foodloversammy的个人专页

冬天點都要打一次邊爐，成班朋友傾計聚聚，就黎左呢間係銅鑼灣的麻神!入到黎睇左陣Menu，服務生竟然同我地講7:30前賣單有25% discount~真係估唔到咁岩撞正有折.....好似好抵!呢度環境唔錯，一台台有屏風擋擋咁，可以慢慢食慢慢傾!我地要左個鴛鴦鍋，有辣有唔辣，迎合大家口味，我自己就食左麻辣個邊，個麻味好重好濃好香，辣味適中可接受!我地都叫左唔少野食，呢個新鮮肉眼根，肉味濃，口感細膩又爽口，好少食到，正~呢個牛頸脊又係大推，牛味好重，肉質豐腴，質感有彈性，香滑啖啖肉!果凍鴨血，好特別，勁少有，真係似果凍，好滑，入口即化無腥味，口感特別豐富。台灣蜂巢冰豆腐，睇個樣好似好鞋咁HAHA，但睇佢表面有一層層好似蜂巢咁，一個個細孔索哂D汁，入口係全部汁好好味~另外仲叫左蔬菜、響鈴、蝦丸、油條、蛋餃，超豐富嘅一餐，而且食完都覺得呢度食物新鮮，湯底又好味!加上食物款式好多可以揀，打邊爐呢度真係唔錯!…查看更多

外國朋友來港暢玩幾天，我就提議帶他到淺水灣走走，感受香港購物天堂以外的另一面，到了晚上，當然由我作客請他享一頓晚餐，他聽說不少在香港經營的日式餐廳都很有水準，很羨慕我們香港人有口福，我說不用羨慕，今晚我就帶你試試看！之前也聽同事說過這家日燒餐廳很不錯，那就讓這位外國朋友嘗嘗香港的東瀛滋味吧！先點了一客北海道海膽壽司，$138，北海道的馬糞海膽有多出名實在不用多說……開頭都驚外國朋友食唔慣海膽的味，好在對方舉起拇指讚好，事實上海膽肉厚肥大，幾乎擠滿軍艦，口感Creamy結實，最重要還是，夠新鮮！因為這裡主打用備長炭BBQ，所以問了朋友意見後，就點了燒羊架share，$128。據說用備長炭燒的燒物，更能鎖住食物的原汁原味，果然如此，香脆可口，味濃，鬆化，肉細嫩而多汁，我們都吃得相當滿足。由於本人是海膽迷，一件海膽壽司又怎能滿足到我呢？所以就再來一客海膽三文魚籽意粉，$208，沒想過海膽和三文魚籽mix意粉會是怎樣的效果，想不同卻竟然夾得來，我覺得那個汁是幫助不少，起了中和作用，見到魚籽大大粒的舖滿整碟意粉，完全覺得是值回票價。外國朋友始終洗不去”西方底”，原本說要嘗日本菜的，見到這個意粉就馬上轉軚，真搞笑！這道($228)我也試了幾口，西班牙紅蝦出名蟹肉鮮甜，蝦膏香濃，唔怪得之有人話佢係世界上最好食嘅蝦啦！意大利闊條麵盡吸精華，非常索味，口感彈牙。除了食物，還要讚一讚這裡的環境和氣氛，真的很適合聊天談心，帶外國朋友來一定不會失禮。…查看更多

年頭同屋企人去咗西班牙旅行，暢遊巴塞隆那、薩拉戈莎、馬德里、哥多華、格拉那達、太陽海岸、塞維爾等地，一家人都玩得非常開心寫意，仲被當地嘅Tapas(餐前小食)深深吸引住，返到嚟香港後仍然相當回味‧‧‧今晚又同父母出動食好嘢，大家一致同意食西班牙菜，上網search search後搵到呢間新餐廳，大家叫左幾款美食一齊share，當中最深印象嘅Tapas有以下呢幾款：辣肉腸手指 $68外層炸到金黃色，賣相幾吸引，咬落去脆卜卜好香口鬆化，入面嘅餡熱辣辣有d鹹香，口感豐富，味道香濃，個個都趁熱爭住食。煎蟹肉餅 $98一碟有三件，外面煎得好香脆，入面嘅蟹肉都幾足料，蟹餅上面放左少少松子仁，令口感更有層次，我地都好鍾意點埋沙律醬一齊入口，特別滋味。風乾火腿配蜜瓜 $98我諗好多人都食過，火腿搭哈蜜瓜可以話係完美。極清甜嘅哈蜜瓜，咬落好爽脆，配上風乾火腿嘅咸香味，兩種食物嘅味道同口感都撞得唔錯，上檯無耐就被大家秒殺左。其他菜式無再影相luu，因為想同阿爸阿媽好好享受呢度既環境同美食，費事又被人話我成日掛住玩電話啦~食完呢餐之後阿媽已經即時話可以encore，一於嚟緊老豆生日再帶多d人過嚟食！…查看更多

