saitris的个人专页

今晚左我同屋企人其中一間最愛的餐廳。鱻屋企人叫左大魚頭米線，記得可以同姐姐講多米線同多芫茜蔥，我叫左最愛蕃茄肉碎米線加魚腩，多蔥。 等好快就有，好大碗大魚頭米線。真係成個大魚頭仲要係次次去都會好大個，好足料。個魚湯好清好新鮮魚味，完全冇味精，米線份量好多，好Q彈，一試難忘，可以成碗湯飲哂，天然魚湯，正！ 如果大家怕魚腥味，可以吃蕃茄肉碎米線，個蕃茄湯有清清地的蕃茄味，酸酸地好開胃，蕃茄同肉碎份量好多，仲有好多紹菜，好健康，加左魚腩，有4塊，魚腩好新鮮，大塊，肉質鮮甜，又係可以成個湯飲哂，完全冇味精，又非常健康的一間餐廳。大力推介！…查看更多

食完飯，媽咪想食明師傅「椰皇」。即叫即做，所以要等大概10分鐘。一開個椰青蓋，好香濃的椰奶味湧出來，個椰青仲暖暖地。裡面有西米同6粒芝麻湯圓。個糖水有淡而不太甜的椰子椰奶味，好滋潤。芝麻湯圓不過不失，應該唔係自己做。西米好淋，吸收哂椰奶味，入口滋味無窮。如果你有耐性仲可以用湯匙挖d椰青肉。總括來說，幾特別新穎的一道甜品，但味道其實一般。 …查看更多

今日去左公和吃地道下午茶,叫左個雜錦同一杯凍豆漿。 豆漿，好濃好香黃豆味，真材實料，好順滑，一點渣也沒有。煎釀雜錦有魚腐，煎釀豆腐同豆卜。豆卜有點兒炸過頭，吃不出豆味。煎釀豆腐煎得剛好，外 皮脆脆，內裡豆腐好滑好軟黃豆味好濃同塊魚肉吃，一流。重點推介煎魚腐，一定要配泰式辣醬吃，薄薄的魚腐，外面煎的焦焦的，好香脆，裡面魚肉味香濃唔會腥，好特別。平價下午茶只係$20。雖然環境污糟但食物味道一流。…查看更多

今日下午，媽咪提議這間泰國餐廳午餐，環境寬敞，座位舒適，星期日竟然都有午餐，好難得，仲好多選擇。叫左我最愛海南雞飯，配泰國花茶。每個waiter and waitress好有禮貌，值得一讚。好快上菜，好大碟，雞同飯份量好多。第一啖雞，不得了，好耐未食過咁嫩滑的海南雞，一點也不乾，雞味香濃，仲要冇骨，沾小小餐廳自己調的泰式酸辣醬，酸同辣度適中，完美。油飯也煮得剛剛好，軟硬適中，飯粒粒分明，同雞同醬一起吃，人間極品。實在沒有任何不足。 泰式花茶甜左小小，好似落神花味，建議加水入。大力推介，應該係近來吃過最好味的海南雞飯。…查看更多

今日同屋企人去葵芳金星食早餐，平時去開的椰林閣完來執左，所以今日試下金星。 叫左西式早餐，牛扒+蛋加腸加火腿。$33. 腸同火腿，極級咸，好耐未試過咁咸的腸仔。牛扒出奇地大塊，牛扒煎得剛剛好，唔會熟到過硬，咬唔開，又完全冇根。幾好味。 媽咪比埋佢碗炸菜肉絲米我。好大碗，炸菜同肉絲同米粉分量出奇地多，通常茶餐廳都放好小。湯淡左小小，米粉軟硬適中，加埋辣椒油幾好味。不過不失的早餐，只是不太衛生的環境同好迫。…查看更多

之前一路喉嚨痛，前幾日終於好番，今日終於比我食到一路都好想試的香芋批。 剛好等到新鮮出爐的一批，一攞上手熱辣辣。一咬，個批皮仍然好鬆脆，好香牛油味，d香芋多到快滿瀉，差點兒流出來，好濃郁我最愛的香芋味，香芋細細粒，軟綿綿，以為香芋一定好甜，但係原來甜度適中，唔會甜到馬上想飲水，實在大完美，太滋味的新創作。食完encore 多一個。…查看更多

南記粉麵成日聽日講南記好出名，春卷好好味，今日經過旺角見到專登尼食下。叫左個酸辣招牌河粉，唔明點解酸辣$34，清湯$25，差咁遠。 飲一啖湯，完全唔太酸同唔辣。成碗滿怖酸菜同芽菜。兩粒魚蛋，兩粒牛丸，一條春卷。河粉分量好小，但係好滑。魚蛋同牛丸十分彈牙爽口，魚蛋冇魚腥味，但略嫌太細粒。最後重頭戲，春卷。一咬，好硬，只係有魚蛋味，完全冇咩特別，有小小失望。整體來說，食物普普通通，但係平，同埋員工服務態度有待加強，冇咩禮貌。可能下次試下第二間南記…查看更多

博多達人尋晚朋友介紹去佐敦拉麵達人，行到去，繁忙的香港街道上竟然會有一間小型日式裝潢鋪頭，好特別。餐廳內只有大概10個位，全日式裝修，和式風味。之後點左個博多達人，麵的軟硬度可以自己選擇，幾貼心。 首先飲一啖湯，好濃郁，好香的豬骨湯底，好多膠原蛋白。所有食物放得好美觀，蔥可以多番小小。兩塊叉燒同一大條蟹肉。麵分量好多，質感非常好，微硬，配埋豬骨湯一起吃，滋味無窮。叉燒肉與剛好，唔會太硬，脂肪同肉比例適中，蟹肉冇咩特別。唯一缺點，湯于不太熱。可以再encore 的香港小店。…查看更多

