s2002015的个人专页

當日晚餐因為肚餓 想去搵啲唔洗食太耐等太耐嘅嘢 於是去咗呢一間餐廳品嘗吓 佢嘅米線好爽口好好食 唔會太淋 配菜嘅生菜都好食 而且我叫咗辣湯 佢唔算太辣 比較適合我呢一類唔太食得辣嘅人去試 係間不過不失嘅餐廳…查看更多

當日去咗食KFC 好耐無食過KFC嘅炸雞同佢嘅蘑菇飯 於是決定去食一食 點知我同朋友發現個一間嘅雙人餐用恒生卡係平一半以上 於是我哋就叫嗰個餐 100蚊都唔洗有一堆雞 2個飯加杯飲品 好抵食 炸雞不過不失 蘑菇飯仍然係熟悉嘅味道 總括嚟講都係舊時嘅味道 但係呢個2人餐係真係好抵…查看更多

今日一如既往去食卓蕾做早餐 今日叫咗碗雞扒米 雙反蛋 熱檸茶 佢嘅雞扒都係煎得好好食 唔太油 個皮幾脆 米粉都係一如既往咁好食 佢嘅蛋亦都唔會太燶 比較啱我嘅口味 不過佢已經無當年咁平 依家相對係比較貴 可能有時食其他都同佢差唔多 但係比佢便宜唔少…查看更多

今日經同事嘅推介 去咗呢一間餐廳到食lunch 一上到嚟已經好鍾意呢到嘅環境 好舒服 而且個張凳亦都非常好坐坐低後我叫咗碟蟹肉意粉 佢個意粉都係非常精致 而且比我想像中大碟得多 對我嚟講非常夠飽 而且佢唔只飽咁簡單 個意粉好爽口 唔會煮得太淋 而且個蟹汁非常好食 佢有蟹嘅鮮味加埋少少辣 非常特別而好食 兩者嘅味道好夾 食落好開胃 好少食到咁特別而好食嘅意粉 食完之後原來仲有甜品 有一件細細哋蛋糕 個蛋糕質素都非常之高 無諗過係灣仔食到間色香味俱全嘅西餐lunch 絕對值得再食…查看更多

今日好想試牛筋腩呢一類嘅美食 於是去到呢一間店品嘗一下 我叫咗蘿白牛腩飯 亦都加咗少少牛筋 上碟後佢嘅味道非常之唔錯 牛腩炆得幾淋 唔會太難咬 牛筋都係偏林 係我鍾意個類 而蘿白嚟講 唔會太苦 都係甜甜哋嘅 非常好食 而佢竟然有冬瓜茶就飲品 非常貼心 亦都幾好飲 總括嚟講 呢一間值得一試…查看更多

有一日lunch好想食拉麵 於是忍唔住又去台風拉麵食 台風拉麵永遠都係好多人係到排隊 但係一個人去食相對比較快排到我 我坐低咗見有個紅色風暴嘥山拉麵係辣辣哋嘅 由於我都好鍾意食辣 於是我二話不說就叫咗你碗試一試 上碟後 一如既往都係非常精致 味道嚟講 佢嘅麵質都係同之前一樣非常彈牙爽口 唔似其他店咁 而且份量好大好足 非常適合我嘅食量 佢嘅湯底係幾夠辣 配合佢嘅麵係非常之唔錯 最後值得一讚係佢嘅流心蛋 真係每一次都係咁好食 下次有時間會再試其他款…查看更多

之前一直有聽過熊仔曲奇嘅大名 但係之前一直都未試過佢 於是搵一日放假我就出發去尖沙咀買呢一罐餅 當日由於係閒日 唔算太多人去買 我買咗一罐四味奶油曲奇 買咗返去食嘅時候佢味道非常好 曲奇好鬆化 而且個咖啡曲奇味道都好香 非常好食 比起其他曲奇好食得多…查看更多

今日去開觀塘 想試吓台灣菜 打開openrice見到最高排名嘅就係呢一間台灣菜 於是就果斷嚟呢一邊試一試一踏入門口已經畀佢嘅裝修吸引 佢有好多唔同嘅台灣景點同埋台劇嘅畫佈置喺四周 令我有去到台灣嘅感覺 坐低後我叫咗一碗牛肉麵 一碗雞絲冷麵同埋一壺茶 上菜後 我覺得佢每樣嘢都上碟上得非常精致 味道方面 牛肉麵配料充足 味道都好唔錯 麵底幾爽口 唔會太淋 牛肉都好夠味 冷麵嚟講 個烏冬好彈牙 非常好食 最後壺茶都好好飲 好有茶香 淨係飲茶都飲咗好耐 總括嚟講呢一間係非常好嘅餐廳…查看更多

