大波仔的个人专页

平日去食晚餐叫5樣野食 黎3樣 另外2樣成粒中都未到催單都冇用催第一次話知道催第二次番黎話未整咁即係冇催啦？抑或催左都唔理？成班呀姐當見你唔到真係唔休做咁款明明睇post未搬前間餐廳好多好評咁差咁遠嘅啲質素間餐廳係咪轉左手，定係公司待遇太差所以員工都懶理已經唔係好高要求 最基本跟單出菜都做唔到個場已經唔爆架啦大家千其唔好好似我咁中伏 附近有大把選擇 咪鬼幫襯呢間餐廳一粒星都唔值…查看更多

食物同飲品不錯，星期日黎冇咩人坐得都舒服，整體都ok。但係有位員工令到我地唔係咁愉快。為朋友補祝生日，刻意事前打電話要求喺pancake碟上寫字，職員話ok，但最後今日pancake黎到係無字嘅。即時要求可否加番，話已經打過黎安排。隔左陣過黎問係要求加咩字，再叫佢自己check reocrd，心諗：我就係要俾朋友驚喜先事前打黎安排唔係當住面咁問呀？隔左陣搵到record了，但竟然再走黎問：happy birthday to 邊個救命....俾資料時就已經俾左寫咩名，你唔記得或miss左其實你都可以叫我行出黎confirm，或者你甚至直接寫happy birthday都可以，有冇蠢到咁問個客？仲要一句唔好意思都冇。…查看更多

book呢間餐廳其實一心想試佢個明太子蟹肉意粉，果然冇失望！蟹肉豐富，唔會好似有啲餐廳得少少唔夠喉。味道明太子濃郁，蟹肉清清地，幾特別。仲叫咗芝士黑松露薯條 （唔記得影相）估唔到份量好大，好似焗飯咁大嘅碟，好夠味，黑松露味好出，基本上未食只係叉起佢都已經飄出陣陣香味芝士條真係拉絲，好正！中意食芝士一定要試，不過要趁熱食，凍咗拉絲會冇咁明顯，total 有 6 條，建議有人share先叫，因為都會食得幾“漏”。叫咗杯羽衣甘藍牛油果芒果沙冰，第一啖覺得好草青味，但第2啖開始有芒果味，個人覺得唔算話好驚喜。即使唔叫野飲，佢地都會提供羽衣甘藍檸檬水，會refill的。兩個人食太約三百幾四百幾，好飽！環境都舒服，總扣黎講都推薦的！…查看更多