今日下午同媽咪經過深水埗，帶左佢尼lee間一直聽聞好出名，一路好想帶佢地尼試的維記咖啡粉麵的馳名豬潤麵。 我地點左兩個潤牛米。等左一分鐘就送尼，好大碗，米粉同豬潤牛肉的分量好多。飲一啖個湯，個湯好香好清甜，淡淡的豬潤味，湯入面加左小小薑粒，令個湯完全冇腥味同更加暖胃。米粉軟硬度適中，豬潤同牛肉都好大塊， 豬潤好爽滑，一d都唔腥，牛肉好淋。大力推介！…查看更多

今日中午，朋友提議去試金谷，因為成日都見到好多人起買外賣。一入去，馬上有位，地方幾迫同污糟。午餐$36 有 6 款，連熱飲同湯。 點左個葡國雞飯。 等左都要幾分鐘， 一尼，碟飯實在不太美觀，好黃。第一啖，d 飯可能太多水太黏，過淋，有小小變左糊仔。d葡國汁，有小小過淡，冇咩味，雞都係滑，薯仔夠淋。但味道普普通通，同不太熱。等左好耐先送個湯，西洋菜湯，好足料，個湯冇味精，淡淡地的西洋菜味，比起個飯出式。但係個環境太唔乾淨，應該唔會再尼。…查看更多

一個人係星期五晚食飯，真係好難搵位。 Mos burger 係不錯之選。叫左個最普通的mos burger,加左個chicken nugget. 叫完去搵位，會有專為人攞個餐俾你，好貼心的服務，個個員工都好有禮貌，值得加分。 等左5分鐘就送尼，個包新鮮熱辣,香噴噴,一定即叫即整。料好多，塞到滿潟。牛肉滿有香濃肉汁，好juicy.生菜同蕃茄好新鮮爽脆,蕃茄汁酸甜度適中。唯一缺點，洋蔥仍然好生好辣，有小小蓋過全個包的味。炸雞塊有小小炸過火，雞肉乾左小小。但總括很美味，有小小貴的日式漢堡包，會再encore.…查看更多

今晚下雨天，去左樓下大家樂食晚餐，兩入去。好多人，排哂隊，可能落雨大家都想去近d。好多野都話冇哂，售馨。最後叫左個魚柳炒西蘭花配中湯。 等左大概10分鐘先攞得，本人對個餸有小小油同好有光擇有小小抗拒。這個都還可以。個飯好似煮得唔夠耐，硬左小小，但都好大碗。西蘭花很碧綠，好新鮮，好爽口。魚柳都有好多塊，煮得剛剛好，食落去好有魚的質感，軟硬都適中，如果可以冇咁油就更好。個燉湯好大驚喜，豬骨蘋果湯。雖然細碗，但好多料，有大大舊豬骨，仲有好多肉連住。個湯唔太油，好清甜，好香的淡淡的蘋果味，完全唔覺有加味精。雖然人多同好嘈，但係食物質素還算中等。…查看更多

今晚做完gym,突然好想食個雞蛋仔。記得次次經過龍津都好多人買。今晚排隊的人不多，1，2個。買左一底雞蛋仔$10。 完全不用等。一攞上手，仲係微暖。其實本人不太喜歡新鮮熱辣，即叫即整，過熱剛剛整好的雞蛋仔，通常比較淋。反而暖暖地仲鬆脆好味。這個雞蛋仔，暖暖的，好鬆脆，完全符合我口味，同埋分量多。但我覺得蛋味比較淡，同埋唔會太甜。有小小失手。但係以$10這個價，不過不失。…查看更多

今晚行下行下突然有小小肚餓，但仲有1個鐘就食晚餐，想食小小野。行過金魚街，咁多人排隊，之後又以香港人心態去排下。 $10一碗魚蛋燒賣，都裝滿大半碗，好抵。熱辣辣同好香噴噴，我一買左馬上吃兩粒魚蛋，爭小小忘記影相。魚蛋叫左辣，一咬，，雖然比較細粒，但實在太彈牙，唔會太辣，辣味不會搶左魚蛋的魚肉味，好吃。可能吃了比較濃味的魚，食一粒燒賣比平時的街邊燒賣淡味同較軟，比魚蛋失威。如果想試香港特色小食，阿媽豆腐花是不錯的選擇，美味！…查看更多

本人好鐘意食海南雞飯。之前食過數次其他分店泰國人海南雞都幾好。這裡環境擠迫，要搭枱，叫左一個海南雞飯，冇野飲都要$58，比出面貴。 都要等大概5分鐘先上菜，一攞尼，點解咁小雞！個飯碗好大，分量小。飲左啖湯先，個湯好油，但係不太濃，清清地，加埋小小元茜蔥，幾香口，幾好味，但係個瓜有有怪味。到主菜，海南雞，食左一舊，個雞好乾，比較硬，食完好多塞哂係牙逢，同埋分量對一個男人實在太小。到個油飯，煮得幾出色，軟硬度剛剛好，幾香，配埋個海南雞醬，酸酸辣辣，好開胃，好配合。總結，對食物有小小失望，這個價錢，下次可以去返茶餐廳食，但個醬做得幾好。…查看更多