hpkissyin的个人专页

呢間野堂食真係不得了🤣坐得逼，又冇隔板，你多口問下呀姐點解唔格板，佢仲鬧番你轉頭😂店內兩個姐姐呼喝客人，格離枱媽媽等緊囡食完，姐姐問佢想點？係咪食架？出面有人等位，媽媽一臉愕然答佢食完啦，等緊呀囡😅叫佢嘟針客又唔嘟，嗌佢幫手斟茶又唔應，聽到都想笑！不過食物味道係幾好既，有貴州既風味，建議買外賣，唔好堂食，無謂受氣！…查看更多

嗌左兩個外賣，乾炒牛河同豬扒炒烏冬，碟乾炒牛河連啲牛沖都一陣濃屎味，點食呀？成碟冇郁過😰個豬扒炒烏冬，啲烏冬偏硬，不過茶餐廳唔會要求佢用靚烏冬，但係舊舊豬扒都燶㗎，呢碟就齋食烏冬夾走啲豬扒，呢間嘢出產致癌物質🫠師傅，炒燶嘢就洗下個獲先啦，食晒你碟野生cancer啦，冇下次👋🏻…查看更多

環境不錯既，但食物種類少，冷盤冇乜選擇，龍蝦不過不失，生蠔冇乜肉，壽司又細粒又腥，格離枱都話爭鮮好食過佢。甜品種類都唔多，味道都普通，食完當晚朋友都屙嘔，我就第2日屙嘔，雖然唔嚴重，但明顯食物唔衛生，唔會再去。…查看更多

午餐選擇算多，有意大利飯，豬碲，牛扒等等，今次係第一次黎食，坐底睇左一陣餐牌就決定食牛扒$168，牛餐黎講，價錢算貴，但想試下，滿心期待。落order時侍應先生問我牛扒要幾成熟，我話6成，然後上左湯同麵包，味道一般，無咩特別。跟住等左大半鐘就上牛扒，塊牛扒表面好濃，入面都無咩血水同紅色，好似全熟咁，勉強可以講係8成，我都算啦，食落口係苦架，因為表面濃左，配菜薯容都唔好食，件粟米好似自已bbq燒咁。我朋友個碟好似生肉咁，佢要5成。於是我嗌侍應先生同佢講塊牛扒好苦，我要6成，呢個好似全熟咁。佢咁答我：『呢個咪7成左右，6成同7成咪一樣.....』我都費事講落去....我比左2百蚊，食左件濃左鞋底！我唔會再去，真係好差！…查看更多