呢幾個月勁多同事遞信，唔係話出面無乜景既咩？點解有人未搵到工都咁急住走既？真係唔明！今日又有同事last day，呢個都幾資深架，所以阿頭帶大家去食餐似樣d既。呢度環境完全感受到果份米芝蓮氣派，我地6個人點左超過10樣野。阿頭請梗係食豪D，一哥鮑魚酥賣相好似鮑魚蛋撻，lunch嘆鮑魚咪話唔豪！原隻南非吉品鮑放喺酥皮撻上面，口感軟腍，汁濃，有種膠質漿口嘅感覺，加上酥皮撻香脆，完全滿足狀態。燒賣皇既豬肉同蝦比例平均，所以食落彈牙飽滿。蝦餃大大隻漲卜卜，咬開薄皮，入面既餡幾鮮味亦煙韌爽滑。叉燒包熱辣辣夠鬆軟，睇到入面嘅餡料多到好似就嚟瀉，好味！肉絲炒麵夠乾身唔會過份油笠笠，食落香脆。仲有XO醬煎腸粉，金黃香口，都幾辣下，但又好想令人食落去。最後祝呢位同事有個更好既前景，唔知下次又輪到farewell邊個呢？唔會咁快輪到我卦？!…查看更多

成班舊同學聚會，六個入面有四個都係韓燒控，所以順利成章黎左呢度gathering。之前黎過既同學仔話一定要食護心豬肉，話係呢度招牌，因為每隻豬只得小量，講到咁勁？試過至知！燒過之後後肉味真係幾濃郁，口感相當豐厚，一定要點埋燒肉醬，勁勁勁好味。個個女仔都話怕肥，但又好想試下五花腩，所以唔敢揀厚切五花腩，只敢揀薄切五花腩，心理上好似好d，haha~脂肪分布平均，肉味甜，燒完之後油脂好香。海鮮感覺總係無咁邪惡，好似食多d d都唔怕，呢個鮮帶子大大粒好厚肉，燒至金黃色，口感煙韌，外香脆、內嫩滑。食完結論係：可以encore~~~…查看更多

好多公司已經係五天工作周，奈何本人星期六仍要返長短週，so sad!!!算，唯有拉住個同樣咁灰既同事黎呢度食得星期六先會有既豪lunch，$350一位，出左糧先得黎豪一次咋！話晒星期六都仲要返工，點可以虧待自己？呢個set lunch總共有4道菜：北海道野生帶子刺身→刺身級帶子好豐厚，肉質肥美，食落彈下彈下，夠鮮味夠甜。牛肝菌野菌忌廉濃湯→一睇就知個湯好濃味，菌香撲鼻，飲落滑溜，味道好豐富好多層次咁，即係足料囉。緬因州龍蝦配蟹肉龍蝦汁意大利飯→大大隻新鮮龍蝦肉放係面前，龍蝦肉下面係鮮甜蟹肉，Risotto充滿龍蝦汁味，完全值回票價。冰酒雪葩→將甜酒整成雪葩，啜下啜下相當清新，食完成個人refresh晒，又可以繼續返公司打仗。…查看更多

試左用鐵板上枱既特大牛排骨同LA牛排骨，店員幫我地將牛排剪碎，方便夾生菜入口食，旁邊既醬汁令牛肉食落更惹味，感覺更Juicy，牛排肉質都幾軟嫩，我最鍾意連埋洋葱加入生菜包內，增添口感！估不到係韓國餐店都能食美味牛排，令我呢位牛魔王好滿足！…查看更多

自問並非pizza迷，只是行經這裡聞到好濃的香焗氣味，就被深深吸引住，於是就跟朋友進來嘗嘗pasta又試試pizza吧！Arrabiata penne $92這個香辣茄醬長通粉是刺激味蕾的首選，香辣茄醬原來有「憤怒醬料」之稱，是由紅椒、蒜頭、番茄及橄欖油製成，所以這道菜嘗起來味道很澎湃，想來點重口味的朋友一定大愛。Crab meat penne $140蟹肉長通粉聽落以為比較啖口，但廚師巧妙地加入黑椒，頓時起了提味作用，蟹肉混入奶味香濃的白汁內，感覺更rich。Capricious $158食材非常豐富，包括蕃茄、mozzarella芝士、火腿、菇菌類、辣肉腸、甜椒及橄欖等，香脆的餅底上，每種材料各具獨特味道，合起來就是酸中帶甜、甜中帶辣，味道層次分明，平衡和諧。…查看更多

