般嘅意粉漢堡包risotto ，佢仲有拉麵同埋便當。好多款式選擇當日我哋叫咗個煙三文魚意粉（ $68）同魚柳包 （$30）。呢度係用自助形式去叫食物，先落order 俾錢，再坐定定等野食。 上菜速度都算快，叫咗一陣就有得食。…查看更多

因為係尖沙咀行行下街覺得肚餓，其他餐廳又好多人等位，咁岩見到和民唔洗等位，就去左新太陽廣場分店食和民。餐廳環境大致舒服，燈光比較暗，但坐位都乾淨同坐得舒服。 同其他分店不同 ，呢度二人坐位有L字型，但不會影響舒適度。 當日2個人食，叫左個十勝豚肉飯$88同燒肉壽司卷全份$88。十勝豚肉飯個汁甜甜的幾好食，豚肉都唔會乾身，份量都算正常。燒肉壽司卷相對較普通。肉質唔夠新鮮，感覺是單憑辣汁去調味。但整體尚算不錯。…查看更多