wong wongg的个人专页

見 pizza pig 咁多正評仲有lunch set 姑且一試，點知又係俾水軍宣傳既餐廳！ 一個lunch set 最便宜都$168加一，仲要係平日一至五既價。個蕃茄湯淡到乜咁，罐頭湯都入味過佢。個所謂意粉真係得個粉字，完全無味，難食之餘份量又細，加隻細個乜粉多過蟹既物體，每人就盛惠接近$200，lunch咁既價錢連甜品都無！好心呢d餐廳老闆一個餐賣$200賺到咁，連一塊細蛋糕甜品都慳返，淨係揼錢買水軍做宣傳，食物完全無質素無份量，賺到盡呃客收割一波。當香港人唔想做水魚返深圳消費，就大呻飲食業寒冬要政府資助。偷呃拐騙做到咁盡，大家不要幫襯！…查看更多

銅鑼灣花園餐廳一向以服務垃圾見稱，所有侍應都係黑口黑面，專登呼喝客人，將食物粗暴拋到枱面，行過時專登踢客人張椅，以發洩佢地憤世嫉俗的情懷同埋對社會既不滿。昨晚到花園餐廳食飯，有一個無戴眼鏡、矮過153、著黑衫既「經理」侍應唔肯主動帶位。我地自己入去坐底後佢自己即刻著火，整晚十幾次專登抺枱，用手肘碰撞客人，務求令客人有「賓至如歸」的感覺。將食物大力拋落枱是基本，個兩個位已經好迫，仲要行過專登踢客人。銅鑼灣店所有侍應態度都係垃圾，西面對客是呢間鋪的標誌；侍應高高在上，自我感覺良好不再是社會失敗者，客人貼錢買難受！…查看更多

香港食野不嬲貴夾唔抵，呢間餐廳將香港人賺錢舔到盡既性格表露無遺！一碟意粉收貴$170-$200在cafe來講都偏貴，諗住有返咁上下，點知中伏！意粉真係無人兩啖食哂，只是用好creamy既汁吊味，帶子得兩小粒，魷魚得三小塊，兩碟意粉加埋一埋單$430幾！份量小都咁5分鐘食完走得，坐底至食完埋單不夠15分鐘，食物份量好少15分鐘時間非常鬆動！香港人做生意不嬲無質素無服務，餐廳座位有咁迫得咁迫，不時搭抬，收得咁既$200一碟價錢兩啖食哂，仲要用餐限時90分鐘賺到盡！但香港人早已習而為常，幾貴都俾…大家不要幫襯助長呢d舔到盡既垃圾餐廳！…查看更多

今日中午去食飯，有個戴眼鏡馬尾的肥女侍應態度非常惡劣，明明自己走過來落單，我想講食咩時就粗暴打斷我話未得住，咁佢走過來做咩？跟住我話想要青咖喱豬頸肉飯就大大聲話只可以配黃咖喱，明明就有青咖喱賣一勺上碟就係。佢係都話無都算，但態度奇差，佢講個d「唔該」、「唔好意思」全部言不由衷，根本係度寸緊個客。大家以後不要幫襯！好多師兄之前都話侍應態度差但食物正常，我實測過完全明白呢個事實。香港地生活迫人，但侍應點解要發洩係客人度，大家都係打份工，相煎何太急！…查看更多