MaggieMa1154的个人专页

一家四口吃晚飯，叫了八個餸，三個甜品，埋單差不多三千元，價錢雖然有點貴，但食物質素高，又夠精緻。蛇羹夠料，個湯底好正，不像出面蛇羹般杰撻撻。海蜇好好食，好爽，酸酸地好醒胃。雞肝好特別，有蜜瓜粒墊底，不過就細粒左少少。片皮鴨都不錯，不過d包皮唔夠，要加錢才可加份量。胡椒雞煲都不錯，d雞好滑。杏仁茶好滑，芝麻卷都唔錯。砵仔糕d豆好大粒，不過食落似椰汁馬豆糕的味道。服務態度不錯，職員有講有笑 ，主動幫客人掛衫，茶包淡了，又會主動換茶包。下次再有重要既家庭日子，會再去。…查看更多

環境不錯，夠寧靜，光猛乾淨，座位間不會太迫，可讓顧客好好享受一餐舒適午餐。餐廳設有房間，可供食客訂座，令客人更有私人度。食材十分新鮮，員工十分有禮貌，樂於向客人講解食物來源等。洗手間亦十分清潔，內裏設備十分齊全，如有漱口水等等，非常貼心。是日最欣賞食材是海胆，非常鮮甜。而蟹肉蒸蛋亦是值得一讚，鮮甜嫩滑。總括是日午餐，能讓顧客感到職員的態度不錯，食材非常新鮮，環境舒適，食客願意推介其他朋友光顧，而且自己亦會再次光顧。…查看更多

一行二人到此享受日式午餐，由廚師按每日新鮮運到食材而發板。環境方面十分舒適又寧靜，洗手間亦非常乾淨。員工服務及態度一流，亦樂於介紹每度食物的由來。食物非常新鮮，味道亦十分好。整體來說不錯，值得推介。…查看更多

今日一家四口去左食大閘蟹宴，飽到要托住個肚走😂仲要食淨好多野，要打包走，留返聽晚再食。頭盤有乳豬件同叉燒各兩件，乳豬真係次次食都咁脆，肥瘦適中，保持到水準。叉燒好厚，不過厚得黎係勁(淋)，真係估佢唔到。竹笙露筍味道不錯，冬菇鮑魚都幾大隻，糯米飯整得好好食。元貝蒸得熱辣辣，又大隻，蒸既時間岩岩好，唔會老。瑤柱蟹肉羹同蟹粉小籠包本人覺得偏咸，要改善一下。大閘蟹係全晚主角，每人兩公一乸，勁多膏，配埋花雕，值頭無得頂。可惜眼闊肚窄，要打包幾隻回家明晚食臨走前仲有細細粒，滑嘟嘟既湯丸，勁滿足。…查看更多

今日一家三口預祝老豆生日，阿媽話想試呢間潮州野，因為電視介紹過。我地三個人叫左三餸一湯。杏仁豬肺湯好香濃，一窩竟然有九小碗，每碗有兩舊豬肺，我數過共有十八舊豬肺，飲完食埋渣都飽飽地😅芝麻煎餅入面包住韮菜，細細片，唔太油膩，幾好食，呢個小食有驚喜喎。兩面黃煎麵煎得好靚，幾脆口，兩老非常鍾意食，但我本人麻麻地又酸又甜，所以淨係食淨麵，無撈糖，醋😅蝦蟹棗都幾足料。埋單共$483,本人覺得算係抵食。侍應服務態度幾好，有禮貌。我睇過佢地午市既餐牌，準備過幾日去食，到時睇下抵唔抵食，好唔好食。…查看更多

已經食左幾次，新裝修，環境不錯，夠光猛，感覺光鮮，疫情下係一個幾好既用膳地方，價錢亦不貴。呢幾次幫襯左好多款食物，乳豬好正，夠脆又不太肥。魚翅十分足料，燒鵝好好食，特別推介菠蘿咕嚕肉，用新鮮菠蘿原個上，正。蒸魚又夠滑，龍蝦用炸米粉墊底，夠特別，脆仆仆好好食。芒果布甸最正，食左幾個😝片皮鴨有待改善，因為片得較厚，老闆有問我地意見，話會改善，欣賞老闆願意接納意見，期待真的有改善。員工服務態度不錯，有禮貌。洗手間亦乾淨，會再繼續幫襯。…查看更多

食物不錯，夠大夠乾淨，真心講，咖喱雞翼一流，不過所謂既任飲，只係汽水機既汽水同果汁囉！仲以為係罐裝飲品添，有d取巧囉。萍果汁勁甜到爆，要溝水先得。估唔到都有少少熟食比大家食，呢一點抵讚。最慘係真係好焗，勁熱，真係乜心情都無，好心改善一下個通風啦！真係熱死人架。原本中秋好開心架，攪到燒一陣又要出門口吹下風，勁慘。如果要去，真係冬天先好去。門口有兩個姐姐負責安排入座，好鬼串，態度又差，又惡死，所以唔會再去。…查看更多

環境清靜，服務態度十分好，食物也不錯。當天有訂位，所以不用等。老闆知道我們有人生日，特別調出一杯飲料送給我們，味道不錯，最重要係我地感到老闆既心意。我們已不是第一次去光顧了，會繼續去飲野，聚會。…查看更多