pickyeater1234的个人专页

疫情冇得出街叫屋企人買個蛋糕返嚟佢經過呢間店舖，話低糖，買左半個試因為佢menu有得揀半個或者全個點知返到嚟包裝係咁嘅樣：屋企有小朋友真係完全唔敢比佢食🥲你話平時都唔緊要但依家疫情咁樣包裝比客人好無奈連上面蓋一蓋塊膜都冇或者入面加多個透明袋都好呀，好似麵包店裝麵包咁見到呢個包裝真係嚇死人屋企人喺旺角攞返嚟成個鐘，鋪曬塵點食呀！？如果真係冇包裝盒其實好心唔好provide半個選擇惡劣最後完全冇食掉左冇辦法比到食評咁嘅衛生真係唔知廚房衛生係點嘅樣…查看更多

尖沙咀新開日式餐廳 🌞廚師發辦 omakase入到餐廳，安排bar檯廚師就喺你面前即整👨🏾‍🍳三個set選擇，價錢由$800-$1500不等💸廚師一開始問我地有咩唔食，我地只係講「冇特別」大部分食材都係由一個盒入面取出來切，感覺都好乾淨🍀但係我地座位前面就係水位，遠少少見到個垃圾桶，每次想影靚啲相都難就位，個垃圾桶係咁入鏡，呢度有啲扣分前菜有三味，螢光魷魚用熟食製法，但同普通魷魚唔太有分別當有需要打卡環節，廚師都會主動叫我準備好相機，都幾貼心😂有好多打卡gimmick位，但味道不太追得上外表大部分🍣都係🐟類，每一次廚師都會介紹係咩🐟整得好快，一碟食完，好快另一碟就上⚡️特別要提一提隻蠔，好脆好新鮮好大隻鍾意蠔有口感嘅你必定喜歡！💕呢隻係好多小白蝦組成嘅壽司，平時我地喺日本餐廳食到嘅小白蝦都係炸/脆的，呢個係剝好曬殼整成嘅壽司，好特別😯味道嘅話，甜蝦更得我心，因為小白蝦生食唔太有蝦味🤯正確嚟講，感覺浪費了食材熱食方面不過不失，感覺調味方面可以更多層次😅好幾款味道都好似，食到味道有啲麻木🥲食材好新鮮，overall都還可以，最後以甜品結束呢一餐雖然都聽到好多人話性價比高，叫左兩個set，覺得稍微貴，埋單$3xxx，好飽，但冇特別覺得impress嘅地方…查看更多

好耐冇光襯 鹿角巷之前啲人話佢係藍我都唔敢再飲後來同事話佢其實黃到不得了睇返佢地ig先發現自己都變成嗰啲唔FC就亂攻擊嘅人佢地6月9日出過post支持第一次大遊行當時應該未有黃圈唔似因為黃圈而黃（真係好反感呢啲而且網上都好似好多人幫佢地出聲其實依家講黃藍都無謂只係多一個朋友少一個敵人最緊要係埋支持香港人 有冇良知仔細look左look佢地ig似係自己人決定再試下佢地嘅飲品飲品同以前唔同左好多多左好多特別種類但奶茶嗰啲少左問店員點解佢話menu根據客人口味大執過不過舊客如果想飲舊飲品都可以照order 超搞笑以前好多人飲佢地黑糖鮮奶我飲過就普普通通啦都唔係鮮奶嘅朋友所以就唸著試其他同事話佢地新飲品好好飲脆奶？酸奶？好似係呢兩款其實酸奶我都有興趣不過「脆奶」呢個名真係好特別出面好似冇點聽過於是就決定試下佢地杯tiramisu脆奶話呢個系列同韓劇The King 合作我冇睇The King 所以唔知飲品外表一如以往好靚店員話係咖啡特調我飲落覺得咖啡味唔太濃而上面層tiramisu奶蓋真係好味到不得了呢杯飲品係可以用匙羹筆嚟食好食好飲 唔錯唔錯飲完就明白點解佢地叫脆奶同事叫左杯「橙橙鹿鹿」唔記得係埋呢個名😂佢例牌叫呢杯佢話入面好多橙粒好正我以為係果粒橙咁佢話唔係有百香果有橙有茶咁店員話茶底係白桃烏龍茶所以會清新啲:)總結，可以encore！…查看更多

其實光襯過呢間餐廳好多次，一直都好欣賞佢地嘅服務態度&食物。好多時都係凌晨嚟光襯，佢地嘅瀨尿蝦真係大大隻好好味！番茄炒蛋都好好味！每次必點！我最欣賞嘅係佢地就算凌晨嚟食嘢，服務態度都好好。有時仲會送糖水&水果！不過唔好嘅地方就係，有時客人食煙，我地出聲，佢地都會繼續食。員工都會出聲，但冇乜用。…查看更多

