ckldicky的個人專頁

第一次食佢地嘅lunch真係非常失望，餐具污糟，負責上餐嘅員工掉碟嘢埋嚟。湯：傳說係周打魚湯，賣相已經唔吸引，飲落就更失望，湯附有麵包條，乾冇味。主菜：叫咗千層意粉，員工掉埋嚟個下已散開，碟邊跟湯一樣污糟，千層意粉底部唔熱，溫度不勻，明顯係預制後再用微波爐番熱。加咗甜品：Tiramisu 竟然比隻湯匙，真係匪夷所思。加咗飲品：玫瑰杞子茶，個壺同其他餐具同樣污糟，似剛洗完未完全抹乾就用嚟用嘅感覺，濕濕地但又立痴痴咁。非常失望嘅一餐😞…查看更多

第一次去感覺似入咗間居酒屋，好熱鬧，好有氣氛，老闆娘好熱情招呼每枱客人，佢會遂枱傾計問吓啲嘢啱唔啱食，又會推介有咩抵食好食。講返食物先，我地一行三人，先上枱嘅係芝士焗什菇，因為成8點幾剛放工，所以係一輪狂風掃落葉式被KO，陸續上串燒、焗蠔、同牛扒套餐。個牛扒套餐2百幾蚊，竟然仲要送全隻波士頓龍蝦同一大兜大大隻嘅酒煮大蜆，仲要係質素十分高，肯定唔係cheap貨。焗蠔上枱仲要有兩款口味，芝士同蒜蓉同樣肥美多汁。串燒就真係一定要食燒鱔同燒茄子，真係兩樣都不得了，茄子真係心機之作，每一啖都係平均佈滿香料，非常惹味。鱔就係要encore 再encore之選，皮脆肉滑，非常肥美。最後，我仲買咗即食日本蠔同海膽返屋企食，加上第二日約咗啲老人家去拜年，買咗好多生果，同樣高質，非常值得推介比朋友。…查看更多

晚餐大約8點幾叫咗2個包、2個熱狗、薯蓉2個、炸雞一桶、意粉兩個、薯條等外賣。個double cheese Burger同 hotdog個包係應該由朝放到晚再reheat到over曬，成個包硬嘅。個蜜桃批內係空心嘅，非常失望。以後食Jolibee都係落返旺角同中環啦，呢間真係不了。…查看更多

跟朋友去果欄前想搵個地方食lunch，早一晚在OpenRice訂位，13:25左右到，佢地已幫忙預留窗邊最好嘅位置，可以比我地傾吓計。我地點咗肉眼扒，辛辣雞意粉（唔太記得名）😅仲有一壺pink lady嘅玫瑰桂花茶，當日係蕃茄湯。整體感覺係非常舒服，食物跟服務均恰到好處。…查看更多

老闆非常友善，介紹食物很詳盡，買了58元雞槌雞翼套餐，加一份雞塊，朱古力咖啡沙冰，各樣食物非常有水準及美味，外脆內軟之外並不油膩，沙冰亦非常出色，短期內一定再光顧。…查看更多

因工事入元朗，知道元朗開咗大圍小館好一段時間，但要打通電話訂位相信都唔容易，同事大概11點姑且一試，竟然比佢成功訂位13:30。😍😍😍我地一行五人，佢地安排咗最入嘅一張大圓枱比我地，細閱點心紙，有好多外面好難食到嘅傳統點心，如：牛骨髓、蒸魚雲、真正灌湯餃、自家製芝麻卷等都真係不得了。知道佢地剛推出$48外賣，我地連晚餐都買埋返屋企，晚上翻熱食都依然高質。服務方面，佢地會主動問我地有冇需要剪開啲食物方便大家分享，非常細心，有啲食物怕會凍所以都會幫我地疊好，上菜時我地幫忙稍為移開啲食物方便上菜，佢地都會同我地講唔該，非常有質素。最重要係我地坐到差不多4點先離開，期待下次再食過。…查看更多