MIT2014的个人专页

早前睇social media 吹捧呢間烏冬食店，就記住搵日要試，遇啱雙子匯做藏傳佛教嘅唐卡展覽，咁就啱啦睇展+食烏冬！知道烏冬店冇得book位，又驚好多人要等好耐，於是未到6:00已到（當日係星期六），去到門口見有幾個人排隊，但望入店有40%吉枱，心諗好快有得入，點知等咗一陣店員都冇意欲叫人入座，後來店員出黎話因為廚房唔夠人出唔切食物所以限人數入座，心諗都可以俾人入去飲住茶等呀？再等多陣有排緊隊嘅人唔耐煩走咗，原本我都諗住轉第二度食，等行開咗嘅朋友返黎問吓意見轉邊度，點知呢個時候就有得入。最想試嘅冰鎮闊條烏冬賣晒，咁就叫咗冰湯蔬菜蕎麥麵（冇味）、明太子奶油烏冬配炸蝦天婦羅（個醬係好味嘅烏冬就唔覺好食）、檸檬冰湯自家制冷烏冬（一般），整體覺得麻麻哋，唔值百幾蚊碗，試一次就算！…查看更多

因為經常食的關係，大概7月中發現menu唔同咗，先知轉咗手，其實食物係ok，價錢亦合理，但衛生環境差咗！試過開門第一個入去，見到枱面同地下都有食物碎，仲有可能係前一晚開生日會嘅物資仲喺度冇執過，即係關舖前冇清潔？我會幻想到夜晚好多“小動物”黎開大食會！仲有餐具係自助取，發現唔只1次係有跡嘅！好彩我有帶食品級消毒濕紙巾抹乾淨晒，否則唔敢用！同埋d餐具可能無遮無掩就咁放喺度全晚。其實咁樣好難說服我你個廚房會保持整潔！…查看更多

1家大細星期日12:30去到，因為第一輪12:00入座，要等第一輪客人食完，所以等咗大約1個鐘。呢度都有麻麻哋嘅食評，所以不敢抱太大期望，亦驚自己有fans濾鏡，但食完覺得整體好味！連老公同食嘢麻煩嘅小朋友都話好味！證明我冇濾鏡😂上菜速度都快，食物溫度剛好，將來對出地盤完工環境應該會更舒適！…查看更多

回返帶，我一家三口聖誕節去食晚餐，本身係book 1月中的，後來餐廳職員打俾我話要改期，提前都可以，連聖誕日子都得！仲因為要我改日子而俾9折我哋！book過嘅人都知呢間餐廳好跨張，要喺接受booking嘅日子book下一兩個月嘅位，聽到有聖誕節期仲有9折就訂25/12啦！早到10分鐘左右，門口已排隊，因為分時段所以個個都係同一時間入場，小朋友收$70清潔費，大人點餐便可。坐低後想確認我哋係咪有9折所以問職員，回覆係佢唔清楚要埋單先知，咁我再問另一個可唔可以幫我check吓，佢話check但最終都係不了了之，算！埋單時睇清楚有冇啦！好彩係有嘅！嘢食方面，order完好快就到，不過由湯至主菜至飲品都只係微暖，味道一般。當晚2個餐加埋1小朋友清潔費9折咗$6xx。玩方面，小朋友尚算開心，不過玩嘅地方冇想像中大，只有一個波波池加滑梯，另一邊有d煮飯仔之類。收我呢個價錢，玩，我寧願去冒險樂園；食，絕對唔值！所以真心唔推介！唔明點解咁多人排，係咪宣傳策略？…查看更多

睇宣傳單張嘅相好吸引，好大盤咁，價錢ok，所以有晚就同朋友試，朋友話買返屋企食，咁就外賣啦！買時問過店員一盤幾多人份量，佢話3至4人，咁夠晒我哋4個人食，因為其中2個朋友唔太肚餓，諗住就算3人份量都夠啦！買到返去一打開，個個O嘴！！！同宣傳相片出入好大！！！貨不對版！！！而且2人都唔夠食啦！至於味道，我哋選咗蒜蓉牛油汁，不外如是！完全唔值呢個價錢！完全冇誠意嘅1間新開店舖！想支持一吓小店都難！…查看更多