今日早餐想換吓口味 試吓呢一間茶餐廳 呢一間茶餐廳由於位置相對遠 我比較少去個邊食 去到坐低之後地方都算寬敞 亦有侍應招呼示意我坐低 我不加思索地叫咗一碗煎蛋火腿通 加一杯熱檸茶 佢嘅通粉幾好食 唔會太淋 一咬就散個種 湯底都夠味 煎蛋中規中矩 火腿都唔錯 最後個杯熱檸茶 佢唔會太澀 味道都幾好 都算係一個唔錯嘅早餐…查看更多

最近新嘅單車徑開咗 由上水可以隨單車徑踩去元朗 於是就試吓呢條新路 途經呢一間位於河上鄉嘅著名豆腐花店 當然要去一嘗其著名嘅豆腐花 當我買好呢碗豆腐花之後 我食落覺得佢真係好滑 唔似有啲坊間嘅豆腐花咁 而且佢豆味都算香 我唔需要落太多嘅糖已經有豆嘅香味 絕對係一碗好食嘅豆腐花 可惜係當日部自助售票機有問題 唔知點解㩒唔到凍同埋任食嘅飛 無奈地要食熱嘅 而且職員都幫唔到咩手 不過我覺得食物質素最為重要 呢一間店嘅豆腐花絕對值得各位單車友去品嘗…查看更多

Book左枱夜晚去食，一入到餐廳覺得環境都幾唔錯，野食方面整體而言都好唔錯，份量好大碟 牛扒我order咗5成熟，間餐廳佢煎得啱啱好，牛同魚都有配菠蘿，非常開胃👍🏻 除咗牛扒之外 我仲叫左雜菌意大利飯同帶子意粉，兩樣都好味，個汁幾好味而個飯同意粉都唔會太淋，大啡菇同魚柳就相對一般 想食薯條但驚叫多個burger 會食唔晒，於是我叫左個芝士薯條，點知份量超大份！最後都食唔晒 整體黎講唔錯，坐得舒服，服務都好…查看更多

今日夜晚決定去食日本嘢 之前朋友都有推介呢一間日本嘢食 所以難得有時間就去試 我同朋友坐低咗叫一啲壽司同埋一碗烏冬 我分別叫咗軟殼蟹手卷 三文魚 大甜蝦 赤貝 左口魚裙邊 之後再encore咗象拔蚌壽司 每樣嘢 除咗左口魚都好好食 三文魚好夠肥美 大甜蝦味道好好 口感唔差 赤貝同象拔蚌都好新鮮好好食 係右口魚裙邊差少少 但係總括嚟講都係非常高質 而且連個碗本身諗住醫肚嘅烏冬都好好食 佢烏冬都幾彈牙 同埋個湯底唔算太鹹 我覺得非常好 服務同環境都ok 絕對值得再試…查看更多

見到有好多評價所以去試下，但係比預期中差 lunch時間去，個西班牙海鮮飯係普通risotto, 味道都ok, 不過期望太高😓叫左個5成熟牛扒，明明都紅紅地，但係唔知點解好韌 跟餐杯檸水超苦，完全飲唔到 我諗未必會再嚟試…查看更多

有一日同朋友去食午餐 有朋友推薦咗呢一間西餐嘅cafe 本身睇佢門面唔算太吸引同特別 諗住一般般入到去見到佢個menu幾得意 竟然有得話佢幫你諗埋食咩咁搞嘢 於是我叫嗰個 廚房就煮咗一個類似日式叉燒嘅飯 加一隻流心蛋 叉燒非常好食 佢唔會係好「鞋」口感好好 肉質都唔錯 而且佢配埋個飯嘅sauce同埋隻流心蛋係好perfect嘅一個組合 非常好食 之後食飽梗係要叫番一杯嘢飲 當日就唔想飲咖啡 於是叫咗一杯朱古力 朱古力都夠濃夠味 但係個拉花相對無咖啡咁吸引 但係都算係唔錯嘅choice 希望有機會再食呢間…查看更多

大快活早餐一向我覺得喺快餐店嚟算高質 食嘅當日有啲掛住大快活個香辣肉碎麵 所以就去食咗一個早餐 個麵依舊都係好好食 辣得嚟講唔算太鹹 另外個煎雙蛋都幾正 個多士都唔太差 仲有靚雞扒 快餐店嚟講係非常之好嫁啦…查看更多