Ernestz的个人专页

自己簡唔中早上會去油麻地替假返工，lunch 通常都煩食咩好，因為始終唔熟地頭。咁啱早排openrice出左個post 介紹依間餐廳，見到都唔錯，襯替完假咁早就去試下餐廳唔大，分室內同室外，因為中門大開關係，所以冷氣唔夠，怕熱既建議坐入少少。食物種類都算多，而且價錢合宜！餐湯係蘑菇忌廉湯，個人認為蘑菇味唔濃同唔太creamy, 反而個蒜蓉包唔錯，夠蒜蓉味，點埋個湯食唔錯！主菜揀左葡國雞飯，個人認為雞唔多，得幾舊仔，不過個汁唔錯夠味，雞都滑，唔會話煮得耐「鞋」口最尾餐茶揀左即磨咖啡，勉強ok, 都算滑，不過同酒店質數對比係有d出入整體黎講都算唔錯，性價比都高，可能餐廳新開無耐，唔算多人幫襯。環境，價錢同食物黎講都算唔錯，可值得再黎幫襯另外服務就一般，可以比多d笑容同埋唔好對住客人黑口黑面會更好…查看更多

Share Tea係咁多間輕茶店入面我最鍾意飲，但奈何大圍依間Share Tea 入面D staff都唔知係咪文盲我最鐘意飲Share Tea 既草莓紅茶，因為嫌佢原味太甜，所以要無糖就剛剛好！點知沖出黎竟然甜到不得了，好明顯落左糖漿！同埋要求少冰又比大半杯冰！咁落單唔好叫顧客比要求啦！完全貨不對辦！你話一次我都算數，今次已經係第三次，其他分店都無依間咁離譜！唔該文盲或者近視就唔好做啦！係度倒米大家幫襯依間Share Tea最好有心理準備！…查看更多

見到傳媒係咁報導依間既水果茶幾咁好飲，而且每次行經都大排長龍，就打算搵日去試下。餐牌飲品類都多選擇，就揀左佢地推介既招牌「一芳水果茶」 望落去都吸引既，但飲落去，好難飲！甜到呢！好似飲糖水咁！完全無茶味可言！水果味勉勉強強都有少少，仲要賣$33，我去樓下share tea買仲好過，真係無下次。其實我等緊時，都眼見旁邊好多人飲淨三分二既水果茶放係張檯到，都心知不妙，果然真係伏服務方面！麻煩收銀果位姐姐講野大聲D啦，商場已經夠嘈，佢覆單我下左三次！完全好似鬼食泥咁！…查看更多

聖誕節係D2 place行，見肚餓，又唔想食D2 place既貴價餐廳，行行下見到對面有間小店，就入去試下。見menu 又唔貴喎, 而且野食又吸引。朋友點左 紅油麻辣牛肉餃子，食得出餃子係自己包既，起碼皮薄唔太厚，入面牛肉唔太咸，配埋出面既紅油麻辣醬簡直係絕配，夠香口，麻得過癮奉勸各位食左其他淡味野食先，同埋叫杯凍飲，因為食完包你麻辣味係口裡留香，鐘意食辣既人可以一試我自己就叫左個 慢煮牛肋肉芝士三文治伴自製薯條 我個人比較鐘意食慢煮既肉類，因為留得住d juicy 口感，又keep到肉味。正正依個就做到啦，牛肋肉口感同味道都配合到，加埋芝士，十分香口，不過個人不太好芝士，所以食到一半就覺得漏同飽，所以女仔應該會食唔哂。反而薯條有驚喜，原來係蕃薯條，砌得又靚，食落又唔會話太乾身，而且蕃薯夠粉，所以食落好夠味 另外點左兩個湯，一個中湯：響螺海參豬𦟌湯同埋西湯：牛肝菌忌廉湯中湯個人認為有少少咸，不過都可以接受既，料都好足下，真係似住家湯既感覺，不過無咁咸會仲好西湯反而淡味少少不過牛肝菌好濃而且個湯都好creamy ,唔似得出面餐廳咁得個咸字總括黎講都唔錯，老闆好人會走黎傾下計問下意見，而且聽講佢地會不停轉下menu , 所以會再黎食多次…查看更多