已經係第三次黎，上兩次係lunch，是日喺鰂魚涌同朋友小聚，諗起呢間餐廳，於是就上黎試呢度既dinner。西班牙白毛豬凱撒沙律 $93先黎一個開胃沙律，就咁凱撒沙律好似有D平凡，加25蚊就可以額外配煙三文魚或者西班牙白毛豬，我地揀左後者，呢款沙律口感非常清新，白毛豬帶鹹甘香，食到肉得黎感覺又唔會太oil。香煎三文魚及傳統南意式濃蕃茄汁意粉 $104主菜就點左個比較重口味既，不過食落又無想像中咁重，唔錯，醬汁濃郁得黎幾清新，意粉幾好咬口，最驚煮到勁淋！三文魚有肉香，配蕃茄汁好夾，三文魚份量都唔細。法國膏蟹肉扁意粉配蟹膏忌廉汁 $136以為膏蟹會蓋過哂忌廉汁，點知又幾協調喎，膏蟹愛好者一定好滿足，食得出用料新鮮，膏蟹肉肉質結實，扁意粉入口滑溜，又有嚼勁，加上蟹膏忌廉汁份量同味道都啱啱好，香而不膩，值得加分！紐約芝士餅 $48甜品叫左個紐約芝士餅，甜中帶香，作為豐盛大餐後既小甜點就最good，出品媲美酒店級數，筆者相當滿意。…查看更多

成班同事Happy Friday食lunch，有人建議黎呢度，我心諗：「你個邊爐精，洗唔洗連lunch都要大家陪你烚下烚下呀？！」黎到先發現，原來火鍋以外仲有其他唔少選擇嘅……一坐低，邊爐精同事就拉住另一位同事order左個午市火鍋套餐，可以喺豆腐清湯、沙嗲鴛鴦鍋、咸菜豬肚鍋之中揀一個，火鍋配料方面有Prime級美國肥牛片、炸響鈴、魚蛋拼盤、脆鯇魚片、珍珠蠔、鮮野菜籃同粉麵，每位$128(兩位起)，lunch黎講真係好鬼死豐富。唔食火鍋嘅朋友亦可以揀其他嘢，有同事點左個無骨海南雞套餐($68)，我就叫左個日式魚頭鍋套餐($68)，亦分別有人試枝竹斑頭腩飯($ 28)同清湯蘿蔔牛腩配白飯($38)。先講下自己個set，日式魚頭鍋昆布湯底入面有日式魚頭、豆腐、香菇、金菇、娃娃菜、蘿蔔，再配白飯、紅豆明月冰卷同熱柚子蜜。魚皮同魚頭食落好有膠質，魚湯飲到香濃嘅味噌、昆布同魚味，其實剩係食個鍋都飽左6、7成，臨尾歎埋個冰冰涼涼香甜柔軟嘅甜品紅豆明月冰卷，full晒！而叫左無骨海南雞套餐個同事就話雞件夠嫩滑，啖啖肉好滋味，配埋油飯、油菜、金銀菜豬肺湯、紅豆明月冰卷同熱柚子蜜，又係食到咀lam lam~至於叫左枝竹斑頭腩飯嘅同事話，呢個係男人的浪漫、豆腐火腩飯以外同系列選擇；食清湯蘿蔔牛腩配白飯果位同事就話，食到蘿蔔嘅原汁原味，牛腩軟稔鬆化，個湯幾清甜，自製成湯飯也不錯~…查看更多

放題食得多，通常感覺都只係一味大堆頭，認真好食既食物真係少之又少~黎到滿屋，最吸引最好味既，正正就係我地主打狂食既刺身，三文魚、甜蝦、帶子都好新鮮，最欣賞佢地砌得靚靚、冰鎮晒飄晒煙咁上枱，我見唔少人都會瘋狂比相機食先~講真放題好少會咁有心思，所以如果你自問係刺身迷，黎呢度狂食刺身，回本應該無難度~其他值得翻頭再食嘅心水食物有芝麻雞翼、芝士年糕、鐵板大蝦、榴蓮炸彈、焗廣島蠔、燒日本蕃薯仔、燒juicy菠蘿等。芝麻雞翼入口熱騰騰，皮脆肉嫩，芝士香令人食完一隻又再想食一隻；芝士年糕質地軟滑，中間夾著香濃美味嘅芝士，啖啖濃郁，帶來雙重口感享受；鐵板大蝦原味香煎，烤出BBQ的風味，簡單用海鹽同檸檬汁調味就已非常好味，蝦肉亦好彈牙爽口；榴蓮炸彈好少會喺放題店有得食，炸得香脆可口，榴槤香味濃；仲有漲卜卜嘅焗廣島蠔，蠔味濃得餘韻甚為悠長......甜品方面必食楊枝甘露同木糠布甸，仲有貴價瑞士名牌雪糕Movenpick！讚~~~…查看更多

