TayaTKY的个人专页

話說呢碟野叫燒味拼盤，當我地問員工拼盤有啲咩嗰陣，佢地就話乜都有啲，但無要加錢嘅燒鵝嗰啲😮‍💨咁食開燒味嘅，都大概知燒味有叉燒、燒鴨、切雞，燒肉、油雞之類～店員既然話乜都有啲，咁我熱以為乜都有，可能份量少啲咁姐，咪即管試吓囉～叫之前已經問過夠唔夠兩個人（一男一女）食，店員話夠🤷🏻‍♀️點知一上到枱，淨係得3樣：燒鴨、燒肉同叉燒🙂個份量就係得圖中咁多🤷🏻‍♀️份量唔夠都不特止，連種類都係得3款，咁點解我唔叫兩個四寶飯？起碼有隻咸蛋同菜，仲要平啲😓雖然走嗰陣大家都好有禮貌地講晒再見咁，但呢間食完真係唔會返轉頭了👎🏻…查看更多

話說呢兩日突然好想食串燒，今日見有時間，是但搵間喺荃灣嘅串燒店，咁就發現左呢間入到去，裝修簡單得黎幾靚，啲酒樽放晒出黎真係好吸引🤩佢仲有個2小時野飲放題，可惜今次得自己一個，下次約埋朋友黎飲就perfect喇🤪今次叫左燒茄子，好好食，基本上可以輕易將皮肉分開，再卷埋啲蒜蓉同醬料🥹一流！黎到串燒舖，最想食梗係串燒啦🥹但因為得自己一個，唯有食左啲最想食嘅先今次叫左金菇肥牛、牛舌芯同雞腎，全部都揀晒香辣，又幾惹味🤤不過唔知個雞腎上面係啲咩粉，食落鹹左少少🫡最後就係佢個酸辣粉淨餸（好似有另一個名🤔好出色🥹因為唔知呢間舖對辣度嘅定義，輕輕揀左個bb辣，下次再黎再試吓小辣先😎佢個湯底同啲料都好好食，平時好驚食到啲好油嘅辣湯，但呢個唔會得黎，個湯仲好好飲🤤（雖然唔建議咁做🤪後面係杯巨峰提子梳打😳我無諗過真係會串3粒巨峰提子喺度！好飲之餘仲有提子食🥳我宣佈😎暫時荃灣我最愛嘅串燒舖係呢一間！大推俾大家👍🏻👍🏻…查看更多

話說同朋友好耐無見，佢就喺Openrice見到呢間餐廳好多好評，見大家都話係無限時嘅望海cafe，咁就即管一試啦，點知…🥲首先入到餐廳，喺窗邊嘅二人位入座之後就用Qrcode自助落單，選擇都算多嘅，有飯、意粉、薯菜、burger等等。見佢推介個慢煮豬扒，咁就試吓啦，再搭個薯菜同凍蜜桃冰茶。朋友就叫左個蔥油豬扒意粉，再跟個熱檸茶。啲野食上到枱，個樣都幾靚靚仔仔正正常常嘅。切開個慢煮豬扒，的確無平時食嗰啲咁un，但食落都無乜特別，不過愈食愈肥膩，加埋個醬都唔係好食得落😓沖蜜桃冰茶個醬好似溶唔到咁🫠一唔攪就完全無甜味朋友個意粉就中規中矩，塊豬扒雖然un過慢煮嗰個，但無咁肥膩🥲綜合黎講，野食係預料之內嘅樓上cafe質素，唔好有期望會好啲😃最後重點黎喇‼️佢啲水係自己斟嘅，啲杯就咁放喺度，下面墊左張紙，但張紙污糟晒都無人換🤮不過啲玻璃杯睇落乾淨我當無事照用但張枱是但抹呢樣野真係唔得！事關我著左件白色薄外套，對手啷喺枱度切野，點知😥結果…自己睇😢👇🏻見到件衫變左咁，即刻摸吓張枱😓一上手就摸到痴笠笠，再見到個staff 執隔離枱嗰陣係是但抹，已經知瀨野總結！無下次！唔推介！😓…查看更多

獨自途經佐敦，唔想形單影隻去食煲仔飯，偶然見到有間車仔麵，就你啦～～菜單整齊企理，係一目了然嘅～十蚊一款麵底或者餸菜，就算想食筋腩都只不過係12蚊，價錢係同區黎講並唔會貴左而且選擇好多，心思思乜都想食，左揀右揀之下 最後都係揀左鍾意嘅雲吞、菜餃同雞翼，再搭個健康（偽）嘅米粉麵到喇～～就咁睇落好似平平無奇，但食落無味精、唔會確喉，呢樣抵讚另外，出街食雲吞，最驚啲皮煮到熔熔爛爛，好彩呢間無出現咁嘅情況，又係一個抵讚嘅地方最後影低左個開放式廚房出街食飯見到人地個廚房企企理理，食野都會安心啲。睇到啲野食一格格分類放好，又即刻加左分🤣🤣睇黎呢間以後可以再戰🤘🏻🤘🏻…查看更多