係西環附近放工，見阿元排隊排到無雷公咁遠，就膽粗粗試下對面既Noodies 店內坐位較少，但都有貼身既服務選擇有D似車仔面，種類選擇都算多，手撕雞同糖心蛋值得推介我揀左豬骨清湯，雞翼，豬肉雲吞配昆布麵。估唔到簡簡單單既昆布麵幾好味，彈牙同有微微既昆布味。如果吃厭左普通既麵，麵可以試一試。不過要留意改選昆布麵要加$20，感覺上有D貴。朋友揀左喇沙湯底，朋友話值得推介喇沙湯底，一黎喇沙同椰汁味重，二來夠辣，食起黎好夠味又match又惹味。配料選擇左手撕雞，肥牛同韓麵。手撕雞夠嫰滑，肥牛就普普通通。飲品方面揀左當日既自家製飲品---香橙薏米水。個人認為比較普通，因為橙味唔夠出，反而似一杯普通薏米水服務方面，女店員似帶著如夢初醒的身軀返工似的，例如佢倒了杯自家飲品比我後，我問佢係咩黎，佢竟然唔知道係咩，另外又不主動問需要紙圍巾及儲物籃，全程只係顧住玩手機。當然我個人著重食物味道及質素，所以這一點只扣少少分價錢方面$55 三餸黎講相比其他地方為貴，但材料同味道反而值回票價，所以黎講係值得既…查看更多

行經荃灣廣場，見對面有間好特別既名字既餐廳叫「普洱」，主要係食焗飯同米線。就膽粗粗入去試下！坐位較迫，快手快腳食一餐黎講算可收的自選配料食物有特色，種類尚算多。價錢尚算合適自選：手撕雞涼拌蕎麥麵手撕雞不算嫩滑，同個涼拌汁一點都唔配，而且蕎麥麵唔係蕎麥麵，竟然用撈麵代替香菇牛肉砂鍋米線，牛肉香口同米線匹配，湯底濃郁可口，相比上圖的涼拌麵簡直相差太遠！蘋果綠茶綠茶味濃，不過蘋果味有D怪，感覺太人造，不太自然的服務方面可以講係沒有的，不過係咁既平價低質素餐廳黎講，尚算勉勉強強合格的服務員可以係你未講完落餐已經走左去，真係第一次見另外我同朋友兩人坐住一張四人檯，為左方便有其他四位客人可以坐，於是見旁邊二人檯客人離開去向店員提出轉過去，但可惜被婉拒。而眼見店內有兩張空檯，店員都會要求兩位的客人去搭其他檯。所以如果是兩位的有心理準備即使有吉檯都會被安排搭檯，真是經典！總括黎講普普通通，不過不失，試一次就夠…查看更多

週日係旺角閒逛，行到熱又餓，朋友推介去呼吸。我心諗：點樣去呼吸解到餓呀？哦，原來去附近既Fullcup Cafe可能是下午茶時間，客人不多。環境舒服優雅，音樂不太吵耳，絕對適合三五好友閒聊hea下休息一下。餐牌像一份報紙，選擇都挺多。特別是飲品下午茶時段買一杯飲品，其餘食品有半價優惠，所以叫了杯士多啤梨錫蘭紅茶。士多啤梨味重，蓋過了錫蘭紅茶的味道！記得叫少冰，不然坐耐左再飲會變得很淡。朋友叫了香蕉朱古力咖啡。香蕉味同朱古力味較濃，都係蓋過左咖啡味道，不過賣相都唔錯，坐耐左一段時間，都仲有香蕉同朱古力味，唔會話太淡。食物方面叫左意粉套餐既雜菌黑松露意粉。賣相不俗，份量對男仔黎講係唔夠。黑松露味唔夠，味道適中，不太咸及「漏」大蝦芒果芝麻醬蔬菜沙律，芒果同大蝦都夠鮮味，再加上芝麻醬，可以講係絕配。不過份量對男仔黎講較少。價錢$83黎講，值唔值就真係見仁見智啦小食就叫左個波浪薯條，份量都挺多，適合一班人吹水黎食。不過薯條唔夠脆，感覺好似食緊薯仔咁，但佢加左淮鹽，尚算可口！服務員都算有禮同服務周到。順帶一提，如果叫套餐的話，留意所選飲品要係$42 以下，否則補差價是該所選飲品再減以$20 ，而不是減$42！…查看更多