有幾位外國朋友仔黎香港旅行，作為地膽當然唔少得帶佢地遊山玩水，仲好神心一早book定枱同佢地食餐好。知佢地想試食辣野，同埋想體驗下中華飲食文化精神，於是眾人同遊山頂後，我就帶左佢地黎三希樓，仲按我之前要求比左間vip房我地。呢度好古色古香既裝潢非常吸睛，令佢地好欣喜同興奮，之後我就order左幾道招牌菜比佢地試下，包括口水雞、水煮魚、樟茶鴨等等，食得出味道好正宗，用料都好靚，大家一邊傾計一邊狂食，非常盡興。口水雞用嘅香辛料層次豐富，麻同辣味都好平衡，唔會話其中一樣搶左另一樣，而雞件亦好嫩滑，食完真係會令人口水直流！同班外國朋友仔解釋呢道菜個名，佢地都覺得好funny~而水煮野生魚可以話係呢度必食嘅招牌菜，佢哋有幾種生猛活魚供客人選擇，例如東星斑、桂花魚同龍躉咁，我哋就揀左好滑身嘅桂花魚。入面嘅辣椒一D都唔簡單，有齊子彈椒、貴州椒、雲南椒同花椒，香、麻、辣味俱全，唔怪得有唔少名人同遊客都慕名而來啦！見班朋友食得咁滿意，就知道我既選擇係無錯既~ …查看更多

同班fd食完隔離間奶奶雞就過黎呢度排隊，雖然見到條長龍，不過啱啱食飽左又唔介意等下既，咪一邊排隊吹水一邊消化食物囉~入到去被安排上二樓，佢地裝修擺設都幾靚，令人感覺到好sweet~我地叫左幾款都係招牌甜品，檸檬忌廉班戟卷、綠茶窩夫、Creamy Chocolate朱古力慕絲、拿破崙、焦糖燉蛋等，d甜品賣相好靚，經過一輪瘋狂selfie後，大家開心share好盡情~檸檬忌廉班戟卷入面包咗檸檬吉士醬，索到陣陣檸檬清香，食落清甜醒胃，平時好少食到以檸檬做主角嘅甜品，所以好似特別受食客歡迎~綠茶窩夫嘅綠茶雪糕，綠茶味香濃，窩夫厚度適中，表面脆口、內層鬆軟，雪糕同窩夫一冷一熱，出奇地match~Creamy Chocolate朱古力慕絲，朱古力味好濃，朱古力控一定會大愛，慕絲亦好幼滑細緻~拿破崙嘅酥餅非常香脆，每層中間夾着軟滑吉士醬，入口好creamy，配埋旁邊嘅士多啤梨同雪糕，非常滿足~整體而言，一向係甜品控既朋友都覺得呢度既甜品水準幾平均，款款都唔錯，大家結論最like既係~~~creamy chocolate！…查看更多

我同女友都好怕迫人，所以成日都會周圍去搵d冷門少少既餐廳試食，既可增加情趣，亦係一個好好既拍拖活動！之前女友就喺salon整頭時無意中睇到八卦雜誌介紹呢間餐廳，於是特登從新界山長水遠過黎試~呢度既環境同情調都好浪漫，如果帶女朋友黎，佢可能會係樓下電梯口發你脾氣，但上到黎入到餐廳入面一定會成個冧晒，仲會讚你安排得好添~餐廳入面人唔多，所以都可以好好享受私人用餐空間，我地order左個火箭菜pizza同羊架，食物份量都好充足，味道相當有水準，價錢亦算合理，兩口子都好滿意~…查看更多

閒日夜晚黎食唔洗點等位，之前已聽朋友講話都幾大蜿，食lunch時已提我留定肚，有無咁誇張先？入到去我揀左最basic果款，另一半就揀左有芝士果款，麵既粗幼、油脂、芽菜、辣醬多少都可以自己揀~我地揀左一倍芽菜，上枱時真係大蜿到瀉，我見有人order雙倍芽菜，d芽菜同個麵底一樣咁多，感覺好似食兩個麵！我幾鍾意佢地粗麵既口感，叉燒好軟滑，湯底亦好惹味，值得一試~!…查看更多