chuk123454321的个人专页

我本身以前食開明將，幾十蚊就可以任食三文魚 壽司食到飽，真係你要幾多件就比幾多件你，只要三文魚唔會太差，我覺得好ok好底食，我上網睇左下介紹，就黎到呢間一心想試下佢個壽司任食有冇明將咁好，黎到差不多下午3點，我在門口望下個迴轉壽司果條迴轉帶已經係冇乜壽司，得返啲轉左幾百個圈都冇人會拎既壽司，我入左坐，見到咁情況，起身問人有冇三文魚壽司食，冇我就走啦咁講，佢地話師傅返黎整緊，咁我坐返埋位，再等一陣就真係出左幾碟三文魚壽司既，咁我立即搶左幾碟食先啦！味道同品質都係ok既，同明將一樣囉，但食左果幾碟之後就完全唔肯補三文魚壽司出黎，太孤寒，咁得返啲三文魚皮壽司係條帶度，我都唔係咁想食三文魚皮，又肥又冇魚味，不過都係三文魚，咁我就食埋佢，諗住條帶冇曬三文魚，佢會補返啲出黎啦，但唔會囉，整埋啲沙律，假飛魚子果啲，完全都唔肯補啲三文魚， 鰻魚壽司更加係成2個鐘頭食左成餐都冇見過半舊，成條帶都係果啲冇乜人想食既款式，燒烤果邊我就唔知佢啦，你話壽司任食果方面，我係不滿意既，我用同等價錢，去爭鮮買三文魚壽司，都起碼必定有20幾件以上既三文魚壽司比到我， 你如果係唔捨得比三文魚壽司人食既話，就唔好開所謂任食，你要我任食腐皮，海帶，罐頭吞拿魚沙律，罐頭粟米沙律，Big No No囉!你包得三文魚壽司，條帶冇你就要補啲比人食啦！你唔好成條帶都放白飯?…查看更多