ScarlettLee8619的个人专页

服務態度非常差！帶位阿姐有枱都唔俾坐，一定要你搭枱，又唔係繁忙時間，又冇人等位！入座後，啲人又十問九唔應，永遠只有一句“等等”！見到啲阿伯就勁好態度，爭啲唔知自己去咗邊！已經black list！…查看更多

銅鑼灣大澳德發奄仔蟹放題聽人講咗好耐，家姐鍾意食蟹，所以提前book 檯同佢食，本身係分2個時段（6-8/8-10），因為今晚有檯，所以可以提前入座，我哋6點8去到就可以坐低食喇。$398/位，奄仔蟹任食，每人送一隻鮑魚加一隻生蠔，仲有跟人頭送小菜加一杯嘢飲，可以加$28升級任飲，我哋就冇喇，一直顧住食蟹。環境幾闊落，坐得好舒服，好似有3層，幾大嘅。我哋2個人一共食咗21隻，啲蟹好多膏，總體嚟講幾正嘅，有下次！…查看更多

哩期上水開咗好多新店，八番麵工房都係其中一間，人流唔算太多，等15分鐘左右有位。我試咗帆立貝拉麵（唔記得全名），味道麻麻，d麵好少，如果冇記錯係$98，唔覺得值哩個價！燒雞肝都ok，不過燒噥咗！…查看更多

第一次食哩間，估唔到一碟仔牛肉要$408，仲要係一半都有醃料嘅，大家都明白醃料代表乜嘢；個人參雞湯又冇味，真係唔抵，某個員工態度又差，總之一句講哂，唔會有下次。…查看更多

同朋友食完雞煲，經過見到哩間糖水就入黎一試！哩間係全部用一次性碗筷，大大減少咗疫情期間細菌交叉感染嘅可能！我見核桃糊係最出名，嗌咗一個後發現好失望，因為d核桃好明顯擺咗好耐，好大陣油溢味！反而有驚喜係芒果腸粉，雖然話係腸粉，其實係芒果加椰汁皮，哩個好好食！下次會再食芒果腸粉！…查看更多

朋友想食雞煲，因為佢女女有100cm，又唔係點食嘢嘅人，所以我地揀咗哩間單點雞煲火鍋店。我地2個人嗌咗辣酒煮花螺雞煲，花螺幾好食。鋪頭做緊小食及配料半價優惠！提醒大家，最後煮蔬菜嗰陣記得叫服務員換湯底，我地就係唔記得，d菜又吸油，辣到食唔落！by the way，服務員唔主動提供開水，要叫幾次先黎，哩樣嘢有待改進！…查看更多

之前一直食開B仔，經朋友介紹，特意前來一試，我哋係夜晚過黎嘅，不得不說洪水橋的夜晚真的好安靜，除咗哩間糖水鋪！我同朋友嗌咗2個糖水share，發現d碗都幾大份，到最後我地仲有打包糖水拎走，但打包就少咗好多！所以哩間係堂食抵，B仔係打包抵！…查看更多

終於試咗三多嘅炸髀，真係幾脆下，唔怪得咁多人話好，不枉我專程從上水黎試！鹵水雞髀就麻麻，唔係好出色！椰汁紫米露就好甜，好似加咗煉奶，椰汁味好淡！炸雜錦拼盤嘅咖哩角好食！…查看更多

每日經過都好多人排隊，夜晚8點前最後入席，之前2晚都攞唔到飛，今日放假專程過去試一試，我地下午3點左右到，等咗1個鐘左右到我地。D牛好一般，仲要勁多醃料，大家都知多醃料意味乜嘢，嗌咗2個餐，都係200g，份量好少，得嗰幾片，埋單＄246，自己唔會去第二次。…查看更多

成日經過都冇時間試，今日專程過嚟試。入門已經俾老板娘嘅態度嚇親，好好態度，員工都好好服務，我哋6點半入座，週末係$188加一，任食2個鐘，8點前離座就$168加一。兩個人係半隻雞，如果散叫係$128半集，$258一隻，如果兩個人散叫更抵。招牌雞煲好好味，其他菜式都ok，唯獨響鈴都要加錢就唔係咁好，會有下次。…查看更多

雖然好多人話大喜屋差咗，但試過多間放題後仍然覺得大喜屋性價比最高。我同朋友約咗中午12點，11點50分到達發現門口大排長龍，好多人等入座，長者有折！三文魚算厚切，幾好味！咖哩炒蟹都蟹粥都好正！下次會再嚟！…查看更多

朋友約吃飯，指定屯門，經openrice搵到但馬屋。我地3人，揀咗晚市$269嘅。佢地係一人一鍋，最出名嘅湯底好似係美肌鍋，食落冇咩特別，d牛可以，但選擇非常少，有得揀唔會再揀。…查看更多

第一次嘗試漢和…服務態度幾好，朋友未到都俾我入座先，晚市只要冇人等位可以一直食，佢地9點半會收曬d食物！除咗燒烤仲有各款小吃，例如炸物、豆腐花、碗仔翅、人參雞湯；三文魚唔錯，冇想像中難食！總體來講對得住佢嘅價錢，但唔會再試。…查看更多

胡社生行有2間放題：一間係御滿屋（1樓），一間係吉壽（5樓）。上禮拜試咗1樓，今日嚟試5樓，我哋嚟睇下有咩唔同啦～～环境：御满屋的座位不够吉寿舒服食物：本人幾乎點了相同的食物…總體來講吉壽的刺身比御滿屋好，其它食物都是御滿屋更好…尤其是雪糕（御滿屋是一杯hagendazs/movenpick），另外吉壽有凍海鮮（青口、蝦、蜆），由於本人冇食凍海鮮，故不置評。服務：兩間的服務都幾好，吉壽的侍應哥哥見我一個人仲會告訴我出咗d乜嘢……查看更多

有一日突然想食臭豆腐~網上見到有人介紹哩間~今日專程前往一試~本人試咗臭豆腐、生腸、炸大腸、兩溝（碗仔翅溝生菜魚肉），其中炸大腸最難食（得陣咸臭味，又唔脆，想食炸大腸都係要去多寶），生腸有肥姐水準，兩溝都可以，總體來講可以一試臭豆腐.…查看更多