呢間台式飲品店出名珍珠&鹿丸，因為太出名，前幾次嚟都賣曬好多飲品。而缺貨多日嘅小確幸，今日終於有貨啦！而且唔會好似之前咁好多人，店員製作飲品速度好快，我排隊比錢去到攞到飲品只係10分鐘之內嘅事好清楚睇到有好多嘅芋泥、紅豆&珍珠店員叫我要搖勻攪勻先好飲。搖勻之後好明顯見到有好多料喺底呢杯野飲不設更改甜度，因為甜味都係嚟自本身嘅芋泥好健康咁，真係不愧係我最近最愛入口啖啖紅豆肉，仲飲到好細粒嘅芋頭，同綠奶茶底相配合，好正！珍珠好QQ，有少少甜味！飲完好滿足，真係我嘅小確幸店員同我講本來缺貨嘅呢幾日會逐漸回覆供應，大家唔好錯過啦！…查看更多

近排呢間鹿頭飲品舖真係超紅，一開始覺得有啲吹捧，試完估唔到愛上了🦌 真係有別於一般台式飲品店！食完飯，落住毛毛雨，見唔係好多人排隊就同朋友去買杯嚟飲下。叫店員推薦幾款清新啲嘅飲品比我，夜晚唔想飲茶訓唔著，個女店員好詳細咁介紹我飲青檸番石榴、檸檬蜜香蘆薈&初戀蘋果比我，我揀咗檸檬蜜香蘆薈。朋友就揀咗抹茶鮮奶。等咗5分鐘就有得飲啦！由於價錢唔算好貴（尖沙咀飲支水都貴過人），一開始都唔係抱好大期望，點知真係一飲愛上了 酸酸甜甜，仲有啲大大粒蘆薈咬下。個檸檬真係好高質，台灣啲青檸真係冇得彈！朋友話抹茶鮮奶味道同Starbucks差唔多，但濃郁好多。鮮奶據說係用日本明治奶，真材實料，價錢平過starbucks！只係$24，萬萬沒想到！我地喺窗外面望入去，見到啲員工用支掃磨抹茶粉，唔講以為佢地係日本飲品店。店舖設計好靚，飲品又整得好靚，等嘅期間見到好多人飲鹿丸，下面黑色珍珠，上面白色，店員都有推薦我，但我唸著鮮奶會太飽，所以冇叫。見到啲人飲完個表情都好驚喜，仲有啲外國人不停話「so good!awesome!」，真係見到好想試 下次！抵佢日日咁多人排！…查看更多

兩個月前黎過一次，一個字：服務超差！本來打算唔會再黎第二次，但因為其他餐廳都要等位，今次抱住會有改善既機會，於是決定食第二次。點知，又係惡魔既開始⋯ （賣相太差，冇影相，不過真經驗，真差）一入去，唔洗等位，好開心坐低左，但係完全冇人理會，茶又冇，menu又冇，要叫佢地先比。跟著叫左兩個定食加一條秋刀魚，雞排定食同秋刀魚話「即叫即燒」，需要15-20分鐘，心唸都可以等，於是照落單。一等就係半個鐘，完全冇任何野食，期間隔離幾檯都有人投訴野食好慢。呢個時候，突然擺低一碟野食，仲好開心以為終於有野食，點知，係一碟壽司。我地就講返唔係我地架啦，佢地好亂咁搵係邊個order既。之後黎左三四碟唔係我地order既野食，真心無奈。:(問d staff點解咁耐，第一個唔應，於是問第二個，話：「好，幫你追追。」但之後見住佢繼續serve其他客人，完全冇真正去追。頂唔順話要走人，先有人大大聲話追下。再等多20分鐘，都係冇任何野食。頂唔順都要走人，佢地又話：「好快好快！」由於都等左咁耐，都係照等。終於黎到啦，第一個，豚肉定食，食落都唔差，不過一路都好擔心另外兩個餐話要即燒，唔知會唔會等更耐。點知食左10分鐘，都黎到啦，話係「即叫即燒」，好期待，點知，超唔新鮮，超難食！半碟都冇食，就唔要啦跟定食個湯，都超難飲！好似係即沖d粉。另外「即叫即燒」既秋刀魚，哇，腥！唔明點解一間日本餐廳食物質素可以咁差。真係想轉場再食，於是未食完就叫埋單。心唸，都會繼續等架啦。果然，等了10分鐘，再問佢地，有個職員話：「好呀，已經叫左。」但眼見負責埋單既職員就係不停同d客人吹水，一時時又接下d外賣單，已經負責唔到咁多客人，都仲要接外賣。之後再問另一個職員，佢竟然叫我地行出去埋單，等左咁耐，叫我地排隊出去埋真係冇唸過貼錢買難受！超差超伏！上一次黎食生蠔，都已經不停落錯單，而且等超耐，點知再一次黎都係咁。太嬲頂唔順要開ac分享經歷。…查看更多